رحتوا وإهي ظلت على كرسي الوين
تنطر مجية ناس ماقدروها

ماطالها التقدير تبكي من البين
الله يعز أيامها لو جفوها

ولما بدفتر ذكرياتك تمرين
ياعين لا تقرين من ماقروها

متواعدن ،كل من رجاها إلى حين
تمطر هدبها وتسقي الروح ماها

ذي العين تملك من صروف المحبين
شوق (ن) بوسع الكون لو هو يراها

الوعد يذبل ورده ابغصن ناسين
شحت على اورود المحبه ابماها
والسكه المتعرجه بين ضلعين
واحد تذكرها وواحد نساها

يبقى الأمل فينا ولو تبكي العين
يبقى أثرها نبع من بعض ماها

لا صار خلك بخيل ابوجهه وصوته
اشلون يروى خفوق من الوله ظامي

يا من سكن روحي وعانق سكوته
وطيفه كما نجمة تحاور منامي

كل ما ذكرتك والسوالف صموته
أصير كلي قلب لملم كلامي