انا مين!!

[عبدالله العتيبي]

ودي اسافر بس مدري على وين !
أهم شيء إني أبدل مكاني
|"|
ابي دروبي ماعليها عناوين.؟!!
ماغير انا وانتَ وذيك الأماني
|"|
ياعين ابوي الحال من بعدُكم شين
في زحمة احوال الزمن هان شاني.؟!!
|"|
يسرح بي التفكير من حين لا حين
وتمطرني الذكرى حنين ومواني
|"|
أحيان اسولف في قصيدي عن العين
وأحيان عيني من قصيدي تعاني.؟!!
|"|
ودي اضمك بين قلبي من البين
وبين الحنان اللي بعينك دعاني.؟
|"|
محتاج لك مثل الجسد للشرايين
ومحتاج لك مثل الفرح للتهاني.؟!!
|"|
احياك فعلاً رغم الأيام عامين .!!
وانا أتنفس من حنانك حناني
|"|
حبك خذاني من حياتي وانا مين!!
ماعرف نفسي قبل حبك خذاني
|"|
ودي انا وانتَ بهالكون غادين.
ونعيش في عالم انا وانت ثاني.؟!!
|"|
حتى يلامس وجد الإحساس قلبين
وننثر بقايا العمر حب وأغاني.؟!!

[إبتسام محمد]

"
.
.




زَخَم منَ المَشاعِر المُتْرَفَة بـِ العِشْق
قَصِيدَة تَحْمَل مَعَانِي جَمِيلَة وخَلاَبَة ..

صح لسَانكـ ..


مودَتِي .."

[بلقيس الرشيدي]

الأماني فِي الهَوى مجنُونة !
رائِع دومًا ياعبدالله فسلم الإحساس والبَنان .


http://www.albrens.com/vb/uploaded/4563_1251393963.gif (http://www.albrens.com/vb/uploaded/4563_1251393963.gif)

[محمد سلمان البلوي]

التَّوق للانتقال والتَّرحال
والحيرة في تحديد وجهة المكان
والثابت الوحيد والأكيد هو صحبة المحبوب


عذب هذا القصيد أخي عبدالله وجميل
تحيّاتي لك ولقلمك المُجيد

[علي القرني]

صح صح لسانك يالجزلرائع وراقي وممطر بالجمال




احترامي يالقرم

[نادرة عبدالحي]

يحقلك يالشاعر تطلب دروب ما عليها عناوين وتجد الأماني مثلما تجد الماء
ابي دروبي ماعليها عناوين.؟!!
ماغير انا وانتَ وذيك الأماني
|"|

[عبدالله البطي]

الله ياعذوبتها احسها فعلآ رويت فالضما كاسك حنين ماهو شعور وبس فعلا انا اقری قصيده
صح لسانك