-

هالقصيدة فعلاً تمس القلب وصداج كان له فيني صوت،
لج واعذريني ع القصور:


-
يا قريبه في الشعور ويابعيده في المسافه !
... ... ... ... ماذكرتي ماقدر انكر في ليالينا حصوله

القلوب البيض صارت نادره يا للحسافه !
... ... ... ... التقاعس في تزايد والعرب صارت جفوله

اتفق؟ ان الطفوله ودعت دون ألتفاته
... ... ... ... والعمر فعلاً تكٌهل قبل لا تكمل فصوله

واتفق ان الخلايق شوهت معنى اللطافه
... ... ... ... ناسيه ما حث ربي وماتخٌلق به رسوله

وأختلف في حاجهٍ لو كان مافيها كلافه !
... ... ... ... بدل لحافك بغيره عرضه مناسب وطوله

الليالي علمتنا نتبع القلب و.. شغافه ..!
... ... ... ... من شرانا لو قدرنا مانقصر في قبوله

رغم بأن الحب الابيض في زمنا كالخرافه
... ... ... ... واسوء النيات تأخذ بالهوى دور البطوله

يا قريبه صدقيني الزمن به الف آفه ..
... ... ... ... من يدقق به بيغرق أو يطول في ذهوله

يا قريبه لو تصالح كل منا وأختلافه !
... ... ... ... ما نخلق فينا عذول ولا وجد فينا عذوله

ياقريبه واعذريني لو قصر شعري وقافه
... ... ... ... يوم شعري عند حسنك وقف ونوخ ذلوله

يا بحر ماجيت عنده ولا تساويت بضفافه
... ... ... ... مبدعه وابداعك ابطي عمر ماقربت حوله

يا قريبه؟ كان قربك ذنب اسعد لأقترافه
... ... ... ... واذخريني ند حزنك بالوفا صوله وجوله

ولاتقولين اذكريني الزمن يبطي عجافه!
... ... ... ... مايفرق له خواتٍ بالليالي وقفوا له ..



دام هطولج غاليتي:34:

شعور