|
بانتظاركْ .. صارت الساعة دقيقة .. والدقيقة ..الف ساعة .. كانت الظلمة افـ ـــقاعة .. تلعن غبار الأثاث ..! دقت الساعة ثلاثْ .. قلت تصحى .. تكتب ارقامي وتمحى ..! واتصدّد ..! صدقيني .. يوم ..ماجيتي كأنّ الموت داهمني بلحظتها وتردّد !! كن حلمي فيك من يأسي ..تبدّد .! *** في غيابك .. كانت ( الرنة) الغريبة ..صوت بابك ..! كنت متخيل .. عتابكْ ...! أفتح كتاب الحقائق ..! واجمع احساس الدقائق واعتذر لك ..! *** كنت مخطي .. ! دامك تغيبين .. لازم .. كنت مخطي .. ! يمكن انك يوم .. تعطيني وأنا ما كنت معطي ..!! صدقيني .. صعب اكون انتي .. أوَ اني يوم اشوفك في مكاني انتي اكبر من زماني صدقيني صعب اصور لك شعوري .. وامتناني !! غير هذا ...! انتي اكثر من سواليف الغرام ..! وانتي أكبر من تفاهات الخصام ...! انتي احساسي بخطوات الثواني ..! *** ياحريئة في غيابك ...! يابريئة .. ! من عذابي ومن عذابك ..! وينك انتي .. الصباح اللي تحرانا ..على باب الحنين .. يصدّ بنتي ..! شافت الدمعة بعيني .. وتركتني ... سآلتني .. واربكتني ! كنت اقول اني سهرت اكتب قصيدة ..! بس .. كيف اكتب مدام انك بعيدة ..؟! يا عنيدة ..! ذنبي اني في غيابك ..كنت ذنبي ..! ذنبك انك تتبعين الظل جنبي ..! اتبعيني ...! صدقيني سيرة الظل المشتّت تفتريني ..! اسمعيني ... افتح كتاب الحقائق ونتخانق ...! احتويك وتحتويني .. ونتعانق ... صدقيني صدقيني كل شي يهون لا جابك حنيني ...! |
الشاعر المدهش ابراهيم الوافي الإنتـظار هنـا متعـه بحق متعـه .. وليتها مجتمعه تلك المحطات متسلسله هنـاك / الهدوء لنستمتع بهدوء .. جميل انتظار هطولك يـا / ابراهيم ومفيد جداً فـأنا هنـا بمدرسـه شعريه كبيره مدائن جوري لقلبـك ومحطاتـه الفاخره اختك غنج نجد |
آآآآهت لو تدرين وش معنى إنتظارك
,’ ,’ مؤلم هو الانتظار:( ابراهيم نص جميل صح نبضك |
. . مازال للإنتظار دهشته الأولى ولذا لابد لهذا النص من العودة لـ مكانه الأول |
: بعض الاشعار تغني عن الكثير منها .. سأحتفظ بها وأمضي شكرا شاعر ابراهيم |
اقتباس:
هذه التفعيله غنائيه ما يميزها انك اقرب الى لحظة الصدق في ذات القاريء والشاعر كثيرا ما اجد قصائد تفعيله طويله ولكن يعيبها ترابط الفكره والموسيقى الداخليه للنص هنا انا امام شاعر جميل يعرف العزف جيدا لدرجة انك لا تحس بطول القصيده وانت في ذهول تام امام خيالك وانت تقرأها ليس ثمة اطراء هنا بقدر ما هو انطباع قاريء اعتاد ترك عينينه على النصوص شكرا لك بحجم الغيم |
شعرٌ كـ هذا ../ لا تَغفل عَنهُ عينُ الدَّهشة .. بانتِظارك ..! . . |
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...! شخبطات اللون الاسود في قراطيس البياضْ ...! انحسار الشمس .. وغبار الرياض .. غربة اللحظة افــ..ــداري ..! آه لو تدرين وش معنى انتظارك ... مثل ما تدرين وش معنى انكساري ... مطر مطر مطر |
| الساعة الآن 05:26 PM |
Powered by vBulletin® Copyright ©2000 - 2025, Jelsoft Enterprises Ltd.