/

مساؤكم بنكهة المطر والزهر

:

هذه مشاركتي .. في المرحلة التمهيدية لمسابقة شاعر الملك في قناة المرقاب
التي تأهلت بعدها للمرحلة الثانية ...

أتمنى أن ترتقي لذائقتكم
ولاتسألوني عن ربكة الحضور والظهور الأول في حياتي : )

:

:

:

:

:

البارحة شعري تسابق جياده =وانا سريت الليل كله .. أرددك
ياملبّس رقبة القصيدة قلاده =واغلى قلاده .. لانها من قلايدك
اسمك يابو متعب لو الحرف ساده=يذوب سكر فالقصيدة .. وازودك
كل المكارم فيك ورثٍ وعاده=ورثتها لين اصبحت من عوايدك
تواضعك .. يلغي مسمّى السياده=مافيه غير الله سيّد .. وسيّدك
تخاف ربك يوم تحكم عباده=يكفيك ماتسمح بتقبيلهم .. يدك
طيبة وهيبة .. كبرياء وإراده=قوة تتوّه .. من يفكر يعاندك
صدق.. وشفافية.. وحلم.. وركاده=وجدتها متواجدة في تواجدك
شامخ ولاتحتاج منا شهاده=افعالك اللي ترفع الراس شاهدك
اكبر من انك تستحق الإشادة=واعظم من انك تنتظر من يمجدك
في غيبتك جرحٍ .. تعذر ضماده=وفي عودتك فرحٍ .. على وجه فاقدك
شعبك يحبك كل يوم بزياده=اقول ماشاء الله .. ماودي احسدك
يوم الفتيل اُشعِل بقدحة زناده=حنا على حطة يدينك .. نساندك
تظاهروا مليون ضد القياده=وحنا تكاتفنا ملايين .. نيـّدك
ياللي زرعت الدار خير وسعاده=الله يطوّل في سنينك ويسعدك

:

بساطتك مليئة بالبلاغه يا اخوي نايف
نص فعلا ً جميل كنت شاهدت آخر أبياته على القناة مباشرة وكنت حزين لأني لم يتثنا لي مشاهدته كاملا ً وهاهي الظروف تأتيني به كاملا ً مكملاً
شاعر عذب إلى أبعد مدى أتمنا لك التوفيق ياشاعر الملك

شاعرنا القدير والراااقي جداً ماجد العيد
يشرفني ويسعدني حضورك وتعليقك

كل الشكرررر


.