مشاهدة النسخة كاملة : غن / لا ضاقت عليك الوسيعه / غن
الصفحات :
1
2
3
4
[
5]
6
7
8
رجا المريخي
03-03-2007, 07:45 PM
صوره عليها حرفك اليوم تذكار = صوره قديمه ساكنه في وسط رف
من بعد ماكانت تراقص بها أنظار = اليوم عيني من نظرها ترى كف
نواف التركي
03-03-2007, 08:40 PM
سحقاً لهذا السديم ووجهه الشاحب = غمّضت جفني عليه ولا وصل بكره
غلطان من يعتقد بأن المدى راحب = غلطان من يعتنق لو كذب هالفكره
من علّم الورق تسجع لحنها الناحب = من علّم الصوت يرجع فـالصدى مكره
كن لي عدواً ولكن لاتكن صاحب = عشان أرد الطعون لصدرك وأكره
نواف التركي
03-03-2007, 09:13 PM
أرفع نظرك لـ / فوق = أحذر تناظر تحت
رد النظر برفوق = وأنحت غلاتك نحت
عشان أجي لك شوق = وأرحل معك لا رحت
يابو الحلا والذوق = أرتاح كان أرتحت
وأغضب أذا بك عوق = وأطيح كانك طحت
ألوق لك وتلوق = وأبوح لك لا بحت
لو كنت بك مسبوق = في كفتك رجّحت
على كثر ما أتوق = لك يا كثر روّحت
طيفك يمر يبوق = نومي ولا أمرحت
أصحى معاي وروق = بـ / أستنشقك لا فحت
مريت بي طاروق = هيجنت بك طوّحت
صوتي عشان تفوق = وتشوفني لوّحت
بيدي وناظر فوق = لآني ما أنزل تحت
نور الفيصل
03-04-2007, 04:12 AM
على آخر تراب الأرض
على آخر تراب الأرض ...
أحسن أن المسافة شبر ...
وكل الأرض ... ما تحمل تعب مشوار ...
أحس إني ... رغم صغري ... تفاهة عمر ...
في صدري ندم جبّار ...
يا ليت ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...
تصّورتك ... وحزن الناس ...
جرح النّاس ... وهم النّاس ... في عيونك ..
تخوني النّاس وتخونك ...
تصّورتك في شامة ليل ...
على خَدِ السَّما الزرقا
زحَام والدنيَا سهرانه ...
أحَد نازل وَأحَد يرقى ...
وأحَد مِثلك يخاف من الَبلل والطين ...
يقول إن الرعد قاسي ...
يحس ان المطر سِّكين
يحسّ ان الذي يضحك ... يحس ان الذي يبكي ...
لا حَد مسكين ...
تصوّرتك ... ولا ادري ليه ...
ولا أظنك بَعد تدرين ...
يا انتي ان المسافه ِشبر ...
يا انتي إن الليالي َصبر ...
وكل الأرض ... ما تحمل تعب مشوار ...
على آخر تراب الأرض ...
على الميهاف ...
ومرتني الليالي خفاف
تَعدَّت عمري المعدود ...
دِريت ان الَمدى محدود ...
وان الليل لا شعرك ... ولا رمشك ...
ولا شفت الشفق في خدود ...
دريت اني عجزت املك ... ولو همّي ...
ونزيف الجرح ... من دمي ...
صحيح الدنيا ما تنشاف ...
وانا وانتي على الدنيا ...
وعلى الميهاف ...
أحس ان المسافة شبر ...
أحس إن الليالي ... صبر ...
وكل الأرض ... ما تحمل تعب مشوار ...
أحس إني رغم صغري ... وتفاهة عمر ...
في صدري ندم جبار ...
يا ليت ... ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...
... للبدر بـدر بن عبدالمحسـن ...
نواف التركي
03-04-2007, 09:33 AM
أقلب في اذاعات العواصم طول مشوارى=هنا صنعا00هنا مسقط00هنا00ثم اقفله واسرى
اذا صوت المغنى مايجى من يمة ديارى=فلا أطرب ولااشتاق ومايرتاح له صدرى
وماغنيت الا غنوةٍ تستخلص أشعارى=أصير ان مسّنى وجدى لخلانى بها قمرى
مضى عهدٍ طويل وهذا انا تحملنى أقدارى=مثل ماتحمل الريح البعيده حومة النسرى
سفر أضرب دروبه حيث رزقى بايعٍ شارى=بروح الحالم التواق والاحلام بى تغرى
نزلت أرضٍ مثل أرضى بدارٍ تشبه لدارى=بقومٍ اقرب لقومى بفكرٍ ينتقض فكرى
مدينه من مدن صالح بها خليت آثارى=تدل انى وريث الناس فى عصرٍ مهو عصرى
عرضت بضاعتى فيها بوجه الريح للذارى=حطب0ارطا0سمر0لله ياهل النار من يشرى
وتذوى فى مدى طول انتظارى بهجة أزهارى=متى مرت عيون العابرين أحيان تستقرى
وكم علقت ايام الشتا باطرافها نارى=أراعى للنجوم النازحه بالبعد من خدرى
تمر بخيمتى نسمة جفا وتحرك أوتارى=وتعزف بى حزن0مدرى شجن مدرى بكا0مدرى
بكيت لسدرة البيت الصغير بكل أسفارى=لصوت أمى,لعشقى,للحمام لزرقةالفجرى
أنا مهجور الا من حنينٍ يسبر أغوارى=عليه أستقبل أطياف الاحبه كل مايطرى
تولاّ كل محبوبٍ لنفسى يفهم أسرارى=وذا قلبى غدا دفتر قصيد ومدمعى حبرى
حزنت البارحه وانتى تعديتك بمسفارى=ولابد الطريق يجيبنى لك يوم وانتظرى
فالح الدهمان
نواف التركي
03-04-2007, 09:49 AM
استباحت سراير مهجتى أمسيه=كنت نورٍ أحس بضيق عتماتها
ماثلٍ فى طريقٍ وجهته مقفيه = تنتحر فيه آمالى بخيباتها
كم بعيده هكالضلعان والاوديه =والمنازل وكبدٍ من فلذاتها
وردةٍ أشعر انى حب مستنديه =إيتنفس شذاها كل من فاتها
وانا حارس على نقطة شقا مضنيه =تعبر الناس حزنى بابتساماتها
مالقيت فمكانى ذاك من تسليه = غير بيضٍ اتقدم لى هوياتها
علهن يبسمنّ بنظرةٍ مغريه =علهن يمنحن الروح رغباتها
يعبرنى يغيبن كنهن أضويه =تبتعد ثم تطفيها نهاياتها
والشتا يطرق الساحات والابنيه=كان للريح وجدٍ فى عتاباتها
له على خاطرى من وحيها أغنيه=بت وحدى أغنيها بآهاتها
أحتضن بندقى واهيم فى أمنيه=وين ماهم طرفى خال نجماتها
جاوزت بى حدود الحلم مستعصيه=لين ذبت فخيالٍ من خيالاتها
عشتها سكرةٍ فى ليلةٍ مضويه=ماحياها ولد عزٍ ولاماتها
ولاهواها ذليلٍ شيمته مخزيه=أو عيون الجبان أمست بغفواتها
كفوها من يشوف الدم والتضحيه=حب الاوطان لاهانت كراماتها
أحرس وأحلم وأحرس بلا أغطيه=والجنود ابعدوا عنى بدفواتها
رقدوا فى وجيهٍ كنها أحذيه=كم مشت فى دروب الذل خطواتها
وش لى أحيا حياةٍ أدهرت مزريه=تخنق الحالم النشوان نسماتها
صار طعم الحزن والخبز والادويه=واحدٍ تمزجه نفسى بعبراتها
أدرك ان البشر أمراضها معديه=واستمد الدوا منها بعلاتها
كان جتك النفوس المانعه معطيه=ماتجود العفون الا بفضلاتها
ابتسم للزمان بداعى السخريه=كل ماشالت الاصنام عرضاتها
شاهد المجد كوره والصروح أنديه=همةٍ ماتطول العز راياتها
عيش عنها شريدٍ والعمر تمضيه=والوطن أى أرضٍ تستر أمواتها
فالح الدهمان
نواف التركي
03-04-2007, 10:06 AM
ألتمس فى عيون البايعين أجوبه=للسؤال المحال الضال باهدابها
وش تبيعون ياهل الدمعه المسهبه=يافقارى بلاد الله واغرابها
مابهذا الدهر من مشرقه لمغربه=نخلةٍ حرتٍ ماهمت بترابها
سرت به 00طرت به00وقعت به00حرت به=والحياة الكريمه قلت أسبابها
يجنى (الذيخ) رزقه فى مهز ذنبه=مار وش هزت الآساد فى غابها
كل حيٍ خلقه الله على مرتبه=ومن لقا عيشتٍ لابد يرضابها
وان بدا طيبٍ فالطيب هو منسبه=لو تباهت عفون الناس بانسابها
كم ضحك جاهلٍ من كلمةٍ صحت به=له بكا شاعرٍ مثلى وغنابها
من زمان الشعر يكتبنى وأكتبه=والعرب قل عاربها وعرابها
أنا أفصح كتاب بـ /هذى المكتبه=ماقرانى أديبٍ يفهم آدابها
امتلت كل صفحات الفكر أتربه=مارجت من يقلبها ويقرابها
أرفض أكون فى جو الشعر أرنبه=حلقت والثمن فى مخلب عقابها
عشت حرٍ على حريةٍ أكسبه=من مواجع قيودى لا من أصحابها
وكل روحٍ مثل روحى مهى مذنبه=كانها خالفت ربٍ من أربابها
يثبت الشاعر العملاق فى مرقبه=ان رفع شعلة الاحرار وكتابها
ومن رقا بالحياة بشيمة الثعلبه=تــــافهن00لو لقا نفسه بمرقابها
فالح الدهمان
نواف التركي
03-04-2007, 10:09 AM
حارس الليل مانامت عيون الخفير=وانت عقب استلام البرج جاك استلام
خاونى كان نومك عنك فى قاع بير=ننفخ الهم دخانٍ يطير بسلام
هاجرن الطيور وجف مى الغدير=ويمكن الريح باكر ماتجي بالغمام
ودى اكفخ على غيمه صبيه تطير=يم أرضٍ بها قتل المشاعر حرام
كل ماهب منها فى خيالى عبير=صرت كنى كذا مانى على مايرام
وانت مثلى حزين وفيك وجدٍ كبير=كن بينك وبين أحباب قلبك خصام
هات دمعك أبـ /ابكى به على مايثير=خاطرى بالحنين وضامرى بالهيام
لى ورا نجمة الجوزا حبيب وعشير=واهل كانوا أهل واعمام كانوا عمام
طير روحى تركته فى بلادى أسير=واهنى من يموت بديرته لو يضام
عشت فيها صغير ورحت عنها صغير=أذكر البدو خلوا بالمراح الحمام
كنت ابيها وكنى كنت احاول اثير=بالحجر حس مات من الف عامٍ وعام
شب شيبٍ بقلبى من كثر ما أسير=عقب موت الامانى دون هدى ومرام
عمرى اللى سرح بى فوق ظهر البعير=صار كنه على ظهرى شداد وسنام
ليتنى ماكبرت وماعرفت المصير=وماسكنت المدينه فى بقايا حطام
ضيقةٍ يلعن الله من بها يستجير=فى بيوت الردايا لوّها من رخام
ذاك امير الليالى يعرف انى امير=لى على متنه وصدره نجوم ووسام
مار وش حيلة اللى بين ربعه فقير=لاجواده جواد ولاحسامه حسام
بندقى كنها بين البنادق جفير=خاسرٍ من بها شد الظهر والحزام
لايغرك اسم عمك اذا ما يفير=الرصاص ان فسد يصبح خنافس ظلام
بأى جحرٍ ربا هذا الضرير الحقير=فى يدينه عيونى احتريها تنام
كم وطانى وعذبنى ورمانى حصير=ثم كّبر على صدرى وصلى وصام
يحسب انى متى ماجعت فيه استخير=عند هذا تبيّن مكرمات الكرام
تشبع الفار حّبات التبن والشعير=كل حين حسب قدره قنع فى طعام
فالح الدهمان
فيْصَل الصَقّار
03-05-2007, 12:29 PM
http://www.gessatsm.com/Dawnld/uploads/8e4efa846f.jpg
\
/
مِنْ يَوْم غَابَتْ وإغْتَرَبْنا نِفَتْ رَوْح
رِجَايْ تَرجِع لـــــــِــــــــ....الحيَاة المَدِينَة
\
/
/
رجا المريخي
03-05-2007, 09:27 PM
لاتشتكي للناس همك وبلواك = خلك حزين وعيش همك لحالك
لو التعاسه تستميل إلخطاياك = والحزن مافارق عيونك وبالك
خذ القناعه هي لمثلك وشرواك = وإصبر ترا ماجاني اليوم جالك
خل الأمل ياصاحبي دوم طرياك = وخل التشائم لو تجيله مشالك
رح للسعاده غير اليوم ممشاك = ودور صديقٍ داخل العين شالك
ياصاحبي لاتشتكي اليوم بلواك = تكثر عليك أهل الشماته لحالك
عبدالله ثويني المانع
03-05-2007, 10:49 PM
..
تأنق الله في إبـداع ما رغبا
كيما يشكل حسنا -قبل- ما وهبا
أراده فتنة للناظرين له
فمن رآه .. يسبح باسمه عجبا
حتىإذا ما انتهى ربي لغايته
من الكمال, وصاغ البدعةالأربـا
سمراء, في المغرب الأقصى أرومتها
تدعى ب"هند" وهند تعشق العربا
تسبي القلوب بمرآها اذا خطرت
وتبعد الهم والاحزان والتعبا
لا شييء يلحقها في حسن طلعتها
فأين منها شموس, او فتون ربا
..
نور الفيصل
03-06-2007, 01:22 PM
عن قناعه كنت احبك وعفتك عن قناعه = ماكرهتك بس ماني على الفرقا حزين
رح بمان الله حبك طوى الخاطر شراعه = قبل لاهمي بفرقاك يذبح ناقتين
للشاعر صالح السهلي
وجدان الأحمد
03-06-2007, 07:16 PM
أبي أعرف متى تسكن رياحك
وأبي أعرف غرورك هو
متى يطلق سراحك
رجا المريخي
03-06-2007, 07:53 PM
جمرة غضا في داخلي تحرق بقايا مابقا = أشواق فيني منطفت والنار زاد أشواقها
يالله توحي وسمعي صوت الحزن فيني سقا = كل العروق اليابسه حسبي على من ساقها
نواف التركي
03-06-2007, 08:08 PM
يـامـهـا مـابـقـى لـه ..,مـن يـحـبـك ..سـمـيـع = يـامهـا .. طـاح غـصـن ٍ مـن حـنـيـنـه خـضـر
أحمد سليمان
نواف التركي
03-06-2007, 08:17 PM
الليالي درستني دروس العظام=زلزلت تركيبتي صفعة طراقها
قالت ان الحب في غير دربه حرام=وان بعض الناس كذابة اشواقها
وانت ياللي غبت بين الزمن والزحام=جيت مثل الريح لا طاحت اوراقها
روح صدقني نفذ منك كل الغرام=المحبة جف ماها وترياقها
عبدالله سعيد
سلطان المسلط
03-06-2007, 08:33 PM
تدللي .. خوذي حناني هديه
تكفين بس العين .. لا تبكي دموع
انتي بقيتي قصتي والقضيه
صوتك ينادي صوت .. والصوت مسموع
عواد الرغيان
نواف التركي
03-08-2007, 02:31 AM
ياسعـود مايجـرح الرجـال ويهمـه=الا الخطاء والجفاء والغبن والحاجـه
وأخوك ماهوب شرط انك جنين أمـه=اخوك من لاضهدك الوقـت تحتاجـه
لوهو من اقصى العرب من نايد الامه=آخير لك من رفيقٍ يعقـد حجاجـه
أبو يزيد
نواف التركي
03-08-2007, 02:53 AM
خليلـي إن لاتبكيـانـي ألتـمـس=خليلا إذا أنزفت دمعـي بكـا ليـا
فمـا أشـرف الأيفـاع إلا صبابـة=ولاأنشـد الأشـعـار الا تـداويـا
وقـد يجمـع الله الشتيتيـن بعدمـا=يظنـان كـل الظـن ان لاتلاقيـا
لحـى الله اقوامـا يقولـون إنـنـا=وجدنا طوال الدهر للحـب شافيـا
خليلـي لاوالله لاامـلـك الــذي=قضى الله في ليلى ولاماقضـى ليـا
قضاها لغيـري وابتلانـي بحبهـا=فهلا بشـيء غيـر ليلـى ابتلانيـا
مجنون ليلى
نور الفيصل
03-08-2007, 01:50 PM
اولاد نـاس ولا نحـب الوصايـا = كل يـرى نفسـه يعـادل عشايـر
ما كـل قلـب ينشـرى بالهدايا = ولا كل كسر تفيـد فيـه الجبايـر
المعطـي الله مـا لخلقـه عطايـا = لو هي على خلقه سقتنـا المرايـر
عزاي رب يعطي حسـب النوايـا = يرحم عزيزين الذمـم والضمايـر
نـاس تـدس الهـم بيـن الحنايـا = وناس وربي ما درت ويش صايـر
هذاك حظـه مثـل بيـض الثنايـا = وهذاك حظه مثل سـود الضفايـر
- مساعد الشمراني -
نواف التركي
03-09-2007, 02:52 AM
سقى الله بيتـنا ذاك البسيط مشقق الجدران=شجـاع ٍ يهزم الغدراء ... بقنديله ومصباحه
تكحِّلنا القناعه .. لا طمع .. لا هم .. لا حرمـان=واذا جاء الليل تكفينا ... ثلاث اخوان .. طرّاحه
جميع الذكريات اللي غدت في قفرة النسـيان=. يحـاكي حلوها عبره ... بموق العين سبّاحه
خذتني غربـةٍ عنوانها ... غربه بلا عنوان=ابي عقب التعب راحه ... لقى فيني التعب راحه
محمد الدحيمي
حنان محمد
03-09-2007, 10:04 AM
يا اخي إفهـــم
إن الجروح" اللي بقلبي
.
.
صعـــب تلتـــم !
أحمد هلال
مزيد المزيد
03-09-2007, 10:07 PM
مافيه شخص ٍ فيهم تقول : فاهم
........................ولافيه رجـل ٍ ماسلم من حكيــهم
.
.
.
.
.
.
.
.
.
.
.
.
.
.
.
