دهشـــــــــــه (:)
 

[poem="font="simplified arabic,5,red,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black""] تزاحم داخل احساس الشعور المنغمر دهشه=وملامح تشبه الي تقلقه واخفي ملامحها
وادور عن مخارج صلصله شلال اونقشه=وسكر كل ثغرن يرسم الاحزان وامسحها
قبل ماالياس يغتال الامل بكفانه ونعشه=نفثت بروحي الا صرار لاجل النفس اسامحها
جلدت الذات مافيه الكفايه والحزن نهشه=يفوق انياب سطواته خطايا الي لو ادمحها
عميق الجرح لاجا يندمل بالوقت جا نبشه=من أقرب عرق من دمي وناسن مااقدراجرحها
تعال إنفث بصدري نسمتك يابارد الغبشه=تنفس يافجر عطر الغلا بالصدر وانفحها
وصورلي ملامح وجهها لابش بالرعشه=وتخالط بالبياض ومشرقه لاجيت اصافحها
تفرعن ياخشوع النور وكل اوصافها اغشه=وإذا فجرالشروق تزعله خله يصالحها
وسر الانتماء بين الزهر والنور روح وأفشه=على سمع الرذاذ المنهمر والي يريحها
وكثف من بحر شط العذوبه غيم والا إنشه=من إنفاس البخور إلى إنفث من نقش مشلحها
وسمع حسنها جلف العذل والحاسد وطرشه=وقله عن تباهي فكرتي من قبل إنقحها
يسولفها الشعر للقرشي ثم تنكسرغرشه=ويفوح العود بادراج المخازن تقل يلمحها
خلقها من جعل كون الحلا تجلس على عرشه=وماهي والله بحاجه للشعر من شان يمدحها
وجمال خدودها ماهومن ادوات او ورشه=وبشرت وجهها زينه حقيقي من تفتحها[/poem]

فعلاً دهشه ياخلف

قصيدة اكثر من رائعه وشعر شعر مذهل

تفرعن ياخشوع النور وكل اوصافهـا اغشـه .... وإذا فجرالشـروق تزعلـه خلـه يصالحهـا

وهنا الدهشه تغمر الموقف يا خلف صورة من البياض الى البياض وكون المسامحه لا تسمح بغير المصالحه

اتيت بالنور لتصافح النور ..

صح لسانك ...

تحياتي وتقديري

عميق الجرح لا جا يندمل بالوقت جا نبشه----من اقرب عرق من دمي وناسٍ ما اقدر اجرحها



خلف


مدري شقول ...



نص اكبر من التعليق ..



تحياتي وتقديري


لا يكتبه الا شاعر متمكن



صح لسانك وكلك

خلف المهيلان

ومهما تتزاحم تلك الدهشه داخل احساس الشعور تستطيع اخفاء ملامحها لكنها تنبعث هنا بين السطور

لتثير الدهشه حول هذا النص الاكثر من رائع.

مودتي