وانتي تدري ..!والجمال ..
اللي سكن عينك وقال:
( ايه احبَّك بس تعال)
خايف اجتاحك ولا ...
يبقى لباقينا ظلال
اللي بقلبي لك عدد قطر المطر
اللي بقلبي لك غدى كبر السما
ماهمني من كان او ممكن يكون
يا ( نون ) معجون بجنون
اللي اعرفه ان حسنك ماحصل
ماسه وسط كل الرمال
بس خايف اجتاحك ولا ...
يبقى لباقينا ظلال
...
هاتي اغانيك القديمه كلها
واللي حواها من نشاز
بدوزن اللي خانته الأوتار
واحيي لحنها
كل الكسور اللي بحروفك تنجبر
حتى ولو مل الصبر
عندي نفس يعقوب
وهدوء الجبال
بس خايف اجتاحك ولا
يبقى لباقينا ظلال