تعال واكتب حالتك/لحظتك شعراً ..! [الأرشيف] - الصفحة 15

حنان العصيمي

03-13-2011, 03:18 PM

وقت العتب راح لاترجع تعاتبني
مات الوفا والبقا في راس وجداني..

ماني مثل ما انت خابرني وتحسبني
فلان الاول اصبح واحدا ثاني..

خلاص مات الهوى لاتهدم وتبني
تركتني لين جا النسيان ناداني..

العام ادوّر سبب منك يقربني
واليوم ادور سبب عشان تنساني..

بعثرتني في هواك اليوم رتبني
نسيتني الناس شفني صرت وحداني..

كان السهر في هواك اللي محببني
والحين حتى السهر يكبر على اجفاني..

اجيك يمحيني عتابي ويكتبني
مافيه طاري عتب يمر ماجاني..

وارجع وانا اقول: وش للجرح جايبني
ادري بجرحك ولا ادري ويش وداني!!

عن صدق الاحلام جا الواقع وكذبني
وعن فرح الايام جا حبك وبكاني..

مليت اشيل الامل والدمع يغلبني
واقول بكره يجي للشوق يلقاني..

ويروح بكره واجي والوقت قالبني
وارجع على وحدتي واحزاني .. احزاني

بكيتك العمر كله يامعذبني
وشفيك ماتبكي الليله على شاني..

كتبت ماهو عشان تقول عاجبني
مليت من جزله وصح الله لساني..

انا وطن شعر لو شعري مغربني
كتبت اجمل جروحي لجل تقراني..

خلاص لاتتعب وترجع تعاتبني
انا نسيتك دخيل جروحك انساني..

أمجاد محمد

03-13-2011, 11:00 PM

ما أصعب الكتمانَ
يا لمياءُ أشعلَ طيفُها روحي
ويأتي الشوقُ أحيانا كأسراب الغيومِِ

نايف السميري

03-13-2011, 11:32 PM

.
.
بعض الكتابة ذبول ومصدر آلام ...!
.................. وبريحة الحـزن والغربـة تفوحي !!
كم يستحل التعب من صدري اعوام ...!
.................. وان اتشظى ويجمعني طمـوحي !!
الشعر نصف انكسار ونصفه إقدام ...!
.................. وفي فلسفته ارتكابك له نـزوحي !!
.
.

نايف السميري

03-13-2011, 11:44 PM

ان سولفت تجعل من اللحظة
شبابيك وهديل ..!
وان خاصمت صار الزمن
مره ثقيل !!

ياكثر ماتسرق من المزن البياض
وروح المطر ،
ومن الوطن نبض الرياض !!

وان مرها صبح الشتاء ، ضم الدفىء كفينها ،
وفي عينها ، ذاب الوله ، وصار الحديث ،
احساسها والنافذة وانعاسها ..!!

أمجاد محمد

03-13-2011, 11:45 PM

الأنثى الوردةُ بعد سُراها
وتخبّطها في ليلِ متاههْ
تتربَّعُ في ملكوتِ الحبّْ
تصير إلههْ
هالاتُ النورِ تتوّجُها
وتلاطفها قُبَلُ الأنسامْ
ما أحلى الحبّ وما أبهاهْ!
فيه الليلُ سماءٌ تَهْمِي
تُمطر موسيقى وقصائدْ
وقناديلُ الكلماتِ تصبُّ
الضوءَ على أملٍ واعدْ
ما أحلى الحبّْ!
تتفتح فيه عيون القلبْ
ما أحلاه حين يمسُّ شغافَ القلبِ
فيبصرُ ما لا يبصرهُ العقلُ ويدرِكُ
ما لا يدركه الفكرُ ويسبرُ ما لا
تبلغُهُ الأفهامْ
ما أحلى الحبّ وما أبهاهْ!
كونٌ مكتملٌ ومعافى
لم يتشظَّ ولم يتمزَّقْ
يتناسق فيه العمرُ ويمسي
إيقاعًا كونيّ الأنغامْ
تتماهى فيهِ (أنا) مع (أنتْ)
تزهو بحوارٍ موصولٍ
حتى في الصمتْ
ما أحلى الحبّ وما أبهاهْ!
يحيا بين يديْه رميمْ
تندى أرضٌ, تحضرُّ عظامْ
فيه الزمنُ المسحورُ يقاسُ
بدقّاتِ القلبِ المبهورْ
لا بالسَّاعاتِ يُقاس ولا
بتوالي الأشهرِ والأعوامْ
ما أحلى الحبّْ!

نايف السميري

03-13-2011, 11:54 PM

.
.
الصمت مثل الحنين اللي يهج الصدور ...!
..................... ويزرع تفاصيل صوته في مواجـع مـداك !
يقتـات من راحتـك مايستبيـح الشـعور ....!
..................... وينبت قلق كل مانادى ، لصـوتك صداك !!
.
.

أمجاد محمد

03-14-2011, 12:02 AM

أحببتني .. وشبابي في فتوّته
وما تغيّرت .. والأوجاع سمّاري

منحتني من كنوز الحب .. أنفسها
وكنت لولا نداك الجائع العاري !

إن ساءلوك فقولي : كان يعشقني
بكل ما فيه من عنفٍ وإصراري

وكان يأوي إلى قلبي .. ويسكنه
وكان يحمل في أضلاعهِ داري !

http://www.qassimy.com/vb/images/smilies/00kgq4.gif

غاده

03-14-2011, 10:51 AM

مَا وحشتكّ ؟

يَاخي عَادي قولَها و بَ صوت عاليْ !

وَ الله عَادي .. / لاَ تحاتِي

صَار عنديّ قابليّة .. ارمي الجرح و اعيش!

و الله مَاني ذاك الأولّ !

................ الليّ ليَا راحواْ آصيحّ

وُ يندب بِ حظه الشحيحّ ..

صِرت اقوى !

وُ صَار عندي قابلييية !

آرمِي الجرح و اعيييييشّ !

هيفاء الزامل

03-14-2011, 02:43 PM

يامن بحبك تملك القلب وينك؟؟
تعال قلبي مشتكي هم وجراح..‏

"ضمه"ولمه"واحضنه" في../يدينكــ‏
تعال خل الروح للروح تنساح

روحي 'تحبك' مااحتوت حب غيرك
أنت الوحيد اللي لك القلب يرتاح

* ؟؟؟ *

:34:

.

أمجاد محمد

03-14-2011, 04:06 PM

تِدريْ .. وِشْ إلليْ .. بَسْ .. وِديْ .. أقُولَهْ
[ يَآ جَعلنيْ مآ أذُوقْ حِزنَكْ وِ أنآ حَيْ] !

أمجاد محمد

03-14-2011, 11:51 PM

مخنوق ! لكن ماادري ليه انا مخنوق
ضايق ! ولا ادري ليه بالحيل ضايق !!

