♦♦ امسح الماضي♦♦
ياعسى رحلتك في عمرك سلام
مايباري عمرك الباقي شقا
امسح الماضي ولو انه حرام
لأجل تسعد من حياتك ما بقا
خذ قرارك في حياتك باهتمام
ماعلى نفسك تجاملني هقا
مايدوم العمر لو الحب دام
كم حبيب(ن)مع حبيبه مالتقا
مابعد فرقاك يالغالي كلام
دامها جتني على وضح النقا
ليت قلبي ماعرف طعم الغرام
وليت قلبي ماتعجل و انتقا
صاحبي لوخانني والوقت ظام
ماتزيد انفوسنا غير ارتقا
نحفظ العشره ويبقى الاحترام
بيننا محفوظ مثل الأصدقا
بقلمي
العياضي