عذرا اتيت بالصوت ولم أتي بالصوره فقط لانها بالذاكره

بوش ومنتظر

[poem="font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]ياسايم الجزمه هنا افرق السوم=هذي خزام اللي نبي اليوم خزمه
اداة جزم وفعلها فعل مجزوم=اذا انصفقت بنعل والا بجزمه
يابوش منت بشين الافعال ملزوم=صارت عليك بتالي الوقت لزمه
لو منتظر ما طاح في زحمة القوم=يمدي عرفت الحزم من قو حزمه
صحيح طاح وطيحته ما بها لوم=لكن على ذلك قــوين بعزمه
فجر غضب امه غدت كلها هموم=والحزن بقلوب المخاليق حزمه
نجمه سطع في وقت غابتبه نجوم=واسمه يشكل وسط الاعلام ازمه
هذا مقدر في حياتك ومقسوم=تأخذ على وجهك من الناس جزمـه[/poem]


لكم التحية

عبدالمحسن الشاهر

المشاركة الأصلية كتبت بواسطة جُمان (المشاركة 396056) عبد المحسن الشاهر .. ولأنّك زاخِرٌ بالجمال تأتي نصوصُك كـ موجةٍ بيضاء .. / تغمُرنا بالشعر الصورة لم تكُن في الذاكرة وحسب .. بل رأيناها في ثنايا هذا النّص شُكراً بلا حدّ . .

المشاركة الأصلية كتبت بواسطة أحمد ندا (المشاركة 396244) الله عليك ياالشاهر هنا صوت الشعر مرتفع جداً أليم هذا الحزن رائع بكل ماتحملة الكلمة من معنى

المشاركة الأصلية كتبت بواسطة محمد البديني (المشاركة 396266) الشاعر / عبدالمحسن لحرفك نكه خاصه تميزها انت صح لسانك ولاهنت اخوي تحيتي لكـ