مصافحه أولـى .... مــشــكــلـــــه .
 

أسعد الله أوقاتكم بكل خير .
حقيقه لا اجيد المقدمات .
ولكن اشكر القائمين على هذا المنتدى الادبي العالي
والشكر موصول لأخي ناصر حطاب الدهمشي
لذا اتيت لكم بأول مصافحه علها ان تليق بمكانها
.
.


[poem="font="traditional arabic,5,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
مشكله والمشكلـه مـن يحـل المشكلـه=يامصايـب ربـي الله أستعيـن بمحزمـه
وبعد ربي قلت ربعـي كاسبيـن المرجلـه=عزوتي عند الشدايد كل سيـف ٍ تلزمـه
قلت وايل جاوبونـي ياهـلا يامسهلـه=قالو أدروبك تخاضـر لاتهـاب المزحمـه
روح معشوقك ينادي سير والغير ازهلـه=كيف ترقد ياشمالـي والجنـوب وملهمـه
قال خلك قال تاتي قلت أبشر مـا اجلـه=لي متى خلـي حلالـي ماقـدرت ألملمـه
ارتبكت ولا ارتجفت ويا وقعـت بمنهلـه=ذاك ياللـي لا بتـه ماتعـرف المبهمـه
(ياجماعه) فاعتقوني من صـدوف المقبلـه=ساعتن لا جيـت يمـه والليالـي مظلمـه
فاتركوني لاسمعتـو فـي خطايـه معجلـه=جيت أعالج في جروحي كم جرحٍ تلحمـه
بندريـه غندريـه زولـهـا يامجمـلـه=وسط قلبي أجرمت بـه بندريـه مجرمـه
لاتلومـون المعنـى ياهـواهـا مهبـلـه=من يشوف البندريه من حلاهـا تلخمـه
زينهـا لامارئيتـه كيـف ربـي كملـه=الغنج واصل الطراوه والترف في مكلمـه
الكـلام اللـي يقولـه فمهـا وأتـعلله=ايه اقبل مكلمانٍ قبـل ينطـق مبسمـه
أهبلتني يا جماعـه ماعرفـت أحـل لـه=وضعي اللي كيف جسمي صار مابه جمجمه
كل اراضي وسط قلبي قبل تسكن ممحلـه=لين زاد اخضار قلبي والزهـور أململمـه
تقطف اوروود المحبه للوصـال وتحملـه=لين تاصلنـي واقبـل وردهـا وازمزمـه
فاتنه ياماحلاها والذهـب مـن معملـه=ياخذون اصفر ذهبها صدرها هو منجمـه
والنهايـه درب خلـي لازم انـي أصلـه=وخل منهو من حلاها في عيونـه تحرمـه [/poem]

.
.


شكرا لكل من مر من هنا

واسعد الله جميع اوقاتك

اهلاً وسهلاً بك بــ أبعادنا
والشكر لك و لمن دعاك

ومصافحة رائعه تستحق الثناء
ويسعد مساك

فيصل


أهلاً بك في أبعاد



نص جميل وعذب



لا هنت




مرحباً بك مجدداً

المبدع ابوفهد
حياك اي والله المشكله من يحل المشكه
سلامت ياالرائع
ابدعت وصح فكرك النير
دم بود وغلا