ثوب الصبر من حزن الأيام مشقوق
واليا سألوني ، قلت : بالحييييل رايق !

احيان ، ودك ترتفع للسما فوق ...
تطيييير / تبعد ، ماتشوف الخلايق !

هيفاء الزامل

03-15-2011, 02:12 PM

ليت مالي عيون يبان فيها الكلام
....... وليت عندي لسان أثرم قليل العلوم

وليت كل الهموم أظغاث حلم المنام
....... لا غشتني نغزني واحد وقال : قوم !

* ؟؟؟ *

:34:

.

حنان العصيمي

03-15-2011, 04:31 PM

أمجاد محمد

03-17-2011, 12:35 AM

مالي أراها لاتردُ سلامي ؟
هل حرّمت عند اللقاء كلامي !

او ذاك طبعُ الجيدِ يبدينَ الجفاء
وفؤادهنَّ من الصبابةِ دامي (http://www.4byt.com/view.php?byt=8997)

نايف السميري

03-17-2011, 01:37 AM

الله يا نايف ..
مبدع والله :34:

شكراً لـِ بهاء وعيك/ياحنان .. http://www.ab33ad.com/vb/images/icons/34.gif

أمجاد محمد

03-17-2011, 01:57 AM

بخيوط سهري أخيط قصب الظهيرة في مخمل منتصف الليل .. لذلك يتعرى الزمن

علي المحمد

03-18-2011, 03:01 PM

هذا ضي الصبح .. او هو بعض نورك ؟!
هذا همس الورد .. او دافي شعورك ؟!
منهو مثلك في غرورك ؟!
جيت متأكد بسامح .. راسم الطيبة ملامح
ماهو بدري !؟
انت تدري ( ما قتلني غيابك اكثر من حضورك ) !
ايه كان العمر داكن .. ايه كان الهم ساكن وقتي بعدك !
بس أنا يا ضيّ عمري .. كنت عودت الأماكن ..
تألف بعادك وصدك .. ياللي ما يرضيني ضعفك ..
ما ادري انثر فوق كتفك أغلى دمعي ؟ او أردك ؟ ..

أحبك

حنان العصيمي

03-18-2011, 08:27 PM

يلّي عيوني منزلك
سو الذي يرضيك
إن كان هذا أوّلك
ينعاف تاليك
متعوب منك
والسبب عطفي
متعوب ..
ماقدر يالحبيب أخفي
وفر كلامك
ما حصل يكفي
عذبتني
ربي عسى يهنيك
جرح الصبر
يبكي على جرحي
كل المعاني هزها شرحي
مابي الفرح لو جيّتك فرحي
ماعاد يهمني
لو طروا طاريك ..

فايق عبدالجليل

أمجاد محمد

03-18-2011, 09:27 PM

فأحلم أني أهيم سرورا
وأحلم أني أعانق روحا
كستني شعورا
فينبض قلبي
و يختلج الأمر في داخلي
فذاك الهيام
.
.
أتفهم هذا ؟؟!
أتفهم أني إذا ما عشقتُ
و هام فؤادي حبّا
و في مقتلتي تجلى الغرام
.
.
فإني بذاك
أقول احبك
أقول أحبك …… دون كلام …… !

مشعل فايح

03-18-2011, 09:42 PM

حالة تعب .. بس الصبر يا ابيض القلب
بشويش تمضي هالظروف العصيبة
نكظم مواجعنا ولا يشمت الكـ
موت الشعور ولا حياة الغليبة

أمجاد محمد

03-18-2011, 10:43 PM

معك....
لا توجد أنصاف حلول
ولا أنصاف مواقف
ولا أنصاف أحاسيس
كل شئ معك....
يكون زلزالا أو لا يكون
وكل يوم معك..
يكون إنقلابا أو لا يكون
وكل قبلة على شفتيك
تكون جهنما...
أو لا تكون!!!

حنان العصيمي

03-19-2011, 07:05 PM

ليت لـْ كلامي فم.. وأحكي لك أنفاس
...... أو ليت لـ أنفاسي يدين، وأقولك !

صوتك: وطن والناس به تعبد الناس
...... تحكي كفر والناس فيك إنحنولك !

صبيّت لي حسنك وأنا كنت لك كاس
...... ضيّعتني مابيـن: قصرك وطولك !

علّمتني ربحك.. وتمتمت الإفلاس :
...... ان التراب الـ فيك يجهل هطولك !

( حابس المشعل )

نايف السميري

03-19-2011, 11:46 PM

.
.
كنك تلون مساحات المدى من يديك ...!
............ مداك يشبه سما رحبه وفُرشاك غيم !
.
.

نايف السميري

03-19-2011, 11:54 PM

.
.
[ يانور ] واللحظة منصة ذكريات ...!
.............. والجرح يستنزف تعبه ويرهقـه !!
تموت الاشياء لو تموت الامنيات ...!
.............. ويكبر بنا جرح السؤال ونزهقه !!
.
.

ريانة العود

03-19-2011, 11:56 PM

لو صرخت. النار لاتحطب ضلوعك
زادها وزنادها مني وفيِّه
وان صرخت. النور لاتوقد شموعك
في عيوني من غبار الشمس فيَّه

نايف السميري

03-19-2011, 11:58 PM

.
.
وان كتبت احلامي ...؟
......... ويش ابكتب والحبر من دمي !؟
شاعرٍ وإلهامي ...؟
......... ماورث لي غيــر ســيرة همي !!
.
.

سعيد الموسى

03-20-2011, 03:05 PM

احبّها
... والقلوب أطفال
أحبّها
.... والعيون ... الناس !
أحبها
..... كثر خلق الله ..
في عينها تجتمع أضداد !
النار
والميّ !
والمنفى !
باأشفاهها
... تلعه
ومحّار !
مابينها ..
. توت متغطرس !
بجبينها
صبح ... متفائل !
*

أمجاد محمد

03-20-2011, 03:14 PM

عندما حاولت أن أكتب عن حبي ..

تعذبت كثيرا..

إنني في داخل البحر ...

وإحساسي بضغط الماء لا يعرفه

غير من ضاعوا بأعماق المحيطات دهورا.

نايف السميري

03-20-2011, 08:17 PM

.
.
لو رحلت بدوني ..!
وش بقى فـ البال ممكن يذكر ..؟!

وين ابِحصلني ، والسنين
اتهج كل آلامي ..!
والتعب يشربني من ذبولي ، لين
جرحِ الدامي ..!
يازهاب ايامي ..!
صبري اللي ملني وشلون
اجل يلقاني ..!!

