ــــــ[ بـُــعْــدٌ ثُـلاثـي ]ــــــ
 

( لـــ دروب متعددة : وردتها في حياةٍ ذات أبعاد )

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
فكرٍ عَرَجْ بي.. واعتلى خيل الأشعار= ماسـاق دربـه للقصيـد الحـداثِـي
يِشِدّ سرْج الّروح ويْفيـض الاسـرار= ..[كأنّـهُ ينسـاق نحـو اجتثـاثِـي]*
لا زحزح السّاكن عواصِيف الاِعْصار= (يضيْـف للاحْسـاس بـُعْـدٌ ثُلاثِـي )
لو ادّخرْت لجِدب صحْراي /الأمْطـار= ماشفتِني فـي درب الامـال جاثِـي
والا الزمن لاشان واصحابي اكثـار= يِمْسي طُموحي بين نَاعِـي و..راثِـي
يَوم الوفـا مـا حـط لليـل /سمّـار=سريـت اعانـق مبكيـات المراثـِي
[وانا قدرت اقـوم فـي كـل الادوار=كني طرزت مـن التماثيـل اثاثِـي]
واخذ مع اطلالٍ قديمـاتْ مشـوار= اشفـق عليهـا واستعيـد ابتعـاثـِي
وان شحت الاطلال في جَلْب الافكار= اخذت نَـزْعَـة مـن خِزانـة تراثِـي
شاعرخَيالي تستحـي منـه الاعـذار= والشّعْر يسْكـن فيـه بامـرٍ وراثـي
واعذر مدارك فكر شوحاته اقصـار= لاعـد شعـري : بـالقصيـد الحداثـي [/POEM]
* (كأنـه ٌ) بضم مشبع/فصيح.
(مــخلدالغنيـــــــم)

مخلد :

هنا شعر

ها فكر

هنا قافية لا يقدر عليها إلا شاعر متمكن بكل ما تعني هذه الكلمة من معنا


سعيد يا مخلد كوني هنا سعيد والله

مخلد الغنيم
شاعر يجبرنا على متابعة حروفه
مودتي

شكـرا أخي الشاعر عبدالرحمن لهذا الشعور الطيب من رجل طيب

وأقدر لك هذا التواجد الأول

دمت بخير أيها المطل بالخير