وش اخباري
 

تحية من القلب
من مايو من الزهرة من اعلى ابراج السلام في روح هذا الشاب
بباقة اعتذار عن هذا الغياب


اصافحكم بتغريدة
(وش اخباري )

بعد ما ينتصف عمرك وتستوعب غيابي زين
‏بعد ماتصحي جروحك على فرقاي تبكيني
‏وياخذك العقل لحظة بعد كذب الغرور سنين
‏ وتسأل ليلتك عني : دخيلك عاد ناسيني
‏تذكرني بكاني يوم وش اخباره وقلي وين
‏ابي القى طريق لشوفته يالارض دليني
وش اخباري ! ولا صوتي يرد ولا تمرك عين
‏ ولا تسمع دقيقة صمت لو الصمت يعنيني
‏ تبي تبكي زحام الظلم في لحظة بدون ايدين
‏ من العجز الكبير الله حرمك اتصافح ايديني
‏ انا الي خانت سنينه ظلمه الوقت جور وبين
‏ وتحملت الاسى مُثقل ولا كسبوا معاديني
‏ انا الي جرب الدنيا صبر يدعي يارب امين
‏ اذا هزه من الدنيا لجا يارب تعفيني
‏ انا الي يعفي با اسف ويبكي عبرة المسكين
‏ انا اقسى من خذا حقه قبل لا السهم يرميني
‏ انا طفل انكسر صمته بعد ماشاف زين وشين
‏ انا كهل بشبابي :بس ما تضمى بساتيني

‏

عتبٌ ممتلىءٌ بغضبِ خذلانٍ قائم..
لله درّ الشعور وما يُلهم

لقلبك السلامة والسلام~

..


الله الله
كل بيت تشعر به وهو نابع من القلب
أو ترجمة لقصة حقيقيهاتعبت القلب ..
صح لسانك يالشاعر

أبيات ولا أجمل قريحة شعرية متألقة والزميل عبد الله البطي

تحيتي