بنت المطر ترقص على صدر غيمة
خلخالها برق وسحابة أماني
تسلّلت مثل الحكايا القديمة
اللي جمعتنا حول نار ومعاني
ملاكها، جرح النوايا السليمة
شيطانها، فكرة تمرّ بثواني
له تاقف اوراقي وقار وحشيمة
له ينحني ضلعي وظهر الأغاني
لا روّحت لي عاصفتها عظيمة
وان غادرت تترك وراها مباني
هي اللي اعطت للورق كلّ قيمة
هي اللي اثرت دندنات الغواني
هبوبها يٌكتب تحت ظلّ غيمة
وانا كتبت حروفها بامتحاني
---------------