أحايل حروفى
 

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
احايل حروفـى ونفسـى حزينـه=اجامل ايامى على الواقـع الشيـن
عسى خفوقى يـوم بيـح كنينـه=يرتاح قلبى وتنقطع دمعة العيـن
حزن الزمن واضح بخـدى يقينـه=بكل الملامح واضحـات البراهيـن
سبه جروح ٍ خافيـه مستكينـه=صارت همومى للقصايد عنوايـن
ابحر مع الحرمـان بليـا سفينـه=مراكب احزانى شعـور ودواويـن
تايه انا بالدرب مـن غيـر بينـه=ولا عاد ادرى بالزمن وجهتى وين
يشكى الحزن لهموم عمرى سنينه=يبست عروق القلب وكل الشرايين
والقلب عاشق يالله أنـك تعينـه=وانا بحيره واقف ٍ بين دربيـن
صدفه اجتمعنا فى زحام المدينـه=وحلم الامانى كان ما بين (قوسين)
دفتـر اوراقـى ماتحمـل ونينـه=صاحت حروفى ياورق أشكى لمين
وشلون ابكتب عن خفوقى وحنينه=اللى احتوى جمر الهوى والمحبين
اصيغ شعرى بالمعانـى الثمينـه=وترجح قوافيهـا بكـل الموازيـن


[/POEM]

ياهلا فيك أخوي بركان

نورت أبعاد وصح نبضك

نترقب جديدك الله يوفقك


آهات