البارحة ليلة قصيد وتعااااليل
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

اااالبارحـه ليلـة قصيـد وتعالـيـل=عشته مع اللي تكتب الشعر بحسـاس



بصمـة انوثتهـا تهـز الرجاجـيـل=ولمسة دفاها جمـرة" تشعـل انفـاس



تكتب على صدر السما صرخة الليـل=وتدفن بقايـا حزنهـا فـوق قرطـاس



ماشـوهـت قيفانـهـا بالتفاصـيـل=ولالونتهـا فـي سخافـات الاقـواس



تغـار مـن كلمـة هلاهـا مواصيـل=وتخجل شفايفها مـن معانـق الكـاس



شفت المها بعيونهـا تعسـف الخيـل=وبنعاسها شفت السهر يعسـف نعـاس



احيان احـس بهرجهـا نكهـة الهيـل=لاجاوبـت شهقاتهـا لحظـة اليـاس



واحيان احس بصمتهـا شـي ماقيـل=ماودها تحنـي علـى شانـه الـراس



ولا من حكيت ارخت لي السمع بالحيل=مثل ارتخاء الصدر لاعانـق المـاس



اعزف لها جرحي قصيـد ومواويـل=وتعزف لي جروح الغلا حزن واتعاس



وان قلت ليه الصمت قالـت تساهيـل=بكره تهـون ويندحـر كـل وسـواس



قلـت ألله اقـوى والرجـا بالمقابيـل=نـاس تمـوت وينولـد عقبهـا نـاس



مع السلامـه والوعـد طلعـة سهيـل=لامن ثنـى راس الجفـا قـوة البـاس



وأيقنـت أن الحـزن سـم التعالـيـل=من يوم شفـت بعينهـا نـوم ونعـاس[/poem]

صح لسانك يامزيد

ما أجمله من وصف دافئ كليلة صيف على ضفاف القمر

تهلل وجه الحب جمالا بحضور وجه الحبيبة

لافض فوك

ماشـوهـت قيفانـهـا بالتفاصـيـل
ولالونتهـا فـي سخافـات الاقـواس

مزيد

هنا أنت تمرر رؤية نقدية تريد أن تقول :
أن ثمة من يكتبون قصائد مطولة بلا أي داع ، اجترار ممل ، ومقرف لأبعد الحدود ، ولا يحمل أي مسوغات ، سوى التباهي الفارغ .
وأقول :
أن القصيدة وهي فن التلميح ، ولعبة التورية والمواربة ، يجدر بها أن تلمح ولا تصرح ، أن تكني الشيء ولا تقوله ( يا منية القلب إني لا أسميك أكني بأخرى أسميها وأعنيك ) ، و لا تترك الباب مشرعا على مصراعيه بل تفتحه بشيء من المواربة ، لتبدو ، تماما ، كالستارة ، لا تعطي كل شيء ، ولا تمنع كل شيء ، في المقابل .
كثيفة كقطرة عسل ، مختزلة كومضة .

محبتي

الصمـت في حرم الجمال جمال
http://www.vb.eqla3.com/images/smilies/rose.gif