قردهم الله يوم زوّد .. عماهـم
........................وأنا أرجي الله فالحياه يهديهـم
بالضبط شفهم يشبهون لنساهم
........................ولاعندهم أدنى أحترام ..لذويهم
بروح عنهم وأتقي عن غثاهم
........................ويقطعني الله كان أبرجع أليهـم
نواف التركي
03-10-2007, 02:11 AM
هاك ذكراك من ذكراك ويش أستفيـد=كافـي أن المشاعـر هايمـه كلهـا
ودي انساك والنسيـان ماهـو اكيـد=كيف ابنسى عيونٍ رمشها ظلهـا
من هك اليوم وانت اللي بعيني وحيد=ماخبرت العيـون تمـل مـن خلهـا
مير نفسي عزيزه وانت رايك عنيـد=والنفـوس العزيـزه ماتبـي ذلـهـا
ليه تعطيني الدافـع واقـول القصيـد=ليه صفحـه غرامـي ترجـع تفلهـا
ليه ترجع على الماضي تزيد وتعيـد=وانت من عـام الاول عاجـز تحلهـا
مابرى الجرح الاول كيف يبرى الجديد=شوف حالي نزيف جروحهـا سلهـا
كل ماشفت لك ذكرى وربـي شهيـد=كـن نـزاع روحـي بالحفـا تلهـا
اندفعـت لغرامـك يالغـزال الفريـد=والغـلا لـه دروب خاطـري دلهـا
فرحتـي بالقـا رغـم انهـا ماتفيـد=فرحـه القـاع لامـن المطـر بلهـا
وش بقى يالسراب اللي قريبٍ بعيد=المحبـه وراحـت وانتهـى حلـهـا
لو كـلٍ بكيفـه ياخـذ اللـي يريـد=كان ماشفت ناس تموت فـي غلهـا
هاك فرقاك خذها خـل قلبـك شديـد=خلهـا ماشيـه بحمولـهـا خلـهـا
كـل مـازاد تعذيبـك ذنوبـك تزيـد=الله اعلـم صلاتـك باطلـه كلـهـا
متعب التركي
نواف التركي
03-10-2007, 02:16 AM
قبل اسافر وتنسى جيت اسلـم عليـك=جيت ابي عمري اللي من يديني غدى
ضاعت اجمل سنيني من عمايل يديـك=اكذب ان قلت راحت لاجل عينك فـدى
فرصة العمر قالوا لا غدت مـا تجيـك=جتني اكثر فرص عمري وضاعت سدى
جرب الخوف مره حـس بـه يعتليـك=وارفع الصوت ماتسمع لصوتك صـدى
تدري اللي ذبحني قولتـك مـا ابيـك=مابقالـي لثـاري لـو بغيتـه مـدى
ما هقيـت المشاعـر كلهـا ترتجيـك=قل لها بالمفـارق منهـو اللـي بـدى
هاك دمعة عيونٍ باكيـه تشتكيـك=هاك ريح ضميرٍما استراح وهـدى
ما تناظر عيونـي زول هـذي وذيـك=ما يهز المسامع اسـم ريـم وهـدى
قلت ماعادلي رغبـة وشوفـات فيـك=قلت يا نفس طيبي يفرحـون العـدى
قلت عايف ونفسـي بالخفـا تشتهيـك=عزة النفس تدري طيب ما هـي ردى
خل عينك تهـل دموعهـا وش عليـك=انت خدك ورود ودمـع عينـك نـدى
متعب التركي
نواف التركي
03-10-2007, 02:18 AM
يا وسيع البـال .. ضيقـت الصـدور=رحت ما علمتني وين انـت سـاري؟
في غيابك.. مـا لخلـق الله حضـور=وفي حضورك.. ما لهم بالبال طـاري
ليـه مـا تختـال يـا بـدر البـدور=و القصايد لـك وصيفـات و جـواري
لـك بنـات الفكـر ربـات الخـدور=يكشفن الثامهن.. و الجـرح عـاري
جعل قلـب مـا مـلاه الصـدق نـور=عند وجه اريح.. مـا يلقـى مـزاري
التغاضـي عجـز لا طـال القصـور=ليه أداري؟.. و انت عني منت داري؟؟
الزمـان قصيـر .. والدنيـا تــدور=كل يوم يضيق فـي عينـي مـداري
صاحبي محتاج لـك شعـر و شعـور=و إحتياجي شي.. ما كـان إختيـاري
من متى و الغصـن يختـار الطيـور=من متى و البـال يختـار الطـواري؟
لا تسمي صمتـي البـارح .. غـرور=إنكساري خلف هالصمـت امتـواري
في غياب الشمس وش ذنب الزهـور=و المطر لا شح وش ذنب الصحاري؟
اللقـا لحظـات و الغيبـه شـهـور=تقصر الخطوات و يطـول انتظـاري
لو قريـت المنكتـب بيـن السطـور=ما كتبـت لغلطـة العمـر اعتـذاري
صمت هالمينا.. مثل صمـت القبـور=ما رسى مركب.. ولا لاحت صـواري
متعب التركي
نواف التركي
03-10-2007, 02:20 AM
كل حاجه طعمها مر فـي هـذا الزمـان=هـم هالدنيـا و حنٌـا نعيـش لهمـهـا
المكان اللي عرفنـاه مـا عـاد المكـان=و القلوب.. أحـداث الأيـام زادت غمهـا
صاحبي حتى أنت ما عاد تستاهل حنـان=أنت بعثـرت المشاويـر و انـت تلمهـا
البكا في مثل هالحال نـوع مـن الهـوان=و المهونـه كـل رجـال حـر يذمـهـا
صاحبي.. لو كان للناس و الدنيـا أمـان=ما تمـوت ورود الأحـلام قبـل نشمهـا
خل عنك علوم الأحبـاب .. واللـي كـان=انتهت..وسيـرة الأشـواق مانـي يمهـا
كلما تظما لياليـك قمـت اكتـب عشـان=تنزف جروحي و الأيـام تشـرب دمهـا
الكلام الموحش يخـاف نـور الشمعـدان=تحتـرق أسمـى معانيـه قبـل يضمهـا
من زمان أكتب على شان تقرا.. من زمان=بس ما شفـت المكاتيـب جابـت همهـا
متعب التركي
نواف التركي
03-10-2007, 02:25 AM
بالهون عطني لـو دقايـق بوادعـك=خـل الـوداع برغبتـي واختيـاري
مبطي وانا شايف جفـاك وتسرعـك=يا طول بالي يوم اشـوف انتظـاري
اتبـع هـواك وروح مانـي بمانعـك=دام انت عبـد لكـل نـزوه وطـاري
متعب التركي
نور الفيصل
03-10-2007, 10:42 AM
بين فرحة لقاك وهم فرقاك = لاتذكرت جرح ولا نسيتك
حي هالشوف ماتنمل دنياك = شف سواة العيون ليا لقيتك
عين تشربك شوف وعين تظماك = لاذبحني ظماك ولا رويتك
قمت اخيلك هنا ... وهناك .. وهناك= وين ترحل بي النظره نصيتك
ان تبسمت قلت الموعد شفاك = وان تمنعت بانفاسي دعيتك
وان طلبت الغلا قلت الغلا جاك = وان سكنت الخفوق البيت بيتك
وان نثرت القصيد بدرب لاماك = ذاع صيت القصيد وذاع صيتك
يارجا العمر لو حفتك الاشواك= ليتك اول طريق القلب ليتك
ودع البرد كف ضم يمناك = صافح الود قلبي يوم جيتك
حي هالشوف رغم هموم فرقاك = لو تناسيت جرحي مانسيتك
- مساعد الرشيدي -
http://www.6r63h.com/music/ar/k/a.abdullah/68.ram
مزيد المزيد
03-10-2007, 04:04 PM
عين تشربك شوف .. وعين تضمااااااااك
............................... لاذبحني ضمااااااااااااااك ولا روووووويتك
.
.
.
.
.
.
.
.
.
.
.
.
ان طلبت الغلا !!! قلت الغلا جااااااااااك
............................... وان سكنت الخفوق !! البيت بيتك
مزيد المزيد
03-10-2007, 04:06 PM
صاحبي في خاطري اسألك شي ؟!
شي معكر كل صافي حياتــــــــي ..
ان كان انا مدري بغلاتي وانا حي !!
وش مكسبي كانك حزنت بوفاتي !!
مزيد المزيد
03-10-2007, 04:12 PM
ماسنجرك / ردّك / إسلوبك / تواقيعك
اكذب ليـا قلـت لـك مانيـب فاقدهـا
وسوالفك / ضحكتك / دمعك / وتلويعك
واشياء كثيره !! تجاهدنـي وآجاهدهـا
ما وادعت خافقي من يـوم توديعـك ؟
فـي كـل ليلـه تعايدنـي وآعايـدهـا
عبدالله ثويني المانع
03-10-2007, 07:54 PM
..
أنـا زمـيلي ضـمير ونبـل
مـا يزرع الظلم بأدراجـه
لا مـنّ غيـره عصته السـبل
حـكيم..لا غبـرّت واجـه
شعـور قبل الشعـر..لا..قبل
وقبل الـورق روح وهّاجـه
لا هـو محابل..ولا هـو حبل
كن الفـرح خلق بإحجاجـه
ولـد الأسـد لـو تسبـه شبل
مثلك يوكـر على أوداجـه
والشخـص باللـي عليه وجبل
والنـاس كـلٍ ومـنهاجـه
شاعر خيالي..و شـاعر خبل
و شاعـر ولا شاعر بحاجه
و شاعر طبلكي..وشاعر طبل
و شاعر حلاته هي إزعاجه
لــ : سليمان المانع
,
..
عبدالله ثويني المانع
03-10-2007, 08:12 PM
..
أقلب أوراق تاريـخ العطش وألـقا
أشـياء أبيهـا وبعض أشـياء مابيهـا
أبو روز
..
رجا المريخي
03-10-2007, 08:57 PM
باطلبك يامن باعني باطلبك يلي له شريـت = لو كنت ناوي مقتلـي بالله سـدد طعنتـك
دامي أنا الي جيتلك ماني محسب وش نويت = أعرف أنا موتي بدا وشلون باطلب رحمتـك
ياهاجري ومعذبي قلبي ذبحتـه وإرتويـت = لاكن بعد ماتقتله من داخله خـذ صورتـك
مزيد المزيد
03-11-2007, 11:06 AM
والله
لو اضمن شوفتك في منااااااااااااااااااااااااااااااااااااااامي
.
.
.
.
.
.
.
.
.
.
.
.
.
.
.
لا " اناااااااااام " لجلك باقي العمر كله
صالح العرجان
03-11-2007, 12:44 PM
لعنبو ... من باع ... حظه .../ ... بالسوالف ... واشترابه
............................................... لعنبوا من شاف .. عيب الناس .. قبل يشوف ... عيبه
:
:
من تهاون .. بالمراجل .......... ماكسبها .. في شبابه ..
........................................... كيف يكسب ..والمراجل .. ما تهاون .. مع .. مشيبه .. ؟؟
نافع التيمان
03-11-2007, 10:34 PM
مساء الخير الجميع ..
عبد الله المانع ..
أحييت ذكريات رائعة لأسطورة كنت أزعم أنها غير مؤثرة ..!
يبقى سليمان المانع شاعر الغربة .. ومعلم الطفولة ..
إفترقنا بعد ماكنا جميع .. وأتفقنا بعدها مانجتمع
عبدالله ثويني المانع
03-11-2007, 11:34 PM
..
نافع التيمان
مساء الورد لك أنت
سليمان جعل من القصيده
وطن وامرأه ومنفى
انا من وين ماسافر عن احزاني تجد احزان
واظل اركض مثل دمعة غريب وضحكة مساافر ..!!
لك الورد
..
نواف التركي
03-11-2007, 11:45 PM
نافع التيمان ـــــ عبدالله المانع
إمتداد لنقاش جميل أحتفظت به الذاكره لسموّه
كل الشرف لمتصفحي
هذا الثراء
صالح العرجان
03-12-2007, 09:01 AM
,,,,,,,,,,,,,,,,,,,,,
يا...صاحبي كانك على الجرح مريت....اسلم وسلملي على الجرح تكفى...
وان...كان مريت بطريقك وهو مييييت....ردد خســـــاره ميتٍ قبل يشفى....
,,,,,,,,,,,,,,,,,,
نواف التركي
03-12-2007, 01:10 PM
شوفني .. لاحلم بيدي .. لاعتاد = بس .. عندي قلبي يا أخي ما أبيه
شاعرك يدري... وتدري للنفاد = يحتري موته / وقلبك يحتريه
أطلق عيونه على طرد الرقاد = وأنكفت هي هي : تاكل مقلتيه
بركات الشمري
رجا المريخي
03-13-2007, 08:45 PM
قلبي معاليقه غدت تصرخ بغصات الحنين = وأنا الذي كنت آتوقع منها يبابها
كنت آتوقع فرحتي يومي نسيته من سنين = وشلون تذرف دمعتي من بعد طول غيابها
ياما أردد داخلي الله يعين الصابرين = وبعد الصبر دنيا بدت لي مكشره أنيابها
نسيت محبوبي بعين لاكن تذكرته بعين = عينٍ رمتله صورته وعينٍ بقت تزهابها
نواف التركي
03-14-2007, 12:53 AM
كل ما عزّ الطلب عندي وقالت لي عشاني = قلت من هذي قبل هذي وجابتني حميّا
قبلها ما طاعت أقدامي طريق إلا عصاني = بعدها ما ظل حلم أخضر بصدري ما تهيّا
فهد عافت
صالح العرجان
03-14-2007, 02:54 PM
بعض العرب حبـه يـوردك الجنـون
ولا يوصف لـه غـلاه احكـاك لـه
مايقنعه وصف الغلا لـو وش يكـون
لو كل حـرفٍ بالحريـر يحـاك لـه
الموت جـاك وهـو تقلبـه الضنـون
ولا لك الا الصبر....وش وداك لـه؟
ان قلت ضايق..قال : هونهـا تهـون
مايدري ان ضيقتك لـه وبكـاك لـه
تقعد تحبه وانـت ساكـت ومغبـون
يمكن بيوم يقال لـه مـا اوفـاك لـه
وكانك مشكك هو يمون .. او ما يمون
تخيّل ان عفـت الصبـر فرقـاك لـه
غلاه من فـوق الغـلا ماهـو بـدون
وحكاه سمعك يجبـرك بارخـاك لـه
ودك تحطـه فالعيـون مـن العيـون
وتبسط على رمضى الثرا يمنـاك لـه
وتظله من الشمس في ظـل الجفـون
ولا يمـر اذنـه سـوا لبـاك لــه
وتسج مـن غيـره لونهـم يذكـرون
ومنين ما سجت القـدم ممشـاك لـه
فلو ٍ يميلـه التـرف ميـل الغصـون
غصن ٍ ليـان ومكرمـه بسقـاك لـه
جديله الى اقفى ستـر منـه المتـون
كنّـي بريحـه لالتفـت لدعـاك لـه
يزها الملابس ..اي لبس ..واي لون
وفالليل وجهـه لا ظهـر قـداك لـه
كيك وعسل لكن ماهو فـي صحـون
ودعاك من عين الحسود اغطـاك لـه
الله لا يعطيـه نـاس س ينضـلـون
ويستر عليـه مـن النحـل لا ياكلـه
الوصف والتعبير في وصفـه يخـون
غير اطلب الله يستجيب ادعـاك لـه
وعذال قلبـك فـي محبتـه يخسـون
سكينهـم عـن قطـع حبلـه حاكلـه
اللـي مـن لحـوم الاوادم ياكـلـون
وحلوقهـم دافـع الـبـلا متواكـلـه
ناس ٍ عن اعراض العرب ما يعرضون
ودايم على نفـس الشكـل والشاكلـه
فـي سلمهـم اولا بالاكـل الاقربـون
واطيبهم اللـي صيدتـه شكـواك لـه
يدعيهـم الشيطـان للذنـب ويجـون
هـذا يقـطـع لــه وذاك يواكـلـه
من جاك منهم لا تبّيـن لـه سنـون
واضرب يمينه لا بغـى يسـراك لـه
يا جعلهم فدوة ثـر الغـض الفتـون
اللي على الدرب الطويل اخطـاك لـه
طيفه الى نـام البشـر زارك بهـون
وطيفك الى نـام البشـر سـرّاك لـه
حبه دفان ومقبـرة خضـر الطعـون
بيـن العظـام العـوج كنـك ناكـلـه
فلو ٍ غلاه يـوردك حـوض الجنـون
ولا يوصف لـه غـلاه احكـاك لـه
عيون الشوق
03-14-2007, 05:19 PM
يامسافر وش هي الدنيا بدونك ؟ = مابقى لي قلب والدنيا فنت
من غيابك ظاميه لشوفة عيونك = والجوارح في وصالك أدمنت !
ميته في بسمتك حتى جنونك ! = والمشاعر كلها يمّك عنت
نواف التركي
03-14-2007, 11:08 PM
ياأْول عذابـات عمـري وآخـر الأمنيـات=بخلت بالوصل وأجزلـت العطـا بالجـروح
كيف أقدر أنسى وطيفك في جميع الجهـات=وفي كل الأوقات برقه في خيالـي يلـوح؟
عايض بن مساعد
نواف التركي
03-14-2007, 11:15 PM
تولعت مـع مـي علـى العـد لامهـا=على حسبت العشريـن بالعـد قايمـه
بلانـي هواهـا وابتلانـي وهالـنـي=حالة علـى جيشـي ونايـر هزايمـه
أنا منك يا مـي علـى الـروح خايـف=لي ون وأنـت فـي عذابـي مدايمـه
جزى الجفن في شفك من النوم والكرى=سهر الدجى وأنـت بالاسحـار نايمـه
محمد الفيحاني
نواف التركي
03-14-2007, 11:16 PM
ماسمح قلبي يـروح ولا يـرى=زول محبوبه ولو هو من بعيد
آه واويــلاه يالـيـتـه درى=كيف حبه في حشا روحي يزيد
أو درى إني منه قد حالي برى=ذايب بالي عقب ماهو حديـد
وإن من الأبعاد موحي المقبرا=يحفرونه لي وموقن بالوعيـد
ياليزيمي قـول للـي يحفـرا=يوسع الملحد على شان اللحيد
ويحجز بيني وما بين الثـرى=عن عظام ناحـلات كالجريـد
وانت يا دفـان ياللـي تقبـرا=يامهيل الترب بالسرعة مجيـد
حط من فوق القبر حتـى يـرا=بنيتين كالنصايب لـه شهيـد
يعرفون القبر من جـا ينظـرا=يعرفونه قبر مذبـوح الوديـد
قبر من صان المودة واستـرا=قبر من لاخان عهـد للعهيـد
كود لا من جاه علمي يذكـرا=وانعتوا قبري لمعلوقي وكيـد
ياتي لقبري ويذكر ما جـرى=يوم انا وياه في الدنيا عضيـد
ويترحم بالدعاء لي مـن قـرا=يوم خلاني وسط قبري وحيـد
محمد الفيحاني
نواف التركي
03-14-2007, 11:21 PM
قصت إحبالك من عقب وصلها مي = واستبعدت من عقب ماهي قريبه
ومن المحبة مابقي عندها شي = صارت عقب ذيك الصداقه حريبه
أمتر صافي مايها العذب وانطي = أصري ولا ظنيت يصفي قليبه
ولا هقيت يعود لي ذالك الغي =هيهات مرجوع القمر من مغيبه
إلا أن تعود عصور شداد ولوي = وألا الصبا يرجع لعود وشيبه
فيا ويل قلبي من بلاويه ياوي =الله أحد ويلاه ياهي مصيبه
اعدم بقايا صحته منهج الغي = واتلاه صرف الوقت حطه ضريبه
تسمع حنينه كل ما بالحشا ضي =حنين مسيوق الرياح الصليبه
يداوي ولى من حرقة ذكرهم هي = وازداد من فرقى الحبايب نحيبه
وان ليم صمم مايطيع العذل عي = مفتون كثر اللوم عيا يجيبه
مالوم كن بضامره يرسم الكي = لي من ذكر قطع الرجا من حبيبه
نوحي حمامه كل مانحت والعي =غريب وانتي ياحمامه غريبه
الكل منا ضامه الوقت والني = واللي شكا ماشاف له من يثيبه
باشكي عليك الحال وانتي لي اشكي =وتعززي لي لو على غير ثيبه
قالت ربوعك وينهم قلت لاشي =قالت بلى وين الذي تعتزيبه
قلت الذي تعنينهم ذبوا الطي = واللي تحريته بهم صارخيبه
تعذروني ياحمامه بلا شي = يوم استمت حبلي وشفت الغليبه
خلوني الخلان واستعذر الخي = اللي ذخرته للخطوب الصعيبه
واللي نخيته عقبهم صابه اللي = ياعونة الله وين من نلتوي به
محمد الفيحاني
نواف التركي
03-14-2007, 11:39 PM
البارحه صورتك 000 ضمت ضلوعي
00000000000000000000تخيلي... ضميتها لين ضاقت
تثاوبت 000 واطفى نفسها شموعي
00000000000000000000وارخت هدبها في هدبها وراقت
تصوري00نامت؟ 00 ولولا دموعي
00000000000000000000سالت على وجناتها ما استفاقت
تاملتني000 قمت الملم خضوعي
00000000000000000000وامسح جفون بالمدامع تساقت
تبسمت00 واضحكت من غير ما اوعي
00000000000000000000واعيوننا من غير قصد تلاقت
تساءلت:زعلان؟ اتعرف طبوعي؟
00000000000000000000 كم ذقت من حدة مزاجي وذاقت
قلبتها .. صارت ملامح ربوعي
00000000000000000000 قبلتها000 عتبت علي وتشاقت
قالت: بعد للحين تنطر رجوعي؟
00000000000000000000تمتمت00 ما غيرك لهالعين لاقت!!
