ليل التمادي
من حطام الذاكرة و الواقع الاكثر غرابة
لـ الحنين اللي تمرجح بين عينك و الايادي
لـ الامان اللي احسه كل ماشفت السحابة
لـ الطريق اللي يوديني على شارع بلادي
عن سؤالٍ لين هذا اليوم ما اقنعني جوابه
عن غموض الوقت و الاحلام عن غصة فؤادي
قلت ابخرج من مكان ممتلي حزن و كآبة
و اتماهى مع كفوف الريح عن عتمة سوادي
و اعبر الدرب العتيم اللي من اول كنت اهابه
لين يغتال الضياء ظلماك يا ليل التمادي
يمكن القى لـ السؤال اللي محيرني اجابة
و اتحرر و ارتحل و احيا و اهيم بكل وادي
لانك اكثر شخص كنت اخاف جداً من غيابه
و اكثر اكثر شخص كان يقول منت انسان عادي