![]() |
العنوان بالداخل !
.. . وجهي غريب الملامح لو بغيت اسأله .. .............. عني .. وانا فـ الجواب ادري أببقى وحيد ! زماااااان ياضحكة الاصحاب والمرحله .............. غبنـا مثل وجهك المشرق و (عيدك سعيد) .. عطشان في الذكريات.. وكفيَ امبللـه .............. بـ آآآخر مطر من حكايا ْ امي و (غازي حميد) ولو يحمل الشعر مابالي تعب يحمله .............. نثرت عمري على درب الليـالي : قصيـد لكنها .. لعنة الشاعر ومستقبلــه .............. انه يعيش الحياة بموتـه ..ومن بعييييييد ! سجنت عمري بالاشعار .. وتركت اجمله.. .............. في هامش الباقيَ من الوقت عايش طريـد ياطولة البال .. والايام مستعجله .............. لاطلتي آخـاف .. ماخـاف انتبه للمزيد ! (مشكلتي الصبر) وادري ماهي بمشكله .............. والصبر قيد الذي حريتـه 1000 قيد !! اقول ماقول .. واكثر ماعرفت اجهله .............. إلا ْ اني آحب هذا الشعْـر لو مااريد واحب صبح ٍ ينادي هالعصافير له .............. يفتح لي ابوابـه ويقفل .. حبيبيْ البعيد ! .. .. هذا انا .. والقصايد مدبره مقبله .............. عليّ .. وآنا فـ سبيل (الموت فيها) شهيد ! من قلت الاحباب وامطرت المحاني .. ولـه .............. و اشوفهم في عيون القلب : فجر ٍ بعيــد ..وظلـّوا حيارى عطاشى ممتلين اسئلـه .............. تعايدوا في نهار العيد .. من غير عيد !! ـــــــ صباح الجمعه : 16/11/1429هـ ... الخفجي |
أجمل صباحات الشعر يا عاطف .. / ... متأكد أن أبعاد ستحتفل بمقدمك
لأنك والشعر / حكاية ممتدة بإمتداد الإبداع .. ونص يحكي أن شاعره يختار الشعر حياة وموتاً .. لأنه متنفس لروحه المكتنزة بالشاعرية ... أهلاً كثيراً ومرحباٍ بك يا عاطف .. ويسرني أن أكون أول مصافح لحرفك |
سجنت عمري بالاشعار ..وتركت أجمله ,, في هامش الباقي من الوقت عايش طريد عاطف الحربي من سيمياء العنوان حتى آخر بيت ارتشفت شعرا .. |
الغالي عاطف الحربي تكتسح كل الأماكن شعرا ً , وتأتي بما يعجز عنه الآخرون , تمتطي جواد الأبجديه وتسابق الجميع وتسبق الوقت حتى .. إحساسك بما تكتب له ُ أبعاد أخرى تـَستنطق بها الجماد كم أنت مـُدهش يا عاطف |
عاطف الحربي: نص فيه من روحانية المدينه يجدالقاري الطهر والنقاء وشي يشبه طيبه الطيبه وبعضن من خالدالردادي لكن بنفراد لايشبه سوى عاطف جميل انك تضحي بالعمر اونصف العمر من اجل هذا النزف الممتع: مدهش ياعاطف دايم وطلماان عطروعبق المدينه انتقل للخفجي امزج بجمال الشرق وماتنفس به هذا الصباح من شعر ومانفث من روح الطهر بجسد هذا النص الممتع اجل التحايا والتقديريابن العم ودي وغلاي خ |
عاطف
ياعاطف ياجميل انت تحب صبح ينادي العصافير له وانا احب ان ارى هذا الأبداع اكثر واكثر فأشبعني شعراً صح لسااانك تقبل إعجابي |
عاطف
الشعر عطَف على أحساسك وعذوبتك مثل ما تَعطف النياق على حيرانها صباحك شعر يا عاطف مودتي |
شاعر التفاصيل الدقيقه / عاطف الحربي ..
هكذا أقرأك يا صديقي .. لله درك ولله در كل التفاصيل المصاحبه .. تبقى في قلب أخيك وروحه .. |
الساعة الآن 02:20 PM |
Powered by vBulletin® Copyright ©2000 - 2025, Jelsoft Enterprises Ltd.