يا بو العصا والتـاج .. عذرا للإزعاج
صارت مواضـيعك تعكر مزاجي
عندك كسر في القافية .. ليش الإحراج
والـشعر لمّا يطيح .. بيته زجاجي !!
وآنا زجاجي ما انكسر .. يخلطه عاج
صقلته فـ قمة حدوث إندماجي
عندي قـصايد ناصعه مثـل الأمواج
ما هي .. بإرهاصة ( تـسلق مفاجي)
ياللي تظن الموهبة (حذف) و (إدراج)
إش جاب رطن (عبيد) لابداع (ناجي) !!
إش فايدة (حبرك) اذا كان الانتــــاج
يحمل مع حروفه خلاصـة نــتـــاجـي !!
ذنـبي عطيـتك من قـنـاديلي سراج
وأوصـيتك : "أوقدها فيوم احتياجـي"
مشكور .. ربي لا يجيبك لمحتاج
ياللي سرقت من العيون ابتهاجي