كَعْب اَخِيْل !!
 

[POEM="font="Arial,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بالعزيمه يسهل الصعب وينال= وبالإراده مايظل الليل ليل
خذ أكيد العلم من باب المثال=غطرسة من غاص فبحور الخليل
كنت رابع للثلاثات المحال=لين ماسرب غروري كعب اخيل
وانطعنت بخنجر عيون كحال=واندفنت بإثمد الطرف الكحيل
مادريت ان الشتا قلب السعال=ولا نسيت إن النسا الدرب الطويل
شفت شمسي جرها خيط الزوال=يوم ليلي درب افواج الفصيل
الحصى يبني من الكثره جبال=والسعاير من شرارات الفتيل
مايدوي بالقلوب إلا الوصال= ولايبيض جبهة الليل الأصيل
ومايقسي رقة الورد الدلال=ولاتهز الريح وقفات النخيل
والجهات أربع ولكن هالشمال=يعشقنه بوصلات ابن السبيل
واليمين ان ماتقوت بالشمال=ماتجر إلا المذله والعويل
التجارب نبت صلب الاحتمال=والترايب قسوة الهم الثقيل
والشجاعه ماتجي بالإحتمال=تنولد من تحت شلال الصليل
الهوى حطم متاريس الرجال=ياكثر ماخر فارسهم عليل
لا تغلغل مامعه ذرة مجال=مايقدر لاغزا الشيخ الجليل
بسيله الجارف جيوش الاحتلال=وعزتي للي سكن درب المسيل
قدر الله مدة أيام الفصال=في كتابه واحفظ آيات الدليل
أفطميني وانتي بنية حلال=واتركيني أنتشي لذ المقيل
ودام قلبي بيت وطعونك خلال=مايهمه دامك الظل الظليل
أدري أنك آيه لرمز الجمال=وعنوةٍ عني سكنتي بالشليل
استقريتي بقلبي والخيال=مثلما الدينار بحساب البخيل
انهزمت بفتنة السحر الحلال=وجاريٍ تحليل بصمات العميل
وينكشف تفسير عنوان السؤال= من همس لك أن قلبي كعب أخيل؟؟؟
أقتنعت أن المحال ابن المحال=يكسره إصرار عشق المستحيل[/POEM]

الله..الله..الله.

عليك يا مليح ...

مبدع يا ابن العم ..

دمت لشعر..علم.

تقديري واحترامي

الغاليه


غنج نجد


اهلا بهذا المرور المخملي الانيق


الذي لبس متصفحي احلى الحلل وانفس الدرر



لاعدمت وجودك


دمتي بوووود