منتديات أبعاد أدبية

منتديات أبعاد أدبية (https://www.ab33ad.com/vb/index.php)
-   أبعاد الشعر الشعبي (https://www.ab33ad.com/vb/forumdisplay.php?f=3)
-   -   وطنيتين .. في امسية الاردن (https://www.ab33ad.com/vb/showthread.php?t=23512)

أمجد الدبيسي 04-21-2010 05:50 PM

وطنيتين .. في امسية الاردن
 

السلام عليكم ورحمة الله وبركاته

وطنيتين ألقيتها بامسيه اقيمة بجامعة مؤته بالاردن

وهو حفل الطلبه السعوديين يوم الثلثاء 19/4/2010


(الهواشم)

[poem=font="traditional arabic,6,firebrick,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جتني القصايد لاجل الاردن مغابيش=في صبح غير وطلته كلها خير
ماكنها إلا بالمحبه مطاريش=لا يالهواشم طيبكم غير في غير
واخص عبدالله بلا ليه او ليش=هذاك حرٍ مالفاه اي تقصير
في هدته ياقع من براسه الريش=حر المدا ماني بقايل كما الطير
جلالته اكبر من مداعب الطيش=ترقى سماه العزه بدون تبرير
والامن وافي والسّطر يسكن الجيش=والشعب مكسب بالليال المعاسير
علمٍ اشوفه مالفاني بتغشيش=في شوفهم ماتشتكي ضيقة عصير
ماتشتكي ياكود ناسٍ دراويش=اللي هواهم ضحكه لنافخ الكير
خوالنا عزٍ لنا بدون بخشيش=وفرقا الاهل ياناس والله مخاسير
بعطيكوا علمٍ مالفاه اي تهميش=الاردني هو والسعودي مخاشير
ديارنا وحده ونتقاسم العيش=مافيه لاحدٍ ولابه معايير
وان كان شفتوا فيه مركز وتفتيش=هذاك تنظيم المحبه مع السير
ومدام جتني هالقصايد مغابيش=مساكم الله ياهل الحفل بالخير[/poem]


(رهن ابو متعب)


[poem=font="traditional arabic,6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صاح الجنوب وردد الشعب لبيه=وجينا بكف الموت نلطم عدانا
مانعرف إلا من تطاول بنعميه=وهذي طبوع الكل ماهو حدانا
حنّا الحرار ومخلب الشر نبديه=لاثارت الهيّه وهذا لقانا
ياما نخانا الغير والغير نحميه=وش عاد يالحوثي وقالوا لفانا
حنا لهيب النار والميت نحييه=حنا نسوق الموت لاخر مدانا
هذا وطنا اللي علينا نبديه=ولعيون شعب المملكه ما انتفانا
كْبارنا واصغارنا من عوافيه=وفي رهن ابو متعب إلى من نخانا
تثور النفوس وبارد الوقت نصليه=لحماية ارض الدين نبعه ولانا
كل القبايل يوم صفت تناديه=هذا الملك وتقول وشهو ورانا
اشر ياعبدالله عدوّك نوطيه=اشر وحنا باللقا ما انتوانا
اشّر نبين من سطرنا خوافيه=اشّر ترى حبك وعزمك عطانا
خذنا رجل واحد وهالحرب ننهيه=ترى الشهاده غايةٍ في هوانا
كم من شهيدٍ راح وكلٍ يهنيه=مسكانه الجنه وبيّح خفانا
باب الجهاد إليا انفتح مانخليه=فينا مرض سطوه ودربه دوانا
تكفى يا ابومتعب مرضنا تداويه=تكفى يا ابومتعب تعانق منانا
والله ثم والله والله نحميه=الكون كله لو تبي من عمانا
صاح الجنوب وردد الكل لبيه=وجينا بكف الموت نلطم عدانا[/poem]


محبكم
امجد الدبيسي

فهد الغبين 04-21-2010 05:57 PM

الغالي أمجد


صح السانك ولاهنت


دمت بود

وديع الأحمدي 04-21-2010 10:47 PM


جميل يا أمجد ,
من الأردن إلى المملكة , قلوب غنّاء

كل الود


تحاياي

خلف المهيلان 04-22-2010 04:34 PM

/امجد نص خارج من القلب من كريم لمن هواهلـ ٍ لثناء مبدع كل الود والورد لهذا الحب والوفاء

أمجد الدبيسي 04-23-2010 03:37 PM

اقتباس:

المشاركة الأصلية كتبت بواسطة فهد الغبين (المشاركة 631815)
الغالي أمجد


صح السانك ولاهنت


دمت بود

ياهلابك فهد

صح كلك وسلم راسك

احترامي

نواف بن جارالله المالكي 04-23-2010 04:04 PM

امجد

نصااااااااااان فيهماديارنا وحـده ونتقاسـم العيـش


كثير من الشعر

سلمت ملايين

ديارنا وحـده ونتقاسـم العيـش
مافيـه لاحـدٍ ولابـه معايـيـر
وان كان شفتوا فيه مركز وتفتيش
هذاك تنظيم المحبـه مـع السيـر


ياسلاااااااااام

ماأجمل الشعر حين يطمس الشروخ في سنديان الامه

ويعطي بعض الامل للوقوف مجدداً امام باب العنبريه .

شكرا ياامجد.

أمجد الدبيسي 04-24-2010 04:57 PM

اقتباس:

المشاركة الأصلية كتبت بواسطة وديع الأحمدي (المشاركة 631889)

جميل يا أمجد ,
من الأردن إلى المملكة , قلوب غنّاء

كل الود


تحاياي

اهلين ومرحبتين بالغالي وديع
الجميل هو قلبك النيّر
احترامي

فاطمة ناصر 04-24-2010 05:05 PM


أطربتني بوطني فَ انْتشيْتُ بِ ألق
أنيقٌ و كثيراً الشعر هُنا وحتى آخر بُعد السماء..!
ممتنه لك وكثيراً .. دمت بِ ألقْ [ :34:


الساعة الآن 08:15 AM

Powered by vBulletin® Copyright ©2000 - 2025, Jelsoft Enterprises Ltd.