علي السبعان
نواف التركي
03-14-2007, 11:54 PM
اصدق قصيد اللي به الجرح صعلوك=لا حاسب لهذا..ولا هايب... ذاك
وأكذب قصيد اللي به الحر..مملوك =عبد الظروف..اللي لها قيل..ملاك
لك..ياقصيدي سلطتك يوم غنوك =كفو العذاب..وتملك إحساس غناك
على بساطة حالك الناس..حبوك=خامرت روح اللي لمس فيه..منفاك
دمع السنين استعذبوا يوم..شربوك =ملح النزيف اللي..سمح فيك واعطاك
نهر..حزين..وهايم الموج متروك =تجري بك اقدار الليالي..لمنهاك
وللبدو..من يوم انكتبت وتهجوك =عاش البحر يحسد صحاريك..معناك
ماتخذل اصحابك..ولا تكسر اخوك =لا ماهي اخلاقك ولا الحيف..منشاك
واصلت يوم اللي بدو معك..خلوك =في منتصف وعي الضماير..بمرقاك
يوم خويا جرحك مع البير..دلوك =وردت مظمين الحقايق..ثناياك
قلت اشربوا روادكم..واستشفوك=نزف الحلال وحرمك كثرة..اعداك
تكالبو..من كل شك وتحدوك=حتى لفيت بأيتك عكس..مغزاك
بافكارهم والا انت مهما..تصدوك ="ماتنفي شموسك"غرابيل..دنياك
واجمل خطايا موقفك يوم..ضدوك =رجم الظلام الدارس..بنجمة ضياك
يبقى بري هالنقد مما به..اغروك=للزيف مصلحته..بتغييب مبداك
واستبشر..الغاوين يوم استلذوك =باعو"دعاة نفوسهم"عند..طرياك!
لا يحزنك كونك وحيد..وصعلوك =كم شيخ في قلبه مماليك تتلاك
ريميه
شكيت همومي وجرحي لرفيقي .. ولا سمع شكواي
ورحت أسحب حمول الياس.. ودموعي يواسنّي
عجزت القى رفيقٍ لي.. على نهجي وعلى مبـداي
وتـبـاطـيـت السـنـيـن اللي عـلى عـرفـه يـمـنـنّي
وقـف حـظي بـوجـهي.. والأمـل عـيا يـبـلّ شـفاي
وأنا صابـر..وليت الصبر.. صابر ماجـزع منّي
عزفـت الحـزن في شعري.. على نغمة زماني ناي
وترجـمـت الـقـصيـد اللي.. بعـد مثلي يـترجمني
الشاعر الحر الجريح
عبدالله ثويني المانع
03-15-2007, 02:30 AM
..
آخر حكاية :
مـن كثـر مـا تابعــت كـذبـة وكــذّاب
أصبحـت أشـوف الصدق حالة غريبة
..[/FONT]
نواف التركي
03-16-2007, 02:24 AM
سراب وضحكة صفراء بلا رحمة وأمـــل كــذاب =واحاديثٍ تدوس من البيـاض اللـون والمعنــــا
تزور عيــوننا نفحــة هنا وتمـوت عنـد البـــــاب =وتذبـح صادق النيـــه وتسـري فـي مواجعنــــا
نسد الدرب في وجه الظنون ونجـرح البــــواب =ونمشي في طريق الصبح لين الليـل يصفعنـا
مجانين البيــاض قلوبـنـــا تضحـك ولاتـرتـــــاب =ولو شمس الهجير تذيب املنـا فـي مرابعنــــا
نفيض اخلاص نعطي من محبتنا بدون حساب =نحسب الناس كل الناس نسخـة مـن طبايعنـا
علي المفضي
مزيد المزيد
03-16-2007, 05:45 PM
لحظه
.
.
.
.
.
.
.
.
.
.
تعاااااااااااااااااااااااااااااااال
.
.
.
.
.
.
.
.
.
.
اسمع
.
.
.
.
.
.
.
.
باعلمك حااااااااااااااااااجه
.
.
.
.
.
.
.
.
.
.
.
.
.
.
(( اموووت ما احني للمخااااليق رااااااااااااسي ))
حنان محمد
03-16-2007, 09:41 PM
تعالي من جسور الليل ... تعالي ضي ..
تعالي في هجير العمر .. حنان وفي
وربي .. طالت الغيبة
بدر بن عبدالمحسن
نواف التركي
03-17-2007, 12:42 AM
عـ هدير البوسطه
.
.
.
تذكرتك ياعليا
وتذكرت عيووووونك
يخرب بيت عيونك ياعليا
شو حلوين !!!!
فاصل غنائي
نسرين الأحمد
03-17-2007, 04:19 AM
لابوك لابو من ترجى حنــانــك = لابو قلوبٍ بالهوى تشكي الضيــــم
واطي وأنا بالحب عليـت شــــانك = ومثلك فلا يحتاج بالحب تعظيـــم
كلمة أحبـك لاتجي في لســـانك = شوهت بإسم الحب كــــل المفاهيم
مازلزلة روح الطهــــارة كيـــــانك = جــاهل ولاينفع بك اليـــوم تعليــم
ماأهين نفسي والكرامة عشــانك = هذا طبيــعي مايبــي أي تفهيــــم
خل التـــغلي ينفعـك في زمانـك = وروح ماراح الريح لاروح الغيــــم
********
شعر/ المحــامي سعـود السبيـعي
شكرآ نواف على المتصفح الهادئ
فيْصَل الصَقّار
03-17-2007, 04:42 AM
أطْفَال هـ...الليْلَة تنَام بـ....ضُلُوْعِي
........................................ جوْعَا وأحِسْ إن الشْعِر مَاغَذَاهُم ..
وحَسّوا غَلاَهُم بــِـ....يتَغيّر وِلُوْعِي
........................................ وتَغيّرَوا ....... لَكِن بقَى بِي غَلاَهُم
العـنود ناصر بن حميد
03-18-2007, 01:12 AM
ياهـيه مـره حكى صدري علومه شهـقْ
ومره ولا أذكر سوى أني تنفست حيـل
***
رفرف بعيداً عن ضلوعي شعورالرهق
وأطلقت عصفورتين وطارن بجنح ليل
***
ضف السواد أجنحتهن والنوايا بـهـق
واراهن البعد لامـلجا لهـن ... وسبيل
***
غير التفاصيل في صدرٍ بصمته زهق
كن إختلاجه شعور النار في طعم هيل
***
يمشي بدربه ولايدري عن اللي فهـق
مثل السفين الذي راود عنا المستحيل
***
سادر ولا هو بداري من حكى من نهق !
دام أرضه أرضه ولا عن مايحسه دخيل
بدر صفوق
العـنود ناصر بن حميد
03-18-2007, 01:19 AM
وادورني ورى جرحي وتزهر في حشاي قبور
وأكفن عورة همومي وأدور منهـو يرثينـي!
***
هنا كان المسا بارد حزين ومكتئـب مقهـور
هنا! والا هنـا! والا هنيـا صـرت مابينـي!
***
أنا ما طحت من عين المواجع يوم أنا مكسور
أنا من كثر ما فيني مواجع.."طحت من عيني"!
بركات الشمري
العـنود ناصر بن حميد
03-18-2007, 01:57 AM
يامتعب الخطوه على الدرب لاهنـت
وشلـون تحـزن والشمـال بجهاتـك
**
جرب تمارس ضحكتك ويـن ماكنـت
واحزان عمرك سترهـا فـي عباتـك
**
الريح قامت وانحنت وانـت ماقمـت
ياحـي لاتنـهـار قــاوم وفـاتـك
**
تبي تـرد الريـح وتبعثـر الصمـت
ان مالقت بـك روح شالـت رفاتـك
**
ياكبرها لاصاح داعيك وين انـت ؟!
وجـا ينتخيـك ولالقـا الا عصاتـك
**
أدري وصلت آخر مدى الصبر وتعبت
مابه نكـد فـي رحلـة الهـم فاتـك
**
وانا بعـد خاويـت الايـام وندمـت
الله كـم تشبـه حيـاتـي حيـاتـك
**
هذا زمان الهم .. والفقر .. والكبت
ماهو زمن سم .. وتدلـل .. وجاتـك
**
اما انت في واقعك سلمـت وآمنـت
والا اعترضت وعشت فـي ذكرياتـك
**
يامتعـب الخطـوه بوجهـك تمعنـت
لونك ظهر لـي وادهشتنـي صفاتـك
**
لـو المرايـا منصـفـه ماتلـونـت
كنت ابيض ٍ من مولدك لـي مماتـك
**
بعض المرايا تعكسـك مثـل ماانـت
والا بعضـهـا مايـوريـك ذاتــك
مهدي بن سعيد
العـنود ناصر بن حميد
03-18-2007, 02:17 AM
ياصاحبي وقـف لزيـف الصحـاري
وبشر هجير الشمس عن موعد السيل
***
حاول تغيـر فـي ملامـح نهـاري
واعط القمـر مفتـاح بوابـة الليـل
***
مدري لشنهـو موعـدي وانتظـاري
مادامـت أيامـي قليلـة محاصيـل
***
في داخلي نزعة خفـوق انتحـاري
حلـم تكسـر فـي ثنايـا التفاصيـل
***
واثر انكسار الحلم يعنـي انكسـاري
بغيت اكمل وانكسـر فينـي الحيـل
الحميدي الثقفي
عيون الشوق
03-19-2007, 05:02 PM
http://www.6rbtop.com/listen.php?song_id=23251&type=au&q=hi
جيتك اشتكي لك من عنا الوقت ابرتاح = لقيت نفسي اشتكي من همومك
ياعونت الله مابقى شي ماراح = مدري الوم الوقت والا الومك
جيتك وقلت بعالي الصوت ياصاح = بالله ساعدني ترى اليوم يومك
لا النفس مرتاحه ولا القلب مرتاح = حسيت نفسي واحدٍ من خصومك
اثريك صاحب بس في وقت الافراح = وبكل سهوله ترخص اللي يسومك
الله يعين القلب وشلون يرتاح ؟ = زودٍ على همومي تحمل همومك
وجدان الأحمد
03-20-2007, 07:59 PM
وحشتيني ..
كثر ما خانني هذا الزمن واكثر ..
وحشتيني
احبك حب
اكبر حيل من كلمة احبك ..
واسألي عيني
يا اقرب من نظر عيني لعيني
يا ابعد من حنانك عن حنيني
امانه .. كيف تنسيني؟
لـ طلال الرشيد
عبدالله ثويني المانع
03-21-2007, 08:47 AM
صوتك اللي بقالي من ليالينا =عاد لو غاب صوتك ويش يبقالي
صوتك الموج والمجداف والمينا= صوتك الناس لوني في خلا خالي
صوتك الذكريات اللي اتدفينا= كل ماهل شفت العيد يبدالي
صوتك بعيد مثل البعد يطوينا= صوتك اغليه ... صوتك يابعد حالي
من غروب الكلام لشرق اسامينا =ياحبيبه وصوتك عندي الغالي
سولفي ... لعنبو هــمٍ يبكينا =انتِ اقصى مدى الهقوات والتالي
مالها حد شرهتنا وامانينا= والمسافات قشرى مالها والي
يقبل الليل لامرفأ ولامينا =عاد لو غاب صوتك ويش يبقالي
لـ مساعد الرشيدي
..
رجا المريخي
03-22-2007, 07:15 PM
النار شبت داخلي والحزن يفعل مايريـد = وبين المحاني علتي أشوفهـا متراكيـه
يالي نويتي بالجفا الهجر مويمكن أكيـد = الله يجيبك يالغلا بكـره تجينـي باكيـه
لسامحك وأزعل عليك ولازعلت أبعد بعيد = منك همومي كلها صارت تجيني شاكيـه
نور الفيصل
03-23-2007, 04:56 AM
"
http://www.q6of.com/download.php?action=lsn&id=25564
"
لروح تعنيني وحدي
نـور
نواف التركي
03-24-2007, 12:18 PM
كل نفسٍ لها غايه وطبع الكـرام=ما تذل النفوس لحاجـةٍ هيّنـه
ماهو بكل خلق الله عزازٍ حشام =و ماهي بكل لحيه لحيةٍ ديّنه
قالوا الصبر مفتاح الأمور العظام=قلت مامن عظام السالفـه بيّنـه
طفسةٍ ماتبي منّا نشـد الحـزام=لو تجي في ملابس عرس متزيّنه
سلطان ربيع
03-25-2007, 02:04 AM
من .. جد .. تعجبني .. كذا .. أما .. كذا .. ولاّ بلاش ..
ولاّ بلاش .. احسن كذا .. هالوقت .. لايمكن .. تعيش ..
ادري بدت في .. داخلك .. حالة .. تعجب واندهاش ..
لكن .. أبى تصبر عليّه .. لين .. أفضفض .. ماعليش ..
مجبور .. يا بعض التواضع والسموحه .. بدّهاش ..
ليه التواضع .. في وسط يزخر .. بشعار .. الحشيش ..
ليتك من أول ( ما حكوا ) .. مغضي و معطيهم طنااش ..
( لويش .. تاخذ حكيهم .. من جد .. يا عمي ... لو يش )
لا يخدعك يا صاحبي .. كثر ( التفلفس ) .. بالنقاش ..
( يا حبذا / يا هل ترى .. يا .. ) مدري أبش ومدري أبش ..
بعض الأوادم .. ( شيء لا يذكر ) .. تحت قطعة قـِماش ..
لاشفت زوله .. يعجبك .. زوله .. ( ومن جوّا ).. ما فيش ..
ناس ٍ تحسب أن الشعر .. عيشه .. ويعطيها .. معاش
/ تشرب شعر/ تاكل شعر / كن القصايد .. سندويش ..!!
ساحة تلم اللي .. تلم .. تمتد .. نحو .. الانكماش ..
يكتب بها .. حتى الكديش .. اللي يسمونه ... كديش ..!!
خلك كذا .. أحلى كذا .. أما كذا .. ولاّ بلاش ..
أصلا كذا .. و إلا كذا .. يكفيك .. في قلبي .. تعيش ..
خالد العنزي
سلطان ربيع
03-25-2007, 02:13 AM
2- أباطير الحكي...
أبـاطـير الحـكي/ سـلّم/ تـعود الـذاكره/ أقـزام
..................................ضـمـاير مـيّـته/ لا ديــن/ لا مـذهـب/ ولا ذمّـه
مصـانع تغرق اسـواق القصيد وتنسج الاحـلام
................................حديـث ابلـيس للرهبـان... يـومـه لابـس العـمّه
ورق يـاما ضحـك يـاما بكـى من صجّــة الاقـلام
...............................يتيم(ن) ماملك شي(ن) من امره والوصي عمّه
واذا هـذا المغــفّـل شـاعـر السيـجار.. والشمّـام
...........................يـسـمّى شــاعـر وربّـي... وربـّي... دجّـت الامّــه
مـدام السـيف أصـدق بالنّـبا من شعر ابـو تمــام
............................نبي من شعرنا (الوضعي) يقوم ويكشف الغمّه!!
لـعـمـري.. دامـنا نكـتب شـعر في نصرة الاسـلام
.............................فلا هـو مـنـتـصر فـينا... ولا هـو واصـل القـمّه
تـعالي نقـلب (الغصّه) غـزل... ونطـوّع الالـهام
...........................اخـاف اني اذا طـاوعت صدقي... جبتلي مطـمّه
تـعـالي بـتـغـزل بـك/ غـزل... مـا صــار بالافــلام
.........................عـسى هالخــاطر المكـسور منهم.. ترفـعه ضـمّه
وانا وان كنت خايف من حروفي والقصيد الغام
..........................يـموت الـداب من سـمّه... اذا هو مـادفـق سـمّه
ومـادام الحـكي سلـّم... وكـل الســالفه...اعــلام
...........................ابـكتب لا بـغـيت اكـتب... ولاني مشــاور الــذمّه
لخالد
سلطان ربيع
03-25-2007, 02:16 AM
تداعى أنظمة.. عشق القوافي .. تستفز .. الشك
___________________ صدح صوت .. انتمائي .. وانتبدني ابسط اشيائي
رغم كل التسكّع .. في زمان ٍ .. دك فكري .. دك
_______________ تشرّبت .. الشعر .. لكن .. جبرني ... اكسر .. القائي
وانا الصاخب الي حد .. التناغم .. وامتدادي لك
_______________ يشكّل .. معظم .. احساس .. المكان .. وحزني النائي
تسربلت الظلام .. اللي تملّك في عذابي .. \ صك
_______________ أغني؟ كيف أغني .. والحزن .. يستوطن احشائي
رضيت اني اكون بزحمة (اسراف الأسامي) نك
_______________ يصوّرني .. طلاسم .. باهتـه .. بعيـون ...\ قرائي
واذا ماتشعر بنبضي عشانك .. وش جبرني بك؟
_______________ طلبتك .. ياشعر .. تكفى .. ترفّق في .. ألف بائي
دخيلك وش بقى لي \ غير حزني \ في زمان العك
_______________ تحت ظله .. أعيش ..بدنيتي .. وانـدب.. أحبائي
حكاية عشقنا .. أتعس حكايه .. تستفز .. الشك
_______________ خفت صوت انتـ مائي .. واعتذرت لأبسط اشيائي
خالد العنزي
سلطان ربيع
03-25-2007, 02:27 AM
ســـامر أنا ويا الأرق ووســادتي مـع وردتي
............................... أقطف ورق أغصانها أتحبني!؟ .. ما أتحبني !؟
خـــايف اصدق ناتجي وخــايف اكذب هـقــوتي
............................... تايه أنا ما بينهم هــــــم الســـــــؤال يهــــــدني
وارمي البقايا من يدي أحاول ألقى ســــلـــــوتي
............................... وانفض لحافي والأرق ..وبـوح الشعـور يزفني
واضوي شموعي للورق تحكي السوالف ريشتي
............................... وانثر مشــاعـــر من زمن عنها اللسان يردني
لوحــة رسمتك يا غلا وعلقتها في غــــرفتي
............................... لون الذهب بروازها .. وسنا حــــــلاها يشدني
للخــــال حبة في خـــــــدها هي حلّته محبوبتي
............................... غصن الجمــــال أن شافها عز الله انه ينحني
مرات أحس أنى لها.. ومـرات تبعد خطوتي
............................... كني ضريرِ في خــــلا للموت حظي ســاقني
الناس واجد والحـــــلا مـيـر البلا في حــلـــوتي
............................... لامـــــــن خـــطيت وجيتها ابكل طيب تلــمني
أحــــــس أنى ملكتها واحســــــها لــــي دنيتي
............................... لامن ســــألت عيونها تحــلف تقـــول تحبني
مرات أسابق هالوعـــــــد تدفعني دايم لهفتي
............................... لامن قــــربت بجنبها من شــــوقها بتضمني
فكره هنا.. وفكـــره هنا وتزداد دايم حيرتي
أتحبني !؟ ..
