غن / لا ضاقت عليك الوسيعه / غن

[نواف التركي]

.
.
.



يقولون

لا ظاقت عليك الوسيعه

غن


.

.

.


متصفح مفتوح لــ لكل

فقط

غنّوا




الله يسامح من ذكرت ونساني
........................................... وأنا أدري أني لا ذكرته تجملت

.

.

.

لا تفرح أنك دجت بين المحاني
.......................................... لو ما تخون الذاكره ما تسللت


عزف / متعب التركي

[محمد الناصر]

جتني وشافتها عيون حايرات
ذا شعاع الشمس او هذا سناها

ضاعوا اللي جوا معاها مسيرات
واقبلت تمشي تقل محد معاها

يا سنا الفضه ويا جيد المهاة
يا شذى نبت الخزامى في وطاها

قلت:زاهي بوجنتك زهر النبات
قالت : ان الرمش يجرح لي صفاها

تجرح الظلمى عيون ناعسات
سلهمت واغضت تغطرس في بهاها

حققوا بالشوف في لون الشفاة
هو خذ منها الشفق والا عطاها

لو ظلام الليل يعطينا ثباة
فيه من لون الشعر والا كساها

كيف اباصف زين كاملة الصفاة؟
كيف اباصل في حروفي منتهاها ؟

ألف شكرا على هذا المتصفح

[يزيد الماضي]

(عمران) مامن ورى هالركض تحويشه = والعقل ما عاد باقي منه لو تكّه

لو كان لي عمر ثاني وأقدر أعيشه = ما خفت هالشيب يرقى الراس ويحكّه



غن يابوتركي غن

[نواف التركي]

شفني مشتت في جميع الزوايا = بـ / كل ركن تشوف لي حلم موؤود



غن

يا يزيد غن

[يزيد الماضي]

علمتها قبل امس معنى الكتابه=واليوم صارت تستلذ المكاتيب
وان كان لي قبل امس قدر ومهابه=صارت حداثة كل لحظة ف تجريب
علم قديم وكل شاعر حكابه=وبعض الكلام رماح سود معاطيب
وان صرت في وادي تنابح كلابه=جر العوا ياقلب قل: وش على الذيب؟



من غير




بــــــــدر الحمد

[هدب]

خلك معي دايم وأنا اكون مبسوط
لا تغيب عني يوم ويضيق صدري
قلبي وهبلك الحب مصفوط
والا على غيرك من الناس بدري
مدري وش اللي بالهوى شاطني شوط
والا ترى قلبي من الحب حذري



الف شكر نواف

[نواف التركي]

أبــ / عترف لك ما بقى شي ينقال = لا الحزن ينفعني ولا الشعر نافع

تدرين مدري وينها راحة البال = لكن عسى للذنب يا ( مي ) شافع

[عبدالله ثويني المانع]

..

يوم النحاس انصدع لونه وذاب أصفره =غنيت للسنبله كل اغنيات الحصاد
مايدفي الا الوبر والوصل والمقدره= لازاد شوك الشتا في راحتك والفؤاد
ولاصار ما لك اليا منك ركضت اغبره= شوري عليك اترك البيدا .. وكب الطراد الصقر / نايف صقر

ــــــــ

نواف لك الشكـر

..

[نواف التركي]

.

.

.

ضاقت الأرض / يوم أقفـت مظاهيرهـم=للجفا لاح بـرق ٍ.... بالسمـا وتبعـوه

للظمـا... ياضلـوع ٍ تحتـري خيرهـم=للسهـر ...ياعيـون ٍنومهـا ذيــروه

لاتلامـس غصـون الجـرح ياطيرهـم=ما عشقتك ...مادام العشق معهم خـذوه

من وفا فـي طعونـي غيـر تقصيرهـم=وش بقى في جفوني غير حزن ٍ نسوه ؟؟

منتهي واتعبت رجلي ... / مشاويرهـم=يوم شحوا ب/ غيث مزونهـم و منعـوه

ما بقى للمحانـي لوعـة ٍ.....غيرهـم=آه ياحلمـي اللـي بأولـه ...ضيـعـوه

يوم مديـت دلـو الوصـل فـي بيرهـم=ليـه حبلـه بسكيـن الفـراق قطعـوه


للراقي / خميس الأسلمي

[عبدالله ثويني المانع]

..

رهنت لغيبتك ظلٍ نحيل ودمعتين وباب =على قلبي قفلته والوفا همه ومفتاحه
تفضل نعمه النسيان ما ابغي لاابتعدت اصحاب =عطاياك القديمه والجديد الياس وارماحه
بقي طيفٍ باحرسه في عيوني لك عليه اهداب =ولاني حاجبه ياوجهته لاهداك مرواحه
خلص كل الكلام اهديت لك لون الوداع اخضاب= مهر كفٍ دفاها من عذاب مصافحي راحه

نايف
صقر

[نواف التركي]

يــا بـانـي الـصـوت لا تـهـدم مواويـلـي=على سمل عزّتي و الشعـر لـو سمّـل

نفـس العلـوم القديمـة نفـس تمثيـلـي=ملـيـت اداري و انــا تـعـبـان و اتـجـمّـل

وصلـنـي الـبـاب و اصـحـى لا تناديـلـي=القلب هذا شمالـي كيـف مـا اشمّـل؟


عزف / خالد المسعودي

[نواف التركي]

من الخاص


يامتعبٍ بالآه قـوس الربابـه =الصبح بان وماللآوجاع تالـي

لاصار وقتك باخـلٍ بالاجابـه=وش ذنب ليلك تجرحه بالسؤالي


يزيد الماضي












يا صاحبي عزّت علـي الأجابـه =النور شق ولا لـ/ هالقلب والـي

شح الفضاء بـ/مسامري وأنتحابه=لاهو خذى حزنـي ولا راق بالـي

وألا أنت تبقى طشطشات السحابه=غالي وسيّـر بالمشاعر لـ/ غالـي


نواف التركي

[العـنود ناصر بن حميد]

.
.

ياهيه..تحسبني تفاجأت يا هيـــه..!!

واني انصدمت بصاحبي يوم صدا

***

اصلاً انا اليوم الذي ما انصدم فيه

استغربه !! واقول وشلون عـــدا.!!

عمر غربي

[عيون الشوق]

هنيّا كان به قلبٍ طحنته في رحى الهجران

.................................................. . تركته في يدك واثرك توصيت بعذابه صح

لـــ نواف التركي ..

.

شكرا لك اخي نواف لاتاحه الفرصه لنا ...

خالص التقدير

[عيون الشوق]

لا صار حظ أقشر.. والأيـام قشـرى
ما فيه أحد عاقل يلومك إليا ضقـت!

صحيح بعض الناس فرقـاه بشـرى
وبعض البشر لا غاب ليله تضايقت!!


لـــ متعب التركي

[يزيد الماضي]

خفافٍ يا دموع بالعيـون ،وبالقلـوب ثقـال!=أخاف البكا ،لا مـن ضـوت ليّـه قناديلـه!
كذبت!وكنت عارف كيف أغني وأجرح الموال=صدوقٍ من كذب في ضحكته والدمع يومي لـه
بعض عقل يزيد العاقل جنون! ، وبعضه هبال=تعذرت العقل،لا زاد في عدله،، زاد في ميلـه!
على كثر الكلام اللي تطوى بالقلوب حبـال!!!!=كثير أرحم من الصمت ،وغيابي هذي الليلـه!





لــ فــهــد دوحـــان

[يزيد الماضي]

كل شي كبر ،وأنت (يا طيـب) ولا تكبـر=تركضك الأيام ،، لا واقـف ولا ماشـي!
يا قّوْ قلبـك ،،ولـو عمـرك ،ورق دفتـر=يملاه الأزرق زمان،،وياصـل الـلاشـي
الله...يـا أنت...يالمسكـون بالأخـضـر=ذاب الذهب ....كأنها الدنيا ،لـك غراشـي!
مثل السواحل،تحضـن الموجـه، وتصغـر=وتكبر فـوجـه البحر..والمـوج متلاشـي
وجهك مداين!، وغربـة صوتـك المهجـر=منفي...وكل الدروب ،لوصلـك عطاشـي!
أدريك: تتعب،تعانـي، تختفـي، تظهـر!!!=تضحك ، وتبكي، تخاف الليـل والواشـي!
عصفور جنّة ...وصفـك الـورد للعنبـر!=طرت فـعيوني...تركت لقلبـي أعشاشـي
سافـر حديـث الدخون،ونشـوة المبخـر!=وخليت عطرك على رمل الحشـا فراشـي!
لا تستقلـك ...تـراك... بعينـي الأكثـر!=وأنت أكثرك صبح، لكن...ما صحى جاشي!


لــ للداهية

بـــدر الــحــمــــــــــــــــــد



غن

يانواف

غن

[نواف التركي]

.

.

.

يا سيف ليت الحمل حبرٍ وينشال = ماعذبتني بالحمول الرحايل

مير الورق مكسور وجنوبه هزال = متحريٍ دبك المهار الأصايل



لــ / فهد دوحان

[نواف التركي]

الصمت حكمه / لا أرتفع تهريج عشّاق الكلام = عمر الحكي ما كمّل الناقص ولا عزّ الذليل

لكن أليا من فسّروا صمتي ضعف ما من ملام = اللي يحرث النار بيده يصبر لـ / كوي المليل


ستكتمل

[يزيد الماضي]

الصمت حكمه / لا أرتفع تهريج عشّاق الكلام = عمر الحكي ما كمّل الناقص ولا عزّ الذليل

لكن أليا من فسّروا صمتي ضعف ما من ملام = اللي يحرث النار بيده يصبر لـ / كوي المليل


ستكتمل



بمثل هذا يكون الشعر


الله


عظمة على عظمة

ياسيدنا الشيخ

[عيون الشوق]

مساكم شعر .. وغناء


تدري اللي ذبحني.. قولتـك: مـا ابيـك
مابقالـي لثـاري لـو بغيتـه مــدى

ماهقيـت المشاعـر كلهـا ترتجـيـك
قل لها بالمفـارق منهـو اللـي بـدى؟؟

هـاك دمعـة عيـون ٍ باكيـه تشتكيـك
هاك ريح ضميرٍ مـا استـراح وهـدى


لــ متعب التركي

[نواف التركي]

.

.

