[رحلة الحُب] >
 

[poem=font=",6,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
( رحلة الحب )

رغم ونة خفوقي رعشته وارتجافه = ماشعرتي بنبض القلب لي تـسكنينه
إنّه الحب ، لكن للأسف ياحسافه =تستخفين باحساسي وتتجاهلينه
أرفقي بالخفوق اللي ملكتي شغافه =دامه أصبح متيّم في يدينك رهينه
وإن تقولين عرف لي الهوى وش وصافه = طالعي في عيوني كان ماتعرفينه
وارجع آضيف جمله في غرامك إضافه = إن جهلتي المحبه فالغلا انتي بعينه
بين قلبي وقلبك مابغينا كلافه = ريحي طرفك النعسان لاتسهرينه
واتركيني أسافر في عيونك مـسـافـه=( رحلة الحب ) ماتتعب شراع الـسـفـيـنـه
صدقيني سواد العين والرمش أخافه =كم فؤادٍ بنظرات الغلا تـطعنينه
توي أدري بأن العمر لي مرْ تـافه = بعد ماضاعت بْدونك ومرت سنينه
يحس به من بلي في العشق مثلي وشافه =كيف يسلى وطيفك دوم قدام عـيـنـه
ليه ماتشفقي بي وتأخذك بي رأفه = سلـميني يمينك وإخذي اللي تبينه
والله إني أحبك حب ماهو خرافه = صعب يخطر على بالك وتتصورينه
لانك الذوق كله والحلا واللطافه = إضحكي ما أبي شوفك بلحظه حزينه


*****************
أخوكم.ومحبكم / بن مـاضي[/poem]

مبروك بن ماضي
كان لي شرف الحضور الأول
نص يستحق الأحتفاء
مودتي

مبروك بن ماضي

تشرفت بمعانقة هذه الفارهه من قبل

ولإعجابي بها صافحتها مجدداً

بن ماضي

في كل مرّه أجدك أعذب

تقديري ومودتي

مبروك بن ماضي
نحن كلنا نشتاق وجودك و جودك
:)
شكراً لهذا الحضور البهي
شكراً لهذه الرحله التي ترتب قلوبنا وذوائقنا
شكراً لأنك تعود
كما خلقك الله من الشعر

شكراً شكراً
شكراً