[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]خارج نطاق الروح بالضبط ... بالضبط = شوفي لك أي إنسان ثاني وحبيه [/POEM]

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ودّع هريره غداة البين يا حادي = وإلق صوتك بسمعي لين تبكيني

نسّم علينا الهواء من مفرق الوادي = والدمع مثل الغريب ويرقب بعيني

ياقربه إن قلت رجّعني على بلادي = أخاف أكنّه وينزف من شراييني

لو قلت عادي وربي ما هو بـ / عادي = لكنّي أخاف لا أخذل ناس ترجيني

إن كنت ودّعت لك حيٍ فـ / أنا بعادي = ياما سرق من سنيني أجمل سنيني

وإن كان صوتك حزين وشفتني هادي = فالجمر تحت الرماد إن كان توحيني

لا تحسب إنك وحيد بحزنك السادي = مثلك حزين وحنين البعد يكويني

صوتك يحثّ الخطى والشوق وقّادي = وأنا مقيّد ولا به شي فـ / يديني

دعنا نودّع هريره غن يا حادي = فـ / العذل يولع وما فيني يكفيني[/POEM]

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا حاطب الليل دوك أحطب مواجعنا = نبي نعيش الحياة بطعمها الثاني

خذنا معك للفرج.. وإحذر ترجعنا = ملّت مزاميرنا من لحننا الفاني

فـ صدورنا زفره وغرقى مدامعنا = إحطب دخيلك بقايا حزننا الجاني

يا حاطب الليل لاتسري تودّعنا = ترا الجميع أجمعوا والكل وصاني

إني أكون الكلام الصادق المعنى = لذا تراني بوجه الله تقراني

عن كلّهم ..جلّهم بـ أرتّب ودعنا = ننسى المجامل تحمّل زلّة لساني

قلّي دخيلك ورى تبكي شوارعنا = ليه الحواري تضّج بصمت وتعاني

ليه المدينه حزينه ليه ما معنا = من ذكريات الطفوله ضحك وأغاني

ليه إنتوارى بضحكتنا ونخدعنا = وحنّا نعرف القلوب وحزنها الراني

يا حاطب الليل ممكن بس تقنعنا = إنّا خلقنا كذا والحزن رباني

يا حاطب الليل كانك صدق تسمعنا = خذنا نعيش الحياة بطعمها الثاني [/POEM]

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الليل هذا ليـل حـزن وغرابيـل=من أوله واضح عسى الله يعديـه

وأنا أتعبتني يا ( خميس) المواويل=والشعر والغربه وكثر المشاريـه

أغمض جفوني على الدمع ويحيل=يا ليتني مثل البشر وأقدر أبكيـه

يردّني جـدّي وخالـي وهالليـل=لو ما سترني وين هالحزن أوديه

الشعر لا غايه ولا أبغى محاصيل=منفاي لا ذعذع بـهالبال طاريـه [/POEM]

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ما عاد في حالـي الحالـي=لو قلـت فكّـر وش/ أفكّـر

ماعـاد فـي بالـي أبالـي=الليلـه أحــسّ متعـكّـر

الحـزن مالـي ومـوّالـي=وباب الفرح مبطي مسكّـر

ياصـاح جالـي وفنجالـي=تصبّ بـه ملـح أو سكّـر

نفس الطعم ما أعرف الحالي=بس أنت صبّـه ومتشكّـر [/POEM]