.
وآ هنيّك في حياتك بالهنا يالورقى = وآهنيّك تلعبين السامري مسروره

وآهنيّك ما أنكوى قلبك بنار الفرقى = ولا حنى الهجران حالك حنية الباكوره



غازي بن عون

[عيون الشوق]

انا بشعري وزنت القاف وجبت البحر باحساسي
وخطيت القصيد بيوت وروضته على كيفـي

وزنت البيت في شعري وحطيته على راسي
ولحنته على قافي .. وعـوّد مـن مواليفـي

( عيون الشوق )

[نواف التركي]

أستأذنك ماعاد به شي يسـوى=أنا خلصت من الأمل والرجاوي


ياعلّ حلمٍ غرني فيـك يلـوى=ماكان راح العمر مني خـلاوي

[عيون الشوق]

صبرت شهور انتظرك تحملتك بهجرانك .

.......................... واقول انك تبي ترجع ترد الما مجاريها


فرحت برجعتك لكن ... لقيت الجاي شيطانك

.......................... بدل ما اتكحل عيوني لقيتك جد معميها


( عيون الشوق )

[نواف التركي]

بـلادي .. يابـلادي .. يابـلادي والطريـق منيـن=عجـزت القـى مكـان يلـم خطواتـي ويقـرانـي

لمين ابكـي بعـد رب البريـة واشتكيـك لميـن ؟=بكيت وجيـه نـاس ولا بكـى واحـد علـى شانـي

بـلادي .. والطريـق اللـي حدانـي للسفـر تنيـن=يبـث النـار مـن فـم المسافـة ليـن تصـلانـي

كذا ترضين ؟ اصير انسان يبكـي .. ينكسـر ويليـن=ليـا شفـت السنيـن تمـر واللحـظـة تعـدانـي

منافي في منافـي والفـرج فـي صومعـة بعديـن=يفـر المسبـحـة ويقـبّـل المـحـراب وحـدانـي

بلادي .. ماعرفتيني ؟ وانا اللي جلت صـدرك ليـن=مليت الخبت مـن دمـع الرحيـل وغيمـة احزانـي

هنا في ربعـك الخالـي مكبّـل مـن ثـلاث سنيـن=هنـا ..والبـرد يجلـد عبرتـي ويشـل وجـدانـي

من ايام " ايدمة " لـ" الخن " لاول جرح في " يبرين "=وانا اهـذي بالطـروق المبكيـات وسـرب قيفانـي

بلادي كيف اخاف من الدما ؟ واخشى من السكيـن ؟=مـدام المشكلـة بينـي وبيـن تــراب وديـانـي

ورب المصحف اني رحـت اقسـم خافقـي نصفيـن=عشـان احيـا بنصـف وللحبايـب نصفـي الثانـي

عشان اخرج من افواه الظلال وكلمـة " المسكيـن "=واطمـن خاطـر امـي واستقيـم بنظـرة اخوانـي

بلادي .. يا بلادي .. يا بـلادي .. والبقيـة ويـن ؟=عسـاي القـى مكـان يشتـت احزانـي ويقرانـي





لترقية الذائقه
أنصح

بـ / عبدالله سعيد

[يزيد الماضي]

يالله يالي بيدك الضيق وافراجــــــــه =ياخالق الخلق ياقاضي حوايجـــــــها
تفرج لعين الذي أغفت بســــوهاجه =تجهز عليها الطواري لين تزعجــــــها





عبدالله بن عون

[نواف التركي]

توديع الأحباب مثل الموت له سكره
.......................ادمى جروحي وشق الصدر منيّـا

والقلب طير ضلوع الآدمي وكـره
.......................لا شاقـه الطلـع لاسلـم ولاحيّـا

مصير الأحزان تنساني وتفتكـره
.......................ماكل الأيام بيض وسمحـة محيّـا

قل غيرها ماأنت لامجبر ولامكره
.......................لاصار ماهي غلا ماأبي لك حميّـا

لو في يدي شي ماقلت الوعد بكره
.......................حزمت حدب الضلوع وقلت لك هيّا

لو كل غالي يجي دايم على ذكـره
.......................ماصرت اشوفك هنااااااااااك وحبك هنيّا

ياليتني لابغيت اكره قدرت اكـره
.......................ماكان قلبي ليا جيت اكرهك عيّـا

مادامك معيف رح لكن على فكـره
.......................ماقلت لي ليه دمعـك سـال منيّـا

متعب التركي

[نواف التركي]

لو سامحتـك السنيـن ودمعـة عتابـك
ــــــ ماسامحـك حلمـي اللـي فيـه ضحيتـي
ولو كنتـي العمـر ماعاشـك وغنابـك
ــــــ قـلـبٍ تركتـيـه للفـرقـا وصديـتـي
ردي على الحزن انتـي حزنـك اولابـك
ــــــ جـيتي حزينه .. وروحي مثـل ماجيتي


محمد الوسمي

[سلطان ربيع]

يا صغيّر ما يكبرني لقب
,,,,,,,,,,,,,,,,,, وما يصغرني إذا انكرني صغير

طلال الرشيد

[يزيد الماضي]

للدرب الاول وذكـرى ( هنـد ) رجعنـي=وشكل بحزني سمـاء وصـار جنحانـي
ما اقول قاسي نبـش ذكـراي واوجعنـي=أقول ناسي سأل عن ( هنـد ) وابكانـي


عمار

ياعبدالله المانع

عمار

[يزيد الماضي]

ياللي تعشق الجرح ماذقت همه = ولا شكـيت الحزن ليلـه من العـام
غير الوفـا ماشفت فينا مذمه =واكبر عيوب الورد تعطيـر الانسـام


الكبير


سليمان السلامه

[يزيد الماضي]

اكبرعذاريبي براءة وضوحي = واصعب عيوبي إني إنسان لمّاح
لاجيت افتش في ثناياجروحي = كني احس بشي مثل الأمل طاح




.
أحمد الناصر الأحمد

[نواف التركي]

قرف .. مليانه جيوبي ورق شاي .. وسجارة ليل=تعبّ أصحابي الكاس الأخير .. فـحضرة الصاحي

نفانيف النسا تكشف خفا المتمرجل .. الحلحيـل=يصير (الكاش) رمح النخوه اللي يهزم رماحـي !

أنا يا صاحبي ماني رجل غايه .. ولانـي بْخيـل=أنا املك حانة الصحو الثقيل .. ْوأملك إصلاحي !!

غبا تفهم بأن الضعف ما يسكـن ضخامـة فيـل=وابي تعرف بأني محتِرم في صمتي .. جراحي !!



جمال الشقصي

[عبدالله ثويني المانع]

..

ربت ماهي على ريشـة نعـام وفـي بلاط قصـور
ولكـن لا تـرف لـه قيـمـة إلا تـحـت أوامـرهـا

..
** ناصر القحـطانـي **

[يزيد الماضي]

لـكـل احـلامـي


اللـي مـضـت .. واللـي بـتـجـي


لـكـل الآلآمـي


اللـي بـقــت .. وعـيـت تــروح


لكـل مـافـينـي .. أنــا


وقـت ً نــثـرني .. للـعـنـا


ووقـتً فـتـح .. بـاب الـجـروح


.
.

لـكـل ابـواب الـمـساءات / الـحـزيـنه


وأحـتـطـابـي


وفـي عـيـوني الـف قـصـه


لأغــتـرابـي


.
.



لـكـل تـنـهـيـدة .. حـزيـنـه


عـانـقـتـنـي .. مـثـل غـيـمـه


لـكـل .... كـــلـي


وش ابـي اتــرك .. بــ مــحـلـي


غـيـر .. بـعـضً مـن مــديـنـه


ابــواب


شـبـابـيـك


بــيـوت ً .. قـديـمـه

.
.

شــارع

بـلا رصـيف .. أو اشـارهـ


مـخـنـوق فـي .. صـمـتـه


حـكـايـه .. لألــف حــارهـ


.
.


أحــبـاب

وجـوهـ .. مــعـطـره بـريـح الـغـيـاب


.
.

وهــنـاك


عـلـى الـرمــل الـبعـيـد


كـنـت .... أنـا


طـفـلـه بـضـفـايرهـا .. أمـيرهـ


تـخـط بـأصـابـعـها .. دوايــر


وتــسـولـف


وصـوتـهـا .. مـايـسـمـعـه


الا ..... هـي


وظــلـت .... كـمـا / هـي


صـوتـهـا .. يـخـتـنـق


يـتـغـرغـر بـرعـشـة .. حــروف الـغـرق

.
.

ويـنـطـلـق


يـا هـيييييييييييه


يـاللـي .. تـسـألنـي عـن أحـوالي


أنـــا


مـصـلـوبـة ً .. فـي ثــوب مــاضـي


ومـكـتـوب فــوق ... قـبرهـا


م

ا

ض

ي



ومـنـثـورة .. فـي شـفـاة الـقـصايـد والـقــصـص

حـكـاية ً .. مـلـت تـعـابـيـر التـسـاؤل والـعـسـس

.
.

هــذا .. أنــا


ياللـي تـنـشـد


مــن .. أنــا !!




للعنود بنت ناصر

[يزيد الماضي]

قال تدري /قلت تدري أنت بأن صمتـي كـلام = وتدري أن بعض الكلام أخاف يقتلـه السكـوت


بين أفجّر ..هالغضب وأقـول يـا دنيـا سـلام = وبين أخاف أن كلمتـي لا قلتهـا تخـرب بيـوت


ويش أفضفض لك زمن /عيّـا نعيـش بأحتـرام = أن رفضت تصير حوت بيبلعك من صـار حـوت


قال أرضك / قلـت ثكلـى تستلـذ الأنتقـام = قال يعني/ قلت لو تنهش عضـام أهـل البشـوت


قال أصص..أحسّ بأنك تكسر أغصـان الحمـام = قلت صوتي لو يمـوت بينولـد مليـوون صـوت


قال هاه/وقلت أيه شلون أصلـي خلـف أمـام = يُقتل (محمـد) ويرفـض ينصـره لـو بالقنـوت


قال يعني/قلـت دعنـي تبـت يديـن الظـلام = قال خلّـه / قلـت والله / مـا أخليهـا تفـوت


قال عيش/ وقلت أفهم..لقمتي صـارت حـرام = قال سمّ/وقلت تضمـن لـو أسمـي مـا أمـوت


قال ماأضمن / قلت أجل أصمت لأن بعض الكلام = يعتبر ذنب ويكفّـر بعـض الأخطـاء السكـوت






من أجمل ما قرأت في حياتي

شكراً

نواف التركي

[نواف التركي]

.

