منتديات أبعاد أدبية - ... [ . م ـا مـعـاي إلاّ أنـا . ] .. !!!

منتديات أبعاد أدبية (https://www.ab33ad.com/vb/index.php)

- أبعاد الشعر الشعبي (https://www.ab33ad.com/vb/forumdisplay.php?f=3)

- - ... [ . م ـا مـعـاي إلاّ أنـا . ] .. !!! (https://www.ab33ad.com/vb/showthread.php?t=26422)

اقتباس:

المشاركة الأصلية كتبت بواسطة تركي عواد (المشاركة 699852)

.

.
لا تسولف لي وجع خوف المنافي .!
الوطن حلمي يسولفني واغيب .!!

في شوارعنا الحزينه كنت : غافي .!
ملتحف حزني ونظرات الغريب .!!

من قريت الناس ايقنت اختلافي .!
لا وطن فيني ولا صدر ٍ رحيب .!!

قلت لـ أحلامي البسيطه لا تخافي .!
غصنك الشاعر: وغرّد عندليب .!!

لو أخاف البوح: ضيّعني ارتجافي .!
القصايد شمس والدفتر مغيب .!!

مانشيتي الحزن والدمعه غلافي .!
لاشعرت بغربتي مالي صحيب .!!

ياربيع الحلم كسّرني جفافي .!
حارت اقدامي على اطراف النصيب .!!

لو تهزّ من القصايد كل : خافي ؟!
ما يطيح إلا ولد عم وقريب .!!

آآه من دمعة عزيز ٍ ماتشافي .!
عفّة المحتاج جرح ٍ مايطيب .!!

كم بكيت البرد من قسوة لحافي .!
يوم بعض الناس تبكي للحبيب .!!

شوفني أهديت وجهي لـ السوافي .!
ما معي إلا أنا وليل ٍ كئيب .!!

ممتلي بالأسئله لـ آخر مطافي .!
كنت أنا ويّاي: نبحث عن مجيب.!!

تركي عواد .. من ركائز الشعر انت
وتعرف وش كثر احب نصوصك ياصاحبي

الف صح السانك

يامرحبا

يالله حيّة والله اني مقصر بحقك ياتركي انت وشايبي واخواني
بس الظروف اقوى

كنت ابحث بقوقل عن قصايدك وطحت على هالجديدة / الفاخرة

دائماً تبقى مميّز مختلف فخم

احبك في الله يارجل

سعيد موسى
حضورك هنا شرف آخر وتكريم أعتز به
ازدت هذا المتصفح نوراً
محبتي لك

لو تهزّ من القصايد كل : خافي ؟!
ما يطيح إلا ولد عـم وقريب .!!

ما يطيح إلا ولد عـم وقريب .!!

.
.

قرأتها عدة مرات ..
و في كل مرّة أجدها أجمل !

لله درك

من قريت الناس ايقنت اختلافي .!
لا وطن فيني ولا صدر ٍ رحيب .!!

جميل رائع ممتع
شكرا ً لهذا التميز

لقلبك :34:

لو تهزّ من القصايد كل : خافي ؟!
ما يطيح إلا ولد عم وقريب .!!

آآه ... ياتركي بالعظم وخالقي !