|
لو رِدت الحبيب اتشوفه ينشــــاف وطيبلك جرح بضــــماده ينشـاف اخبرك بل حبيب اشلون ينشـــاف بس ضيف الاميل وهاي هيـــه |
سماح اطلب انا المنكم وهدنـــه كمش بيد التعورنه وهدنـــــه جبل راكَع خجل جيتك وهدنـــه اصير اتراب ونته اسحكَ عليه |
وحق رُمْضان واشرافه وكتبه عليك يهل دمع عيني وكتبه انه شماريد أهم خطك واكتبه شدهني جفاك من غصبن عليه |
|
وحگ اعيونك ورسمك وداعك وحگ جلماتك الحلوه وداعك يصاحب فرهَد ابروحي وداعك انتلف ثلثين والباقي باذيه |
عجب خلخال ساقك مايرنش جبح ودموع عينك مايرنش يرن منك مصايب مايرنش كرهتك لوحياة تصير اليه |
تعال اسمع ون النايات وون عود يخويه امشي نرد للوطن ونعود اذا باجر متت بالغربه ون عود وتظل ابعيد عن ارض الوطيه |
تلوج الروح ياأحبــابي وراكم وعجاج الضعن سد عيني وراكَم يدمرني الحلم بيكم وراكم ويريت الحلم واليقــظه سويه. |
| الساعة الآن 10:03 PM |
Powered by vBulletin® Copyright ©2000 - 2025, Jelsoft Enterprises Ltd.