.

.


الموت ماهو لا أنحنى للتعب راس = الموت راسك لا أنحنى للخليقه



بركات الشمري

[صَـبــا]

" شيلي من راسك حكاية ترجعي
ما بقالك فــي حيــاتـــي متـسـع
كنتي جرح وكان بطرف اصبعـي
وبصراحه .. مـا اتذكـر أي صـبـع"

عزف : أنور المشيري

[العـنود ناصر بن حميد]

.
.

كم تعبنا ولكن ماعرفنا الصحيـح

وكم هوينا الصعـود ولا لقينـا درج

***

أكثر قلوب الأحياء بالعطايا شحيح

وأكرم الحزن دمع العين لا مـن درج

***


كل ما طاح نجمٍ رحت أحفر الضريح

لين ماعاد باقي فالسماء مـن سـرُج

***

سولف الحزن وأيقض كل قلبٍ مريح

عن بقايا عذابـك حدّث و لا حـرج

***

لأني أظن ماظـاق بمكـانٍ فسيـح

غير قلبٍ مثل قلبـي بعيـد الفـرج

للرائع

نواف التركي

[عيون الشوق]

.



في عيونك شفت بك كل الغموض = ماقدرت اعرف انا وش مذهبك


خلنا نرسي على شاطي وروض = .وابعد هموم الزمن عن مقربك



( عيون الشوق )


.

[يزيد الماضي]

كلّما قالت النيران هَل من مزيد
------------ قلت يا (نوح) أكْثَرْ أمّتك مشركه
من كفَر بالله الرحمن يحسَبْ فقيد
------------ مثل من يرمي بْنَفسه على التهلكه
تحمِلْ الفِلْك من هُم آمنوا من عبيد
------------ والذي يكفر بْرَبّه يا (نوح) اتركه
ذَرْ عجوزٍ وَلَدْهَا ما بقى له حفيد
------------ دام ما طاع شورك.. ما وَرَاه بْرِكه
الوَعَدْ يا (سفينة نوح) غير الوعيد
------------ والممالك لها معنى عدا المملكه
شِفْت بعض الصعاليك أبدعوا بالنشيد
------------ لاجل هذا بديت أتْقَبَّلْ الصعلكه
كلّما قالوا الشَّعَّارْ ما من جديد
------------ قلت: أكْثَرْ بيوت الشِّعر مسْتَهْلَكَهْ
قِلْت لِلّي يظن أنّه على الشِّعر سِيْد
------------ نحن نَفْتِقْ لك المعنى لاجل تحبكه
كم دعوك الكرام وْسِقْت عِذْرٍ زهيد
------------ بعض الاعذار تحمِل نَبْرِةٍ مِضْحِكَهْ
ما تنزَّلْت.. والاَّ خِفْت بَحْرٍ عنيد
------------ يدركك موج تيّاره قبل تدركه
لا يا (بوزيد) عذرك لو حمدته طريد
------------ مثل عذر المنافِقْ حَزّةْ المعركه
ثوب عرْضك ولو زَلّيت يبقى نضيد
------------ عرْض الانداد لو يخطون ما نهتكه
لابتك ناس ما نقبل بهم دَمّ جيد
------------ والله أنّا لَنَسْفِكْ دَمّ من يَسْفكه
ما هنالك دخَان بْدون نارٍ تقيد
------------ والرصاص ان خطا ضلع البتيل اربكه
القصايد تِعَنَّى لك ولو من بعيد
------------ تبرِقْ فْـ (بوظبي) وِتْهِل في (فيلكه)
إفْرِكْ إيْدِكْ على خاتمْك دامه حديد
------------ في يدي خاتم (سْليمان) لا تفركه
تسعفك عالقصيد الإنس.. واحنا القصيد
------------ تسعف أمّه علينا جِنّ وِمْلايكه
وانت يوم أن روحك حشرجت بالوريد
------------ إسْلِكْ الحَق والاَّ خَلّها تسلكه
كل من مات في (طشقند) خِلْته شهيد
------------ وش لك بـ (أوزباكستان) والأزبكه
مَسْجِدِكْ عند هَلْنا إسمه أصْلاً مِسِيْد
------------ نقلب الجيم (يَا) والثابت نْحَرّكه
نزعَلْ إن صارت الحيتان من صيد لِيْد
------------ وانت فرحان لانّك صدت ذيل سْمكه
أمسية عام الاوّلْ شِعْر وِكْلاب صيد
------------ الشِّعر مَعْ كلاب الصيد لا تشركه
أكثَرْ الجَمْهَره.. حَشْرٍ مَعَ الناس عيد
------------ وَلَّفْ العيد لك جمهور ما تملكه
صار ما لا توِد وجاك ما لا تريد
------------ والذي ما قدرت لْقَافيَتْه اشْتكه
اشتك الدرب لى حَدّك على خشم حيد
------------ وانْدِبْ الحَظ لى عَقّك بوسط شْبكه
وش بلا الأرض قامت بك تدور وْتميد
------------ إركب أكْبَرْ خيولك والسحاب ارتكه
ناب نمْرك على القرطاس كيده شديد
------------ رِد نمْرك عن القرطاس لا يعلكه
أشْهَد أنّك على سَبْك السوالف فريد
------------ لكن الشِّعر طبّه.. وش تبى تسبكه
طَبّلوا لك على الصفحات (زيد) وْ(عبَيْد)
------------ وانت تحتاج للتَّطبيل والفبركه
إسطوانَتْك مَكْسوره تقول وْتعيد
------------ ودها تمسِك المعنى ولا تمسكه




بلا أدنى شك

النادر

محمد المر بالعبد

[خالد صالح الحربي]

كلّما قالت النيران هَل من مزيد
------------ قلت يا (نوح) أكْثَرْ أمّتك مشركه
من كفَر بالله الرحمن يحسَبْ فقيد
------------ مثل من يرمي بْنَفسه على التهلكه
تحمِلْ الفِلْك من هُم آمنوا من عبيد
------------ والذي يكفر بْرَبّه يا (نوح) اتركه
ذَرْ عجوزٍ وَلَدْهَا ما بقى له حفيد
------------ دام ما طاع شورك.. ما وَرَاه بْرِكه
الوَعَدْ يا (سفينة نوح) غير الوعيد
------------ والممالك لها معنى عدا المملكه
شِفْت بعض الصعاليك أبدعوا بالنشيد
------------ لاجل هذا بديت أتْقَبَّلْ الصعلكه
كلّما قالوا الشَّعَّارْ ما من جديد
------------ قلت: أكْثَرْ بيوت الشِّعر مسْتَهْلَكَهْ
قِلْت لِلّي يظن أنّه على الشِّعر سِيْد
------------ نحن نَفْتِقْ لك المعنى لاجل تحبكه
كم دعوك الكرام وْسِقْت عِذْرٍ زهيد
------------ بعض الاعذار تحمِل نَبْرِةٍ مِضْحِكَهْ
ما تنزَّلْت.. والاَّ خِفْت بَحْرٍ عنيد
------------ يدركك موج تيّاره قبل تدركه
لا يا (بوزيد) عذرك لو حمدته طريد
------------ مثل عذر المنافِقْ حَزّةْ المعركه
ثوب عرْضك ولو زَلّيت يبقى نضيد
------------ عرْض الانداد لو يخطون ما نهتكه
لابتك ناس ما نقبل بهم دَمّ جيد
------------ والله أنّا لَنَسْفِكْ دَمّ من يَسْفكه
ما هنالك دخَان بْدون نارٍ تقيد
------------ والرصاص ان خطا ضلع البتيل اربكه
القصايد تِعَنَّى لك ولو من بعيد
------------ تبرِقْ فْـ (بوظبي) وِتْهِل في (فيلكه)
إفْرِكْ إيْدِكْ على خاتمْك دامه حديد
------------ في يدي خاتم (سْليمان) لا تفركه
تسعفك عالقصيد الإنس.. واحنا القصيد
------------ تسعف أمّه علينا جِنّ وِمْلايكه
وانت يوم أن روحك حشرجت بالوريد
------------ إسْلِكْ الحَق والاَّ خَلّها تسلكه
كل من مات في (طشقند) خِلْته شهيد
------------ وش لك بـ (أوزباكستان) والأزبكه
مَسْجِدِكْ عند هَلْنا إسمه أصْلاً مِسِيْد
------------ نقلب الجيم (يَا) والثابت نْحَرّكه
نزعَلْ إن صارت الحيتان من صيد لِيْد
------------ وانت فرحان لانّك صدت ذيل سْمكه
أمسية عام الاوّلْ شِعْر وِكْلاب صيد
------------ الشِّعر مَعْ كلاب الصيد لا تشركه
أكثَرْ الجَمْهَره.. حَشْرٍ مَعَ الناس عيد
------------ وَلَّفْ العيد لك جمهور ما تملكه
صار ما لا توِد وجاك ما لا تريد
------------ والذي ما قدرت لْقَافيَتْه اشْتكه
اشتك الدرب لى حَدّك على خشم حيد
------------ وانْدِبْ الحَظ لى عَقّك بوسط شْبكه
وش بلا الأرض قامت بك تدور وْتميد
------------ إركب أكْبَرْ خيولك والسحاب ارتكه
ناب نمْرك على القرطاس كيده شديد
------------ رِد نمْرك عن القرطاس لا يعلكه
أشْهَد أنّك على سَبْك السوالف فريد
------------ لكن الشِّعر طبّه.. وش تبى تسبكه
طَبّلوا لك على الصفحات (زيد) وْ(عبَيْد)
------------ وانت تحتاج للتَّطبيل والفبركه
إسطوانَتْك مَكْسوره تقول وْتعيد
------------ ودها تمسِك المعنى ولا تمسكه




بلا أدنى شك

النادر

محمد المر بالعبد








شُكراً يزيد.
على هذا النّص../. الشّاسِع.

[يزيد الماضي]

الــــــعــفــو

يــاخـــالد

[يزيد الماضي]

نـــواف
.


.


.


.

