|
لـ [عبدالرزّاق الهذيل] من آخر أشعاره هنا اجزمت بأن الشعر لايموت مع الكبر بل يقلّ وإذا ظهر ظهر بكامل هيبته ووجاهته ورجاحة نطقه وفكره , ومن حينها وأنا لاأؤمن بشيء اسمه موت شعر الشاعر من خلقتي حاضر خيال وبديهه ـــــ بس المحيط اللي به ابحرت خاين ان قلتها واخطيت ماهي وجيهه ـــــ وان صبتها ماصبت غير الغباين في هالزمان اللي به الصدق تيهه ـــــ أصبح به الصادق على الناس هاين صار الظفر به للكذوب وشبيهه ـــــــ ونال المحبّه والثقه كل خاين وقتٍ تخالط عاقله مع سفيهه ــــــ وضيّعت لي الحقّ والحقّ باين |
لـ [نور سالم] رغم أنني أحب قراءة شعرها لكن لم يسبق لي وأحببت الرجوع والقراءة مرارا وتكرارا لـ نصّ لها كـ هذا النصّ بالذات. هاتي لي _ الكوب والكافين ــــــ والنور : وطي لي من ضيّه وأن دقت الفاضيه : نسرين ــــــ قولي لها ماني ابـ/ فيّه ! والباب اخذيــه بل ايدين ـــــــ ايديني اليوم مو هيّه. ابرتشف وحدتي : من حين ــــــ مالي سوى وحدتي ليّه ان رحت منّي بروح لوين ؟ ــــــ وان جيت أبلقاني : هنيّه نفسي / ونفسي بها ضدين ! ــــــ لائي تنازع بيّ الـ / ايّه . يمكن رضخت لحدى الوضعين ــــــ واصبحت افرض على النيّه ! يمكن تعثرت بين وبين ـــ واحترت فـ/ـ الشمس ! والفيّه ! يمكن خذاني بكى كهلين ! ــــــ وانحزت للطين والميّه . ومروني الناس مغتربين ! ــــــ أجناب / واصحاب / وبنيّه كانت تقول الوطن من وين؟ ــــــ كانت تفتش عن احجيّه وكنت ارسم لجوعها صحنين ــــ واطعم سراب الحكي = غيّه من يومها / و السؤال ! سنين ــــــ تكبرني وانحني بيّه ! |
لـ [قسمة العمراني] كلّما اشتقت لـ قراءة جديدٍ لقسمة إذ ان شعرها قريب لـ روح ذائقتي تذكّرت هذا النصّ إذ أنها خاطبت كلّ من يبحث عن شعرها لأندهش من قرب شعرها الغياب اللي يجملني بنظركم ـــــ أتركوه يعيد تصديري إليكم أشتهي أغيب وإن غبت أفتكركم ـــــ ويبتدي شوقي يتوجّد بي عليكم والمراكب راسيه بي / فـي بحركم ـــــ والبحرموجه رماني لـ شاطئيكم والفؤاد اللي رميتوه ومكنتم ـــــ واعلياواعليه يموت فيكم وإن خطرتم أورحلتم أوسكنتم ـــــ الخطاوي سايره بـي تقتفيكم في غيابي أفتقد فـيّة قلمكم ـــــ وتزهرحروفي على راحةأيديكم وأتهجا دايم إحساس/ ن/ كتبكم ــــــ لاذكرتوني وقلبي محتريكم ياعساني وكل مافيني فدا لكم ـــــ أنتم الأول وأنا أقف بآخريكم والله إني كل ماغبت أنتظركم ـــــ في إياب / يردّني/ في مقلتيكم والغياب إن كان سافربي بعدكم ـــــ يتسّكع بي ويأخذني عليكم أتركوه يعيد ترتيبي بورقكم ـــــ أتركوه يجيبني (قسمه) إليكم |
