شقّيت لك صدري / صوتية - مصافحة أولى
 

[poem=font=",6,white,bold,normal" bkcolor="black" bkimage="" border="double,7,black" type=2 line=0 align=center use=ex num="0,black""]
كانك تبي تعرف حبيبي غلاتك=باشقّ لك صدري كرامة واوريك
تبغى علومك ؟ ذي علومك وجاتك=بخير عايش في خفوق ٍ يداريك
فيه الغلا لحافك وشوقه مباتك =نام و تطمن مابه احدن حواليك
الجو ماطر فيه وازهر نباتك=يسقيه من طهر السّحايب و يسقيك
يسقيك حب ٍ وانت يالروح هاتك=هاتك تبيه العمر كله ونا ابيك
القلب يعشب حبّ لاحمت وطاتك=ويقفز جبل لو جات ريح ٍ لا راضيك
قلبي حِماك ودمّ قلبي حُماتك=اسرح وامرح يالغلا في بواديك
ارقّ الرّجوم ومن ضلوعي عصاتك=وعروق جسمي لك قصيدٍ يسلّيك
مابه سواك وشور عقلي . حلاتك=ما تمرّك الضيقة وروحي بكفّيك
بنيت لك قلبي وطن من صفاتك=محمي , عزيز , وشامخ ٍ شوف عينيك
لك مملكة ما كنّه إلا سماتك=طهر وْ وفاء عمَّر بيدينه مبانيك
ياللي فلا ذات ٍ مثل طيْب ذاتك=ماهو بنا مْزكيك , ربّي مزكيك
قلبي فنالك ثم حيابك وماتك=وعوّد حيا ثم مات ثمِّن حيا فيك
اعطيت لك قلبي مسوي , سواتك=وعمري عسى انّه بس ياليت يكفيك
لله درّك حافظ ٍ لك وصاتك =ولا أنت ما يحتاج باذن الله اوصّيك
ادعي بصلاتي لك . وتدع ِ بصلاتك=يرضى علي الله والله يرضيك
و يزيدك الحسنات , أو سيّئاتك=اكبر خطاياك الطهر في مواضيك
لا مرّني طيفك من اربع جهاتك=تضحك لي الدّنيا ونا معْك أحاكيك
اشمّ روحك وآتحلوا حلاتك=وراسك على صدري اضمّه وادّفيك
ويلا ذكرت الموت يطري شتاتك=ابكيك ويالله يا عساني فلا ابكيك
ابغيك بالدنيا غناتي غناتك=والجنّة ابغى ادخل لها ممسك ايديك
إن متّ قبلك بس عطني عباتك=ايّات شيء ٍ منْك لا صرت ما اجيك
وإن متّ قبلي متّ انا مع وفاتك=بنزل معك للموت حالف ما اخليك
بغيت تعرف يا حبيبي غلاتك=وشقّيت لك صدري علشان اوريك[/poem]

يامرحبا يامرحبا يامرحبا
بالشعر وماجد الشعر
والله ياماجد ان القاءك شعر

صح لسان الشعر بك

ماجد

الله عليك يامبدع نص شاهق كـ : صاحبه

لله درك وصح كلك

دمت بود