فاتن حسين

03-20-2011, 08:31 PM

اكتبني في حياتك عاشق مجنون
مامل اشتياقه ماعرف وشلون
يقرا العشق او يكتب غرامه
ارسمني صورة الولهان بالوان الطفوله
تجرحه كلمه وتجيبه ابتسامه
مغرم فيك لو رفض يبدي غرامه
تفضحه كلمة ومقصده اهتمامه

حنان العصيمي

03-21-2011, 11:09 AM

أقشر العشق عشق مايبوح
لين يفنا عتب او يستريح

( البدر )

سعيد الموسى

03-21-2011, 07:42 PM

ويتحّناك الكحل !
يسرق الرمش وينام !
يفرش اضلاعه زمن !
ثم يعصاك بخجل !
ليش أدور بك نشيد ! ؟
وليش أحس إنك
وطن ! ؟
وليش أحس إني فقير ! ؟
من تنادين الجُمل !
وليش أحس إني ملك !؟
من تمرين ل يـِدي !
ليش أحس بربكتي !؟
او مخافة قوتي ! ؟
ليش أجاوب واسألك ! ؟
واحضن بعينك صبى !
ليش أنا مثل الطفل ؟
يصفعه كثر الحكي !
يلبس جروحه
ينام !
يرجع ينادي بخوف !
وده بشمعة صلاة !
ينتهك ذنب المكان !
يخترق صمت الكفوف !
يعبر الشارع ... حزين !
تبتسم له أرصفه !
يرمي شفاه التعب !
وترمي اوقاته يده !
يمسح امطار السنين !
لالقى طفله معه !
تهمس بإذنه : هدير !
وتجرح خدود الحبق !
طبطبت فوق الغمام !
واهمست : تاكل كرز ؟

شــمــ نـجـد ــس

03-21-2011, 08:48 PM

هي ..!
حالة حنين
ذكريات وصور
وبعض السنين .. مرّت في خاطري ..!
واذكر حزين ..
هي ..!
حالة حنين

صالح العرجان

03-22-2011, 10:03 AM

آصعَب من الموت , عندي حآجتين :-
الرحيل , بـ خطوة الرّجل الشجاع

مآ يموت الشَّك , إلا بـ اليقين
إرتفِع يآ صوت لـ آبعَد إرتفآع

وين آبلقى , دآخل الدنيآ آمين
كل حآجَه , في نهآيتهآ . . خدآع

قوم يآ جرحي , بـ نضحك للسنين
حتى لو نآدَى , من الظلمه ضيآع .. ؟!

أمجاد محمد

03-22-2011, 10:37 PM

صليت من حبها نارين واحدة
بين الضلوع وأخرى بين أحشائي
وقد حميت لساني ان أبين به
فما يعبر عني غير إيمائي
يا ويح أهلي أبلى بين أعينهم
على الفراش وما يدرون ما دائي
لو كان زهدك في الدنيا كزهدك في
وصلي مشيت بلا شك على الماء

سعيد الموسى

03-24-2011, 02:43 AM

غريب الحزن
ياخالد !
يعانق صفعة أكمامك !

أمجاد محمد

03-25-2011, 12:43 AM

شفها نستني يـا زمانـي وظليـت
..................... بين المحال أدسِّني عـن ضياعـي

لا تلومني لـو انفهقـت و تخفَّيـت
.................... لا الوجه ذا وجهي ولا القاع قاعي

بغايبها .. عشت الجنون و تحّديـت
..................... .. حاضر غريب أحاربـه بإندفاعـي

عانيت من كثر إرتحالـي و مليـت
....................... إدروب .. مايوم ٍ سعت لإجتماعـي

ياما شكيت إمن الليالـي و زمْيـت
............... .......... صدر السنين المظلمـات بْذراعـي

و ياما شموخي طاح بي و استمديت
.................... ....... من عنفواني هيبتـي و ارتفاعـي

و ياما ظلالي عافنـي و استظليـت
...................... ... سقف الشتات ابرغبتي و اقتناعـي

اقفت [........] عن دروبي و ناديت
..................... ..... يا المقفية راعـي لـك الله راعـي

راحت يجاذبها زعلها .. و غنّيـت
........................ ..... فقـد ٍ يلـوِّن بالغيـاب إلتيـاعـي

حتى الشعر أقفى معاها.. و قفِّيـت
.................. ....... يم المحال أدسِّنـي عـن ضياعـي.

هيفاء الزامل

03-26-2011, 12:22 PM

متذكر في مرقبي وش جرالي
وصفقت باالكفين يأس على يأس

* ؟؟؟ *

:34:

.

فيْصَل الصَقّار

03-26-2011, 12:38 PM

متذكر في مرقبي وش جرالي
وصفقت باالكفين يأس على يأس

* ؟؟؟ *

:34:

.
هلاَ هيْفَاء
البيْت للشَاعِر محَمّد السديْري

هيفاء الخالدي

03-26-2011, 02:20 PM

عيني تغورق في غيابـك غيابيـن
,,,,, غيبة غلاي وغيبتك وسْـط عينـي

هيثم التميمي

..

هيفاء الزامل

03-26-2011, 04:11 PM

ضيقة خلق من دونك ..
كآآبة و موت صدقني

منايا شوفة عيونك .!
ودقايق لا تفارقني ..

* فهد نهار *

:34:

.

ابتسام آل سليمان

03-26-2011, 04:15 PM

بي من جراح الروح ما أدري و بي
أضعاف ما أدري و ما أتوهّم
و كأنّ روحي شعلة مجنونة
تطغى فتضرمني بما تتضرّم
و كأنّ قلبي في الضلوع جنازة
أمشي بها وحدي و كلّي مأتم
أبكي فتبتسم الجراح من البكا
فكأنّها في كلّ جارحة فم
يا لابتسام الجرح كم أبكي و كم
ينساب فوق شفاهه الحمرا دم
أبدا أسير على الجراح و أنتهي
حيث ابتدأت فأين منّي المختم
البردوني عبدالله

أمجاد محمد

03-27-2011, 12:03 AM

********
تدري وش أكثر مايعكّر مزاجي
ــــ إني بدونك مثل الأعمى بلاشوف

هيفاء الزامل

03-27-2011, 02:58 AM

غصبٍ عن عيونـي فرضتـي إحترامـك
ولا أعتقـد قلبـي لـقـى فـيـك عــذروب

الــروح ثمـلـت فــي هــواك وغـرامـك
سكرانـه فـأوصوفـك ولا ظنـي إتّـوب..

كـثـافــة شــعــورك وســكّــر كــلامــك
يبعـد عـن العـالـم مسـافـات ودروب ..

ودلوعـة / جذابـة .. مـنـزّه .. قـوامـك
يكرم عن الشيخات والبيض والعوب ..

الـزيـن مــن خلـفـك وجـنـب وأمـامــك
معقولة فيه إنسان ما عنده عيـوب ؟؟!

