ملايكية صوووت .. للتواصل
 

[poem=font="simplified arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مريم .. ويكفيك الطهر من مسماك=يكفيك من إسمك خذيتي الطهاره
يارائعه ياآسره في محياك=كلك أناقه .. ذوق .. فتنه .. إثاره
ملايكية صوت عذبه سجاياك=عقل وثقل مافيك ذرة عياره
بنت ٍ تربيتي وياطيب مرباك=على الشرف والمشيخه والإماره
جنسك قليل ونادرات ٍ مزاياك=فيك الجمال أصلا ً مثبت شعاره
آية حسن من راسك لـْحد ماطاك=ياماخذه كل الجمال بجداره
حتى النسيم إن مر يمـّـك تهاداك=من رقتك يستأذنك في مساره
يخاف لا جالك بلا إذن وأذاك=ماعاد يسمح له أبد بالزياره
عمري خساره راح من قبل لألقاك=راح أكثره عمري بدونك خساره
صدفه وجيتيني وأنا غارق هناك=بين الغبون وكون ضايق مداره
وأحييتي اللي مات من حس وإدراك=في قلب ٍ أعلن ضيقته وإنكساره
شكرا ً غمرتيني بأجمل هداياك=لين الأمل أشرق بقلبي نهاره
شكرا ً عسى من لامني فيك يفداك=ياللي خذيتي في غلااااااي الصداره
مريم .. وطهرك من مسماك يزهاك=يكفيك من إسمك خذيتي الطهاره[/poem]

*

مبارك نايف أبوظهير

اوووووووووووووووه

ابونايف
تخضر الأمكنة بك وبهذا الجمال الساحر
غيابك طويل جدااااااااااااااااااااااا
هذا المكان لا يستحق فهو مئوى الحب والابداع

دمت بالقلب

أبا نايف :

إذا كل غيبة ستهدينا مع نهايتها مثل "مريم"


أمانه كثّر الغيبات


لك التحيّة يا صاحبي

مرحبا مليون ولا يسدون

حللت اهلا ونزلت سهلا نور المنتدى يابو نايف

نص رائع كروعة حضورك

تحياتي

صح لسانك يا مبارك .. نص رائع

تحياتي لك ..