إلى اللقاء أيها النقي

[أحمد الحربي]

كلّما قالت النيران هَل من مزيد
------------ قلت يا (نوح) أكْثَرْ أمّتك مشركه
من كفَر بالله الرحمن يحسَبْ فقيد
------------ مثل من يرمي بْنَفسه على التهلكه
تحمِلْ الفِلْك من هُم آمنوا من عبيد
------------ والذي يكفر بْرَبّه يا (نوح) اتركه
ذَرْ عجوزٍ وَلَدْهَا ما بقى له حفيد
------------ دام ما طاع شورك.. ما وَرَاه بْرِكه
الوَعَدْ يا (سفينة نوح) غير الوعيد
------------ والممالك لها معنى عدا المملكه
شِفْت بعض الصعاليك أبدعوا بالنشيد
------------ لاجل هذا بديت أتْقَبَّلْ الصعلكه
كلّما قالوا الشَّعَّارْ ما من جديد
------------ قلت: أكْثَرْ بيوت الشِّعر مسْتَهْلَكَهْ
قِلْت لِلّي يظن أنّه على الشِّعر سِيْد
------------ نحن نَفْتِقْ لك المعنى لاجل تحبكه
كم دعوك الكرام وْسِقْت عِذْرٍ زهيد
------------ بعض الاعذار تحمِل نَبْرِةٍ مِضْحِكَهْ
ما تنزَّلْت.. والاَّ خِفْت بَحْرٍ عنيد
------------ يدركك موج تيّاره قبل تدركه
لا يا (بوزيد) عذرك لو حمدته طريد
------------ مثل عذر المنافِقْ حَزّةْ المعركه
ثوب عرْضك ولو زَلّيت يبقى نضيد
------------ عرْض الانداد لو يخطون ما نهتكه
لابتك ناس ما نقبل بهم دَمّ جيد
------------ والله أنّا لَنَسْفِكْ دَمّ من يَسْفكه
ما هنالك دخَان بْدون نارٍ تقيد
------------ والرصاص ان خطا ضلع البتيل اربكه
القصايد تِعَنَّى لك ولو من بعيد
------------ تبرِقْ فْـ (بوظبي) وِتْهِل في (فيلكه)
إفْرِكْ إيْدِكْ على خاتمْك دامه حديد
------------ في يدي خاتم (سْليمان) لا تفركه
تسعفك عالقصيد الإنس.. واحنا القصيد
------------ تسعف أمّه علينا جِنّ وِمْلايكه
وانت يوم أن روحك حشرجت بالوريد
------------ إسْلِكْ الحَق والاَّ خَلّها تسلكه
كل من مات في (طشقند) خِلْته شهيد
------------ وش لك بـ (أوزباكستان) والأزبكه
مَسْجِدِكْ عند هَلْنا إسمه أصْلاً مِسِيْد
------------ نقلب الجيم (يَا) والثابت نْحَرّكه
نزعَلْ إن صارت الحيتان من صيد لِيْد
------------ وانت فرحان لانّك صدت ذيل سْمكه
أمسية عام الاوّلْ شِعْر وِكْلاب صيد
------------ الشِّعر مَعْ كلاب الصيد لا تشركه
أكثَرْ الجَمْهَره.. حَشْرٍ مَعَ الناس عيد
------------ وَلَّفْ العيد لك جمهور ما تملكه
صار ما لا توِد وجاك ما لا تريد
------------ والذي ما قدرت لْقَافيَتْه اشْتكه
اشتك الدرب لى حَدّك على خشم حيد
------------ وانْدِبْ الحَظ لى عَقّك بوسط شْبكه
وش بلا الأرض قامت بك تدور وْتميد
------------ إركب أكْبَرْ خيولك والسحاب ارتكه
ناب نمْرك على القرطاس كيده شديد
------------ رِد نمْرك عن القرطاس لا يعلكه
أشْهَد أنّك على سَبْك السوالف فريد
------------ لكن الشِّعر طبّه.. وش تبى تسبكه
طَبّلوا لك على الصفحات (زيد) وْ(عبَيْد)
------------ وانت تحتاج للتَّطبيل والفبركه
إسطوانَتْك مَكْسوره تقول وْتعيد
------------ ودها تمسِك المعنى ولا تمسكه




بلا أدنى شك

النادر

محمد المر بالعبد




هذا النص المُدهش سبق لي أن قرأته...

وأدهشني حينها...

شكراً يا يزيد على نشره هنا...!

[نواف التركي]

وش فيك؟ ياورد الشمـال وطشيشـه=‍اقـراك حـزنٍ غـارقٍ فـي حوافـه

حلمـك كبيـر وفاقدينـه غويـشـه ‍=يشبـه لحلـم اجدادهـم بالرصـافـه

قـل للهبايـب لانشـدت هالدريشـه ‍=صدفـة قلـم .. ماتابهـا باعتـرافـه

طل منها واصرخ : لحلمـك وطيشـه ‍=امـا يجـي والا فـدتـك الحسـافـه


عقاب الربع

[يزيد الماضي]

ياشيخ روقّنا ترى النفس طابت = يكفي كلامٍ لايودي ولا يجيب

كل الهقاوي فيك (ياخيش ) خابت= وشلون تصدق وانت كلك اكاذيب..!





وللكذب فصول......!!

[نواف التركي]

وشلون يستر ظـل الأشجـار سـورك ؟=لا صرت تزرع في ثرى صمته الريـح

بيـن انكسـارك / ارتباكـك/ نـفـورك=ما عاد يروي ( غصن الإيضاح) تلميـح

ولا عاد يكشف ( عتمة البـوح) شـورك=لو كان فـإنصاتي ( عيـون ومصابيـح)

يا صاحبي وإن بعثـروا لـك شعـورك=لا يخذلـك شبـاك الأحـلام وتطـيـح



حمد عايد

[بنت النور]

أحيان..أحسك معي بكل حالاتي
وأحيان..أحسك بعيد وشوفتك صعبة

:

أمانتك لوجرحك الوقت بسكاتي
لاتتركني بكفين الزمن لعبة..!


للمذهل/ تركي المشيقح

[نواف التركي]

من وين جيتي ,, وش اللي جاب هالسيره=ليه السؤال ,,فـحبال ,, الجوع يرمينـي

من قال للما ,, يفيض ,, وينهـدم بيـره=مـن قـال للحاجـة العميـا تقدّيـنـي

لا تسألينـي إذا لـك بالحـيـا ديــرة=أو اسأليـنـي ولـكـن لا تـرديـنـي

وادٍ تزاحـم وجـاك أولْـهْ وآخـيـره=ما عاد باقـي وراي الا غثـى سنينـي


عبد الله البلوي

[يزيد الماضي]

بعض الغنا موت يابوتركي....!

[نواف التركي]

أيام كنت بكل ما فيني من اشواق وحنين=أوقف بوجه الريح واشعل حلمي وسيجارتي


واليوم يا أستاذة الإغواء بي شاعر حزين=ما مل يكتب سالفة حزنه بجوف حكايتي


من يوم غابت سيدة حرفي وانا امر السنين=عابر سبيل وضيقة ايامي تشكّل حالتي


زايد الرويس

[يزيد الماضي]

أمشي ولا ادري وين تاخذني خطاي = مدري جنوب والا هواها شمالي

همي مخاويني بـ حلي وممشاي= كل ماتعـديته اشـوفه .... قبالي.!!




لــ للغبي

[يزيد الماضي]

نشف ريق الكلام ولابقى غيــر الموادع بــوح=تعب وصل الطريق ولابقى غير البكا صاحب

يكفي هالبيت




شكرا يامتعب الحشيان

[ظافر الهرمسي الهاجري]

:
:
:

ودها تحكي عن أظروفها بالمستطاع
وآتخيل شكلها بالحزن ما له مثيل

المهم:

راحت وأنا أشوفها والحزن شاع

وأذكروها لي سارحه والجسد غادي نحيل

تحسب أن الهم يآكل عيوني بكل ساع

أشهد أن الهم في دنيتي عابر سبيل

ما عطيته وجه تدري وأنا رجل ٍ شجاع

أذبح الذيب المسرح وأنا وجهي طويل

لا بغيت أسج سجيت والدنيا متاع

كل يوم ٍ لي حكايا مع الصبر الجميل

فالجمايل من شراني شبر بشريه باع

هو يشبر لي جميله وأنا كلي جميل

والجمايل لو تشبر فأنا شبري ذراع

والله أني للجمايل تحملت الثقيل

لأن ربي من خلقني خلق فيني طباع

الشجاعة

والكرم

والوفا

( والمستحيل )

أتحدى الصبر والليل في ( ظلم الرعاع )

ولذة الدنيا كما قيل : في الشيء القليل












والحديث يطول يا نواف

كما أن الأبيات المذكورة أعلاه جزء يسير من قصيدة تفوق أبياتها عن إلــ 20 بيت


طبعا ً هي: ( لي )


لنغني .........

يقولون: لا ضاقت عليك الوسيعة غن ....

[نواف التركي]

يزيد الماضي

محمد الناصر

حنين

عبدالله ثويني المانع

العنود ناصر بن حميد

عيون الشوق

سلطان ربيع

صبا

نور

خالد صالح الحربي

أحمد الحربي

ظافر الهرمسي الهاجري

كل الشكر لكم مشاركتي هذا المتصفح , ولا زالت أبواب الغناء مفتوحه لذائقة الجميع

[نواف التركي]

نــــــوره ).. تـصـب الــوان وجـهـي .. غــرابــيل .. =وتـنـحـت عـلـى شـفـاهـي .. حـنـيـــن الـــســــوانـي ..



تـشـعـل عـلـى صـمـتـي بـ ـسـهـــرهـا ..تـعـالـيل ..=لا ســـولـفـت .. تـسـكـت عـــــــــــــيـون الــــثــوانـي ..



تــروي دمـوعــي .. فـي جـفـــاف الــمـنــــــاديل .. =وتـشــرب أغـــانـي .. فـي ظـمـا ( الأصــــفــهـــانـي ) ..