ما تحبني !؟ ..
أتحبني !؟ ..
ما تحبني !؟
سلطان ربيع
03-25-2007, 02:29 AM
سـيـداتـي . انـســاتـي . ســادتـي
حيث بقية الحديث :
ســـيــداتـي .. انــســاتـي ... ســادتـي .
الاحـبـــاء . الاعـــزاء . الـكــرام ..
مـن يـفـسـر لي خــيــوط وســادتــي .!!!
ومـن يـغـمـض لـي عـيـوني ليـن انـام
بــشــروا صـدر الـسمـاء بــقــــلادتــي
وبـلـغـوا عـنـي لـخـلانـي سـلام
ســيــدي مـن يـعــتـرف بـســيـادتــي.
يـنـحـنـي لي وانـحـنـي لـه بـاحـتـرام
عــادتـه يـدمــح خــطـاي وعــادتــي ..
لاذكـرتـه .. فـاحـت اسـراب الـحـمـام
وامــي قــالــت لـــي بـيــوم ولادتــي ..
لاتـمـوت وبـاقـي بـصـدرك كـــــلام ..!
غــــادتــي . ! ياغـادتـي . . يـاغـادتـي .!!
والله أن الـلـي .. تـسـويـنـه حــــــرام
صـبـي لـسـكـر حـلاك .. زيـــــادتــــي
ياحـلـو طـعـم الـرضـا بـعـد الـخـصـام
خالد الردادي
سلطان ربيع
03-25-2007, 02:35 AM
((((((((((((((((((غلا وهبال ))))))))))))))
حبيبي ناظر عيوني عسى تلقا جواب اسرع
.............. ...... عسى صورتك فـ عيوني تقول اللي عجز ينقال
حبيبي من ورا الغيمه بداء نور القمر يسطع
........................ ولا منه نظر وجهك رجع يبكي بضيقة بال
سمعته يصرخ ويبكي يقول ان حسنك الاروع
....................... سمعتـه يشتري ودك يبي يشكي عليك الحال
وسمعت النجم من بعده وانا جالس بعد اسمع
.................... يقول اشعار في حسنك يقول اروع حكم وامثال
وشفت الشمس في المشرق تــونّ وماتبي تطلع
.......................... تقول اشـ فايده اظهر وترجع تختفي بجبال
وشفت الورد يرقص لك على اغصانه يقول اقطع
....................... يقول انـه على يــدك يبي يشنق يبي يغتال
وسمعت الورق في عشه حزين ومستحي يسجع
..................... سمع صـوتك تغني لي جلس يبكي على الموال
وجاك الورق من عشه يبي يسمع بعد مقطع
....................... وشفت الدمع من عينه نزل مثل المطر ينهال
وحتى الغيم لاشافك من عيونه بدا يدمع
...................... علىوجهك همل دمعه وغرق قذلتك والشال
وحتى الليل لاشافاك على اقدامك يبي يركع
........................ يقول الليل متناثر على كتوفك مثل شلال
حبيبي مد لي يدك نسافر في خيال اوسع
.................... تعال واسبل رموشك على الشاعر تصير ضلال
حبيبي داخلي شاعر ترى عمره ابد ما ابدع
....................... ولكن بس لعيونك نزف شعر. وغلا. وهبال
سلطان ربيع
03-25-2007, 02:36 AM
(((((((((((((شيطنة اطفال))))))))))
طفح كيل القصيد اللـي نزفتـه وابتـدا المـوال
.................... وانا لازلت ادور لك كـلام(ن) يستـر اوراقي
ادور فـي مجاهيـم القصايـد مايثـيـر الـبـال
................. عساني لاوصفت اوصف حلاك وأكسـر وثاقي
انا لاشفت هالكحل بطـرف عينـك ازيـد هبـال
.................. وازيد من الجنون اكثر جنـون وانثـر اشواقـي
دخيلك لا تناظرني ترى بعـض العيـون خبـال
.................. دخيلك لاتزيـد الطيـن بلـه وانـت فـ اعماقـي
دخيل اجمل عيون اللـي شقاوتهـا تهـد جبـال
.................... دخيلـك لاتجننـي بهـا ثـم تـنـوي فـراقـي
دخيل احلى عيون اللي بها سحر وشموخ رجـال
................... تخلينـي معاهـا ارحـل بعيـد وتوسـع افاقـي
دخيل اجمل جديل(ن) طاح من عالي مثل شلال
................. على خصر(ن) نحيل(ن) فوق صدرٍ(ن) كمل الباقي
دخيلك والهوى لامن تحـرك ثـم جديلـك مـال
................... يميل القـد مـع ميـل الجديـل ومعـه خفاقـي
دخيل اجمل حرير اسود سواده فاق اسـود شال
.................... تخليني علـى زنـدك انـام وأغمـض احداقـي
دخيل الجيد والعاتـق دخيـل النحـر والسلسـال
.....................دخيـل الشفتيـن اللـي تضيـع هقـوة لهاقـي
دخيل الخال في صدرك دخيل اجمل صدر به خال
......................دخيـل الضمتيـن ورجفـة الخفـاق وعنـاقـي
دخيل السلسبيل اللي بصـدرك والعـرق لاسـال
.....................تخليني وسطـه اغـرق أليـن اوصـل لترياقـي
وانا لاقلت بغرق بـك ابغـرق ماعليهـا جـدال
..................ابغرق لين يذبحنـي ضمـاك ويتعب الساقـي
دخيلك يوم انا جيتـك وجيـت بشيطنـة اطفـال
...................تخليني علـى الفطـره كـذا لاتنـوي اغراقـي
دخيلك لا طفح كيـل القصايـد مانتهـى المـوال
..........................تخلينـي ادور لـك كـلامٍ يفـضـح اوراقــي
سلطان ربيع
03-25-2007, 02:38 AM
بتدت حرب المهالك وإنتهى السِلم ومجاله
وإرتكب أهل الجريمه إبشع أنواع الجريمه
داهموا بغداد جيش الشرك وأحفاد الظلاله
حنّوا لتدمير تاريخ الحضارات االقديمه
بين بعثيّ العراق وبين جرذان العماله
إنثنت ياويل قلبي بنت الإسلام العظيمه
آآآآآه ياوجدي عليها وجد من ضيمه خواله
إن نواهم صاحت أُمه وإن تركهم صاح ضيمه
أو وجود القاصر اللي مغتصب عمّه حلاله
هو يتيمٍ بين ربعه ماله الا إخت يتيمه
أو وجود النادر اللي ناطح الغاره لحاله
إن وقف زادوا صوابه وإن وقع صاحن حريمه
أو وجود الديّن اللي ماأرتكب جُرم وخمَاله
بعد ماقصوا يمينه إعترف راعي الجريمه
أو وجود اللي خصيمه فجأةٍ وقّف اقباله
جاليٍ من وسط ربعه وأشْجع اربوعه خصيمه
أو وجود الطيّب اللي تو ماكبروا عياله
بعد ماكبروا عياله صار طيبهم هليمه
أو وجود اللي يمينه باالسلاسل مع شماله
شيخ قومٍ عقب عزه عاش حقران وهضيمه
حسرتي والله على حسنك يابغداد وجماله
وحسرتي والله على الشعب العراقي في جحيمه
للمقاله ( آتصيقه ) قصفوها كل ماقيله
ياعرب موت القلوب اليوم عاهه مستديمه
لاتورْونا صورّهُم إتركوا كلٍ بفاله
الْبِدوا والذيب يلْبِد لانبح كلب الخريمه
يعني وش رايح نسوّي غير يالاله يلاله
لاتحرون القلوب القاسيه تصبح رحيمه
لاني مغيّر زمان ولاني امحرّم حلاله
بس أشوف إن العروبه تسحب اذيال الهزيمه
سامح الله من قراني مافهم فحوى الرساله
مدرك أبعاد الكلام .. ونيّتي والله سليمه
الشهر هذا مُحَرّم والله مْحرِم قتاله
بس ياالله ماعلينا كل ضربة بتعليمه
أبشروا يالشرق الأوسط بالتسكّع والبطاله
يامدوّرة الغنايم إنتم اليوم الغنيمه
جت مغول الغرب يم الشرق والقصد إحتلاله
خلف هولاكوا أوروبا جوك يتلون البهيمه
من متى كان اليهودي له على المسلم جماله
من يقول إن العواقب مانتايجها وخيمه
عارفين المستخبي إندثر وقت الجهاله
والغبيّ اللي يفكر لذة الدنيا مقيمه
يولد الحي ويموت وينولد حيٍ بداله
والحظيظ اللي خطا رجليه دايم مستقيمه
أشهد إن المهدي اللي ننتظر طوّل وصاله
وَصْل الإحباط الحناجر وأقطب المجهول غيمه
باكر تشوفون باكر قولوا ماقال الطواله
كان ماباكر غدينا للخنازير الوليمه
إلا إن كان إتحدنا وصفنا عاد إكتماله
وإجتمعنا كلبونا ضد عدوان وظليمه
عادل الرديعان
03-25-2007, 03:38 AM
لا تسأليني عن اسباب الزعل، مدري ؟
،،،،،،،،،،،، يجوز نفسي على كثـــــــر الجفا ارتاحت
او يمكن اني . عرفت السر من صغري
،،،،،،،،،،،، ما با الحمامه حــــــــزن . لو انّها ناحـت !!
حتى اتخذت الهجر في مقتبل عمــــري
،،،،،،،،،،،، طبعيةٍ . زاحــت الاحــــــباب ما انزاحت
ما والله ابكي .. ولكن . من سنا جمري
،،،،،،،،،،،، شف ريحة العــود . لولا الجمر ما فاحت!
كم عبرةٍ لا غفيت . اكــنّـــها بصدري
،،،،،،،،،،،، مير البلا .. لا قعــدت الصــبح ما راحت
تكبر معي . تدرك المحجر .. ولا تجري
،،،،،،،،،،،، من يوصــــف الدمعه اللي ما بعد طاحت ؟؟؟
ابقى على حالتـــي : ادري. ولا ادري
،،،،،،،،،،،، لا اجتاحت ايام . بعـــض ايام ما جتاحت
بس تركيني. انا وعبراتي ، وعذري ؟
،،،،،،،،،،،، عايش على ذكـــــريات الغير..لا. لاحت
ولا انت بالذات ؟ لا تجرح ولا تبري
،،،،،،،،،،،، ولا عين رفت لك .. ولا اذن لك صاحت
الشاعر الرائع
حاكم المعلا
صالح الثبيتي
03-25-2007, 03:53 AM
غنيت موال الحزن صدر الحقيقه في أكتاب = الباب مقفل والغلا ما يفتحه كثر التعب
نواف لك الشكر
عادل الرديعان
03-25-2007, 03:23 PM
جيتك بقايا روح في هيكل انسان
ابيك ترسمني للاحزان لوحه
.
.
.
ارسم وخذ مني دليل وعنوان
كيف الاسى يقتال نفسٍ طموحه
.
.
.
واعزف على قيثارة احزاني الحان
انا مودع وارتجيك السموحه
.
.
.
جيتك يسوق الرجل حب وحرمان
ماردني دونك مسافه وشوحه
.
.
.
ما للتعب عندي وانا ارجيك حسبان
لو راحت ايامي بجيه وروحه
عبدالله السلوم
سلطان ربيع
03-26-2007, 02:11 AM
اضاءه يالسنين اللي نست فينا وفا من خـــــــــان
..........والاهداء للجهرا وحزن البيت بكســــــــــــــــوره
وبنتٍ عنك تستألني يجي أو مايجي يافــــــــــــلان
..........وأشم بصوتها عطر الحنين ودافي شعـــــــــوره
وأجاوبها يجي باكر وهو كلّه اسف ندمـــــــــــــان
..........يجيك ويعتذر شايل قصيد العشق وزهــــــــــوره
احاكيها عن احلامك عن اوجاعك عن الأحزان
.......... عن الأوطان والمنفى عن القناص وطيـــوره
رفيق الجرح شحكيلك ترى مليت هالكتمـــــــــان
..........دخيلك لاتهيضنــي ... وخل الهـم فـ..قبـــــــوره
انا ماودي الصــــوره اعلقها علـى الجــــــــدران
..........انا ودي بذا الجدران . اعلقهـا عـلى الصــوره
تعااااااااال اتعبتني اسمع ... اببدأ كـان ياما كان
..........مجانينٍ نبـــي نلغـــــي ..سنين الشعـر وشهـوره
تجي تكتب شعــر معنــا ... بلا قاف وبـــلا اوزان
..........بلا قيـدٍ يقيدنا .... بشعــــــرٍ انتهـــــــــــــــى دوره
بلا فعل ومفاعيل وبلا مستفعل وفعـــــــــــــــــلان
..........بلا هذا ( الخليل) اللي نسى واحد من بحـــوره
تجـي نعجـن مواجعـنا..... ونخبـز منّــها رغفــان
..........دخيلـك يارفيق الجـــرح ....دام القــــلب تنــوره
شني غربـة (فهد عافت) وشنهي غربة (سليمـان)
..........مـــع مــــــن غربتـه ماكانــت فأمـره ولا شـوره
يتيــم وكل شي ضـده .... ولكنــــــــه ابــد مـــالان
..........بقى شامخ على رغم الزمان وظلمه وجــــــوره
بقى (انســـان) في عالم نقيـض لكلمة (الانسـان)
..........يدوّرعـن مدينه حلم ...بالتاريـــــــــخ مــذكـــــوره
(الف)مع(واو) معها(طاء) معها(الف نون) اوطان
..........ولكن غربتك بنت فقصـــــــيدك سبّبـت ثـــــــــوره
(وحق الالف واللامين والها) واللـه الرحمـــــــــن
..........يغيـب الفصـل لا غابــوا ..تلاميـذه عـن حضـــوره
غبـــى اكتب ( مطر احمد ) لاجـل مااكســــر الاوزان
..........وهـــو (احمـد مطـــر) منهــو... يعرفه يفهم الصوره
مشعل دهيم
سلطان ربيع
03-26-2007, 02:14 AM
لــــك عــيـن تـتـكـلم بــعـد مـــا تـسـبـبت
بجروحي وتسأل بعد .. ويش سويت ؟!!
اخـطـيـت فــي حـقـي ولا كـنـك أذنبت
الـلي يـشوفك .. ما يقول انك اخطيت!!
أنا احـسب أن عـقلك تـعافى وقـد طبت
آثرك عـلـى نـفـس الـعـقـل مــا تـعافـيت
يـاثــقـل دم الــيــوم لـيــسمي ( الـســبت)
وياثـقـل دمـك كـل مـا أصبحت وأمسيت
انـــت أتحرى جـيـتـي كـــل مـــا غـبـت
وأنا أتحرى غـيـبـتك كـــل مـــا جــيـت
أذنـبت فــــي عــرفــك ولـكـنـني تــبـت
الله يــســامــح زلـــتــي يـــــوم زلـــيــت
الــصــدر يـتـفـجـر بــعــد حــالــة الـكـبـت
أنا اشــهـد أن صـــدري تـفـجر ومـلـيت
اغـسـل يـديـنك أنى اجـيـك لــو شـبـت
مــعـروف عــنـي دام صـديـت .. صـديـت
فيصل اليامي
سلطان ربيع
03-26-2007, 02:20 AM
سما يا حرفي الراهـي تشـوف أن القصيـد iiسبـاق
سـمـا يالله نبي نـأخذ آنا ويــاك تحـليـقـه ii!!
إلى حضرة جناب اللـي مـع درب الهـوى iiمنسـاق
نصيحـه كـان تسمعنـي طريـق الحـب توهيقـه ii!!
أنا اللي ذاق مـر الحـب مـرار الحـب مـا iiينـذاق
أنا اللي مـن ردى حظـه سطـى الجـرح iiبمعاليقـه
تعبت اراوغ جروحـي وعـذاب الحـب مـا iiينطـاق
تعبت اضغـط علـى قلـبِ يمـوت بشـوف iiعشيقـه
تعبت أمطر هماليلـي علـى غصـنِ بـدون iiأوراق
تعبـت اسقـي (( زماليقـه )) ولا تزهـر iiزماليـقـه
وصلـت أخر مداهيـل القصايـد باخـر iiالآفــاق
درست اجمـل تفاصيلـه وعرفـت شلـون iiتطبيقـه!!
بخيالـي ماطـرى رجعـه خـيـالِ للقصـيـد iiرواق
طموحي يابـسِ رأسه واكيـد البعـد مـا يعيقـه ii!
لو اكتب ما تيسر دفتـري بأصغر حروفـي iiضـاق
لـو اقـرا ماتيسـرلـي تعـبـت بكـثـر iiتدقيـقـه!
على طاري القصيد اللي يجـي مـن داخـل الاعمـاق
كثيـر احـلام نحلمهـا ولـكـن صـعـب iiتحقيـقـه
آنا وحلـمـي توادعـنـا وداعِ مــا وراه iiعـنـاق
تركني مع (( ردى حظي )) ومشى مع (( قل توفيقه ))
وأنا وقلبـي تعاندنـا أنا صابـر وهـو iiمشـتـاق
يمين الله (( وهو قلبي )) تمـر أحيان مـا طيقـه ii!!
(( افـا )) ياسيـد ضلوعـي تفـز لطـاري iiالبـواق
افـا (( ياعيبـة العيبـه )) تبـي خايـن iiمواثيـقـه!!
افا يـا مضغـة ضلوعـي بعـد مـا تطعنـك تشتـاق
افـا تشتـاق لعيـونِ تخلـت عـنـك بالضيـقـه ii!!
صحيـح عيونهـا نجـل وهنـوفِ خدهـا iiالــدراق
ولكن عيـب يخضـع لـه شمـوخِ صعـب iiتدنيقـه!!
