[محمد السالم]

[POEM="font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]



يا معشّم الاشعار في وعد وصلك = ينساب شِعري كل مامر طاريك

شفني على بيض الورق منتثر لك = كُل الزوايا في خفوقي تناجيك

أتخيلك فنجال ثم انسكب لك = قلبي وروحي والقصائد تجي فيك

ضاعت جهاتي شوف لي منك مسلك = وأنته عليم بواقعي يا محاكيك

يضيع ليلي في دياجير نجّلك ! = لا ضاع ليلي ضعت من دون تشكيك

تنزف جروحي من تضراس نُصلك = عفريت هجرك في غيابك مجريك

تطول عني غيبتك وانجرف لك = ترجع وتلقاني على حطة يديك

طال النوى غيثارتي تنتحب لك = تتخيلك شِعري وتبدأ تغنيك

ماني بحانث لوّ لساني حلف لك = حتى قلم جيبي من الهجر يشكيك

يا هوه اصّدق فيك ولا اهرف لك = ياهوه اخشى مقبل الوقت يغديك

لا تامن الايام في مد حبلك = شفّ حالتي غاوي وأنا كُنت مغويك [/POEM]