[poem="font="tahoma,5,darkblue,bold,normal" bkcolor="transparent" bkimage="./images/backgrounds/20.gif" border="groove,8,darkblue" type=2 line=0 align=center use=ex num="0,black""]
الاوله صلـوا علـى خيـر الانـام=امحمـد المنـذر ولابعـده نـبـي
صلاة ربي عـد مايسجـع حمـام=وعداد من يمشي ومن يدبي دبـي
على رسول الخير والبـدر التمـام=امحمد الفاتـح عريـب المنسبـي
الماحي الناصح و محمـود المقـام=الواعظ الحاشـر حديثـه مطلبـي
الفارس الظرغـام والفـذ الهمـام=الحاني البانـي بامـي ثـم ابـي
في سيرته زهد وعدالـه والتحـام=وخير وعطا واخلاص خير المكسبي
رضا لنا ديـن المحبـه والسـلام=رضا لنا الاسلام خيـر المشربـي
والثانيـه لاتامنـوا مكـر اللئـام=اللي تذيـع الشـر بيـن الاعربـي
تبى تـذر السـم وتخـل النظـام=اهدافها شمـس الهدايـه تغربـي
هدم وغدر تشويه واحداثن جسـام=لا سالمن عودن ولا سالـم صبـي
هجمه تغش الناس في جو الزحـام=على وتر رجعـي خفوقـن يلعبـي
السانها عيش العمر واخذ المـرام=في خمرة الساقي فـوادن يسلبـي
والثالثه ياهل الفضيلـه يـا كـرام=نصرة كليـم الله كنـزي وذهبـي
نسخر بيوت الشعر كالحد الحسـام=ونروض الطاغي عريض المنكبـي
من ناصره فايـز وعـداه المـلام=ومن حاربه ساذج وهالك ثم غبـي
وختامها صلوا على خيـر الانـام=امحمـد المنـذر ولا بعـده نبـي
[/poem]

المشاركة الأصلية كتبت بواسطة ناصر حطاب الدهمشي (المشاركة 365761) اللهم صلي وسلّم على نبينا وحبينا محمد الله عليك يا كايف نص نقي .. و نصائح يؤخذ بها . ( هُنـا نفحة إيمانية تُريحُ القلب ) رائع و أبهى أخوك . . ناصر الدهمشي

اللهم صلي وسلم على سيدنا محمد

هلا حياك اخوي ناصر

اسعدني حضورك وكلامك العذب

لاهنت اخوووي

تقبل فائق احترامي

المشاركة الأصلية كتبت بواسطة عبدالمولى العمري (المشاركة 365773) . . . بارك الله فيك ولاحُرمت شفاعة من نصرت فهكذا قصائد هي التي تخلّد ذاتها ،، وتسمو بشاعرها أخي كايف الظويفري تقبل الود ،، والورد ،، والإعجاب

اللهم صلي وسلم على سيدنا محمد

هلا حياك اخوي عبد المولى

اسعدني حضورك وكلامك العذب

لاهنت اخوووي

تقبل فائق احترامي