افـا ياقلبـي الصامـل واخبـرك مـا تهـاب iiفـراق
وإذا يعنـي مزاياهـا مـزايـا صـعـب iiتصديـقـه
(( بغيته )) صادقِ مخلص ولا طاعتني (( بالطقـاق ii))
وإذا يعني العسل ريقه ؟ وإذا يعنـي العسـل ريقـه !!
ممدوح الراوى
سلطان ربيع
03-26-2007, 02:23 AM
أجلس هنــــــا..وألا هنا..وألا على كيفـــك هنــــــــــــــاك!؟
الدار دارك أنت في صـــــــــدري وقلبي مجلســـك!
يا لغـــــالي اللي غيبتك..خلتني أعرف وش غــــــــلاك!!
تخيل أنك ..هنــــــاك ويدي فوق قلبي تلمســـــك!
لا..يـــــــا بعد عمــــــري فديت أنفاسك وضحكة شفاك
وفديت أول ساحل عيونك إلى أخــر اطــلــســك
يا جعل يومي قبل يومك ...ياعســا عمري فـــداك
ويفداك قلبٍ في يدينك صـــار كنه محبسك!
يا غاليٍ..لامن ..سأل..من هــو حبيبك؟ قلت: ذاك!
وأشرت بيدينك عليّ ... وأنا مغير اتـنـفـسك
يا للي يعجز الشعر..والساني وهو يوصف حلاك
تـقــــول كـن الـزيــن ثوبٍ لافـصخته يلبسك!!
يابري حــالي منك لاقـفـيت..وأنا في رجاك!
وأقبل عليّ الهم يلبسني...و**** سندسك!!
في ليلةٍ قلبي تباطأ ..رجعتك يــمه وجاك!؟
من الوله والشـــــــوق كنك فيه دقيت جرسك!
أدور الدمام..وينه؟؟ قالوا: مســافر معاك!!
و أقول يا بخت الرياض!! اللي بـتسهر تحرسك!
( ,,,,, الهاجري )
سلطان ربيع
03-26-2007, 02:25 AM
لليبـاس الـقـلـب .. يا لعود اللـعوب
مــانـثـنـيـت إلا .. علـى شـان أتـعـبـه
قـلتـلـك ألـــفـين مــره لــو تـتــوب
أكـرمـك فضــة غـــرامـي .. وذهبــه
موقـض الـلذات والضحكة شبـوب
كــل مــن تســبرك عـينـه .. تـنهـبـــه
ما تهـمـك روح تجـفـا .. أو تـذوب
لـو تـصــب الشـوق لاجـلك تســكـبــه
مايجـي مثــلـك أنـاني .. أو كـذوب
أنــت فيـك أرض المخـازي معـشبــة
لا تسـاومـنـي إذا هـبـت هبـــــوب
يـنـثـنـي لـك غصـن شوقي .. واكـتـبه
كــذب كل اللي تـشـوفـه ما ينــوب
عن حضورك لو حضورك ما أصعبه
خلني لارض المساري والـدروب
ألعـنك .. وألـعـن شعوري .. واشطـبه
ليه أحـبك وأنـت فيـك من العـيوب
ما يـغـطي عـــذر جـرحـك .. وسـببــه
من حبــاك الله دجـى شعـرٍ طروب
ماحبـا عــــبــده .. سـوى قـلب أذهــبـه
جـمـلـك .. ما جملـك وسـط القلوب
وان صــدق قـلبي معـك .. يا مكـــذبـه
مـــد شـوفـك للـشفـق يـم الغـروب
واسـأل سنـينك .. مصيرك .. به شـبـه
لا تـفهـمني غرامــك بـه شتحــوب
به دمـار .. وبه مضـيع .. وبـه .. وبــه
فـوق هـذا .. كـنه القـلب معـصوب
يـــقـطـع عـــروق الــوفــا .. لمـعــذبـه
قـلـل ذ نـوبـك عـسى مالـك ذنـوب
واسبل أيـامـك سخا .. طيـب .. وهــبه
أحمد المطيري
سلطان ربيع
03-26-2007, 02:25 AM
يا للي ( تنظّر) في قصيد المـــــــــــــــراره
..................ليتك قدرت تجيب لـــو بعــض معنــــاي
قـل غيرها تكفــى وربـــــي خســـــــــــــاره
..................مثلك ويبــدي رأي ويـن أنت والرأي
ابسألك من ويــن جتـــك الجســــــــــــــــاره
..................إنّـك تظن إن أنت واحـد من عــــداي
شرواك ( كلبٍ ) عايشٍ بانكســـــــــــــاره
..................وشرواي ( ذيبٍ ) يقضي الليل ســراي
شرواك يكتب شعر لعيون (ســــــــــــاره)
..................وأنا كتبت الشعر لعيون ( شـــــرواي)
( مسطول خلقه) ماسطلتني زقـــــــــــاره
..................( فاصل ) وافكّر في متاهات دنيــــاي
أقرا ملامح وجـه خلـــف الستـــــــــــــاره
..................وأكتم جــروحٍ مانفـــــع فيهــــن دواي
هالّليل به منّي وفـــــــــــاه وسمـــــــــــاره
..................وبه حـزني الّلي يطربه لحظة غنـــــاي
جاتك وماجاتك فضــــى هالعبـــــــــــــاره
..................بيتٍ واحس انّي نزعتــــه مــن اقصاي
لو كان في حزن الأوادم شطـــــــــــــــاره
..................كان أشطر الشّطّار من ( يعزف الناي)
لكن طريفة هالوجـــع والمـــــــــــــــراره
..................معناي ليتك فاهمٍ بعــض معنـــــــــــاي
مشعل دهيم
سلطان ربيع
03-26-2007, 02:27 AM
أبا طير الحـكي/ سـلّم/ تـعود الذاكرة/ أقـزام
..................................ضـمـاير مـيّـته/ لا ديــن/ لا مـذهـب/ ولا ذمّـه
مصـانع تغرق أسواق القصيد وتنسج الأحلام
................................حديـث إبليس للرهبـان... يـومـه لابـس العمة
ورق يـاما ضحـك يـاما بكـى من ضجة الأقلام
...............................يتيم(ن) ماملك شي(ن) من أمره والوصي عمّه
وإذا هـذا المغــفّـل شـاعـر السيـجار.. والشمّـام
...........................يـسـمّى شــاعـر وربّـي... وربـّي... دجّـت آلامه
مادام السـيف أصـدق بالنبأ من شعر أبو تمــام
............................نبي من شعرنا (الوضعي) يقوم ويكشف الغمّه!!
لـعـمـري.. دامتا نكـتب شـعر في نصرة الإسلام
.............................فلا هـو مـنـتـصر فـينا... ولا هـو واصـل القمة
تـعالي نقـلب (الغصة) غـزل... ونطـوّع الإلهام
...........................أخاف أنى إذا طـاوعت صدقي... جبتلي مطـمّه
تـعـالي بـتـغـزل بـك/ غـزل... مـا صــار بالأفلام
.........................عـسى هالخــاطر المكـسور منهم.. ترفـعه ضـمّه
وأنا وان كنت خايف من حروفي والقصيد الغام
..........................يـموت الـداب من سـمّه... إذا هو ما دفق سـمّه
ومـادام الحـكي سلـّم... وكـل السالفة...أعلام
...........................أيكتب لا بـغـيت اكـتب... ولاني مشــاور الذمة
خالد العنزي
سلطان ربيع
03-26-2007, 02:27 AM
اووهوووه يأخي ترى ضيّقت لي صدري
.............................................الحاج ة اللي تبيها أنت.... مابيها
تـدري.. أنا اعتقد.. لا.. مـاعتقد.. تـدري
.............................................هذي (أنا اعتقد) مـاحب طـاريها
يعني وإذا نعتقـد.. شالـفايده؟.... مـدري
............................................(الذيب جايع وشبعانه حصانيها)
من غير هذي وهذي عـارف(ن) قدري
............................................هذي الحكاية من أولها لتاليها
والله لوني أبيها... كـان من بـدري
..........................................هالشهره اللي جنابك ميت(ن) فيها
خالد العنزي
سلطان ربيع
03-26-2007, 02:29 AM
يالله
يالله إنك تبسط الرزق لعــــــيون الفقيـــــــر
يالله إنك ما تحده على بـــــــــاب اغنيا
يالله إنك ترفع النفـــس عن " شرهة " أمير
يالله إنك لا تمنه لطلـــــــــــبات أخويا
يالله إنك يسّــــــــر العسر مايمك عســــــــير
يالله إنك سكّن القلب بإيمان وضيــــا
يالله إنك تحمى الشعر من تاجر شعـــــــــير
ويالله إنك تبعد الشعر عن رأى ادعيا
يالله إنه ما ينظر على العالم ضريــــــــــــــر
يالله إنه يكتب الشعـــــــر يارب أنقيا
يالله إنك صغّر الكِبر ثم كبِر صغيـــــــــــــــر
يالله أن الناس تبقى بلا كذب وريــــــا
يالله إنك ياألاهى على هذا قدير
مد جودك ياقوي به الناس أقـــــــويا
عارف سرور
سلطان ربيع
03-26-2007, 02:30 AM
سألني من
أحب أكثر
ومن في صوته
أتأثر؟
ومن هو .. فارس أحلامي ؟
ولمين أتعذب وأسهر؟
بغيت أجاوب عيونه
وأقول بكل صراحة
وحب
أنى فيه .. "مفتونة"
وانه ساكن أهدابي
وأول وآخر أحبابي
صرخ بي
قال: لي .. قولي
كفاية لعب بأعصابي
سرحت
وقلت له.. تصّور
اهو اسمه مثل اسمك
ورسمه يشبه لرسمك
وله نفس ابتساماتك
ونظرة عينه مثلاتك
لأني كلما طالعتك
أهيم
بليل نظراتك
وتقريبا مثل طولك!
وصوته
فيه من صوتك!
يداعب مسمعي
وأرحل
في دنيا مالها آخر
ويستعمل نفس عطرك!
والمسباح والساعة!
وسألته
في خجل ظاهر
عرفت الحين؟
وصار يتلعثم المسكين
وقال لي:
للأسف لحظة
تخيلت أنى المقصود
بس اليوم
بالصدفة
غيرت العطر
وحطيت
بداله اليوم
دهن العود؟!!
صدى الحرمان ( رحمه الله عليها )
سلطان ربيع
03-26-2007, 02:31 AM
لـــم يعــــــــتـــــــــــــقني !!!
هل كان عدلا أن احن إلى الموت أكثر من حبك ؟
أن اعشق الفراق أكثر من قربك ؟
سرق السمّو تضحياتي من الأعلى
حتى لا أجد لك أسفل من واقعك
كنت أبحث عن عينك في رد م الأساطير
والجميع يبحث عن قدري معك!
وجدتني في ثياب الليل معزولة
وانبهرت كيف
كنت طفله مسيجة بالضياء
حتى قدوم المعرى!
الأوحد الذي لم يرى نور سواي
... طواف الوداع الأخير
انك لن تلتقيني
مهما لمست حاجتك وحبك
طوب البناء الخارجي
أثقل قلبي ...فلم تصدعه الأشواق
...فقد اعتاد فراقك
وأنت أسكنتـني في ذاكرتك
مع أحلام عصابيه تأمريه
لم يعتقني الاستيطان من تواجدك
حتى آخر انقلا باتي العسكرية التي تظنها بيضاء
وهي أسحم من نفوري منك
وعدني الحزن أن يرحل
أيها المقفى بالنساء !
يا الانحدار الرجولة!
يا الانحدار البطولة
مازلت مختبئة في جيوبك
وتنفض النساء منها ويروني
في أثوابك وفي عقالك
كفاك جرح لهم واعتقني هبه لذاتي
زهرة المستنقعات
تموت بين يدك
لذلك لا حياة في الوحل
زهرتك البرية غرسها المستحيل
ولن تموت
قتلك الضجيج
حتى لم تعد تسمع سوى صوت هروبك إلي
أتعلم أي حزنِ وهبته لغيمتي
المتلاشيات
المتراميات
ومن حولي هروبي
وعدوك ورائي وقت الحزن
نعم (علمك حبي أن تحزن )
قلبك يسكنه الغرباء
وله مسالك الالتقاء
........الحقراء
......والنبلاء؟
وكلهم في حياتك مضغ
كانت النساء سائمة ترعى العشب
وأنا اغلق مشاعري الرعوية
وافكك كل خيمه
وارحل
شامخة
وأحذرك من طغياني وجنوني
وأبصر في السماء مليون نجمه
كلهم رؤنا تلك الليلة
كلهم معك
هتك كفك خدي
كمستو حد أعزل في قلبة
عشقني ولكنه قتله
الغدر المكيف مع مزاج الشرقي
قتلتني الرحمة والأمومة البدوية
أوقضنى دمعه
والأخريات نائمات في كفوف يدك
متلاشيات
بغباء يعتقدن انهم نجمات الضئ!!!
لا يهمني متى قبضت عليهم
ومتى تسللوا من أصابعك
انتصار كالفناء
لا تشعر بالأسف الكظيم
وسحابتي قصيّة
وعزتي عصيه
أول كلمه تنطقها
يالك من متوحشة غجرية
لا تبرير لهذا الجمال
سكنا ......
سوى انه لن يكون لك بعد اليوم
ولم يبقى على راحتيك سوى غيمهِ
كانت
.....عابرة
.......راحلة
رجوتك...
رجوتك
لا تداهم حزني بالسؤال؟
رجوتك
"حزني أقسى من أن يقال" !
ظلت على الشفاه دمعه تسيل
وظلت تسيل
وتبقى تسيل
وتسيل
فلا شي يرجع
أطلقها بكل صراحة لك
لا احبك
لانك مهووس بالاختلاس
وحتى أنا تريدني أحد مختلساتك
تعود فتجدني في أثوابي الأمنه
رجل لديه عقده التملك
فلا أحد ينحل من مملكته المضمخة بالقلوب والعشاق
سكنتهم عاشق وسكنوك جواري
بئس العشق
شراسة الأوجاع
تهرب من قلبي المغلق .
إلى لا أحد
فأنت فقط من يستحق الحب
وأنت فقط من يستحق.......الفراق !!
سحايب فيصل
سلطان ربيع
03-26-2007, 02:31 AM
أشرب .. دموعي سؤال ..!؟
جــيــتــك أمـــــس
فــي مـلامـح . . وجـهـك
أبــحـث عـــن ظــلال
عـــن بـقـايـا عـاطـفة
عـن قـصاصات . . الـجرايد
الــلـي تـحـضن بـالأمـل
روح الـــقــصــايــد
جــيــتــك أمـــــس
و كـــــان حـــرفــي
يـلـعن سـطور . . الـدفاتر
يـمـتزج . حــب و كـآبـه
فـي زوايـا . . قـلب شـاعر
لــوّن الـكـون . . بـعذابه
يـكتب أكـثر . . يـبكي أكثر
تـلـتهب فـيـه الـخـواطر
جـيتك أمـس . . و بقلبي كلمه
كلمه ماتت . . لما فاجأني برودك
لـمـا كـلي صـرت ذكـرى
تـلـتمس روعــة وعـودك
جــيــتــك أمـــــس
و رحـــــت أمــــس
بــــــعــــــد ردك
أشـــــرب دمــوعــي
ســـــــــــؤال .
صدى الحرمان
(رحمه الله عليها )
سلطان ربيع
03-26-2007, 02:33 AM
إنقاذا من الضياع
يـاعـصـافـيـر .. مدري. ! وين أروح اشتكيه
صـاحـب مـن عـرفـتـه ما عرفت المنـام
ياعـصـافيـر احـبـه . (حـسـبي الله عـليـه)
لاتـركـنـي أنام .. ولاتـركـنـي ونـام
أااااه .. يـانـي تعبت من السهـر احـتريه
كـل مـا هـتز كـتفـي فز جفني و قام
ياعـصـافـيـر والله أنى امووووت فـيـه
فـوضـوي مـرتـب بـعـثـره بانـتــظـام
اعـتـذر مـنه وارضـا من الزعل قبل اجـيـه
ويحـضـنـنـه عيوني قبل أقول السـلام
صـدقـيـنـي بـغـيـت البارح ازعـل عليـه.. !
بـس كـنه وحـشـني ..! وصـار فيها كلام
ياعـصـافـيـر حـتـى دفتـري يشـتـهـيه
كـن بـينه وبين الشعر حالة هـيام
كـل سـطـر يـتـمـنى اكـتـب اسـمه (عليه)
وكـل صـفحـه تهـنـدم للقـلم باحـترام
ياعـصـافيـر واللي بالسـمـاء نـرتجـيـه
إنها عـيطـمـوس مـن رجـال عـظـام
بنت شـيـخ تـخـاف الشـمـس تشـبه يديـه
لاشـرق نور كـفـه طـاح حـيل الظـلام
يخـجـل الشـعـر فـيـني منه قبـل ابتـديـه
والحـروف تّـعـّذر عـن حـروفـه صـيـام ..!
ياعـصـافير .. مـثـلي لاسـكـت اعـذريـه
دام مـنـّي قصـيـدي لإبكاء . ما يلام
يكـفي أنى أبيه ولا أبيه و أبيه ..
وهـو يبيـني وبيـني وبيـنه الليل حام
ياعـصـافـيـر مـدري . . ! لاتقـوليـن ليــه.؟
(الســلام عـليـكـم وعـلـيـك الـسـلام )*
الردادي
سلطان ربيع
03-26-2007, 02:34 AM
قـال مـن تـمشـي على كيـفه بـيـوته
لا دعـاهـا مـن غــزيـر الفـكر جـاتـه
ما يـحـــده في الـكلام إلا سـكـوتــه
وان تـكـلـم بـان لـك معـني سكـاتـه
هـــز فـكـره والـقـلم عـبا كـروتــه
ثـم طحـن حـب المعـاني في رحـاته
راح وأبحر والبحر في بطـن حوته
صاح يا مـوج الشـقا وده وهـاتـه !!
حـامـيـن دمـه ...وهمه...جـيـلـبوتـه
غـارقـه في دفـتـره قـصـة نـجـاتـه !!
لـو حـيـاتـه عـايـشـه في كـف موته
كـان مـوتـه با الخـفى يعـصر حياتـه
خايف (ن) من فرصة الدنيا أتـفـوته
يـوم عـمـره قـبـل لا يـبـديـه فـاتــه
ذاك ينفض من خطايا الوقـت كـوته
وذاك ســيـئـاتـه أتـلـوح لـحـســناتــه
غـصـن عـشاق الهـوى يا كثـر توته
بـس ربـي مـفـسد (ن) كل ثـمراتـه !!
لــو نـفـكـه مـن خـيـوط العـنكـبـوتـه
مـن يـفـكه مـن عـناقــيـد الشـماتـة !!