مُجـمـل كـلامـك غـيـر حـتـى سـلامــك
لا جيتي .. سلمتي أنا كلي ..يـذوب ..!

* فهد نهار *

:34:

.

فيْصَل الصَقّار

03-27-2011, 08:44 AM

فيصل وفي الحلقة الأخيرة يجي فهد على الفرس ويقول http://www.ab33ad.com/vb/images/icons/icon10.gif

...

غصبٍ عن عيونـي فرضتـي إحترامـك
ولا أعتقـد قلبـي لـقـى فـيـك عــذروب

الــروح ثمـلـت فــي هــواك وغـرامـك
سكرانـه فـأوصوفـك ولا ظنـي إتّـوب..

كـثـافــة شــعــورك وســكّــر كــلامــك
يبعـد عـن العـالـم مسـافـات ودروب ..

ودلوعـة / جذابـة .. مـنـزّه .. قـوامـك
يكرم عن الشيخات والبيض والعوب ..

الـزيـن مــن خلـفـك وجـنـب وأمـامــك
معقولة فيه إنسان ما عنده عيـوب ؟؟!

مُجـمـل كـلامـك غـيـر حـتـى سـلامــك
لا جيتي .. سلمتي أنا كلي ..يـذوب ..!

* فهد نهار *

:34:

.
امممممم مافيك حيلة فالك المليون
ابيات فهد حلوة ماشاءالله
بس فيه بعض الملاحظات :

-1-
كـثـافــة شــعــورك وســكّــر كــلامــك
يبعـد عـن العـالـم مسـافـات ودروب ..

الكثافة مصطلح فيزيائي اكثر من انه ادبي
الا اذا انتي شايفه انه ادبي يصير ليش مايصير

-2-
مُجـمـل كـلامـك غـيـر حـتـى سـلامــك
لا جيتي .. سلمتي أنا كلي ..يـذوب ..!

"أنا كلّي يذوب "
عفوا هيفاء فارس احلامك يحاول ينقل لنا الشعر الباكستاني مثلاً http://www.ab33ad.com/vb/images/icons/icon10.gif

هيفاء الزامل

03-27-2011, 01:36 PM

امممممم مافيك حيلة فالك المليون
ابيات فهد حلوة ماشاءالله
بس فيه بعض الملاحظات :

-1-
كـثـافــة شــعــورك وســكّــر كــلامــك
يبعـد عـن العـالـم مسـافـات ودروب ..

الكثافة مصطلح فيزيائي اكثر من انه ادبي
الا اذا انتي شايفه انه ادبي يصير ليش مايصير

-2-
مُجـمـل كـلامـك غـيـر حـتـى سـلامــك
لا جيتي .. سلمتي أنا كلي ..يـذوب ..!

"أنا كلّي يذوب "
عفوا هيفاء فارس احلامك يحاول ينقل لنا الشعر الباكستاني مثلاً http://www.ab33ad.com/vb/images/icons/icon10.gif

فيصل http://www.ab33ad.com/vb/images/icons/icon10.gif

علشانك مو ناقص غيره
ويكفيك انك وحداني وانت والحزن مايوم افترقتوا و بحاجة إلى انسان يواسيك مو يجدد جروحك وحتى لاأدعك وحيداً على الطرقات يلتقطك المارّة http://www.ab33ad.com/vb/images/icons/icon10.gif

راح ارد نقطة نقطة ..

وراح اصحح عبارة كتبتها [ عفوا هيفاء فارس احلامك ] وراح أحذف الكاف والصح يكون انو فهد فارس أحلام أي فتاة ولكن من هي فارسة أحلامه وهذا هو الأهم

وسأوضح ربما شيء غُيّب عنك يبقى فهد نهار شاعر حرف وشاعر بمشاعر من حوله يكفيه احتراما انه انسان بمعنى ما تحمله هذه الكلمة من سمو معنى
يقول الحق ولو على نفسه لا يجامل ابدا في كلمة الحق ولا يرضى بالخطأ ايا كان صغيرا او كبيرا ربما يكون هناك من يكرهه وهؤلاء تصنيفهم انهم يكرهون الحق
ولكن هو شخصية محبوبة من الجميع بلا استثناء

حقيقة هذا هو الشاعر فهد نهار السامي والعالي بخلقه ويمتلك من الطهر ما يكفي شعوب لو وزع عليها وهذا ما استنتجته من خلال صحبتي له في غالبية المنتديات التي يشارك فيها

بالنسبة للابيات ومملاحظاتك عليها من الأجدر ان يرد عليك فيها فهد نهار ولكن كوني من المتابعات والمعجبات لشعر فهد نهار سأرد أنا http://www.ab33ad.com/vb/images/icons/icon10.gif

كلمة كثافة متداوله شعريا وبكثافة منقطعة النظير واي مصطلح سواء كان كميائي أو فيزيائي لا ضرر من تداوله أدبيا والا ما سمعت بالحداثة http://www.ab33ad.com/vb/images/icons/icon10.gif

أنا كلّي يذوب .. هذا شعر حقيقي من واقع بيئة خليجية بحته .. مو أحنا نقول .. أنا كلي وفا .. كلي ألم .. كلي جروح .. والا وش رايك http://www.ab33ad.com/vb/images/icons/icon10.gif

والله يسعد روحك الطيبة أخوي فيصل ويسعدك ربي دوم

:34:

وعلشان ما احد يقول خربتوا الموضوع راح أكتب حالتي شعرا :)

لا يحسب اني عقب حر البطا بنساه!
الشوق مشتاق .. و الغيره هي الغيره

دام انه بالقلب في وسطه وفي مثناه
بصبر واقول المفارق للـقـا ... (خيره)

مغليه وحبل الرجا في خاطري مقواه
دام المعاليق مآشلّـت حد"ن" غيره

ماني بناسيه وإلّي مُستحيل انساه !!!
اقفايته دون مدري عن مشـاويره

* ؟؟؟ *

:34:

.

أمجاد محمد

03-27-2011, 02:53 PM

الله يسلمك امجاد :)
مجرد فتاة معجبة وصرفتها

ربي يسلمك
أكيد الفتاة معجبتها صورة الطفل مره أليمة
صرفتها حرآم كسر الخواطر ( ترى الدعووووة مزح لحد يشيل بخاطرهـ )
********
الصمت له عندي معزّه ومقدار....
....في زحمة الافواه..يا مزين الصمت!!

لا صار بعض البوح عند البشر عار....
....لو يشتعل جوفي حشى ما تكلّمت

تعبت من قولة: (علامك)و(شو صار)....
....وان طحت ما ألقى سوى كلمة(سلمت)

واعذار اخلقها ولو مالي اعذار....
....مشّيتها مره..ومرات ما رمت!!

كذبة صباح الخير/يا صبح الانوار....
....عذري ليا عدّت ليالي ولا نمت

اسهر طوال الليل وضْيوفي افكار....
....واقول لاْصحابي:نعم توّني قمت!!

