[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا محمـد هقـوتي فيكــم كبـيــره=أكبر مْن احـلام عمري وامنياتي

ماطلبـتـك فالمطالـيـب الصغيـره=أطلبك فأصعب مهمـه في حياتي

انت اميـر ومطلبي يـدّ الأمـيــره=المهـاه اللي خـذت عقلي وذاتي

المـهـاه اللي مـزايـاهــا كثـيـره=مارضيت بغيـرها تصبـح مهاتي

مُعجبه وبْوَصفهـا جـدا ً مثـيـره =وانت تـَعـْرفنـي أقـدّر معجبـاتي

بالمحـبـــه واهـتماماتي جـديره =تشغـل التفكيـر حتى في مبـاتي

لو يصفن لي فـتـيـات الجـزيـره=اعتذرت وقلـت تكفـيـني فـتاتي

يامحمـد لاجلهـا روحـي أسيـره=ليـتـها تشتاق وتحس بـ غـلاتي

هو صحيح المعرفه مـده قصيره =بسّ معهـا كانت احـلى ذكرياتي

تقصر ايديني وانا عيني بصيره=تـُبـذل الأسبـاب والمقـسـوم آتي

يامحمـد فرصتـي هاذي أخـيـره=لو تروح أضيع واتـْحمّـل شتاتي

أمـنـيـه ماهمـنـي لو هي عسيره=كل يوم ادعي تحقـق في صلاتي

يامحمـد شعـري بْحـوره غـزيـره=ماكتبـتـه خربشـه من خربشاتي !

افهـم المعنى ترا الدعوى خطيـره=وانت ماتحتـاج توضيح لـ وصاتي

يامحمـد هقــوتـي فيـكـم كبـيــره=ماتـوقـع دونكم حـذفــة حـصـاتي

ماطلبـتـك فالمطـالـيـب الصغـيـره=اطلبك فأصعب مهـمـه في حيـاتي[/poem]






ـــ نايف الرحيمي ـــ





.