أتـخـيـل فـي عـتـيـم اللـيل صـوتـــه
واتـخـيل حـمـرة الـورد بـشـفـاتـه
الـوفـا مـثـل المـطـر يـبـدي نـبـوتــه
والغـدر مـن سـار بـه كسـر عصـاته
خالد العامر
سلطان ربيع
03-26-2007, 02:35 AM
ضحية سكوت
لحظه لحظه ياغناتي اصبري شويّه .. ثواني
واسمعي بعض الكلام الي عجز قلبي يقوله
واعرفي أن الكلام الي بقوله .. من لساني
ما هو ألا كل شعورٍ داخل النفس الخجولة
ببتدي بأول علاقتنا .. على ذيك المواني
يوم طاحت عينك بعيني .. غدت روحي ميوله
اذكراني وقتها .. ما كنت أحس أنى فمكاني
كنت أحس أنى بطير من الفرح بأكبر حموله
واذكر أني كل ما قرب منك يا سيد الغواني
صرت أشوفك تبعدين وقلت في نفسي ! جفوله
وفجاه !! مدت كفّها وبكل براءه وكل حناني
وعشت أنا الموقف ذهول وعاشت الموقف ذهوله
واحضنتني بشوقها اللّي بدد الحزن وطواني
منها قلبي بالحنايا .. صار له صوله وجوله
ثم تعانقنا على عيون الملا .. قاصي وداني
انعمينا كن ما به حد من حولي وحوله
وقمت اسولف عن علاقتنا .. وعن كل الأماني
وشفت أنا دمعٍ تهافى من سنا عينٍ كسولة
قالت اسكت لا تكمل .. كل شيٍ جاك جاني
والله أنى يا محمد عايشه نفس البطولة
لاتكرر ما تقوله .. اعتقد فات الأواني
حانت الفرقا علينا .. والسّفر قرّب وصوله
قلت ليت الوقت بيدي ..كان ماجيتك أعاني
كان طلت اللّي تمنّى .. خافقي لحظه يطوله
ادري بدري هالكلام .. ولعنبو قلبٍ عصاني
ما نطق لك لين شافك للسفر صرتي عجوله
ودعتني بصمت وقلبي .. للبكاء جار وحداني
واقتلت كل المشاعر .. والزّهر مات بذبوله
محمد الشلاحي
سلطان ربيع
03-26-2007, 02:37 AM
كـانـت طفولـة محزنه كـنت أنا جن
كانت تعيسة بس كانت طفولة
الـــعـب ولـكـن لا أتـراجـع ولا اكـن
ماجا عـلى بالي لعـبته واقـوله
أحـكـام لا هـي لا بـأ مـاكـن ولا سن
طيش تحدا المرحلة في نحوله
كان وفـطن قـلبي وأنا كـان بـي ظن
أن القـرايه مـثل ما فـسـرولـه
طفـل يتـفرعن لا لفت وان غفت عن
والشمس كانت تستهيج بذبوله
ماكـان له دولـه سوى الحزن والفـن
ويظن نـفـسـه يلعن الظـن دوله
بقلوب حوله كـان يكـتب بلا مـن
واليوم وش يكتب ولا قلوب حوله
كان أمس فيه أطول من الصبر والعن
الله يـذاك الوقت يا زيـن طـوله
يا ريـح قولي للقصب يا قصب غن
دام الطبـيعة بالحنين مغسـولة
حزنـه شمـالي مدمـيٍ والولد حن
ضلوعه تبرا من بعضها جفوله
يعـني إذا جضت ربـابة ولا ون
وتسابقن يمكن يموت بسهوله
مبطي الفرح مشلول لو يضحك السن
ومبطي البكا يابس على الجفن زوله
مـا َبـن وجـه بكـفـهـا ولا انـقرا بـُن
ومن يومها زل الكلام معسولة
سليمان المانع
سلطان ربيع
03-26-2007, 02:38 AM
نشف ريق السراب ولا ملت عين الطريق خطاه
قسـا طين الكلام ولاقسـا..زاد البلل طـينه
شرب مر السكوت من الحروف اللي تبي تقـراه
وسجد كفر القصيد لدفتري لين اعتنق دينه
غرقت اكتب كلام ما نجيت إلا ..عـشان أقراه
ونجـيت أقرا عذاب ما غرقت اكتب عناوينه
ترا هذا الصواب اللي خطاه أن الصواب اخطاه
وأنا هذا الصويب اللي خطاك انك تحبينه
أنا هـذا الحضور اللي غيابه ما عرف يلـقاه
وأنا ذاك الغياب ..اللي حضوره ماعرف وينه
أنا ذاك البعيد اللي يموت..! ولا يعيش اقصـاه
وأنا هـذا القريب اللي مبعـثر بينـه وبينـه
أنا صوت السكون اللي سمع غنج الصدى وأغواه
بكى حتى. بكى حتى . بكى. من حسرته عينه
عسى صبح الوضوح ليا سرى ليل الغموض وتاه
يجـي مثل الضرير اللي يمـد الشوف بيدينه
ذكرت آني نسيـت اذكر كلام..! ما نويت آنساه
ولكني ذكرت انك نسـيـتـي ما تعرفـينه
أنا من معشـر الأنس الاوادم.. أولياء الله
و أعيش بعـالم:...(الجـن تعّوذ من شياطينه)
نشف ريق القصيد ولا نشف ريقه شرب معناه
سقا طـيـن الكلام ولا بعد هذا القسا طينه..
أعتقد / للردادي
سلطان ربيع
03-26-2007, 02:39 AM
قـــدهــا وقــدود؟؟
أنا ربـتني الدنيا على جـزل العطـا والجـود
ونفـسـي لـلـوفـا وفـعل الخير جـزامــه
وأعـارض مـنهج الهابط وأوافق للصعود صعود
وأسـيّر نـفسي بـعقلي مادام الـنفس هدامة
ولا تـثّر بـي الـبسمة ولا كـحل العيون السود
ولا يـقوى عـلى قـلبي صغير الحسد وأجسامه
أردّ الـجود بـأمثاله وأقـابل بـالجحود جـحود
وتـرى لا خـير فـي رجلٍ يوطّي للردى هامة
وعـندي مـع أهـل العِليا مواثيق وثلاث عهود
أوفــي لـه مـطاليبه وأودّه وأرفـع أعـلامه
أعـايش مـركب الـدنيا عـلى متن القدر مولود
أبـعرف هـو صـحيح إنّ القدر بالناس دوّامه ؟
ومـن ويـن الزمن مقبل وإلى وين الليالي تقود؟
ومـن فـي هـالزمن يقدر يوجّه خطوة أقدامه؟
ومـن له بالزمن غاية ومن عنده هدف منشود ؟
ومـن مـنّا قـدر يـعرف خـفايا مقبل أيامه ؟
عـرفت إنّ الشقا باقي ، عرفت إنّ الحسد موجود
عـرفت إنّ الـقدر يـفرض علينا بأسوأ أحكامه
لـقينا الـعرب حـاسد وشـفنا بالعرب محسود
وبـه نـاسٍ لـنا ضـامت ، وبه بالناس منظامه
ويـنقصنا بـعض خـوّه ويـنقصنا وفاء ووعود
مادام الـحسد بـاقي وبـعض الـناس نمامة
ولا تـرجى بـها الدنيا من ربوعك يجيك اسنود
ولا تـشره عـلى رجـلٍ عـيونه خانت أقدامه
وقـابل خـطوة بخطوة وجازي بالصدود صدود
تـناسى غـلطة الصاحب عليك بلحظة اخصامه
ولا تـخطي تـرى لصبر الحليم آليا سلاك حدود
تـروّى واعـرف بـضرب الحديد تفكك لحامه
تـجنب كـسرة الخاطر ولو حبل الزعل مشدود
تـراك بـكسرة الـخاطر حـكمت القلب بإعدامه
ولا تـزعل عـلى رجلٍ بذل لك ولرضاك جهود
ولا تأمن مـن الـحاسد رضـاه ورفعة إبهامه
نـبي نـصبر عـلى الـدنيا قلوبٍ بالحياة زهود
مادام إنّ الـبخت عـيّت تـوّفق رمـعة سهامه
وأنـا مـا قـلتها راجي ولا أطلب بعدها مردود
ولـكـن الـفـتى ودّه يـحقق جـملة أحـلامه
وبـمشي لآخـر الـدنيا ولـو كـلّ الأنام اقعود
وعـن وجـه الـزمن بكشف حقيقة وأرفع الثامه
صـحيح إنـي صغير السن ولكن ( قدها وقدود )
وأنـا عـندي مـع الـدنيا مـواقف ترفع الهامة
طـموحي يـملي الـعالم ولابـه لـلطموح قيود
مادام إن الأمل طبعي ( عرين وصرت ضرغامه )
خـلقنا الله مـن تـرابه ولأحضان التراب نعود
تـحت رمـل الـثرى نبقى تغطي جسمنا خامة
سـلفنا مـا لـحقناهم تـحت قـاع التراب رقود
ولا يـبقي مـن الـميت سـوى ذكراه وعظامه
ولـو طـال العمر فاني وترى عمر الفتى محدود
وكـلٍ يـطلب الـمولى يـبيحه يـحسن ختامه
وأنـا بـلّغت بـلساني وربـي والأنـام شـهود
وصـحف الـبيّنة جـفّت وعـنها رفعت أقلامه
حامد زيد
العـنود ناصر بن حميد
03-26-2007, 03:03 PM
اخافك تواعدني ولا توفـي الميعـاد
واخافك تواعدني وتوفـي مواعيـك
***
لانك اذا اخلفت مات الهـوي ببعـاد
ولانك اذا اوفيت مات الهـوي بايـدك
***
وانا ابغاك لايامي فراش وغطا ووساد
اذا الليل بعيوني نهاري علي جيـدك
***
وانا ابغاك مينا لاغترابي وابيك الـزاد
لجوعي وابي حريتي تدخل في قيـدك
***
وابيك الشبك والطعم والصيد والصياد
وانا ابيك تطلبني وانا اعطيك وازيدك
***
أخافك نعم..والخوف في داخلي يزداد
لانك تسيدت الزمن... والزمن سيدك
فهد عافت
صالح العرجان
03-26-2007, 03:16 PM
طرد الهوى الحين مثل المعيره
**** عند الزلايب ياسليمان منقود
نواف التركي
03-28-2007, 02:22 AM
عطني من حروف الغلا كلمة أغليك = وأعطيك قلبٍ ما حلم فيه مخلوق
مدري لمنو
نواف التركي
03-28-2007, 02:34 AM
أنت في حبك مثل مد وجزر = لاتجي كلك ولا كلك تروح
مدري لمنو
خديجة إبراهيم
03-28-2007, 02:43 AM
أحتفل بالجرح في ذكـــرى لقانا
واحتفل بالجرح في ذكرى وداعك
كلها شمعات تضويها الحــــزانه
بس قلبي في الهوى حبك وطاعك
*************
ياحبيب الروح ليه تنسى هــوانا
كان حبي بحر يمشيبه شــراعك
كنت انا وياك محسوبه خـــــطانا
وترخص الدنيا وانا اتوسد ذراعــك
مــــادرينا من بهالعالم شنــانا
بعد وصالك طال هجرك وانقطاعك
************
اذكر ان الهم مـــن ودك نسانا
واذكر ايامي وانا غاوي ســـماعك
ودي اعرف من على الفرقه غوانا
وباعـــــد في غفــــوه وباعك
ان كان هــــذا حب ياخلي كفانا
ياضياع الحـــب وانته ياضياعك
أحتفل بالجرح
كلمات الناصر
رجا المريخي
03-28-2007, 09:47 PM
النار شبت داخلي والحزن يفعل مايريد = وبين المحاني علتي أشوفها متراكيه
يالي نويتي بالجفا الهجر مويمكن أكيد = الله يجيبك يالغلا بكره تجيني باكيه
لسامحك وأزعل عليك ولازعلت أبعد بعيد = منك همومي كلها صارت تجيني شاكيه
عبدالله ثويني المانع
03-29-2007, 03:21 AM
..
ف
ا
ط
م
ة
ـ
ع
ا
ص
م
ة
ـــ
فاطمه/ يا فاطمـه/ يـا فاطمـه
شاعرك مُتعب من غبار السنين
جاء يدوّر في ظلوعك عاصمـة
وين ينزل/ بأي شارع/ تسكنين
في عيونه حمل صبـرٍ قاصمـه
يسأل القضبان عن فرحة سجين
لـ خالد الداودي
..
عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..
سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...
تعالي ... طالت الغيبه
وربي طالت الغيبه ..
" البدر " ,,
نور.. : (
عبدالله ثويني المانع
04-01-2007, 06:50 PM
..
ونمشي :
.
.
.
والطريق أعــمى ،
ويشرب من طري اقدامنا .. ويضمى !
يالغايبين :
يالغارقين بحزننا
ردوا نخيل اصواتنا ..
ردوا ملامحنا علينا
يمكن اصدق ماتعلمنا نحبه :
فاتنا !
يالتايبين من الدفا :
ومن وصايا العشق بين العاشقين ..
لاتكسرون الناي والراعي حزين ،،
ردوا عليه وسادته ،
والعَـبْـرة اللي كانت بصدره سنين ..
اسراره اللي دسـَّها بالناي ،
بعيونه تبين !
واصيح :
يالارض الورق ،،
اصيح ...
اصيح .......
احاول اسمع ماتقول الريح ،
اصيح .............
وكنت اركض ،
وكان الدرب قدامي يطيح !!
فهد دوحان
..
زهرة زهير
04-02-2007, 12:09 AM
يا قلبي ريح أعصابك .. كذا طبع الزمن قاسي ..
ترى ما يسوى عتابك .. بصراحه وجعت لي راسي ..
لـــ الله أعلم ..
عبدالله ثويني المانع
04-02-2007, 09:37 AM
..
مريم.. وتضحك يرق الماء ويصفالي زماني
......... والمكان يطيب والرمـان يتكدس .. هنيا
قلت: رحلتنا تبي سكر .. وترنيمة اغاني
......... جاوبت: هات الاغــاني واترك السكر عليا
من شفايفها .. صباح الخير شكل وطعم ثاني
......... آآآه .. لو تدري وش تسوي صباح الخير فيا
فهد عافت
..
زهرة زهير
04-02-2007, 11:35 AM
نزعل .. ونتكبّــر .. وحنا .. من الطيـــن ...
والكل .. منا ... صــــدّ .... لا .. أقبل ...... خويّــه ...!!
نفخر .. نقول .. إنا ... على الصد .. قاوين ..
وهــــي .. علينا .... في الحقيقـــــة ........ قــــويه .....!!
ننسى نهايتنا .. وعلى .. وين .. ماشيــــن ...
وننسى الزمان ... اللي ... جمعنا ...... ســـــــويه ...!!
نسرين الأحمد
04-02-2007, 09:01 PM
**
غموضك حيل متعبني تعدى حده المعقول = وانا اللي فيك شاغلني لقيت اليوم تفسيره
احس اني بديت افهم حقيقةشخصك المجهول =احس اني بديت اكشف خيوط الشك والحيره
ضياعك سر مأساتك زمانك وحده المسؤول= تحاول تخفي الماضي تخاف تجيبله سيره
شعور النقص في ذاتك دافع كذبك المعسول= وترى من يسمع اسلوبك يشل الكذب تفكيره
تذوب بدفتر احزانك اماني عمرك المذهول= ولافرحة ولا حتى امل تضوي تباشيره
مابين الماضي والحاضر رواية شرحها بيطول= فيها حزنك الدايم شكى للحظ تقصيره
**
المحامي سعود السبيعي..
عبدالله ثويني المانع
04-03-2007, 10:55 PM
..
لاتحسبي قلبٍِ تركتيه ... خسران
:.................................... دامه ، من جروح .. الزمان يتقوّا
:
:
ماهزني .. فقد النشامى .. على شان
..................................... تهزني .. فرقاك .. يابنت .. حـوّا
خلف المشعان
..
نايف الروقي
04-03-2007, 11:35 PM
ابتسم حظي بلحظه
ماتوقعته صدوق
قلت صدفه جات محظه
واكتشفت بها فروق
الذكي يكفيه ومضه
تقفل المخ ويفوق
الامر مرفوض رفضه
هل جزا الام العقوق
كوني بطوله وعرضه
شمسه امستبي شروق
ياسما ذاتي وارضه
روقي كوني يروووق
العـنود ناصر بن حميد
04-06-2007, 02:17 AM
(1)
ما بقى فالليل ليل !
وقرّب الصبح يتنفس ..
شمس بكره ..
تمسك الأرض بتلابيب الظلام
ناس .. تغرق في سبات
وناس .. تعرق في حياة
وفـــ آخر حدود الظلام
خطوة مسافر.. وتلويحة وداع !
كنّه اللي.. إهتدى لـــ درب الضياع !!
وإهتدى !!
وبعدين .. ضااااااع !!
(2)
في حقيبة ذكرياته
بعثر سنينه بلا ترتيب !
جمّع سنينه بلا تثريب !
رتبّها على كيفه !!
وعلى حسب الجراح
وانطلق ..
قبل الصباح !
يخطف اقدامه معاه !
(3)
إلتفت خلفه
يدوّر !
ما لقى كفٍ يودّع
وما لقى قلبٍ يودّع !
ولوّح بكفه لماضي ذكرياته
وفاته إن الماضي/ الباقي !!
فاته إن الماضي مبعثر معه
في حقيبة ذكرياته !
(4)
يا مسافر
لا تدوّر عن ظلالك
ما معاك إلا ضلالك !!
(5)
يا مسافر
والسفر: ترحال الأرض بمن عليها !
السفر : صوت الخطاوي من بعيد !
السفر : قطعة عذاب !
السفر : تنهيدة الأحباب للأحباب من بعد الغياب
السفر : غاية تدوّر عن وسيلة !
السفر : نصفه هروب ! ونصفه الثاني شجاعة !
وانت تجمعهم بخطوة !
(6)
يا مسافر !
غنّ روحك !
تقدر تسجل خروجك !!!
عن جروحك
كلها خطوة
وتلويحة مسافر !!
زايد الرويس
العـنود ناصر بن حميد
04-06-2007, 02:52 AM
ياصاحبي وقـف لزيـف الصحـاري
وبشر هجير الشمس عن موعد السيل
***
حاول تغيـر فـي ملامـح نهـاري
واعط القمـر مفتـاح بوابـة الليـل
***
مدري لشنهـو موعـدي وانتظـاري
مادامـت أيامـي قليلـة محاصيـل
***
في داخلي نزعـة خفـوق انتحـاري
حلـم تكسـر فـي ثنايـا التفاصيـل
***
واثر انكسار الحلم يعنـي انكسـاري
بغيت اكمـل وانكسـر فينـي الحيـل
الحميدي الثقفي
العـنود ناصر بن حميد
04-06-2007, 03:23 AM
توديع الأحباب مثل الموت له سكره
ادمى جروحي وشق الصدر منيّـا
***
والقلب طير ضلوع الآدمي وكـره
لا شاقـه الطلـع لاسلـم ولاحيّـا
***
مصير الأحزان تنساني وتفتكـره
ماكل الأيام بيض وسمحـة محيّـا
متعب التركي
العـنود ناصر بن حميد
04-06-2007, 04:44 AM
ظهر من بين حزات الوداع وساعة الفرقى
أنين ٍ يشبه لصوت الأنين بداخل أعماقي
**
تصدق من سمعته رحت أجسّ طعوني الزرقى
وأنا متأكد انه باقي لعمر الشقى باقي
**
كثير أشباه لكنّي أحسّه بالوله يرقى
كأنه يعلم الله يستثير الحبر بأوراقي
**
ألا يا ساقي أحزاني أليا غنّت لي الورقى
دخيلك صب لي مما عطاك الله يا ساقي
**
وإذا صافحت حزني وأنتبهت لكفي العرقى
ترا تو الزمن فكّك حباله وأطلق وثاقي
**
فلا تستغرب أن شفت المحاجر بالبكاء غرقى
مادام أكبر مساحات الحزن تستوطن أحداقي
**
لذا ياساقي أحزاني أليا طريت لك فرقى
فلا تذخر حطب دام السعير يراود أشواقي
نواف التركي
يزيد الماضي
04-06-2007, 06:53 PM
غريب... ولكن عيون الناس اوطاني= طليق بس الشوارع قيد سجاني
عجبي..!!
