لو الغلا يتحد والشوق يكتب لي
كان ارتوى من غلاك القلب وجروحه

مير البلا من عنا حب يقدم لي
روح تبوح وترسل الأحلام مبحوحه

بِيِطويني حنيني ليك جوف احساس يِرسِم لي
بِقايا خاطِرٍ مكسور، وبَسمات الوهم بوحي

وأنا اللي من حنين الألف لين الياء في هاللي
يهليبك نهر عطشان ...ادوربه وطن. روحي

تعبت أكتب من حروف الأسى بيت يمثل لي


عنا قلب(ن) بكى يرجي وطن في داخل صروحي

هلا وتمطر ملامح طلتك كل ماتلفت لي
تعال استوحش الغصن الظليل وحن لك دوحي

أبيك بِكلّْ أوقاتي فرح برجوعك يْهَلّي
أعاتِب لَهفتي مني تفزّْ وترتجف روحي

انا اول مطر عطشان...ينطر طلتك هلي
سطوري تنتظر غيم الشفاه ..امانتك بوحي

أنا أول إذا عانيت من جرح العنا من لي
يذكرني باسم ربي.. وذكره بدد جروحي