ياقـلــب ..!
 

[POEM="font="Simplified Arabic,6,black,bold,italic" bkcolor="transparent" bkimage="" border="none,4,gray" type=0 line=1 align=center use=ex num="0,black""]ماجيت اسولف عن اللي ضاع من عمري=لكن لفى مايلج الصدر من كثره


شيٍ عجزت أكتبه .. ماغاب عن فكري=من وين اببدى وانا ماعاد بي قدره


سنتين والقاف ماوالله طرق شعري=وغيبت نفسي عن اللي غثني شعره


في حزن عادي يجي .. ويغيب مايغري= وفي حزن يبقى بوسط القلب من كبره


ياقلب..! مالك خوي لو ضاق بك صدري=مبطي وعشيري اخبره ضاق بي صدره


لي صاحبٍ كنت اضنه فـ الزحم ذخري=ليا ضقت جاني من اقصاه وحذف عمره


كنت افتخر به واقول ان الزمن كبري= وماكان غيره يفز القلب من ذكره


ياليل.. حظي ردي خابره من صغري=والا انت اشوفك سواد قلوب منتثره


عاد اسمع العلم دام ان الخطى مقري=مايحني الراس غير اللي رفع قدره


تحمد الله رضيت ولو قضى صبري..؟ =العالم الله بساعتها وش الدبره ..؟[/POEM]




شعر / فرج بن عبدالهادي

فرج جزاه الله خير الي رجعك للشعر

مثلك يا اخي مايحتجب عن الشعر

اذا احتجبت هذه الاقلام تكون خسارة على الشعر وخسارة لنا


لا نسامحك بإن تتوقف مرة اخرى

نريد نستمتع بهذا الشعر الذي يستحق بإن يقال له شعر