نسرين الأحمد
04-07-2007, 04:03 AM
**
شعر موج .. وقمر خد ..
دفا روح .. وطغى قد ..
وراعي الهوى مسكين ..
زهى الكحل .. في الحاجر الفتان
وسرى الليل .. تو الفجر ما بان
وراعي الهوى مسكين
كما الشمس .. يجهر سنا نوره
ما اقدر أناظر .. والعين مكسوره
وراعي الهوى مسكين ..
ثغر ورد .. ورده شكت ورده
من دونها الشوق .. والرمح والقرده
وراعي الهوى مسكين ..
**
الامير بدر بن عبدالمحسن
يزيد الماضي
04-07-2007, 04:39 PM
نبت عشب العتاب,ولي سنينٍ والضلوع رمال=ضواني بارقه ،قلت:أبشري بي يا هماليله!
سلام!,ولا لبست من القلوب اللي عرفت أسمال!=عدا قلبٍ وعدت أصدفْ غيابه،مثل هالليله
أخاف من الكلام اللي بغيت أقصاه،ما ينقال!=وأبقصر فزعةٍ قامت،،تطارد بالحشا خيله!
عتابٍ يابسٍ!، في وسط صدري، ما قواه الحال=سقيته مزنة الصبر الطويل!,, وعوّد بسيله
كذبنا ...والصبر ،مفتاح لأبواب الفرج لو طال= صدقنا... والصبر قفلٍ،عجز راعيه عن شيله!
سهرنا ...لين طلّت بالسما !،شمسٍ بغير ظلال!=وقفنا في ترابٍ ،ناشفٍ ماه ,, ورجاجيله!
فهد دوحان
يزيد الماضي
04-07-2007, 04:41 PM
كل شي كبر ،وأنت (يا طيب) ولا تكبر=تركضك الأيام ،، لا واقف ولا ماشي!
يا قّوْ قلبك ،،ولو عمرك ،ورق دفتر= يملاه الأزرق زمان،،وياصل الـ لاشي
الله...يا أنت...يالمسكون بالأخضر= ذاب الذهب ....كأنها الدنيا ،لك غراشي!
مثل السواحل،تحضن الموجه، وتصغر= وتكبر فـ وجه البحر..والموج متلاشي
وجهك مداين!، وغربة صوتك المهجر=منفي...وكل الدروب ،لوصلك عطاشي!
أدريك: تتعب،تعاني، تختفي، تظهر!!!= تضحك ، وتبكي، تخاف الليل والواشي!
عصفور جنّة ...وصفك الورد للعنبر!= طرت فـ عيوني...تركت لقلبي أعشاشي
سافر حديث الدخون،ونشوة المبخر!=وخليت عطرك على رمل الحشا فراشي!
لا تستقلك ...تراك... بعيني الأكثر!=وأنت أكثرك صبح، لكن...ما صحى جاشي!
بدر الحمد
...
حبيبى اختار
لاتنهار اعصابك
لاتنهار
اعترف بالسر..قول للناس
من حقنا نحب ونعيش
رغم الكون والاقدار
انت النبض فى شوقى
انت الدم فى عروقى
انت انسان خلق عمرى
وخلا لحظتى اعمار
وانا من غير حبك
ريشه فى تيار
ومعاك انته
يموت الفرق...
بين الشوك والازهار
وينبت فى حزن قلبى
فرح واشعار
انا وانت يمكن يوم
نروح عند القمر زوار
ونكتب فوق اشجاره سوالفنا
ونزرع سطحه وضلوعه
هوى واسرار
اوقف ارحم اعصابك
ارحمنى من الافكار
لاتتركنى دمعة حب
على ساحل هواك احتار
تعال نعلنها ثورة حب
تعال نذوق مره
لذة الاصرار
...
المبدع الراحل " فايق عبدالجليل "
نور..
...
كــلّـمـنـي عـــنّــك
أبـعرف كـل شـيٍ عنّك منّك
قــلّـي وش أول جـروحـك
قلّي وش آخر أمل ترجيه روحك
إحــكـي عـــن طـبـعك
وعـــــن ربـــعــك
عــن الـلـي يـهزّ دمـعك
قـلّـي وش مـعـنى الـحـياة
قـلّي بـأنفاسك متى قد قلت آه
إحــكّ لــي عــن الـحب
إحــكّ لــي .. إحـكّ لـي
إحــكّ لــي عـن الـشوق
طــر بــي فـوق .. فـوق
خـــذنـــي مــنّــك
وإحـــكّ لــي .. iعـنّـك
الــــــصــــــدق
إن الأمل من قبل أعرفك .. كذب
والـتـضـحـيه أوهــــام
وإنـي أنـا مـن قـبل أعرفك
كــنـت أعـــرف أنام
كــان الـسهر مـو هـالسهر
لـعب .. و أغاني .. و إختصار
صـــار الـسـهر تـفـكير
صـــــار إنــتــظـار
صـــــار إحــتـظـار
صـار السهر .. تنهيدتين ونار
* * *
يـــا مـنـتـهى أمـــري
بـالهمس قـلّي مـرّه ياعمري
وطــر بـي فـوق ..فـوق
خـــذنـــي مـــنّــك
وإحـــكّ لــي .. عـنّـك
...
الراحل ,, " طلال الرشيد " ,,
نور ..
رجا المريخي
04-12-2007, 09:40 PM
الشوق فعيونك فضح في داخلك كثر الكلام = والشوق من عيني رقى بيقولك مشتاقلك
أعشقك وأحبك وأبيك إبكل كلمات الغرام = أموت فيك إن كان ودك وإن حييت أحتاجلك
عادل الرديعان
04-14-2007, 02:46 AM
يامرقـب بالصبـح نطيـت راقيـك
مـا واحـد قبلـى خبرتـه تعـلاك
.
.
وليت ياذا الدهر ما أكثـر بلاويـك
الله يزودنـا السلامـه مـن اتـلاك
.
.
يللى على العربان عمـت شكاويـك
وليت يـا دهـر الشقـا ول مقـواك
.
.
ولا يوم ها الكانـون غـاد شبابيـك
تلعب به الأرياح مـن كـل شبـاك
.
.
يا مالك اسمع جابتى يـوم أوصيـك
واعرف ترى يابوك بآمرك وانهـاك
.
.
وصيـة مـن والـد طامـع فيـك
تسبق على الساقـه لسانـه لعليـاك
.
.
أوصيك بالتقوى عسـى الله يهديـك
لهـا وتدركهـا بتوفيـق مــولاك
.
.
الله بحـق أجـدادك الغـر iيعطيـك
مرضاته مـع مـا تمنيتـه أمنـاك
.
.
احفظ دبشك اللى عن الناس مغنيـك
اللى إليا بـأن الخلـل فيـك يرفـاك
.
.
واعرف ترى مكه ولاهـا بناخيـك
لو تشحذه خمسـة ملاليـم معطـاك
.
.
اجعل دروب المرجلة مـن معانيـك
واحذر تميل عـن درجهـا بمرقـاك
.
.
لاتنسدح عنهـا وتبغينـى iiأعطيـك
جميع ما يكفيـك مـا حاصـل ذاك
.
.
أدب ولدك إن كـان تبغيـه يشفيـك
واستسعفه من بعـد مربـاه بـالاك
.
.
اما سمج واستسمجـك عنـد شانيـك
ويفر من فعلـه صديقـك وشـرواك
.
.
وإلا بعد جهله تـرى هـو بياذيـك
لو زعلـت أمـه لا تخليـه يـالاك
.
.
واحذر تضيع كل من هو ذخر فيـك
معروفه لاتنسـاه وأوفـه بعرفـاك
.
.
ترى الصنايع بين الأجـواد تشريـك
اليـا طمعـت بغرسهـا لا عـداك
.
.
واحذر سرور بغبة البحـر يرميـك
ولاعنده أفلس من تشكيـك وأبكـاك
.
.
واوف الرجال احقوقها قبـل تاتيـك
لا توفيـه بالقـول فالحـق يقفـاك
.
.
وهرج النميمة والقفا لا يجـى فيـك
وإياك عرض الغافل إيـاى وإيـاك
.
.
تبدى حديـث للمـلا فيـه تشكيـك
وتهيم عند الناس بالكـذب واشـراك
.
.
واليا نويت احـذر تعلـم بطاريـك
كم واحد تبغى به العـرف وأغـواك
.
.
واحذر شماتت صاحب لك مصافيـك
واليا جرى لك جارى قـال لـولاك
.
.
ولا تحسبـن الله قطـوع يخلـيـك
ولاتفرح أن الله على الخلـق بـداك
.
.
الضيف قدم لـه مـن حيـن يلفيـك
مما تطوله يا فتـى الجـود يمنـاك
.
.
أكرم اقبالـه فإنهـا مـن شواديـك
وابذل لـه المجهـود مـادام يعنـاك
.
.
احذر تلقى الضيف مرخن علابيـك
خله محـب لـك صديـق إذا جـاك
.
.
وأوصيك زلات الصديق إن عثا فيك
مازال يغطاها الشعـر فاحتمـل ذاك
.
.
راعه ولو ما شفـت انـه يراعيـك
عساك تكسـر نيتـه عـن معـاداك
.
.
واحذر عدوك لو ظهر بى يصافيـك
خلك نبيه وراقبه ويـن مـا جـاك
.
.
لاتأمنـه واطلـب مـن الله ينجيـك
ويكفيـك ربـك شـر ذولا وذولاك
.
.
شفنى أنا يا أبوك بآمـرك وانهيـك
عن التعرض بين الاثنيـن حـذراك
.
.
إذا حضرت أطلابـه مـع شرابيـك
اسع لهم بالصلـح والـلاش يفـداك
.
.
ابذل لهـم بالطيـب ربـك ينجيـك
ولاتجضع الميـزان مـع ذا ولاذاك
.
.
أما الشهادة فأدهـا إن دعـوا فيـك
بين عمود الديـن لاعميـت أريـاك
.
.
بالك تماشـى واحـد لـك يرديـك
طالع بنى جنسـك وفكـر بممشـاك
.
.
رابع أصيل فـى زمانـك يشاكيـك
لا شاف خملاتك عن الناس iiغطاك
.
.
وأحذرك عن طرد المقفـى حذاريـك
عليك بالمقبل وتـرك إللـى تعـداك
.
.
ثـم العـن الشيطـان ليـاَّه يغويـك
تـرى إن تبعتـه للشرابـيـك وداك
.
.
ووصيك لاتشكـى علينـا بلاويـك
أنت السبب طرفك عيونـك بيمنـاك
.
.
واعرف ترى إلى واطي الفهر واطيك
ولا أنت أعز من الجماعة iiهـذولاك
.
.
المسك يا راسى عن الذل واخطيـك
واحذر تكلـم يـا لسانـى iiحـذراك
.
.
والطف بجارك وقم من دون عانيـك
وافطن لما يعنيك عن ربعة أحـواك
.
.
يا ذيب وإن جتك الغنم فـى مفاليـك
فاكمـن اليـن إن الرعايـا تعـداك
.
.
من أول يـا ذيـب تفـرس بياديـك
واليوم جا ذيب عن الفـرس عـداك
.
.
يا ذيب عاهدنى وأعاهدك iiمرميـك
مرميك أنا يا ذيب لـو زان مرمـاك
.
.
والنفس خالف رأيهـا قبـل ترميـك
ترى لها الشيطان يرمـى بالإهـلاك
.
.
ومن بعد ذا لا تصحب النذل iيعديـك
وعن صبحة الأنذال حاشاك حاشـاك
.
.
ترى العشير النذل يخلـف طواريـك
وأنا أرجى أنك ما تجـى دون أبـاك
.
.
والهفوة إنك ما تجـى دون أهاليـك
ولاظن عود الـورد يثمـر بتبنـاك
.
.
والحر مثلك يستحي يصحب الديـك
وأن صاحبه عاعا معاعات الأديـاك
.
.
لا تستمع قول الطرف يـوم يلفيـك
بالكذب يقضى حاجته كل ما iجـاك
.
.
من نم لك نم بـك ولا فيـه تشكيـك
وأيـلاه قـد أزرا رفيقـك وأزراك
.
.
عندك حكا فينا وعندي حكـى فيـك
وأصبحت كارهنا وحنـا كرهنـاك
.
.
ما اخطاك ما صابك ولو كان راميك
وإلي يصيبك لو تتقيت مـا أخطـاك
.
.
مير استمع منى عسـى الله يهديـك
النصح يا مالـك لـك الله لمـولاك
.
.
عنـدى مظنـة مـا تمثلهـا فيـك
واطلب لك التوفيق من عند مـولاك
.
.
.
.
.
الشاعر العلم
بركات الشريف
عادل الرديعان
04-14-2007, 03:06 AM
سلام يالصاحب اللي صحبته تاج على الراس
لولا غلاه ومقامه ما عتبرته تاج راسي
.
.
الصاحب اللي لثوب الطيب والنوماس لباس
الباتع اللي على ضيم الدهر قاطع وقاسي
.
.
الوافي اللي صفا لي من عرفته بدة الناس
ما غيرته المناصب مثل غيره والكراسي
.
.
لاباس يا من شكالي من هوى ليلاه لاباس
ياصاحبي مثل ما قاسيت من دنياك اقاسي
.
.
الشاعر العاشق المحروم مثلك مرهف إحساس
ولا كل من صاح من جرح الهوى يلقي مواسي
.
.
يا مانصحتك وحذرتك عن التفريط بالماس
أخاف من ساعة تحتاج فيها للنحاسي
.
.
شفي على ما مضى لي من ليال بيض منحاس
من قو غبني على ما ضي مضى لي شاب راسي
.
.
مثل الحميدي حرمه الله من الخضرات مياس
فرط وصارت حياته كلها هم وماسي
.
.
يدق صدره على ما فات له مقطوع الأنفاس
العيش عنده من الحرمان والموت متواسي
.
.
وإلا انت توك شباب وطلعتك طلعات قرناس
والصيد راتع ووامن ما عليه من الحساسي
.
.
الصيد ولعه على ما قيل والمقناص نوماس
أتعب لهن لا عدمتك في مشاريف الرواسي
.
.
.
.
الشاعر الكبير
عبدالله السياري
.
.
.
ملاحظه اسند هذه القصيد للشاعر الكبير عبدالله السلوم
.
.
ذعذع وأنا بالجزاير من هبوب الوجد نسناس
وسما بي الشعر وأطلق همته عقب احتباسي
.
.
ما بين هاك السهول الطيبة وجبال الاوراس
قريت خط الرفيق اللي تزايد به حماسي
.
.
من شاعر له بقلبي منزل سوس على ساس
يا ما شكالي هموم يطردن عنه النعاسي
.
.
وإلى بغى يدمج الدعوى ويبعد عنه الأرماس
سوى قضية يبي جوي يجي فيه التماسي
.
.
حاشاك منتب يبو خالد على الغرات بلاس
انت الصفي الوفي ولا تجي درب التباسي
.
.
لاشك من سمع هرجك لبس درع والطاس
وفصل ثياب من البهتان لو ما هي مقاسي
.
.
ما ثور الحرب بين كليب و المقرود جساس
إلا كلام بسيط وصار له راس وساسي
.
.
لا تنصح الناس درب العشق ما به غير الإفلاس
من جنبه صار سالم والمولع به يداسي
.
.
رست سفينة غرامك في مكان ما به او ناس
وإلا الحميدي مسافر ما بعد دور مراسي
.
.
وانا تخيرت عن باب الطمع باب من الياس
ومشيت في الدرب الابلج ما تعرضت الهراسي
.
.
من عاش ما حط بالدنيا دليل وحط نبراس
ما ادرك مرامه وشرب من النكد عشرين كاسي
.
.
.
.
الشاعر
عبدالله السلوم
ملاحظه تمت مجارات القصيدتين من قبل الشاعر الحميدي الحربي
.
.
أنا أشهد إني وقفت بموقف بالحيل حساس
وشلون أجاري بعذب الشعر صعبين المراسي
.
.
زهر المعاني خذوه وجيبت انا للروض عساس
ما قدمي إلا حتات اوراق وغصون يباسي
.
.
أدير الأفكار واضرب بالظنون أرباع وأخماس
واصبحت كني مع التفكير في زايد عماسي
.
.
قصاص جره وضاعت حيلته في عج ودماس
ما عاد شوفه يقدي له ولا يسمع حساسي
.
.
الخالدي والتميمي جددوا بي وجد واتعاس
يوم ادخلوني طواريق لها منا نيب حاسي
.
.
صحيح انا خذت في غبة بحور الحب مرواس
ووصلت شط الأمان وفيه حطيت المراسي
.
.
مابين الابحار والمرسى حصل لي ربح وافلاس
والربح ماهو بمشروع المحبة شرط أساسي
.
.
عشقت وعشقت وانياب المهالب تضرس اضراس
وطلعت منها وثوب الستر والشيمة لباسي
.
.
ايام حلت وزلت والخبر عن حالها ناس
ما قول ياليتها ترجع وانا مانيب ناسي
.
.
الحب وانتم على عرش النقا بأفياه جلاس
لو فات بالروح يبقى له صدى افراح وماسي
.
.
لكن على شان وضعي خففوا من دق الأجراس
تراه يتعبني مجاري صعيبين المراسي
.
.
.
الشاعر
الحميدي الحربي
عادل الرديعان
04-14-2007, 03:15 AM
البارحه يـوم العبـاد رقـود............النوم مايطري علـى بالـي
.
.
مجروح روح وخاطري ملهود...........ياناس خلونـي علـى فالـي
.
.
تبكي عيوني والدموع شهود..........أي والله ابكي صاحب غالـي
.
.
يازين مالك من عذابـي زود..................ارفق بحالـي يابعـد حالـي
.
.
ودي بوصلك يا نعيم العـود.....................ودي ولكـن مـا تهيـا لـي
.
.
اللي ذبحني بالعيون السـود...........من قبل اعرفه خاطري سالي
.
.
ترى المحبه مابهـا منقـود...................والله فلا اسمع هرج عذالـي
.
.
يا عود ريحان عليـه ورود.......................ومنين ما هب الهـوى مـالي
.
.
هبي بريحه ياهبـوب النـود...................يطفي بعض همي وغربالـي
.
.
الحب يذبح والشقـا محـدود...................ماهي سواليف على الخالـي
.
.
يامنوتي ياغايـة المقصـود...........................زولك يورى لي ويبـرا لـي
الشاعر
احمد الناصر
عادل الرديعان
04-14-2007, 03:21 AM
ياليتي يارشيـد راعـي ربابـه............اجرها ليا ضاق صدري واغنـي
.
