اقتباس:
المشاركة الأصلية كتبت بواسطة سعد مسهوج
وشلون أبحكي لك عن هموم دنياي
واليأس حّطم مـا بقـى بأمنياتـي
لو جيت أبشرح لك بالأبيات بلواي
ما أضن تكفي للشعـر مفرداتـي
الهم عذبني ولا ادري وش الـرأي
همي أنولد يوم انولـدت بحياتـي
الحزن أصبح مثل ظلي لممشـاي
وصرت الشظايا للشعر في شتاتـي
لا ضاقت الدنيا على الله شكـواي
ارجي سوات الله ولا ارجي سواتي
اعزف همومي مثل مايعزف الناي
لأثارت أحزاني عزفـت أغنياتـي
عندي أمل باللي من أيامنـا جـاي
وادعي لرب الكون عقب ألصلاتـي
يرسم لي البسمة على قمة شفاي
وارسم فرح عمري بضحكة شفاتي
عجزت أدور بين الأوجاع سلـواي
كن الحزن متأصل ٍ وسـط ذاتـي
شقيت ثوب الهم والبسني اشقـاي
وخيطت ثوبي بالصبر في سكاتـي
ضايع بدربي وكني مجبور بخطاي
واليأس وأحزاني وهمـي جهاتـي
جيتك وأنا اشكي ياعسى بيدك دواي
مليت من دنيـا ً تباهـى بعناتـي
جيتك وهمي محتضن وقت دنيـاي
صابر بذكرى ضحكتـك ياغلاتـي
لو جيت أبشرح لك بالأبيات طرياي
ما أظن يجمـع الـورق ذكرياتـي
عبدالله العنزي
هلاااا وغلاااااا
اولا ..
لك القلب يا عبدالله
وثانيا انت رائع
دمت بهكذا ابداع
اخوك
سعد
|
هلا بكـ يابو مسـهوج ..
يشـرفنـي يا غلايـا تواجـدكـ .. الدائـم
ويهـمـنـي وجودكـ ..
لـكـ آحــترامي ..