لـ [وحيدة السعوديّة] أذكر قبل كم سنة نظمت مجلّة فواصل مسابقة وفازت بها هذه الشاعرة رغم وجود العديد من الأسماء الكبيرة _فعلاً!_ ورغم ذلك اختارتها اللجنة وفعلا كانت اللجنة عادلة قرأت الأبيات الفائزة_ عبارة عن 8 أبيات تكملة لـ بيتين بنفس البحر والوزن_ فكانت مذهلة وزاد ذهولي بعد قراءة اوّل نصّ نشر لها بعد المسابقة لـ أرى بامّ عيني جدارتها يا ساري الليل ليلة خافقي غَلْسا ـــــ تناوشَته الجروح سمال وِجْدادِ ويش آتذكَّر لكل الناس ويش أنسى ـــــ هو نازف الجرْح عمره جَفّ بفوادي واللي قسا اليوم له من أمسي الأقسى ــــــ تخالفوا بالمناظـر بسْ الاوغادِ يا راعي الفزعه أرْيَا خاطري عَمْسا ـــــ ما جَفّ وادي غـثا إلاّ سال له وادي والصبْح مبطي وانا طاوَل بي الممسا ـــــ والرَكب دوني يشمّل وجهه الحادي حَلَفْت ما لي على هالسانيه غَرْسا ـــــ ولا ني بشاري بـلاد وْبايع بلادي والكلمه اللي وراها تِبْذَلْ النَفسا ـــــ لا بد تظهر ولو فـي وَجْه جَلاَّدي الله خَلَقْني ولي بالمَرْجله مرسى ـــــ والله خلَقْني ونجمي بالسما بادي وان هَزَّعْ الغصن منّي ناعِمْ اللمسا ـــــ ما زَلْزَل القلب منّي سيفك العادي شرِبْت فنجال جورك مير لا تقسى ـــــ ماابليت عَـزْمي ولو يبلنّ الاجسادِ والمورِدْ اللي تجي به حَيّة الرّسا ـــــ دونه بـ اْرِدّ الذلول وأركي شْدادي إن ناشني نابها لو راسها مَلْسا ـــــ ماني بناجي ولو دَقّيت الاوتادِ أبا ترَحّل عساني أطْلِقْ الحِسّا ـــــ من قيدك الصلْب واقدَحْ تحته زْنادي يا ساري الليل قافك لا يجي هَمْسا ــــــ الليل به وحشة السارين تزدادِ |
لـ [فهد عافت] نصّ ((أشياء)) صار لي أكثر من سنة وأنا أبحث عنه دون جدوى فقط عثرت عليه ناقصاً ولم استطع العثور عليه ): ؟ |
/ \ / :( http://www.brzan.net/talal/Photo-talal/frs01.jpg مـاقلت أحـبك ولا قـد قلت ماحبك أحـب مـالي عـيوني وأنت تسواها لو تدري اش كثر تعني لي تعرف إنك آخـر أمـل فـي حياتي وأول مناها يـاكثر أحـس إن بك مني وبي منك روح قـسمها عـلى شخصين مولاها لا تقول وش تحب فيني أعشقك كلك مـن لـيل شعرك لكلك وآخر أقصاها سـميتني نـصفك الـثاني وياشحك أنـا بـسميك كـلي وأنـت مـعناها لـيتك بـعمري ثلاثة أشخاص ماملّك واحـد معي دوم و واحد روحي يملاها والـثالث بـجفن عيني لا فقد حسك أو غـمض الجفن جاني فيك يتباهى مـو بـس أحـبك أنا والله من حبك أحـب حتى ثرى الارض اللي تطاها طلال الرشيد ( رحمه الله ) / \ / |
الـريـم |
اقتباس:
لاعلاقة تربطني بها سوى قصائدها .. ولا أعلم سرّ حبي لها ولقصائدها ... عبدالعزيز رشيد ... كل الشكر لك .. |
| الساعة الآن 04:29 AM |
Powered by vBulletin® Copyright ©2000 - 2025, Jelsoft Enterprises Ltd.