.
اقنب عليها مثل عَـوْد الذيابـه.......لااخطا العشا وسبوق رجله قضنّي
.
.
على وليفٍ صاطي بي صوابـه...............الله لا يجزيـه بالخيـر مـنـي
.
.
ان غاب جتني علتي من غيابـه............لين الجروح الخافيـه يظهـرني
.
.
والى حضر عزيت روحي مهابه.............ما ودي العربان يـدرون عنـي
.
.
عني نهار السبت قفـت ركابـه................وقفيت عنه وخاطري مرجهـنّي
.
.
عل الحيا يسقي ترابٍ وطا بـه...............لو كان حقي منه رمح المطنـي
الشاعر
محمد السياري..
سعود المتعب
04-14-2007, 05:17 PM
صمتي يسدك وانكسار البوح فيك يسدني=يعني جمعت اقصى طرف لاوجاعنا باقصى طرف
من غيرك اجمل وانت وحدك بالشتات تودني= من غيرك اكمل وانت جرح.. وكثرةجروحي ترف
ردة السفياني
عيون الشوق
04-14-2007, 10:06 PM
بقى بعدك أمل وإحساس بإنك راجعٍ بعدين=ياليتك ماخذٍ حتى الأمل في ليلـه غيابـك
شهيق ورده
04-15-2007, 12:37 AM
http://www.lahdah.com/up/uploads107/lahdah-3e2bcb74ef.jpg (http://www.lahdah.com/up)
نسرين الأحمد
04-15-2007, 04:17 AM
..
حـبيبــــــــــــــــــي
,, تجيــــني بعــد مـاحبيـــت غيــــــــرك ..
حـبيبــــــــــــــي .. ليه هاللحظـــــة تجينــــــي
,,حسـايـــــــف تــوك تغـــير مسيــــــرك..
تجــــــي يــــوم أنطــــــفت شمعـــة
حــــــنينــــــــــي ..
..
معرفش لمين
عبدالله العابر
04-15-2007, 06:21 AM
..
يا سـوق الحـيّ مـا تذكـر مواعيـد ولقاء أحباب
تذكّرنا يا سوق الحيّ !
تذكّرنـا
بس آنــا وهي ,,, بس آنا وهـيّ
وشوق ٍ حيّ
تذكرّ
لـمّـا تتعـذر
لاخوهــا تلاعب الأطفــال
شف أجمل شي
به تــحتـال
تجي والورد يسبقنـي لها من شان يتـعطر
وننسى الكـل بـس إحنـا
ونقرا في ملامحنـا
لقانا كيف يفرحنا
وننسى وقتنا الأقسى
ويقسى الوقت ما ينسى :
لا تتأخر .. لا تتأخر
رجا المريخي
04-15-2007, 06:09 PM
رحلتي إنتي وتركتيني بهمي حاير ومفجوع = دخيل الله أنا طالبك أمانه لاتخليني
أمانه ليه نويتي فرقةٍ ماعاد فيها رجوع = هانت عشرتي بلحظه عليك وهانت سنيني
أنا الي صرت ماأعرف فيك أو بالزمن مخدوع = ظروفي الي قست وإلا ظروفك ماتواتيني
طعنتيني وأنا الغافل أنا الميت أنا المصروع = وترى ماعادت ضلوعي مثل أول تجزيني
يهمك شوفت العاشق إذا تنزل بعينه دموع = تعالي شوفي دمعاتي إلين الدمع يعميني
عادل الرديعان
04-16-2007, 12:12 AM
قلـوب النـاس مِهْـتـزّه
ورى الشاشـات يـا غـزّه
تناظـر جرحِـك النـازف
و تنزف مـن كِثـر عَجْـزه
فـآه و آه / و كــان الله
بعونـك بـس يـا غــزّه
................
ذِبل مـن حزنـك النـوَّار
و عصفور السعـاده طـار
هجـر يـا (غزّتـي) عِشّـه
و باع العـود و الأشجـار
سألني العود / متـى بيعـود؟
و فكري فـي جوابـه حـار
..............
نسيمك فالروبـا صامـت
و مزْنِـك ( غزّتـي) ثابـت
كأنـه فالسمـا مصلـوب
على ضيم و قَهَـر ساكـت
تبين الثار / وِ قلبـك نـار
و عـدوك آمـن وشامـت
..............
صرختي بـس مـن يسمـع
خَذَلْـك القلـب و المدفـع
لزمنـا الشجـب كالعـاده
وِ سيف الشجب ما يقطـع
بكينـا دَمّ / و شِلنـا هَـمّ
وِ ليـت دموعنـا تنـفـع
.............
أسى ، خوف وحزن و جروح
قَهَر ، ظلم و دموع و نـوح
صور يـا ( غزتـي) تنهـش
حنايـا ألـف روح و روح
حشانا ذاب / نِـدَوّر بـاب
على نـور و أمـل مفتـوح
...........
أسَف ... يـا أمـة الراحـه
تركنا ( غـزّا) فِـالساحـه
طريقـه ليـل و البـاغـي
سَرق فـي السـر مصباحـه
يا عـلّ الله / يِـذِلِّ اعْـداه
وِ يشفـي دامـي اجْراحـه
.........
أسَف ... يـا أمـة المليـار
أسَف ... ما تكفي الأعـذار
سِكـتْ بارودنـا و اذْعَـن
وِ بـارود العِـدا ثَــوَّار
رضينا الياس / وِ ذِلّ الكاس
وِ قِصّـة غبـن و اسْتعمـار
.........
نبـي يـا أمتـي نصـنـع
رصاصـه، طايـره، مِدفـع
تأخـرنـا بـمـا يكـفـي
وش اللـي أمتـي يمـنـع؟
مَلكْنا المال / وِ فينا رجـال
فليـه نْخـاف و نِتْمـنّـع
........
يا غزّه لـو طُفَـتْ شمعـه
يا غزّه لـو جَـرَتْ دمعـه
تِظليـن أكـبـر و أكـبـر
مـن المِسْتعْمِـر و جَمْعـه
نَعَـم هِـزِّي / لاْ تِهْتَـزّي
يا أرض الصبـر و الرِّفْعـه
الشاعره
ريوف الشمري
عادل الرديعان
04-16-2007, 12:25 AM
خلّ الحكي و امشي معي نقطع البيـد
يمكن نلاقي في فضـا البيـد راحـه
الله مـن طـول العنـا و التناهيـد
و الله مـن ليـلٍ تأخـر صبـاحـه
ضجّ الرصاص و مَلّ سجن البواريد
متى على الباغين نطلـق سراحـه
نفس المواقف و الحكي نفسه انعيـد
عزّي لمن صار الحكي هو سلاحـه
شعبٍ جهل بالحرب رميٍ و تسديـد
يسْهل على المستعمريـن اجتياحـه
نـزداد ميـلٍ للكسـل و المقاعيـد
و عدونـا يـزداد ظلـم و وقاحـه
باسم (السلام) يذلنا كيف مـا يريـد
و باسم (العداله) صار يركز رماحـه
جَدّد طمعه بـ(سوريا) دانـة الغيـد
و صارت تحوف حدودها من رياحه
دايم كـذا فـي أول الأمـر تهديـد
ثمٍ علـى البلـدان يبسـط جناحـه
نبكي قهر أو نِتْبـع النـوح تنهيـد
في هالمواقـف مـا تفيـد النياحـه
عطني رصاص و قلب ثابت ولا يحيد
حقي أرد النـذل و أكبـح جماحـه
لا بـد ناقـف للعـدو كالجلامـيـد
نضرب على الهامه و نثخن جراحـه
لجل العَدِل صوت المدافـع زغاريـد
و السجن لجل عيون الأسلام واحـه
إمـا كـذا و إلا لفتنـا المواعـيـد
و أضحـت بلدنـا للعـدا مستباحـه
وشي حياة الحرّ لا صار لـه سِيـد
كافر سلب أرضـه بحجـة صلاحـه
.
.
.
امشي معي يا ضايق الصـدر للبيـد
يمكن نلاقي في فضـا البيـد راحه
و امشي نشيّد مجدنا اليـوم تشييـد
خلـي بقلبـك للتحـدي مسـاحـه
عسى تـزول همومنـا و التناهيـد
و عسى طويل الليل يقبـل صباحـه
الشاعره
ريوف الشمري
نسرين الأحمد
04-16-2007, 03:27 AM
:
سو الذي ترغبــــــــــه ما عاد تعنينـــــــي
حبك نسيته وبــــــــــا قي منك تنساني
وفــــــــــر كلامك امــــــــــانه لا تنـــــــــــاديني
ما عااااد تسوى عليك تــــــــــرجاني
ما قلـــــــت لك راح تندم لو تخليني
ما قلـــــــــــــت لك راح تـــــــــرجع وتمنـــــاني
هــــــذا انت راجع وذا قلبـــــــــك وسكيني
بالمختـــــصر بــــــــأجرحك واتركك وحداني
بـ.. اعلمـــــــك كيف تتجرأ وتجــــــــــفيني
واللــــــــــــه لا اخـــــــليك تونس بعــــــــض ما جاني
انا ادري انك بتالي الووووقت تبــــــــكيني
بس(( انا قبلك ذبحني البعد وابكااااني))
خـــــــــــــلاص فاااارق مدامك طحـــــــــــت من عيني
ولا عـــــــاد تشره على الوووقت صحاني
صحـــــــيت من ضيعتي من غفوة سنيــــــــــني
لا بـــــــــــارك الله بحبــــــــك وين ودانـــــــــي؟
أب ... تمــــــــاكن شباااابي دام يمديـــــــــــني
وانـــــــــــــــــــت الله يعين قلبــــــــــــــــك لين ينســـــــاني
:
برضو مش عارفة لمين
اخطيت يوم اني طلبتك حنانك
لاصرت فاقد شي ..وشلون تعطيه
مهما نطق لي بالمشاعر... لسانك
شيٍ بدون احساس .. ما اقتنع فيه
احساسك المصنوع خنته وخانك
جاملتني به وانت تجهل ..معانيه
منى نصيحه تنفعك في زمانك
الاشعورك ..لاتبيعه وتشريه
كانك تقدر قيمه الحب كانك
اللي يودك .. لاتحاول تعنيه
ياكثر ماحبك فوادي .. وصانك
مع كثر ماتبعده .. كنك تناديه
غيرك امانه خوف .. والخوف امانك
ماكل من راعاك .. تقدر تراعيه
حتى لو عليت بالقلب ...شانك
ابقى يتيم الحب .. جرحي اقاسيه
اعذرك ..لاحطيت نفسي .. مكانك
لاصرت فاقد شي .. وشلون تعطيه
شهيق ورده
04-17-2007, 04:53 PM
لاخاب ظنّك بالرفيق الموالي ***** مانك بشاريه ٍ على نايد الناس
ياعلّ قصر ٍ مالقي به ظلالي ***** ينهد من عالي مبانيه للــ ساس
محمد الأحمد السديري
شهيق ورده
04-17-2007, 04:56 PM
ياليتني لاطحت لاطحت لاطحت
مااطيح عند اللي تمنى مطيحي..
عاقل الزيد-الله يرحمه-
شهيق ورده
04-18-2007, 12:44 AM
كلّن يـــــذوق المُر والـ حالي
و أنا .. أذوق المُر ... ولـــ حالي
أحمد الغنّام
لينا الحمدان
04-18-2007, 06:12 PM
مابيني وبينك مشاريه وعتاب
وشوف دربك اللي جيت منه تدله
عهد علي لاجعلك عبره للاحباب
لين الخليل ايتوب عن جرح خله
وزلاتك اللي مانفع فيهم احساب
لاجـيت اعـددهم ثـمانين زلّـه
احرجتني بين القرايب والاجناب
كن الجفا سيف بوجهي تسله
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانوا اغراب
وحتى القمر لا غاب شفتك محله
خلاص لا ترجع ترا خاطري طاب
الخاطر اللي كنت عايش بظـلّه
مـا يـجتمع بـالحب صـادق وكـذاب
رزقي على الله وأنت رزقك على الله
عيون الشوق
04-18-2007, 07:25 PM
الدمعة لاطاحت أبد ماهو دليل ... إني حزين !!
....... مثل السحابة لاهمت ... ماهي دليل ../ الإنحدار !!
العمر مسباح التعب .. في راحتينك يالسنين !!
....... نركض ويلحقنا الأسى !.. ياشين طعمك يالفرار !!
والوقت لامنه عطى يعطي من الهم السمين !!
....... وجايز إليا منّه خذا ياخذ ... شموخ الإنكسار !!
لا أعرف صاحبها
نسرين الأحمد
04-19-2007, 07:52 AM
..
أي والله انـي ضايـق ومرهـق ومخنـوق وحـزيـن =وإما بمـوت مـن الولـه ولا بمـوت مـن القهـر
واللـي لعـب فـي حسبـة ايامـي وخلاّهـا سنيـن=إني على ذا الحال يا شعري لي اكثـر مـن شهـر
بعت المدينه لجل ( عين ) وقالـوا الخافـي يبيـن=ودفنتك بجوفي وقالـوا وش بقابـك مـا ظهـر
يا مطوّل الغيبه يا طـول الشـوق .. ميـر الله يعيـن=العاشق اللـي عـاش ظامـي بيـن عـدّك والنهـر
عيّدبـي غيابـك ( سنـه ) والليلـه مـن العايـديـن=ولا عاد عيدك يا الجروح اللـي بقلبـي مـن دهـر
يا صاحبي لـو تعتـذر عـن غيبتـك عـذرك سميـن=حبك بعد ما غبـت عـن عينـي تمـادى وازدهـر
من يوم شفتك والنعاس بعينك النجـلا سجيـن =ومن نفس ذاك اليوم و عيوني سجينـه للسهـر
علقتنـي بالضحكـه الـلـي تسـبـق الغمازتـيـن=وتركت لي شاعر كتب فيـك القصايـد واشتهـر
سيّلـت دمعـك واستبـاح الدمـع ستـر الياسمـيـن=وعلمتنـي كيـف النـدى يجمّـل خـدود الـزهـر
ليتـك عقـب مـا غبـت غيّبـت اشتياقـي والحنيـن=أو ليتني ما قد دفعـت احـلام عمـري لـك مهـر
وياصاحبي .. لاعـاد تسألنـي عـن الحـزن الدفيـن=أقسى الطعون الطعنه اللي من حبيب و فالظهر !!
..
الــرائـع / محمد جارالله السهـلي
عبدالله ثويني المانع
04-19-2007, 07:21 PM
..
بانتظاركْ ..
تجمعين الوقت .. فـ..ـشفاتي جريدةْ ..
تكتبيني ..
تشطبيني ..
نترك الصفحة قصيدةْ .. !
يا عنيدةْ ..
يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!
تعرفين وتدعين ..؟!
تنكرين ْ .. .. ؟!
إنْ كل الوقت مني ..
وانْ نوم الليل عني .. !
نجمتين وانكسار ..!
***
بانتظاركْ ..
آه .. لو تدرين وش معنى انتظارك ... !
يمكن يكون الغياب .. وحزني افبابه .. قراركْ ..!
يمكن اني مرّة ابـ..ـغفلة ظلمتك ...
وكان هذا اللي يزلزلني مع الساعات ثارِك ..!
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...!
شخبطات اللون الاسود في قراطيس البياضْ ...!
انحسار الشمس .. وغبار الرياض ..
غربة اللحظة افــ..ــداري ..!
آه لو تدرين وش معنى انتظارك ...
مثل ما تدرين وش معنى انكساري ...
**
اسمعيني ..
كل مافيني حنيني
الطريق اللي تدلِّيني عليه ..
يضيعْ فيني .. !
والمحلات الكثيرةْ .. فالشوارع ..
كلها تبـْ تشتريني ..!!
واشتريْتِكْ...
( كوب قهوة ) ثاني ... أو عنوان بيتكْ ..!
ما أدلّه ...
لو تحرّيتك .. بركنه ..
يمكن اني صرت كلّه !
واحتريتكْ ...
ذاك بيتِكْ ... لا .. أظنه ذاك ... يمكن لو أقلّه .. !
وينك انتَ ؟ ...
كان جاوبني بظِّله ..!
آه .. لو تدرين وش معنى انتظارك ...
سيرتي والظل ..
واوهام الطريق .. وباب دارك ..!
ـــ
لــ إبراهيم الوافي
..
عبدالله ثويني المانع
04-19-2007, 07:33 PM
...........
وانك أكثر من حبيبة
نجمة .. الحلم القريبة ...!
بنت .. ابوي .. اللي على اخواني ..غريبة ...!
قلب أمي ..
بنت همّي ...
( بحّة ) ( الحاء ) العجيبة ..!
ــــــــــ
لـ إبراهيم الوافي
عبدالله ثويني المانع
04-19-2007, 07:36 PM
..
بانتظاركْ ..
صارت الساعة دقيقة ..
والدقيقة ..الف ساعة ..
كانت الظلمة افـ ـــقاعة ..
تلعن غبار الأثاث ..!
دقت الساعة ثلاثْ ..
قلت تصحى ..
تكتب ارقامي وتمحى ..!
واتصدّد ..!
صدقيني ..
يوم ..ماجيتي كأنّ الموت داهمني بلحظتها
وتردّد !!
كن حلمي فيك من يأسي ..تبدّد .!
ـــ
إبراهيم الوافي
..
نسرين الأحمد
04-20-2007, 06:55 AM
..
يا الغايب اللي غابت سنينـي معـاك=يا جعل ما جاني من الفرقـا يجيـك
استغفر الله !! جعل ماجانـي فـداك=حتى لو ان نهايتي .. على يدييـك!
مسامحك .. واللي بقوله في قفـاك=خيرك كثير .. ويرحـم الله والديـك
ماصار شي ابلا رضاي الا رضاك =اللي ماهو فيني وابيه القـاه فيـك!
كنت السما في عيني وعيني سمـاك =كانت حياتـي كلهـا منـك واليـك
كنت بيديني مير مدري مـن خـذاك=حسبي على تقصيري وحسبي عليك
علمتني.. وش الحياه مـن الهـلاك=في موادعك هذا وفي جيّتـك ذيـك
ياكيف ابلقى شخص يسواني سـواك=كل مانويت انهيك في شخص ابتديك!
أبـدى أقـارن مستـواه بمستـواك=واخاف لاتزعل وابيعـه واشتريـك
والمشكله : رغم محبتـك وغـلاك=واني رغم كل شيّ مشتـاق وابيـك
ما هوب من حقي يضايقنـي جفـاك=ولااعشقك ولاالمحك ولااحتريـك!!
لكن ما يخفانـي ولا اظـن يخفـاك=حقي عليك .. انّك تطمنّي عليـك!!
..
محمد جارالله السهلـي
نواف التركي
04-21-2007, 03:42 AM
كل ما قلت يهدى البال ولاّ يروق = عوّد الشعر يوقظ ذكرياتي وأفيق
ليت هالقلب طير أفلّ له هالسبوق = ويغدي وأستريح من العذاب العتيق
كثّر الله خير الوقت كان الصدوق = يوم أغلب عباد الله مامن صديق
ما شكاني عقب فرقاك غير الطروق = ولا بكاني من الأصحاب غير الطريق
vBulletin® v3.8.7, Copyright ©2000-2025,