[أحمد بن هادي]

ياللي تحبيني ياللي تحبـّيني وحبـّك دفنتيه *** داخل ليالي الصمت ِ داخل مغاره كنـّه جريمه أو مصيبه تخبـّيه *** أو كنـّها مزحه وتبغي الإثاره وشـ فايده ان كان ِ لي ما حكيتيه *** وانعم بوصلك ياعذابَ الحياره ياللي عيونك لي أمل كم معنـّيه *** قلبي فراقك .. والليالي سهاره ليه الجفا وانتي فؤادي خذيتيه *** واصبحت ِ هايم والعشقْ لي أماره مهما أداري في هواكي ألا قيه *** واضح وباين بل وسيعَ انتشاره تظهر وصوفه في كياني وتبريه *** تحكي كلامي في سكوتي جداره يعني قهر أو هوْ رضا هيْ بتحكيه *** وانا بلا حيله كـجنـّدي الخفاره طايع وضايع في غرامك ملبـّيه *** يحكم عليْ وانا برهنَ الاشاره اسهر لوحدي والشعرْ ما أغنـّيه *** هوْ من يغنـّيني ويكتب حواره يكتب كلامن لو لمرّه سمعتيه *** والله دموعك تنهمر في غزاره يكتب ملامح حزنها ما قريتيه *** يبكي على حالي وشرخ انكساره قسوة زمن .. لوعه غريبه تغشـّيه *** دنيا عنيده عابسه كالحجاره تاخذ ولا تعطي وقدري تدنـّيه *** وانا صمودي ضدّها في جساره تلعن شموخي حقدها ما تخلـّيه *** لكن تبوء التافهه بالخساره وآخر سطوره لاكتب ما يثنـّيه *** وضعي معَ الأحباب ِ يبكي حراره يكتب همومي في سطورَ العنى ليه .؟ *** ام كيفَ من حتـّى .. وهذا اختصاره يعني عذابي حيرتن والقهر فيه *** عاشق ومغرم والهوى له ضراره ياغاليه تغلي ودادي وترجيه *** والمشكله في هجـْرها .. واعتذاره عيبَ الغلا لو هوْ سكوتن وتنبيه *** ماهو غلا يصبح .. ويفقد وقاره ياللي تحبـّيني وحبـّك تظنـّيه *** يسعد حياتي للأسف هوْ مراره حيره وغيره والهجر مرْ شرعتيه *** حسبي على هجرك قتلني قراره وشـ فايده من حبِّ أخرس بديتيه *** تايه وتوّهنا وتايه مداره دربَ المحبـّه يالغلا لو جهلتيه *** عندي وصوفه واسمعي هالعباره الحبِّ ماهو للتسالي تحبـّيه *** لا .. لا ولا هوْ مظهرن أو شطاره واللي تشوفه لعبتن بسْ وترفيه *** بكره عليها الدّور ِ تصلى بناره والحبَّ ماهو حيرتن لا .. وتسفيه *** أو هوْ سوالف طفلتن في خواره الحبِّ رحمه تضحيه لو بغيتيه *** ماهو جفا لا .. لا وماهو حقاره فيه الوفا حاضر وغايب .. تعيشـّيه *** فيه الأمل فيه الرضا والبشاره فيهَ العطا فيهَ الهنى لو نصفـّيه *** يالله عسى وصلك يجيني نهاره كافي دخيلك لا يفوتَ العمر تيه *** مابين ِ كلمه وانتظارَ الزياره جودي بوصلك والحبيّب تهنـّيه *** يمكن وصالك يشعل الضو بداره أو احفري قبري دخيلك وسمـّيه *** قبرَ الحبيب َ اللي ذبحته مهاره \ \ يا غايبه طوّل غيابك والمحبّه تلاقي .