ذياب العسكر

[يزيد الماضي]

سراب وضحكة صفراء بلا رحمة وأمل كذاب =واحاديثٍ تدوس من البيـاض اللـون والمعنـا

تزور عيوننا نفحة هنا وتمـوت عنـد البـاب =وتذبح صادق النيـة وتسـري فـي مواجعنـا

نسد الدرب في وجه الظنون ونجـرح البـواب =ونمشي في طريق الصبح لين الليـل يصفعنـا

مجانين البياض قلوبنـا تضحـك ولاترتـاب =ولو شمس الهجير تذيب املنـا فـي مرابعنـا

نفيض اخلاص نعطي من محبتنا بدون حساب =نحسب الناس كل الناس نسخـة مـن طبايعنـا

نرش الدرب للنشوان ولعينـه نصيـر اهـداب =ونبكي لابكى المجـروح حـر بكـاه يدفعنـا

نحب النور لجل النور, لو نور النواظـر ذاب =تحملنـا عنانـا لـو غرقنـا فـي مدامعـنـا

لنا في هامة العليا سكن ومـن النهـار ثيـاب =ولنا من نفحة الطيب الشـذى والحـق يقنعنـا

نعيش اغراب بين الناس وان متنا نموت اغراب =وتنسانا العيون اللـي لجـل سلوانهـا ضعنـا

غلط لكن وشـالحيلة طبيعة والطبـع غـلاب =نتوب وننقض التوبة ونور الصـدق يتبعنـا..



حبيب قلبي أبوعادل

المدرسة

( علي المفضي)

[يزيد الماضي]

لو حسَبتك صديق ٍ تستحق الملام =لـغرق العين دمع من الهدَب للهدب
السلام عليكم..وعليك السلام=غيرها ما جمعنا بريق شاي وعتب!

(رواف الرسلاني)

[نواف التركي]

ودنا بالطيب بس الدهر جحـاد طيب=كل ما تخلص مع الناس كنـك تغشها

يدك لامدت وفاء لاتحرى وش تجيب=كان جاتك سالمه حب يـدك وخشها

كل ماشبيت نار المحبـه مـع حبيب=قام يسحـل فـي مشاهيبهـا ويرشها

وكل ما واجهت لك فالزمن وجه غريب=مثل ماقال المثـل دام تمشـي مشها

وذمةٍ ماهيب تنـدار للحـق المصيب=جعل قشاش الحطب لاسـرح يقتشها



سعد بن جدلان

[يزيد الماضي]

قالو هبيل وجايزلي هبالي=هبال طيب ولاصحاوة رخامه


مسلط بن شعيفان

[عيون الشوق]

من أطباعك عرفت انّك من الخبرا غديت السيـل

................ تغير حبـي بقلبـك كـذا يرضيـك تذبحنـي ؟


( عيون الشوق )

[عيون الشوق]

نهلتك يالقصيد من أوّل أيام الشقى للحين = حسبتك ملجأ أن ظاق الزمان وخانت أيامي

لك الله من عرفتك ماعرفت ألا الوجع ياشين = أشرّبك الونين اللي تخلل داخل عضامي

أبي من وين أوجّه عن بقايا هالحزن من وين = أذا أنت أقرب صديق وتستلذ بجرحي الدامي


( نواف التركي )

[عيون الشوق]

.


أكتب ((حزن )) والأوادم فيني تغنّي = أقول ياليل وألقى الناس طربانه

ياليل ياعين رقصّهم على ونّي = دام أكثر الناس يبغى دان ودانه

موذنبي أني كتبت الحزن متعنّي = الذنب ذنب المغني تطرب ألحانه

ياليل فهمت قلبي من صغر سني = أن أكثر الناس مهمومه وسهرانه

كان أعتقادي كذا ياليل لكنّي = شفت أكثر الناس مرتاحه وفرحانه




لــ نواف التركي





.

[يزيد الماضي]

ياليتني لاطحت لاطحت لاطحت=ماطيح عند اللي يتمنى مطيحي

الفقيده

أبو سلطان

عاقل الزيد

رحمه الله

[طلال محمد]

أرخ الستاير ما بقى كود مشهد
------------- كهلٍ كفيفٍ يشعل لغيره سراج

بدر بن عبدالمحسن

[العـنود ناصر بن حميد]

اشيل البحر في صدري

واشيل الارض في كفي

تعال ياصمت

ابي كتفك على كتفي

تمر الكلمة من صوبي

اغض طرفي

واشوف الصمت .. بس الصمت

في صفي

قتلتني حالة اللاحال

أنا موجود او منفي

" للفائق عبدالجليل "

[يزيد الماضي]

ولا عاد ينفع ميت القلب تعلوم= تاه بعمى رايه قليل الرحامي
من يبذل المعروف بالنذل مليوم= خاب وخسر من ياعضه بالملامي
أحذرك خلان الرخا عدهم قوم=خلان من دامت نعيمه ودامي
ألى أدبرت دنياك عدوك معدوم= مرّوك ما ردوا عليك السلامي
وأعنز ألىما حدك الدهر مضيوم=عدٍ يصدر حاميات الضوامي
وكم جامع مال وهو منه محروم=سلِّط على ماله عيال ال*****



شاعر نجد

محمد العبدالله القاضي

رحمه الله

[ظافر الهرمسي الهاجري]

تحبيني ؟

وأقول: أحب كل أسم ٍ يشابه نووووف

أحب أسمك ..... ! ...... فحبيني

أحب أني اكون اسمى من التاريخ ...

واسمى من زمان الخوف

أحــــــ ــبـــــــ كــ نووووف ف ف ف :

لأنك في أصل معنى الكلام : أحروف

لأني أنسان سااااااااامي ، ومنخلق بظروف

أحــــــ ــبـــــــ كــ نووووف ف ف ف :

حُــب الفارس لــ خيله / بحرب ٍ والكفوف أسيوف ف ف









أحــــــ ــبـــــــ كــ نووووف ف ف ف :


ظافر:

[عبدالله ثويني المانع]

الإنسان الأجمـل :
سليمـان المـانع
لذلك يأتي قبل الشعر .

وجع حب/ و.. وجع شعر/ و.. وجع شوق/ و.. وجع ضيـقـة=على كيفك وهاك اختار هذي سلة اوجاعي
غلا واسمع نزيف الجرح كلام الصمت ما اطيقه=أنـا محتاج أسولف لك عن أول وآخر أوضاعي




..

[نواف التركي]

يا أطلال (نوره) ما على القلب تثريب = أليا زين روس الحنايا وغنّا




يزيد الماضي

[نواف التركي]

روحي عسى دربك مثل عينك فضاءات ورحيب =انا يبست من الفراق وعمـرك انتـي باجملـه

روحي مثل من قال عن شرقه ابي يم المغيـب =انسيني بدرب ٍ عرفـت اقصـاه يومـي باوّلـه

لي بالجهات الأربعـه درب ٍ يـودّي مايجيـب =أجيه أمنّي به ر ِجِل وعيـون سـود وأسئلـه



عيّاد الشمري

[نواف التركي]

قامت يشيل نعاسهـا صحـو ورقـاد=واضحت على وجه السما نور وأضحى

صباحهـا شعـر وتباشيـر وأعيـاد=لوما صحت ما فكـر العيـد يصحى


ممدوح السعيد

[عيون الشوق]

قـل للعــــذر مـاعـــــاد للعـــــذر خـــــانـه

...................... لـو تـبـني بـدمعــك بـيـــوت الـمـشــاريـه

قــل للـطــــواري لـو تـطـيــح الـمـيـــانـه

...................... لاهـنـت لـي صــــوتٍ ولااشـتـقـت لـبـيـه

امـــانـه ان كـانـــك تـعـــــرف الامــــانـه

...................... لاتـذكـر انـه كـان لي عـــشـقٍ ارجـــــيـه

جــاك الكــــلام وخـــل قـلـبـك مـكـــــانـه

...................... والعـشـق والـعـبرات والحـسـن والـتـيـه


ناصر القحطاني

[عيون الشوق]

انا بـدوى ثـوبي عــلى المـــتـن مشقــــــــوق

ومـثـل الجــــبال السمـــــر صــــبري ثبـــاتي

ومـثـل النخــــــيل انا وهامــــــتي فـــــــــوق

ماعــتـدت انا احـــني قامــــتي الافـصــــلاتي

والي افـتخـــر بفــــــعال يمــــناه مخــــــلوق

يابـنـت انا فعــــــلي شــــــهوده اعــــــــداتي

الله خـلـقــني كلــــمة الحـــــــق بوفــــــــوق

وملـكـــت الارض(وراس مــالي عــصـــاتي)



بدر بن عبدالمحسن

[نواف التركي]

خذني على قد عقلي كان تغليني = اللي يحبك يمرّر كل غلطاتك

تغيب لكن أذا تغليني تجيني = وأن كنت ما أعني لقلبك شيٍ فـ / جاتك



I,M

[نواف التركي]

إلا ياذا القصيد ان كان ودك تسلب اخلاقي=توكل لارحم قافاً يذل النفس طاروقه




انا مالي بنزواتك وهات الكاس ياساقي=انا رَجلٍ عزيز وعزته تختال بعروقه




بكل أحترام
يزيد الماضي

[نواف التركي]

ياليل طوّل دام الاشواق حيه = لي مسأله ودي اناقشك فيها


ليه النوايا البيض صارت خطيه = لوهي بضاعة مالقت مشتريها




أكيد

يزيد الماضي

[عيون الشوق]

.

.


طال السكوت وقلت يارب سترك = هذي بدايه عشق ولا نهايه؟؟

يمكن زعل أو أذبل الصمت زهرك = سولف ( لشوقك ) عطني أجمل حكايه



( عيون الشوق )


.



.

[نواف التركي]

مو غبي .. لكنّي أغفل عن صديق = مو ذكي جداً ولكنّي صريح

عن قلوب الناس ما أخذلي طريق = مايودّي لأي قلب ومستريح

[يزيد الماضي]

قولوا لبيت الفقر لا يامن الغنى=وبيت الغنى لا يامن الفقر عايد

ولا يامن المضهود جمعٍ ي=ولا يامن الجمع العزيز الضهايد

ووادٍ جرى لابد يجري من الحي=إما جرى عامٍ جرى عام عايد


راشد الخلاوي

[نواف التركي]

رحل في ليلة الفرقا رحل واثمر نخل ياسه= مشى وإختنقت انفاسي واضيق ان قمت الوح له
مثل طفلٍ قبل يوم امتحانه ضاع كراسه= كسر صمت الصغار ولا لقى منهو يوضح لـه
مثل شيخٍ عقب عزه تردى وقته وداسه=مثل قاتل وصل أرض المطار وطافت الرحلـه


ساير النزال

[عبدالله ثويني المانع]

..



افرض ليا مني زعلت وبعدها "طاح الحطـب"
هل تعتقد اني اجي على سبيـل الافتـراض !