ما عاد فيني ألفت عْيون واْنظار....
....يكفي بأني من زماني تعلّمت

ان الصدر بيت/ن..وسكّانه اسرار....
....نيّام..بس يصحون لامن تألّمت

يصحون ويناظرهم الجار والمار....
....وش عاد ينفع سترهم لو تكتّمت؟!!

آقدّم اقدامي على درب الاصرار....
....امشي ولكن للأسف ما تقدّمت

(الغار قدامي..ومن خلفي النار!!)....
....والعمر يمضي بي وانا ما تولّمت

يا لين ذاك الحلم في لحظه انهار....
....وانا مع لحظة سقوطه تحطّمت

اجروحي اكثار..وتناهيدي اكثار....
....لكن على كثر المواجع..تبسّمت!!

ثم أْلتزمت الصمت وعزومي اكبار....
....ولو يشتعل جوفي حشى ما تكلّمت

فيْصَل الصَقّار

03-28-2011, 11:50 AM

http://t2.gstatic.com/images?q=tbn:ANd9GcR1La44hIx7-Nxory7BE2VEZDN5fwY401gixU3kFdxTUzzlkxCd2A&t=1

مِن يَوْم غَابَت وَالْبَلَد حَالتِه حَال=رِجَاي تَرْجَع لِلْحَيَاة الْمَدِيْنَة

خديجة إبراهيم

03-28-2011, 10:53 PM

يمه..الغربة وفرقاك ملتمه
دمعة العين هذي .. مالها داعي
يابعد راسي انتي ليه مهتمه ؟
الوجع لي سواة الناي للراعي
آخر أخباري..الذمه هي الذمه
والوصايا هذيك تقدي شراعي
مابه الا السواد يحاود اليمه
ولا به الا البياض اللي ورا أضلاعي.

(ناصر القحطاني)

سعيد الموسى

03-29-2011, 01:51 AM

صاحب جروحي :
فضيلة / معصمي !
مابعد جرحك
تلوّح لك يِدي !
يامسافر في متاهات
وجفن !
دربك الدمعه ...
وتلويح أصبعي !
وين رايح ؟
يامسافر بي أسى ؟
يامهاجر
حدّ رمشي
سيّدي !
ياقائد السرب : الرذاذ !
مملكة جرحي
تناديلك : عسى ؟
ياعساك بخير
من غيم الشقا !
رافقتك الآه ...
والكذب العريق !
قائد جروحي ...
سعادة : سِيدها !
شفني آلوّح ...
ودمعي مستحي !
ماهو ذنبي !
لا وربي !
ذنب قلبي !
قل : وطبعي !
شوف : صِبْعي !
يمسح المنظر :
هلا ؟ !

أمجاد محمد

03-29-2011, 01:58 AM

حزن دموع احاسيس غامضه

دقات قلب ضايعه

انفاس مخنوقه

الي متى أنا مهاجرة الي متى راحله

متى اجد ميناء حياتى

متى اجد روحى الضايعه من سنين متى ومتى ومتى

سؤال لا املك له اجابه

هيفاء الزامل

03-29-2011, 05:27 PM

تصـدق ؟!
رقـيت في / حبك .. كـثييير
حـتى وصـلت انـي : اطييير
تخـيـل !!..
أطييييير في زرقـة سماك
واذوب فـي ذرة ’ هواك
واستعذبك خوف و هلاآآآك
غصب علي..من كثر ما آحبك و ابييييييك
ابغي اكون بداخلك ... مالي شـبيه ..
ولا شريك إلا | أنا

* ؟؟؟ *

:34:

.

عبدالله صلال العساف

03-29-2011, 06:19 PM

تضحك على ضحك الشفايف ادموعي
وش رايك ابدمع ذرفته ولا طاح
دمع مهو بالعين يسكن اضلوعي
لاهو امريّحني ولا هو ابمرتاح
عبدالله صلال العساف

هيفاء الزامل

03-30-2011, 12:09 PM

مدري بـ تجريحك مميّز عن إلغير
............. ولآ إلغلآ عن .. حد سيفك خذآني

بس إلوكآد إني عشقتك وإنآ بخير
............. وآقفيت .. عنك مآنيب آلآولآني !

حتى إلزفير بـ غيبتك مآهو زفير
............. آزفر من إلضيقه حروف ومعآني

* ؟؟؟ *

:34:

.

عبدالله صلال العساف

03-30-2011, 03:01 PM

ترددت عن بعض الحكي خايفٍ بعضه
اداري وادرا واتداري ولاتدري
خوذي احروفي قبْل لا اتكمّلي العضّه!!
ما ايْطير هالتفاح ياطفلة القصري
عبدالله صلال العساف

صالح الحريري

03-30-2011, 03:42 PM

صاحب جروحي :

فضيلة / معصمي !
مابعد جرحك
تلوّح لك يِدي !
يامسافر في متاهات
وجفن !
دربك الدمعه ...
وتلويح أصبعي !
وين رايح ؟
يامسافر بي أسى ؟
يامهاجر
حدّ رمشي
سيّدي !
ياقائد السرب : الرذاذ !
مملكة جرحي
تناديلك : عسى ؟
ياعساك بخير
من غيم الشقا !
رافقتك الآه ...
والكذب العريق !
قائد جروحي ...
سعادة : سِيدها !
شفني آلوّح ...
ودمعي مستحي !
ماهو ذنبي !
لا وربي !
ذنب قلبي !
قل : وطبعي !
شوف : صِبْعي !
يمسح المنظر :

هلا ؟ !

يا عساك بخير يــ سعيد :)

سلطان الوثر

03-31-2011, 02:10 AM

كلّي ظما / وباقي عمى / وشي آتي:
يمكن يكون آخر عصافير الانفاس ،،!

http://ro7elb7r.jeeran.com/ثَغْرٍ%20الوٍُرٍٍدِ.gif

شكراً صالح

سعيد الموسى

03-31-2011, 02:33 AM

*
*
كيف حالي ؟
[ 1] ضيقه
و
[2 ] جرح ٍ
و
[3] خوف
ماتركتني
لاحقتني من سنين !
*

كنّي اللي صار في همّه
يطوف !
مُتعِب الهمّ الموّقر
لليدين !
*
ركّز بيّدي
دقيقه !
بس شوف !
شوفها
تمتّد ... تمسح ع الجبين !
قول : ليش ؟
وخلني للخيط ... / صوف !
صعب تفهم مقصد : اليّد
لـــــ حزين !

