الله عليكـ


الله عليكـــــــ كفووووووووو

الشعر يعرفنـي وعـارف خليلـه
والكـل منـا مايتعـدى مخاويـه


صدقت يالغلا


لاحاورن شخص ٍ ويلعـب بذيلـه
ويكتب من الابيات منهو يجاريـه
ارسلـه القيفـان مايهـد حيلـه
عواصفن سوداء تحطـم قوافيـه
ماني من اللي سارق ٍ قول جيلـه
ولاني من اللي يجمعه من شواطيه
الوايلـي لاقـال قولـه يكيـلـه
يثبت وجوده في مواطن معاديـه
ونا احمد الله من سلايـل قبيلـه
يعرف بها التاريخ وتعرف مجاريه
من العماير مـن سلايـل نبيلـه
وكورنا بروس الجبل في عواليـه
حنا الحرار اللي ماترضى السفيله
حنا الصقور اللي تمسـك بعاليـه
منخاتنا بويضا ركـوب ٍ اصيلـه
خيالها الصقري مرهـي مواطيـه
خصيمنا نسقيه مـن الحنظليلـه
ودخيلنا نحميـه بكبـرت بلاويـه
يكم شخص ٍ تحت حمـر النثيلـه
ويكـم شيـخ ٍ ماتهنـى بعلابيـه
لو اكتب التاريخ محصـي قليلـه
ولو ابدع الاشعار ماظـن اوفيـه
هذي بيوتن صغتها بحسن قيلـه
ابوعهـد لاقـال قولـه يكفـيـه
والشعر وهبه نادر اللـي يشيلـه
وكلن من الشعار يعرف خطاويـه
وختامها صلـوا فـي كـل ليلـه
على رسـول ٍ طهـر الله اياديـه


عليه الصلاة والسلام

الله عليك يا ابو عهد

كفــــــــــوو كفوو


عز الله قصيدهـ جزلـه من راس جزل


صح بووحكـ وكلكـ


تحياتي لك اخوك عبدالله العنزي

اخي العزيز ......... متعب المضعان

صح بدنك

حضورك لمتصفحي لشرف لي فكيف بردك على الموضوع

بيض الله وجهك يالبناخي


لاعدمنا هالطله

دمت بود

الاخت الفاضلة ......... بنت وايـــــل


مشكور اختي على المرور الطيب منك ِ وشكرا مرة أخرى على الكلمات الجميله منك ِ


دمت بود

العزيز ........... سعد سيف

النعم فيك يالبناخي

بيض الله وجهك على مرورك الفواح في المتصفح

لاعدمنا هالطله

تقبل مودتي وتقديري

قلب الشعـــــر

صح بدنــــــــك

شكـــراً خيتي على مرورك الكريم للمتصفح وشهادتك تكفي ماقصرت ِ

تقبل ِ مودتي وتقديري