لا ..لا..محال اني أجي مـدام بعـدك انكتـب
واللي انكتب أكبر مصيبه ..ياآلهي ..لااعتراض

على الاقل ليا فشلت من الهوى هـذا ..يجـب
أني اتخذ غلطة غرامي فيك "عبره" و" إتعاض "!!

الــبــــــــدر ..
** بدر الحــنـيـف **

[عيون الشوق]

.

.



يالغامض .. المحتار .. ضيعت دربي = تاهت دروبي من غموضك تلاقيك

ارجوك تفهمني ... يخليك ربي = صعب التفاهم معك ضاعت حراويك


.



( عيون الشوق )

[نواف التركي]

قم لاعدمتك صحصح الشوق.... لاهنت .. =أطرب مسـامع .. حيرتي .. وانفعــالي ...


ما ( لعوز ) أحساس المقاريد... إلا أنت ..!= ماهو بذنبك ../ بس اشوفك ... مثالي ...


أنا شمالي ..لو رحلت ....../.. وتمدنت= وتشهد على ماقول .../.. ميلة عقالي ..!


وشـ عاد يعني كنت أو كنت أو كنت ..!= مازلت ( عادي ) في عيون / الشمالي ..!



بركات الشمري

[عيون الشوق]

.

أنا مقدر أكون .. اني حبيب في بعض أحوال

....................................... أنا كلي أجي .. والا أروح بعزتي .. كلي

تخيرت الفراق وما دريت إن الفراق وصال

....................................... أقول اني نسيتك بس مدري كيف تاصل لي

خذاني لك سؤال في عيونك و الجواب محال

....................................... خذاني منـــك دمع في عيوني مارضى ذلي

رحلت انت وتركت بداخلي طيفك و صبر طال

....................................... غدت ذكراك شمس ما تغيب و صورتك ظلي

حكيت و مالقيت من الحكي الا الـندم موّال

....................................... سكت ومت بالحسره ولا ادري وشهو احسن لي

أحبــــك كل ما فيني يحبك يا خلي الــبــــال

....................................... تخيلتك دواي و صرت جرحي الصعب يا خلّي

تعبت أرحل مع وجيه البشر بانساك بالترحال

....................................... و لا ادري وش يجيبك في وجيه الناس واهلّي


طلال الرشيد رحمه الله

[عيون الشوق]

.

.


العيد في وصلك هو العيد من جد = ومن غير وصلك دنيتي مابها عيد

(عيد التلاقي ) والعمر فاقد الود = محدٍ عطاني الود من يومك بعيد


.


.

[نواف التركي]

بلاش منّك ومن موقفك وأحراجه = رح وأتبع اللي خذوا مني وخلوني

من صد عني ترا ما نيب محتاجه = من دونه أعيش دامه عاش من دوني

وأن قدّر الله مع الأيام نتواجه = تمر مثلك مثل ناسٍ يمروني

فـ / عيوني تصير ما تسوى ولا حاجه = من عقب ما كنت تسوى الناس بعيوني


ثامر شبيب

[نواف التركي]

.
.
.

وقفت قدّام الزمن وقفة رجال = سوّيت لكن المقادير سوّت


سعد براك

[نواف التركي]

الله أكبر للنصر خطواتنا

الله أكبر

نموت ما يحني الزمن هامتنا

الله أكبر

الـ (عوجه) شقّت ثوبها

تبجيك يا محبوبها

حزنانه حتى دروبها


بالعزّ تخفق يا زمن رايتنا

الله
أكبر

للنصر خطواتنا

[نواف التركي]

ياسيدي لا ينفجر حيفك ولا تفرك يدين =ياسيدي لاينكسر صوتك ولا تنخى خيال

ياسيدي ما يفتي الكافر صلاة المسلمين =ياسيدي الا تروج الارض ويصير اختلال

موتك وفى يا رافع اليمنى عن امر الخاسئين =رايح ولكن كل ابو التاريخ يبقى لك ظلال

شف وانت ميت ياشبيه العيد ماكنك حزين =شف كم حزين بغله المبري يهذريبك خبال

ماهو شرف تبقى كذا بغداد بيدين الطحين=الا أنت يالحجاج يا هارون من بعدك محال

ميت ولكن بالكفن حنا نجي لك لاجئين=ايه انت في موتك تهزّ قلوب وتحرك جبال

خذنا تراه الذل مستوطن مدافعنا سنين=هو من بقى غيرك يرود الما ويسقينا زلال

لا ياصباح المهزله والخوف والضعف الدفين=لا ياصباح القاصره والعوج وعلوج احتلال

لا ياصباح اللي مفبركها يحسب انه فطين=ولا على قولك صباح اذناب وانصاف الرجال



أحمد الطرقي

[عبدالله ثويني المانع]

..

حاولت أسوي شي وأسابق أجيال= ورجلي على روس المعالي تبوّت
إلى متى نصنع من الشعر الابطال=وبقلوبنا حتى المشاعر تمـوّت
انضيع المفتاح ونذم الأقفال= ونقول بيبان الضماير تهـوّت
وقفت قدام الزمن وقفت رجال=سويت لكن المقاديـر سـوّت


لـ سعد براك

..

[زينب الشهري]

.
.


.
.

بنفترق ؟؟؟ يعني معقوله! كذا بنفتـرق=واسري بليلٍ بعد لامـاك ماينسـري
وارجع لصحبة قلم شدفاي ويا الورق=واعيش احاسيس ماتكتب ولا تنقـري
الله يخليك لا هبت وحزنـك طـرق=خلك على الدرب زيي عاشقٍ عنصري
حزين موالـك الليلـه يجيـب الارق=قم ولّع الليل يابو الليل وش تحتري؟؟
صب السوالف انا الليله نويت احتـرق=ماانته بمذنب انا المذنب وانـت البري !!




..


عقاب الربع

[نواف التركي]

يكذبون أن قالوا النيّه مطيّه = كم خبيثٍ ركّب ذنوبه مطايا


مبارك بن قويد

[زينب الشهري]

بعض خلق الله تقول الكذب زينه

......................وانت لا تكذب ولا حتى تزّين !!

( مدري )

[نواف التركي]

.

.

.



أغليك أي والله يا كثر ما أغليك = لكن شمالي وأن طنى عنك شمّل

عطني بقايا أحلامي الله يخليك = ما أقدر معاك بـ/ هالطريق أتجمّل

أطلب عيوني بس لا تطلب أجيك = مرّه تصد الثانيه ما أتحمّل


لي

[نواف التركي]

قهقهات ...الزمان بيوم فيه أنهزمت=كانت أكبر محرّض لأنتصاري عليه


لأني أن ظاق وقتي للهموم أحتزمت=ولأني أبيع عمري للصعب وأشتريه

[عبدالله العويمر]

سعدت بوجودي هنا













شكرا ً يانوافـ

[نواف التركي]

سعدت بوجودي هنا













شكرا ً يانوافـ

أهلاً بك

يا عبدالله

أنا أسعد

وأبواب الغناء مفتوحه للجميع يا عبدالله

[نواف التركي]

عن الوطـن غربتـك عـادي لوتطـول=بـس المصيبه..غربتـك بيـن ناسـك



هجاج الوسوس

[نواف التركي]

لو أعجبك صبري وطول أحتمالـي
//////////////////////////////ما يستريح الدمع بعيـون طـلاّب

شوفي وهي ذكـرى تمـر بخيالـي
//////////////////////////////الدمع وقّف بين جفني والأهـداب

عقبه فلا أنشد من خذتـه الليالـي
//////////////////////////////بتراب كل اللي يروحـون بتـراب

[نواف التركي]

اللقمه اللي وراهـا الغبـن والحسـره=ما الله موازي عليهـا يابعـد حيـي


لو مابقى من فتات الخبز لـو كسـره=الذل مـا ترتضيـه الـروح وتعيـي

ولو كل كفٍ تمد الطيب مـن يسـره=ما كان للبدو بعض الطيـب متهيـي


ولو نفترض يفتي المفتي عـن العسـره=فتواه ماهي بـلـيّ ولا بنـي خيـي


يفتي لـمن ما (بـخرجه) شي ويخسره=أنا معـي تركـة الأجـداد ياخيـي

[نواف التركي]

أنت أخر اللي باقيٍ في عيونـي = أن طحت ما ينفع عقب طيحتك صوت

تكفى تجي من غيرك أخر طعوني = على الأقل أذكرك بالخير وأموت

[نواف التركي]

ما أنتي بأغلى مـن خذتـه الليالـي =قبلك خذت ياما عزيزين وأحبـاب

من كثر ما ودّعت مـا عـاد أبالـي = وأن قلت لك مهتم بأنسان كـذاب

[نواف التركي]

أيه يا قلب تدري ذو شجون الحديث=قوم خل الدروب المظلمه مسفـره

قوم هاليل موحش كل مابه غثيـث=وانت كنك حمر في قفـر مستنفـره

أرفع يدين ذنبك للسماء وأستغيـث=علّ ذنب الصبا يستسقـي المغفـره

[نواف التركي]

على كف الغلا شلتك وحطيتك وسط عيني =ووصيت الرموش تصير حراس لأجل عينك


أداري خاطرك وأكسر خواطر ناس تغلينـي =كسرت قلوبهم مابي حواجز بيني وبينـك


وصلتك بأخر انفـاس وبـلادم بشرايينـي =وصلتك تايه أدور بها الدنيـا عناوينـك


على حد الرجى واقف أنادي ماضي سنينـي =أنادي يانضر عيني تعال وضمني وينـك


على بابك رميت حمول تعبت منها يدينـي =تعال أتعبتني واضنيت قلبي مدلي يدينـك


دخيل عيونك الخرسا دخيلـك لا تخلينـي =تذكر أني بيومٍ قبلت بزينـك وشينـك


ترى عقب العذاب اللي لقيته ما بقى فينـي =أنا جيتك من الدنيا وقسوتها ابي لينـك


من البدايات

[نواف التركي]

قمت أغني لوصلك يالهنوف الغنوج=جاده الغيث وصلك يوم هل وسقى


تذكرين السوالف بين هاك الفجوج=يوم توي صغيرٍ في زمانه هقى


قبل وردي شفاتك تصبغينه بـ /روج=قبل أغني هجيرك يوم عزّ اللقـى


يوم كنّا نلّم الطين نبنـي بـروج=لين هدّ الزمن برجك وغيرك رقى


لين غنّى غراب البين بين المروج=وأفترقنا وكلٍ في حياته شقـى


لين أضحى التنائي فالحنايا يلـوج=وأنتهينا ولا كنّـا بيـوم أصدقـى




البدايات

[نواف التركي]

مرّه تذكّر مـن يحبـك أفتكـره=خلّه يحس أنه على الأرض موجود


قلبك وطن وشلون تقسى وتكـره=ياآخر ملاذ لغربـةٍ مـا بهـا زود


لحظة أمان أرتاح من خوف بكـره=يكفي قضيت العمر منفي ومطرود


الطير لا من ظاق عـوّد لوكـره =والقلب وكرك لا تظايقت له عود

[عبدالله ثويني المانع]

..