سلطان الوثر

03-31-2011, 02:46 AM

الجرح الاول طاب .. والثاني .. يطيب
والثالث ان ماطاب ماني بـ ميِّت

هيفاء الزامل

03-31-2011, 04:31 PM

مِن عَبرة الشوق حتّى ( غصة الفرقى ) !
.......... ومن قسوة البرد حتى / [ دفوة يدينك ]

تِيتم الحرف حتى / . . نآحت [ الورقى ]
.......... من قبل لااكتب على جنحانها : وينك ؟

* عيسى آل معيبد *

:34:

.

سعيد الموسى

04-01-2011, 02:14 AM

ياليت عينك ترّف الما !
عطشان
وأرض الفرح
جدبا

صالح الشملاني

04-01-2011, 02:38 AM

وش القمـرا ســوى غلـطـة ظــلام ولانــي مغـالـي
وش الظلـما ســوى غلـطـة سـمـا بتقـلـد اهـدابـك

يسـاورنـي يقـيـن ان المـطـر غلـطـة هــوا عـالـي
حـســب نـفه يصـاللح غيمـتـين وبـلـل ثـيـابـك !

فهد عآفت

صالح الشملاني

04-01-2011, 02:44 AM

جمعتك والحطب بيني وبين الذاكره فـــواح
وشبيت الكلام بدفتري واحرقت خلانـــي

شكت عيني من اثار الدخان وجفن عيني صـاح
وشديت الجفون لبعضها لا شك ما امدانــي.

بكيت ويوم شفت اني لحالي ما كتمت نــواح
وسيلت الاحبه كلهم واحد ورا الثانـــي .. !

فهد عافت

أمجاد محمد

04-01-2011, 02:47 AM

هل ستعشقها حقاً ...؟!!
كــ/ عشقكـ ..لي ..!!
هل ستفترق أصابعك لتتشابك أناملها.!!
وتنحني وتُقبـل جبينها ..!!
هل ستــشعر بذلك الدفء الذي لطالما أحسستهـ
في محراب أنوثتي
وعشقي ..؟!!

هل ستشعر هي ...بوقعات نبضي داخلك..؟!!
هل ستقرأ عيناك وتقرأني فيهما ..؟!!
هل ستتيقن باأن أنفاسك ماهي إلا بقايا لروح أنثى حالمه تسكنك ..؟!!
هل ستعلم تلك التي تدعى أنثى باأن هناك روح مخمليهـ تستوطن أشياءك..؟!!
هل ستمر تلك على أطلال همسي في قلبك وتدرك أن هذا الهمس منفرد ويستحيل لها أقتلاعهـ من قلبك.؟!!
أن كنت لاتعلم
أذن
أِعلم تماماً
باأنني داخلك
رغم سكون مشاعرك وهيجانها
أنا جزء منك وإن أبتعدت عني
ستجدني حتماً في تفاصيلك
ستجدني في :

شعرك
عندما كانت تتخلهـ أناملي
وعيناك
عندما قرأتهما بصخب الأنثى
وشفتاك
عندما كانت تلتهم التوت من شفتاي
وأنفاسك
عندما تعزف ألحانها على ناي عنقي
وقلبك
عندما كنت أُقبله بحب وأهمس لهـ :
أٌحبك
ستدرك أن تفاصيلك ناقصهـ دون تفاصيلي

\
/

هاأنا
الآآآآآآن
مابين شغف ..ومتاهة من الغيرة
أغــار على قلبك بأن يسمع نبضات لاتليق بهـ
نعم
لايليق بك سوى
نبضي
و
غروري
و
كبريائي
فاأنا جنة خلود قلبك
ســ/ تتذكرني حتماً
وتدرك أن لاأكتمال لنصفك إلا مع
همس أطلالك

صالح الشملاني

04-01-2011, 06:56 AM

صوت الحزن ياموطني كله احساس
لو ماله الا روح طفله وروحـي!

هيفاء الزامل

04-01-2011, 09:24 PM

يموت من الوله قلبي..
ويحيا قلبه لغيري..
وأنا أدري فيه،،
يغيب..وبغيبته ينسى
ويعشق غيري..ويقسى
وإلى ردّه زمانه لي..
رجع يشكي لي تقصيري!!
ياربي..وش بقى وأعطيه!!
وأنا اللي قد رهنت العمر
لرضاته...ولا يرضيه!

* ؟؟؟ *

:34:

.

سعيد الموسى

04-02-2011, 01:08 AM

*
*
أقذفي صوتك ورائي !
أشهقي خلف الخيال !
أمسكي جفن المطر !
أنهكي هائي ... ويائي !
أصرخي بي ...
وإرقصي !
جادليني ... وإكذبي !
أسرقيني
وأهربي
قنديلة الغيم
... يامائي !
لاتكسري كل
مجدافي !
ساعديني !
بالغرق !
أرسميني في خيالك !
واتركيني للجُمل !
طبطبي فوق الدفاتر !
وأكتبي حرفي
... ضِلالي !
أرسمي سهمين
بيضاء !
واكتبي للريح
صوت !
*
*
أصرخي بين
الورق !
كوّني ... حِزب
وفِرَق ْ !
ناضلي فيني
... لأجلي
وأهزمي
... ثم أُهزمي !
قاطعي كل الحروف !
واحضني
عطر الــطيوف !
*
أفهمي
وشهو الجنون ؟!
ياتكوني
... أو
أخون !

أمجاد محمد

04-02-2011, 01:14 AM

قـرب خُطاك فانني مشتاق
عندي الحنين و عندك الإشفاق !

اتراك لم تعلم بحالي بعدما
عصفت براحة قلبي الاشواق

انظر الى الافق البعيد فربما
وافاك منه النابض الخفاق

مهما تطاول عنك ليل صبابتي
فأنا الى فجر المنى تواق

مادام لي حلم اللقاء فانني
احيا به مهما يطول فراق !

أمجاد محمد

04-03-2011, 03:33 PM

الله يرد خطاك
لدروب خلانك
لعيوني ما تنساك
لو طال هجرانك
,,
دام الأمل موجود
و النفس خضاعه
حتى العيون السود
في السمع و الطاعة
,,
الله يردك لي
يا مطول غيابه
يا معذبي الهجري
مدري وش أسبابه
,,
ياللي بعدك اليوم
نبكي على باكر
صبري عليك يدوم
ما دمت أنا فاكر
,,
دام الأمل موجود
و النفس خضاعه
حتى العيون السود
في السمع و الطاعة

أمجاد محمد

04-07-2011, 04:03 PM

أحببتها وظننت ان لقلبها

نبضا كقلبي لاتقيده الضلوع

احببتها
واذا بها
قلب بلانبض
سراب خادع
ظمأ وجوع
فتركتها
لكن قلبي لم يزل طفلا
يعاوده الحنين الى الرجوع
واذا مررت
وكم مررت
ببيتها
تبكي الخطا مني
وترتعد الدموع

