|
قالوا لا تسأل طبيب ............. خذ الحكمه من مجرب لا تدخل الجنّه غريب .............. من أهلك خلك مقرب أرضك ولو مالك قريب ................ فيها ولا لك معزب تفقدك لو لحظه تغيب ............. تحضنك لا من تقرب تفرح الا منك تصيب ......... تنصحك اذا انك تخرب عاطل عن العمل وقريب ......... ولا عاطل .. ومتغرب |
يا عيد .. قِل للمواعيد بدري .... وقِل للهلال اللي ظهر منت صادق جيّتك إذا ما وسعت بال صدري ....... أجمل من قدومك اذا انك تفارق |
بعض القصايد في شفاهك مساويك .................... لا من تغنيها تحس بطهاره وبعض القصايد تقتلك ما تداويك ..................... كنك تعالج علتك في زقاره يا شعر يومي جيت أعدد مساويك ................. ما لقيت ذنب ٍ يستحق البشاره بس المصيبه اللي يزرر عراويك ................... ما هو قدر حتى يزرر إزاره |
http://www.6rb.com/songs/2772.php وترحل . . . . ويبقى بي بعد عزفك طلال الأغنيات وشال ........................ وعصفوره تغرد يم شباكي على نزفي وترحل صرختي يم الزجاج وعينها تنهال ...................... ويبقى دمعها واقف بشباكي على طرفي ويذبل صوتي وتزهر جراحي والمدى يغتال .................... من سنيني جميع الذكريات الواقفه بصفي ويتركني وحيد أعزف على شفاه الجرح موال ................ ولا يوصل صدى صوتي ولاني سامع ٍ عزفي |
ولا القاني .. سوى اني في حديث اثنين أجانب عن بعض واتجمعوا بمنفى ! ولا واحد قِدر فيهم على انه يفهم الثاني !! |
فيروز غنّت " نسم علينا الهوا " ................... واعشب الصدر يوم هبّ النسيم ما حَب من هو قبل حُبَّه نوا ....................... لا نيّة ٍ في الحُب ولا به فهيم إلا العليم الذي فالق النوى ........... الحَب في الأرض والحُب جوا الصميم كنّه ثمر فوق غُصن استوى .......................... وطاح ولقي حيز ٍ به يقيم ما تسأله ليه ما هو انزوى .................... في حيز آخر من على هالأديم حجر كذا من السماء وهوى .................. كيف .. ليه .. شلون ربك عليم فجّك ولا تبغى لفجّه دوا ............... وتحس منت بسقيم ولو انك سقيم الحب .. العشق .. الهيام .. الهوى ............. الغرام .. الجنون .. الممات الحميم كلبوها أسامي والأسامي سوا ................... من تولّع تولّع ما نفعه الحكيم |
تعال وعدني غلطه غواك ابليس تجنيها ....................... تعال ولا ندمت اندم بعد ما ذنبك يجيني تعال وبحمل ذنوبك إذا رجعت لباريها .................... نفس تتحشرج بصدرك وخلي وزرها فيني صوابك هدّني وأعيى رجولي في خطاويها ....................... يخي زل وتعال أتنفسك وامشي وخليني يحظي من عرفتك فرحتي صفحه وطاويها .......................... أمانه تفتح الصفحه أكحّل منها عيني يحظي كل صفحاتك رمت فيني بلاويها .................... يجوز إن الفرح مطوي بالهصفحه يناديني يحظي أسألك بالله تقلي اش ذاخر ٍ فيها .................. عسى ما تكون ذاخرها بياض ليوم ترثيني ؟ أمد لك من اللهفه كفوفي لجل تعطيها .................... تجي تاخذ أصابيعي من كفوفي وترميني ! أبنّي قلعة آمالي وأكدح لجل أبنّيها .......................... تجي في هيئة مهنّي ولكن ما تهنيني تنامت في مدى عقلي عباره صرت أغنيها ........................ إذا حظي عمت عينه فلا فادت تلاويني عبس وجه الصباح بفكرتي يومي أسميها ........................ وتولى عاقد حجاجه المسا لما يلاقيني يحظي تشبه الساعه بعقاربها وثوانيها ........................ ولكن تختلف عنها بمشيك في مياديني إهي تمشي واذا وقفت أناخت في أراضيها ............... وانت واقف واذا تمشي عكس دربي تمشيني تمنيني على كف الأمل يومك تحنيها .......................... والا حنيتها لغيري تِزوِجهَا وتِمَنِينِي بـ/ اِخت إلها بِكِر شقرا وانا اللي خابر ٍ بيها ..................... مزوجها لـ/رَبع قبلي وقبل أمي تلد فيني عسى الله يرحم أمك كان لك أم وتراعيها .................. يخوي ارحم دموع أمي ولجلي لا تراعيني يـ/ قِل الحظ يا حظي حياتي اللي مخاويها ...................... يـ/ إما تفترق عنها يـ/ تاخذها وتخليني |
رسالة لـ/ خالد صالح الحربي انفض همومك ثم تعوّذ من الضيق .............. عمر الحزن باوجاعنا يوم ما حَس كَنّه يشوف ان المآسي بِنا تليق ................. قم خلنا نرقي وضعنا من المَس غمّض عيونك ثم بسمل وثم فيق ........... واصرخ بوجهه يا حزن لا هِنا وبس |
| الساعة الآن 06:41 AM |
Powered by vBulletin® Copyright ©2000 - 2025, Jelsoft Enterprises Ltd.