عطني من الليل !
 

[poem="font="arabic transparent,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياباكي الحرف / تشكي لي .. معاناتك= شكيت / من قبل.. ما أشكي لك .. معاناتي
رسم الحزن بان/ في مكسور .. نظراتك = زوّدت من زايد الونات / وناتي
يا ساهر الليل / لو ركب الهناء ..فاتك = قبلك على ضامري / ركب الهناء.. فاتي
عطني من الليل / ضحكة فجر .. بشفاتك = وأعطيك روحي / وكل الصدق .. بشفاتي
ياللي حرمت الندى / قطرك .. وهمساتك = لاتتعب الليل / يمضي همْ .. وآهاتي
الجرح لوطال / داو الجرح بسكاتك = ياما وياما / طعنت الجرح بسكاتي
ماكل من قال أحبك / حبك .. لذاتك = وماكل من قال أموت / بفتنتك .. ماتي
قوم انفض الهمْ /وأنسا جرح .. مأسآتك = وأضحك لعل الفرج / بالمقبله ..ياتي
لو تطلب الروح مني / قلت لك .. جاتك = لوعات روحك / تراها هي لوعاتي

[/poem]

أحساس عالي

وشعر صادق

وأمل إيماني


هذا هو

أبو سعود يأتي مختلف دائما


سلّم لي عليك يا بو سعود

فالشعر معك طعمه غير

عبدالعزيز ناصر تعلوالمسيقى فيه
ممتع دايم
ودي لك ياعذب

[/quote]

.
.
عبدالعزيز ..

تحضر لـ تسوق الشعر كـ رغيف ساخن شهي
المذاق ..!
.
.


انت يعني الشعر ..!
.
.


دمت بهذا الوهج ..
.
.


تحاياي