..
ليلة روت دمعها..روضة محاجرها
وقفت تـشحد خفوقي..كف شرياني
حتى جلا وجهها..داجي ضفايرها
وأنا أكرب ضلوع صدري..فوق بركاني
دروبها لو توصلها..مسافرها
سافرتها..بين مطرقتي وسنداني
بنت ٍ بحرف النجم..زانت دفاترها
ماتت من الشوق..بغيابي تحراني
لقيتها..بعد أنا ماأيست أدورها
مدري لقتني..بَعَد ماضاع عنواني!!
/
\
/
من كثر خوفي عليها..ضااااع شاعرها
حتى عليّه كذبت..وخنت وجداني!!
لو مؤمن ظنونها..يغتال كافرها
ماقالت لـ روحها..سافر على شاني
/
\
/
حاولت..أنا أخسر حياتي بس ماأخسرها
حتى خسرت الحياة..وصدرها الحاني
ضحيت في كل شيء ٍ..لجل خاطرها
أحاول أشري براحتها..عنا أحزاني
/
\
/
صديت عنها..وعين القلب تسبرها
لعلها مع مرور الوقت..تنساني!؟!
.

*

هَجّاج : هَدّاج شِعْر..
وَ ثَجَّاج شُعور..
يكتب القصيدة كأنّهُ ينزفها..
وينزفها وكأنّهُ يعزفها.