[نافع التيمان]

لكل الحارات والأحياء الفقيرة الخدمات , الغنية النفوس , النابضة بالطيبة والذكريات , لتراب حارتنا المقدس ..

صباحك (مي ) حارتنا
يا أم الخير..
حارتنا..
جداراتك..
شخابيط الطفوله
ورفرفات طوير..

صباح الخير حارتنا
صباح البرد
بردانه ؟
صباح الشوق
ولهانه ؟
صباحك غير
صباح بيوت
تتبلل حوايطها
شتا وأمطار

صباح أحلى جدار
ومدرسه
وأطفال
وأستهبال
صباحك خير ..

صباحات الكسل ..
بعيون حرّاس المدارس
يا صباح أيوب ..


صباحك شمس تسألنا بشغف :
أحبابي كيف الحال ؟

صباحك (مي) ..
حارتنا يا أحلى حي

صباحك (مي) ..
صباح "خاص"

صباح الهايم اللي من تقاسمنا السهر
للحين ..
واقف ..
يحتري بالباص ..
صباح أخر رساله ..
مع (مها ) راحت
كتبناها بقلم رصاص ..


صباح الشاكي اللي قال :
عيوني وسْن واستعطف
صباباتي شجن وهبال ..
صباباته ..
محاها الوقت .

صباحاتك مثل حالي مع (نواف)
نروح لآخر الحاره
نراقب (مي)
ونتطمن عليها لين نتأكد
خذاها الباص .
صباح الفقر حارتنا
صباح العيشه المرتاحه المنزوعة الآمال
صباح الغايبين الحاضرين اللي غلاهم يستبيح الحال
صباح أحلى وهج شمس تعرفنا كيف ندري هناك منّا نفوس تتثاقل خطاوينا .. أمانينا .. مآسينا .. أغانينا ..
ولا ع البال ..
صباحك خير حارتنا
صباحك غير


صباح الصدق
صباح أطهر عبث أطفال ..

يـــ / حارتنا ..
صباحك نور ..يتسلل ..
وليلك سور ..
صباحك غير حارتنا ..
أعرفه زين ..

صباح "محيسن الـــ طيّب .. وأخوه حسين .."

صباح الشارع اللي من ثمان سنين
مافتتحوه لين الحين ..!

صباح أطهر غلا مكتوب بالقوسين ..!


صباحك غير حارتنا
صباحك خير ..!