حنان العصيمي

04-07-2011, 09:07 PM

جاني يقول : اسمعي لابد نتباعد
ياخوك ماعاد به حل يريدونه

حسيت باحساس ماحسه معي واحد
حسيت باحساس مدري كيف مضمونه

غربة سليمان وتلقائية مساعد
وصرخة سلامه ونايف صقر بجنونه

ياهمي اللي معايه قايم وقاعد
من وين مادرت وجهي قيل مديونه

لولاك ياحشمتي للوجه والساعد
يمديني من قو غيضي صرت ملعونه

أقدر أغني وأدق طبول وأواعد
لكني أرغب أقضي العمر مصيونه

أبسطها آخذ جوازي وأجحد الجاحد
وآخذ شليلي بفمي وأقول : لعيونه

عابرة سبيل

سعيد الموسى

04-08-2011, 03:29 AM

شفايف الورد تتبسم !
ــــ وإيدين خدّي على الشبّاك !
مثلعثم الصبح يترنّم !
ــــ هاتي من الكحل لو يمناك
*
*
مابين كثر الحيَا !
زهره !
ومابين قلّ الخطا !
سرّه !
ماكنت أضن الشعر
أعمى !
بس كنت أضنّك كثير
أسما !
ماكنت أضن الجمال : أنثى !
مامرّ بالي
... وكنت أرسم !
نامت مع الريشه
ألواني !
وتساقط الغيم : صحّاني !
ماشفت يمكن
كثير أشيا !
بس شفت خدّك
قمر يضوي !
طاحت من الرسمه
... أمطاري !
أنثى
تداعب طفل ريفي !

نوف سعود

04-09-2011, 10:03 AM

الأسى مني تمكن والحزن فيني دفين
والليالي جرعتني همها وأحزانها
دارت الدنيا علي وعشت بالدنيا حزين
وأشعلت في وسط روحي جمرها ونيرانها
أخفي احزاني عساها في جبيني ما تبين
وأكتم العبره وأشد أخطامها وأعنانها

غاده

04-12-2011, 01:43 PM

غلطتي كنت انتظر منك اهتمام

وغلطتك بعدي > ثمنها وادفعه !

لا تقول البعد والفرقى حرام

الحرام اعطيك ( عمر ) تضيعه !

(؟؟؟)

خديجة إبراهيم

04-12-2011, 09:09 PM

تعبت أسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الألم .. لاشك جرحي غلبني
أنا سجين الحال .. مهما تسليت
وانا الطليق وكل شيٍٍ قضبني
حريتي لاعل .. يا كود ياليت
اما شفت حيٍٍ جاد لي ماسلبني
وليت يا ليل التباريح وليت
اما محاني الحزن والاكتبني
كل السما في دفتري وان تجليت
مثل الشموس .. غبار قبري حجبني..!!
البدر

هـيـفـااللاّفـي

04-15-2011, 03:39 PM

خالج شعوري وأنني بلحظة إغراق !
ـــ ذاك الخفوق اللي غدى من نصيبي ..

حنان العصيمي

04-16-2011, 08:02 AM

يا صاحبي لا تتعب الحال والبال
الوقت هذا لا تدوّر صداقة

ياما خويت من الرفاقة والأشكال
وما فيهم اللي يستحق الرفاقة
( لقائلها )

فيْصَل الصَقّار

04-16-2011, 08:31 AM

عشرين عام انقضت وانت اللي ناسينا .. شيبنا شوف الشعر لونه شعمل بينا
ذكرتنا بالزغّر وايام منسيه !

سِعْدون جابِر

حوراء آلـمبارك

04-16-2011, 11:57 PM

.

ياصبري وإنت من أولك تجرحين ..!
بالله ، وش بقيتي لتالي العمر يـا " عشرين " ..؟!

ياسر العتيق

04-17-2011, 10:17 AM

لا شفتني ارتعش لا تحرق اعصابك
البرد فيني يفتش له على جمره

للمبدع/عامر الحوسني

حنان العصيمي

04-17-2011, 04:25 PM

حان الفراق .. وتم توديـع غاليـن
قسوة زمن وظروف ماهي رحومـه

وحاولت ابدّل موقف العسر بالليـن
وأبيـن قدامـه جسـور ظلـومـه

وأعاتبه وأنقد علـى دمعـة العيـن
وانا - حشـا لله - مانـي ألومـه

وأقـول هـذا حـال كـل المحبيـن
وهذا الفراق الـي تجينـا علومـه

ومسكت نفسي كن ماصايـر شيـن
أخشى على خلـي يشقق هدومـه

ثم قلت وش تنطر حبيبي لهالحين؟ !!
أثـر ايدينـي ماسكـات كمـومـه

( عــــــابرة سبـــــيل )

فيْصَل الصَقّار

04-17-2011, 10:59 PM

نَهْر الجُنُون اللي تشَِكّل بِك أظْمَاك
لامِنْ جَريْت بِوَادِي الصِدْق شِرْبُوك

فيْصَل الصَقّار

04-17-2011, 11:08 PM

ويِسْتَغْفِلِك هَذَا المُغَفّل ;) وبِرضَاك
تَنْسَى عبِيْر الوَرْد وتغَازِل الشَوك !

فيْصَل الصَقّار

04-17-2011, 11:14 PM

تَحْكِي لُهُم شَيءٍ تِشُوفِه بالإدْراك ........
عَنْ ضِحْكِةٍ صَفْرا :17: علَى شفَاة مَدْرُوك

فيْصَل الصَقّار

04-17-2011, 11:18 PM

عَنْ نَاسْ مَاهُم عَنْ بلادِك وعَنْ مَاك ....
...... عَنْ حُبِّك لِنَاسٍ وعَنْ نَاس حَبوّك

فيْصَل الصَقّار

04-17-2011, 11:30 PM

يَاوِسْع صَدْرِك يَانَزَاهَة نِوايَاك .....
بِك فِطْرَة الطَيِّب وبِك حدْس صِعْلُوك

فيْصَل الصَقّار

04-17-2011, 11:50 PM

http://www.casafree.com/modules/xcgal/albums/userpics/15204/girl%20agnaint%20the%20sea.jpg

\
/
\

يَامَا علَى بَحْرِك يَا جِدّة جَلَسْنَا .............،
نَنْسِجْ مِنْ خيُوْط الشَفَقْ : طِفْل ...... ومهَاد

نُوَدّع الشَمْس ..... وتغِيْب ....... وغَطَسْنَا
صَار الجفِنْ : رِحْلَة ..... ومَرْكِب .... وصَيّاد

فيْصَل الصَقّار

04-17-2011, 11:56 PM

مِنْ لَبّسَ ........
الوَرْدّة .........
شِفَاتِك ..........
يَاحَسْنَا ..؟

http://2.bp.blogspot.com/_71Ig50KDgCE/RctQ1UpLT1I/AAAAAAAAAFQ/PI14FL4K_LI/s400/%D9%88%D8%B1%D8%AF%D8%A9%2B%D8%AC%D9%85%D9%8A%D9%8 4%D8%A9.jpg

وهُوَ الذُبُوْل......
بِضِحْكتِك ......
مَالِه أبْعَاد ....
...............!

