|
ًتدري صباحك غير صبح المخاليق رايق بـ نكهة .... بن أشقر يمـااااني الناس تغلي " البـن" وسط الأباريـق وبنّك يفوح بـجمـر عوج المحاااني رشفة بـ رشفة ليـن تروى المعاليـق ويذوب شهد الوصـل شعر وأغااااني ويزين معك الشعر واحلى الطواريق يسلم لسانك .. والف يسلم لساااني أحلام مؤجلة |
ياكثر مالك خلف عوح المحـاديب "زحمة مشاعر" يشهدون بـ غلاتك ارسلت لك دقـات قلبي ،، مناديب معهم سلاااام وورد ماخذ صفاتك لبـاااا سواد العيـن حدر المهاديب والبسمه اللي تستريح بـ شفـااتك اللي لامرت ع الضلوع المجاديب تعشـب ربيع .. وتستظل بـ عباتك العشق والله ( له امورن حراديب ) يحكم بموتك .... أو يجدد حياتك أحلام مؤجلة |
على كلمة صباح الخير قلبي فز من نومه وشفت عيونه الحلوة تقولي هاااه وشلونك ضحكت وقلت له زينه وقلبي دق لقدومه وش اللي ينقص بدنيا تناظرني بها عيونك أحلام مؤجلة |
صباح الخير مشتاقة وش الأخبار ……………….. من اللي مر بك طيفه وحاكيته . من اللي غرر بقافك وسال اشعار …………………. كتبت بوصفه حروفك وغنيته . عزمت طيوفه وشوقك يشب النار …………………. وفاح العشق بدلالك وقهويته . صباح الخير لك وحدك من اللي زار ………………… بليل البارح أحلامك وضميته . انا والله من حلمك عليك آغار ……….. …… ياخوفي لو غفت عيني ولاجيته . #أحلام_مؤجلة |
على ريف الحلم مريت بعد سنين …………….. تبلل بسمتك يابس ضلوعي العوج وانادي لك من الماضي تعال الحين ………….. عشانك بأسكب عطوري وأحط الروج أحلام مؤجلة |
الدمعه اللي تغدر العيـن وتطيـح ماهـي بدمعة حـزن لو تسألونـه هي عاشقة تشتـاق وتحن وتصيح مثلـه ،، على غيّـاب عيـوا يجونـه لاتسألونـه ماهو بـ حمْـل تجـريـح عاشـق عزيـز النفـس لاتفضحونـه خلوا دموع العين من غير توضيح من غيره أدرى وش بلاها عيونـه ؟! من غيره ادرى وش بلاها عيونه . #أحلام_مؤجلة |
مصير الحي يتلاقى مع الحيين مصير الدرب يجمعنا ولو صدفه . مصير اللي دعى ربه وقال آمين تهووون همومه وتنزاح عن كتفه . مصير الحلم يتحقق بطرفة عين كريم الله .. سبحانه على لطفه أحلام مؤجلة |
| الساعة الآن 12:31 PM |
Powered by vBulletin® Copyright ©2000 - 2025, Jelsoft Enterprises Ltd.