ليل السهر يا معذبي تو ما فاق
من سكرته من غفلته من عذابه

لـ عاقل الزيد .. رحمه الله

..

[نواف التركي]

لبيه .. و ابني في ثرى الجرح لك سـور
.......وارمـي علـى تعتيبـة البـال عـنـاب
ياللي غيابك مـوت مـا صـادف قبـور
.....واختار يبقـى فسـدرة العمـر حطـاب


جمال الشقصي

[نواف التركي]

أذا هذا البلد ينفـي ولـد .. ويمجـد الحـراس
,,,,,,,,,,,,,,,,,,,,,,,,,,,,,وش أرجي كل دربٍ في طريق المهزله ممنـوع


رجعت بعقد حزني مارجعت بعقد مـن ألمـاس

رجعت وخوذني

قبل

آتهاوى


هـ / الزمان يروع

[نواف التركي]

في ذمتي مو عشان الناس تقراني = الناس ما هم بـ /همّي وأنت خابرني

اكتب عشانك تشوف بعينك أحزاني = ولاّ وشـ / اللي على هـ /الهم جابرني

مو ناقص الناس تتفلسف على أشجاني = والله كرهت الحضور/ اللي مصبرني

أنك تمّر القصيد ...وتطلق لساني = وأتعمد أكسر عشان ..تمر تجبرني

ياللي غيابك عمر.. معقول تنساني = معقول ترحل بـ / عمري ما تعبرني

خذ معك شعري حرام الناس تقراني = الناس ماهم بـ / همّي وأنت خابرني

[نواف التركي]

كم لك بقلبي أفرش لك بقايـا حصيـر=روح يمكن يغني لك ذهب مـن بغـاك

بس أبي منك توعدنـي لطـول المسيـر=خذ زهابك جفى لا تلتفـت مـا وراك

غير جوع وبقايا شاعر أضحـى فقيـر=مو من المال من قربك وطـاري هـواك

بأعتقك مدري أعتقني ودربـك سفيـر=المهـم روح لا ترجـع وربـي معـاك

[العـنود ناصر بن حميد]

لما تصيح الريح بالخارج ..

تـْصير الشبابيك : ناياتٍ حزينـه

تـْصير المدينه ..

خارج أبواب المدينـه !

يهـرب البحر

والمرفا

والسفينـه

وابقى وحدي

واقف على رماد الـمــاي

حزين مثل الناي

وحدي

وحدي

وحدي


حتـى أنا ماني معــاي !


" محمد الرطيان "

[العـنود ناصر بن حميد]

تعبت أجمع من عـيون البشر ظـلي

تعبت أقرا فـ ملامحهم .. حكايا ماتبي الترحال !!

[نواف التركي]

شدّ ركب الفراق اللي بقى لك قليل=ساعة الصفر دقّت للغيـاب أسمعـه


مثل ماجيت روّح فـالطريق الطويل=كل غالي يهمـك ودّعـه ودّعـه


أبتدينا هنا باقي من الـ /ألف ميـل=شدّت الريح يالله نطلـق الأشرعـه

[نواف التركي]

نيّة الوصل مقتوله بكف السنين=شوف عيني يدين الوقت تغتالها


مابقى غير ذكراها بقلبٍ حزين=كل مازان وقته شانت أحوالهـا


شاعرٍ كل ما يطري عليه الحنين=راح يطرق بيوت الشعر ثم شالها

[نواف التركي]

يا صاحبي كان السؤال أبسط من بلوغ الجدي = وأصعب من الممشى على حد الصراط المستقيم

لا صار ربعي والزمن والناس والحظ الردي = في ذمتك ما تعذر ظلوعي أليا راحت هشيم

[عبدالله ثويني المانع]

..

كم واحد ٍ جاله زمانه على الكيف
واغترته نفسه يبا الجود وافي

يطلع مطاليع العيا بالسواليف
بين العذارا عد روحه اسنافي

لـ بندر بن سرور .. رحمه الله

..

[نواف التركي]

البارحه صوتك ذبح طاري النوم = وظاق الجبيل بـ/ عيني وقلت أخليه

وانا بليّا ماني بـ / ناقص هموم = البال فيه من الغثى ما يكفيه

سايق عليك الله لا تكثر اللوم = ما يذبح الرجال غير المشاريه

لاتقول لي غامض ولاني بـ / مفهوم = أدري وربي / فكّني من غثى ليه

الصمت هذا ماهو بـ/ سالفة يوم = رحلة عمر وسنين وأنا مخاويه

زبنت لك من كثر الأشواق مزحوم = ما في عيوني غير واديك ياهيه

يا قوم يا وادي العشّاق ياقوم = كم من غريبٍ ينتظر تطلق أيديه

كف الملام اللي حصل شي مقسوم = لو في يديني شي مبطي مسويه




حتى أشعار أخر

[أحمد الحربي]

هدوووووووووووووووووء....
توقفوا عن الغناء...!

.
.
.

مهما يـكون الشعـور اللي عَلَيْ بادي
..................................... لازِلت أنا الـوارد اللي ما طـوى حـبله
على الـقراح الـزلالي طـال تـردادي
..................................... أشرب وأصدّر ظما ماأدري وش أشرب له
يا من تغاربتِ غيابـي وهـو عـادي
..................................... بـُعد الرجل عن مواطن ذله ...أهـيب له
كله حذر من خبيث أهداف ومـعادي
..................................... وقلة ثـقـة في رفـيـق مـا ثـبـت نـبـلـه
ما أمشي قبل لا أعرف الوجهه بلا قادي
..................................... ولا أصـلي إلا وأنـا متـقـبّـل الـقـبـله
منزالي النايفه ... عن حدري الوادي
..................................... ورجلٍ يجي في مسيل السـيـل ياهُـبله
أبعدت مالي غرض في ذل مقعادي
..................................... مادام يلعب لي الذعــذاع و ألعـب لـه
ماني لعرفي مع أهل العرف مترادي
..................................... لاشك كـبـدي من اللي شفـت مـنـدبـله
يا لاقية خير هـــاك العلـم للغادي
..................................... اللي عـجـز يفرق الشـيحه مـن الربــله
أمـانـتـك بلـّغـي .. كـل حـسادي
..................................... لا غارت الكدش .. وكحيلان بإصـطـبـله
أنا أول العشر ماني للعشر حادي
..................................... مالك ومـال إفـتـراض الجاهـل الأبـلـه
يموت أنا حاسدي ماياصل أبعادي
.................................... مني نجـوم السما ... لو يـفهم أقـرب له
ولا بد مالهايج المايج .. يجي هادي
..................................... وكلّ ٍ يـشاف المكان اللي يناسب لـه
إن مـتِّ مات النبي وآباي وأجدادي
..................................... مـادام لــي يـــوم مـانـي ميّـتٍ قـبـله


الشمالي الأنيق/ عبد الرزاق الهذيل

[عيون الشوق]

مبطي وانا ماقد تدفيت صوتك


........................ وينك تشوف البـــــرد وشلون خانك

[العـنود ناصر بن حميد]

نشف ريق الكلام ولابقى غيــر الموادع بــوح

تعب وصل الطريق ولابقى غير البكا صاحب


" متعب آل حشيان "

[أحمد الحربي]

أحيااان..أفرّج..ضيقتي../..بالكتااابة..
...........وأحيااان..أحس..إنّ..الكتاابة..هي../.الضيق..!!

(روتين)../.لا..والله..(ملل)..لا..رتااابة..
...............لا..كلّهن..!./..يمكن..على..(قِلّ..توفيق)..!!

وين..أنت..يا.."وجهٍ"..ذبحني..غيااابه..
............(يخرب..مطنّ)../..اللي..سعوا..بالتفاااريق..!!

كنت..أكثر..اللي..يجهلون..الكآآآآبة..
.............واليوم..لي..معها../..(عهود..ومواااثيق)..!!

خالد..صالح..الحربي

[نواف التركي]

أحيااان..أفرّج..ضيقتي../..بالكتااابة..
...........وأحيااان..أحس..إنّ..الكتاابة..هي../.الضيق..!!

(روتين)../.لا..والله..(ملل)..لا..رتااابة..
...............لا..كلّهن..!./..يمكن..على..(قِلّ..توفيق)..!!

وين..أنت..يا.."وجهٍ"..ذبحني..غيااابه..
............(يخرب..مطنّ)../..اللي..سعوا..بالتفاااريق..!!

كنت..أكثر..اللي..يجهلون..الكآآآآبة..
.............واليوم..لي..معها../..(عهود..ومواااثيق)..!!

خالد..صالح..الحربي




لا زلت أقول أن خالد حاله أستثنائيه للشعر

أسعدك الله يا أحمد

[نواف التركي]

اجوعك واشتهي كسرة وصالك وانتي اصل الجود=وتضماك الحنايـا وانتـي الغيـم المثقـل مـاي

معك ماللمكان أيـة تضاريـس وسفـر وحـدود=معك ماللزمن عقرب تـدور وتعلـن البـي بـاي

معك كنـي جديـد بهالحيـاة وتونـي مولـود=أجي عفوي ولا اعرف ضحكتي قبل استفز بكـاي

تحبيني واحبك من ضميـري يالعيـون السـود=واشوفك فالزمـن ياسندريـلا لهفتـي ومنـاي




عبدالله سعيد

[نواف التركي]

http://www.6rbtop.com/library/resources/3ali_Bin_Mo7ammad/Collection/listen/32698_hi.ram

[العـنود ناصر بن حميد]

طال السكوت و ما لصمتي مطاليـب
غير الكلام اللي وقـف و انتظرتـه

**
واصمتي اللي صار في عيونهم عيـب
وا جرحي اللي لو فضحنـي سترتـه

**

لي صاحبٍ يمـلأ كفوفـه تراحيـب
لولا الحيا مـن ضحكتـه مااعتبرتـه

**
يا صاحبي ما هـي عليـهَ مقاضيـب
عذروبي إنك ذخري اللـي ذخرتـه

**
عذروبي انك شوهتـك الأكاذيـب
وعذروبي إنك جاك طيـب ونكرتـه

**

إن جيتنـي بفـراق زود العذاريـب
بجيك انـا مـن زود صبـر صبرتـه

**
للطير جنحـانٍ وريـش ومخاليـب
لكـن يضيـع صيدتـه فـي غبرتـه

**

ومن جزم نفسي يوم صار الردى طيب
حلمي قبـل لا يكسرونـه كسرتـه

**

ومن راح مني قلت ياعلـه مصيـب
دورت لـه عـذر كريـم وعذرتـه

**

للي يبي بعـدي انـا مانـي قريـب
امـا ربحنـي ولاانـا ماخسـرتـه

**

قلبي خويـي مـا لقلبـي معازيـب
اللـي حقرنـي مـن رداه احتقرتـه

**

رغم الجروح اللي بقلبـي معاطيـب
حبيـت كفيـن الزمـان وشكرتـه

" سعد الحريص "

[نواف التركي]

أسرفت بي خناجر غدرهم والمكيـد=وقلت ربعي ولا أخذ من ربوعي ودي

لين وصلت خناجرهم لحبل الوريـد=ومابقى دون حلقي غير فزعة يـدي

[رجا المريخي]

على كثر القصيد الي يقال بشاعر المليون .......... وعلى كثر الحضور الي حضر في شاطئ الراحه

أحبك والغلى فيني كبر في داخلي بالهون ......... سقط هالحب من عيني وحبك قمت بإنجاحه

تعال إنحب في أرض ( ن ) بلا دوله ولاقانون ....... تعال وكفكف دموع ( ن ) بوسط العين سباحه[/SIZE]

[نواف التركي]

.

.

.



يادار معمـوره وبعيونـي أطـلال=واللي بنفسـه شـي لازم يقولـه


يادرا لي ذكرى ولي فيـك مدهـال=أصحاب وأقرابٍ وبنـتٍ خجولـه


يادار كانت لي بك أحـلام وأمـال=جيت أسألك كيف أختفت وبسهوله


حتى رجع طفلك مع الوقت رجـال=وكثر الزمن ما صفّقه صفقـوا لـه


شاعر يجّر أخطاه طرقـي وجـوّال=غريب له بالشعر موطـن ودولـه


فـي دفتـره للهم ملفـى ومنـزال=حتى همومه مـن همومـه بكولـه


همٍ اليا ظاق الفضى يزبـن البـال=وأفرش له ظلوعي وأقدّر وصولـه


ينبش جروحي ليـن أغنيـه مـوّال=ويحدنـي ليـن أتظايـق وأقـولـه


به من دموع أمي أليا أقفيت رحّـال=وبه لأصغر أخواني حنين الطفولـه


وبه من وصايا شايبي بعض الأمثـال=طول المراجل كان تقـدر تطولـه


ياما كلامه حدّني لآشهـب الـلال=ياكبر شرهاته ومـا أثقـل حمولـه


وبه ذكريات العشق بقلوب الأطفال=وبه من رماح الوقت صوله وجوله


كن الحنايا جـرد والشعـر همّـال=ترقب حياه وتنتشـي فـي هطولـه


سبعه وعشرينٍ قضيته بترحال =كن الزمن ياخذ بعمـري عمولـه


ما هو بهمي كان قالوا بـي أقـوال=ما رحت أدّور كل هـرج ومقولـه


ولا همني وأن كان نسيوا لي أفعـال=عيب الرجل أصلاً يعـدد فعولـه


الشعر ما عمره رفع قـدر رجـال=ياللي تحسب أن بالقصايد رجولـه


يادار مريتـك ومريـت الأطـلال=واللي بنفسـه شـي لازم يقولـه

[يزيد الماضي]

؟



؟


قولوا لـ (نورة) مابقى شي نرجيه = من دونها عمري ركلته برجلي !
؟






؟

[نواف التركي]

؟



؟


قولوا لـ (نورة) مابقى شي نرجيه = من دونها عمري ركلته برجلي !

؟






؟



الله يرحم أبو الساعه اللي جابتك

[نواف التركي]

يا شيخ وينك قسم بالله لو تدري = عقبك كـأن الحضور أشباح بعيوني

[عيون الشوق]

ابرحل واترك الماضي لعل جرحي يطاوعني

........................ بحيثه مالقي له طب ولا فاد الدواء وياه


اعيش بواقع الذكرى وبه قلبي يلوعني

........................ وابنسي وابري جروحي واروضها لجل فرقاه

( عيون الشوق )

[نواف التركي]

بالله عقبك لـ منهو يشتكي صدري = ومن هو بيقدر يقدّر بعدك جنوني

[نواف التركي]

خايف لـ / أجي لك بحب تحط من قدري = وأنا (شمالي) وخايف تصدق ضنوني

والمشكله كان جيت ورحت في صدري = طعنه وطحت في كبري من عيوني

[يزيد الماضي]

أنـــا


مـصـلـوبـة ً .. فـي ثــوب مــاضـي


ومـكـتـوب فــوق ... قـبرهـا


م

ا

ض

ي



ومـنـثـورة .. فـي شـفـاة الـقـصايـد والـقــصـص

حـكـاية ً .. مـلـت تـعـابـيـر التـسـاؤل والـعـسـس

.
.

هــذا .. أنــا


ياللـي تـنـشـد


مــن .. أنــا !!





للمبدعة

العنود ناصر

[عيون الشوق]

ودي ولكن كيف تحقيق ودي

....................... عيّا زماني لايجيني على الكيف

( مدري )

[يزيد الماضي]

يارب جيتك وبعضي كارهٍ بعضي = يارب جيتك وشرّي ماكلٍ خيري



يارب


يارب

[نواف التركي]

قم لا عدمتك سالفتنا بسيطه = مجرده من طاري الشوق لكن

كأنها في كل شيٍ محيطه = وأنا أخر اللي يعشقون الأماكن

[نواف التركي]

قل للسحابه تعدي هـ الظلوع الجرد = تموت عنها عطش ماقالت أسقيني

أن كان ما ينبت بجال الحنايا ورد = أبنتظر غيرها لا أظيّع سنيني

[العـنود ناصر بن حميد]

تعبت ادور بين الاحباب .. أحباب !

تعبت أنادي " ياترى وينهم فيه " !!

***

الحظ عوّدني على .. قفلة الباب !

والعمر يجري بي ولااقدر أجاريه !

***

قالوا : ولايسوى الأمل حفنة تراب !

هو فيه أمل جاني وانا قلت : مابيه !؟


" بركات الشمري "

[نور الفيصل]

في هذا المتصفح أنفض غبار الروح
نواف لروحك الفرح

.
.

متعجب بـ دنياك جـرحتك مـــره
منخل اقليبي صـار بيه العمه يقره

ميت والمعزيــات موش أمهـاته
مايبجـَن إعله المات يبجـن شماته

الدهر بس وياي راكب إحصانــــه
ويكًًــلي وين إتروح جدامـك آنـه


- دارمي عراقي -

[هنادي المطيري]

العين تشكي ودها تشوف زولك
............ اما تجي او تاخذ العين وياك

ق/ش

[نواف التركي]

في هذا المتصفح أنفض غبار الروح
نواف لروحك الفرح

.
.

متعجب بـ دنياك جـرحتك مـــره
منخل اقليبي صـار بيه العمه يقره

ميت والمعزيــات موش أمهـاته
مايبجـَن إعله المات يبجـن شماته

الدهر بس وياي راكب إحصانــــه
ويكًًــلي وين إتروح جدامـك آنـه


- دارمي عراقي -


أهلاً
بهذا
النور

[نواف التركي]

شِمْ ياحبر..عن كل مايخدش حيا الصفحات شم=ياما..إساءة فعل...تولد..من ورى أمن العقاب

مسبارك الحشمة..ومسيارك لروس.ن..تنحشم=لا ترهي الشرهة على عيونٍ.ن..تَهَجَّاك..إرتياب

هل غادر الشعراء...صبّات الحماية...والدشم=ومجمعات الشعر.للإرهاب عرضة والخراب

وباطلال خولة ريحة المعمول والجرح استشم=واضيق منه بخلوتي واقول أمام الناس طاب

ويادار ميّة...كان فيها بنتكم..[.رزّة.]..خشم..!=اعناقنا....قولوا لها...يامي...تعلو...للسحاب

نقرا الوجوه...وندرك اللكنة...ولا حنّا غشم=وندري البسوس أسعد كثير بموت ناقتها سراب

لاطالت..ايدينٍ..ن.. يلوح بها من الظاهر وشم =ان كان به..تذكار..قلبٍ.ن..له من الوانه ****

وياليت هند...إمْـفـَهّـمـَهْ..إن.[.العتب قد العشم.]=ولجل..العشم معدوم..قطعآًَ يلتغي مبدا العتاب

ودّع..هـ ـريرة..وانت شامخ مثلما الطود الأشم=مادام حتمي ياخذك...درب الحسوفة...للغياب

وشِمْ ياقلم عن كل مايخدش حيا الصفحات شم=ياما..إساءة فعل...تاتي..من ورى أمن العقاب



(نديم الفرقدين)
بندر الشمري

[عبدالله ثويني المانع]

..


بغـني لك وأضـوي لك بأحاسيـس الغـرام شــموع
وأزف اللـيل لـحضورك أغـانــي بهــجـة وأعيـاد


..

[يزيد الماضي]

فيا نفـس ريحـي واطمأنـي جـلاده=كل ابن أنثى من لظـى الموت جـارع

مـن الله مرتهـب الـى الله راغــب=وبـالله معتصــم الـى الله راجــع

فيـا الله يا عـلام الاسـرار والعلـن=يالّي لنـا في ماقـف الحشـر جامـع

تغني عن الأدّنى و الأقصى مدى البقـا=وأنت الـذي للنـاس ترفـع وتاضـع

عن عازةٍ تقتـادني صـوب مبغـض=وعن ما ينـازعنـي رفيـق منـازع

وبـابـك فمقصـود وفضـلك فدايـم=وجـودك فموجـود وحلمـك فواسـع


الهزاني