فيْصَل الصَقّار

04-18-2011, 09:01 PM

الله يَاحُبْ بضُلُوْعِه حَبَسْنَا .................
ونطِيْر بالخَافِقْ مِنْ بْلاَد لِبْلاَد ................

سعيد الموسى

04-18-2011, 09:54 PM

ماني الشخص المناسب !
للفراغ ...
وقوس ..... [ نقطه ] . !
أمليئ قوسك
.... بكاسك !
والف كذاّب
... بيجاوب !

حنان العصيمي

04-19-2011, 04:52 PM

ليتنـي البارحـه ياغالـي ماسريـت
يم درج ٍ مقفـل مـن قديـم السنيـن

أشهد اني فتحتـه وانتحبـت وبكيـت
شفت ماهيض الجرح القديـم الدفيـن

شفت وسطه رساله وليتنـي ماقريـت
بيت شعر قديم وظرف مـع صورتيـن

اشهد انـي لغيـره بالغـلا ماعطيـت
واشهد انه بغاني مير ما مـن عويـن

صحت من قلب ياويلي على اللي هويت
وقمت امسح دموعي من يسار ويمين

لاطرالي حبيبي بصوت واطـي حكيـت
!! إنا لله .... وإنـا للولـي راجعيـن

صالح العرجان

04-20-2011, 02:16 PM

[ تدري ]
وش أجمل شي في أصعب أشياي
[ جمر الدموع بداخلي لا بكيته ]... .. ؟!

ميسون الرملاوي

04-21-2011, 12:10 AM

تراهني على نبضي ونبضك
أيهم أسرع ؟
من اللي يحب الثاني كثير ولهفته أكثر ؟
تراهني على حبك طويل
ولاتظن يقصر ؟
دخيلك لاتراهني ترى والله
...................................... بتخسر :15:

صالح العرجان

04-21-2011, 10:26 PM

مَوجُودْ فِيَنِي" مَآ تَعدّيِتْ قَلبّي ’
........... يَاللّي كِثيَر أَكرَهـ / مَعآنِي غِيَآبكْ .. ؟!

سعيد الموسى

04-21-2011, 10:38 PM

تمسِك من الورد
إيديها !
عصريّة العشب
رجليها!
في عينها [ قُبله ]
ودِجله !
في خدّها [ رشفه ]
وعزفه !
في صمتها : صبح متفائل !
في جفنها : خيل مُتعارك !
في شعرها : ليل مستوطن !
منفي , مناضل
لأمجاده !
في ثغرها : شيخ متزمزم !
يحكي وقار الأمم
رجفه !
*
*
متهندمه : تلبس الأزرق !
ماء , وسماء ٍ
وكم غيمه !
ينبت من الورد : حاضرها !
ورده !
وتحمل : صخب : ورده !

صالح العرجان

04-21-2011, 10:52 PM

خلف الملامح ، تسكن ( جروح و جروح )!
لا تغرك .. ( البسمه ) تراها / قديمه

اخاف احايلها .. على [ الضحك ] و تروح !
راضي بها لو هي .. ( قديمه / يتيمه ) .. ؟!

سعيد الموسى

04-21-2011, 11:02 PM

خلف الملامح ، تسكن ( جروح و جروح )!
لا تغرك .. ( البسمه ) تراها / قديمه

اخاف احايلها .. على [ الضحك ] و تروح !
راضي بها لو هي .. ( قديمه / يتيمه ) .. ؟!

تقول أمّي :
لك أحلامك !
مثل ما للزهور / تعيش !

صالح العرجان

04-21-2011, 11:42 PM

تقول أمّي :
لك أحلامك !
مثل ما للزهور / تعيش !

ما هي مثل

قلب أسيف
على سطر المحاني شرع الوقت بيبانه .. ؟!

علي المحمد

04-22-2011, 02:44 AM

http://www.youtube.com/watch?v=h0elQI0DN1c&feature=related

أمجاد محمد

04-22-2011, 02:51 AM

وفاتنة أنت مثل الرياض
ترقّ ملامحها في المطر
وقاسية أنت مثل الرياض
تعذب عشاقَها بالضجر
ونائية أنت مثل الرياض
يطول إليها .. إليك .. السفر

أمجاد محمد

04-22-2011, 03:07 AM

أتعلم ياسيد الهمس
أنكـ متمكن من قلبي الصغير رغم بعدكـ ،،ورحيلكـ
حتى نبضآآتي أكــآد أسمع خطواتكـ بهـــآ
قريب لحد الوجع
وبعيد حد الشوووق

غاده

04-23-2011, 08:42 PM

الضيق ماهو فَي الأوآدم , طبيعَه
و الادميْ لآ ضآق , تغنيه : لآ باس !

و اللي يضيّق خاطرك فيْ صنيعَه
حاول تمثّل " كن مآ عندك إحسآس " !

و إلليْ يبيعك , ماهو لآزم تبيَعه
حاول تكون إنت الذهب , دامه > نحاس

(؟؟؟)

حنان العصيمي

04-23-2011, 11:00 PM

امسح دموعك مدام أن اللقا بدري
واضحك حبيبي ترى واجد يحبونـك

ودي أشوفك هذاك اللى على خبري
تضحك وطير الفرح يغـرد بكونـك

الحزن قبلك ترى في دمي وحبـري
وفالناس غير الحبايـب لايهمونـك

خلك مابين الشعور الطاغي وشعري
وانسى جروحك ودمع العين وطعونك

أبيك تسكن بروحي وقلبي وفكـري
اباخذك عن جروح الناس وصونـك

الليل توه وأخاف من الوله يسـري
وانا من اول ابي فرقاه مـن دونـك

أمجاد محمد

04-23-2011, 11:50 PM

هذا الرجل الذي أعرف أنه لن يأتي
فأنا قد انفصلت عنه منذ زمن بعيد
والواقع أنني لم ألتق بهذا الرجل يوما ً كي أنفصل من ثمّ عنه
لكنني رغم فراقنا الأزلي .. أعرفه جيدا ً جيدا ً
أعرف كيف يفكر وكيف يتصرف وبماذا يؤمن
وأعرف كيف ترقّ نظرته الصارمة وهو يتأملني
وكيف تغدو ابتسامته الهازئة وهو يحضنني تمتمة حزن وحنين
ومع أنني لم أره يوما ً
إلا أنني رفضت كل رجال العالم
لأنهم ليسوا هو

سعيد الموسى

04-24-2011, 03:36 AM

*
ــــــــ

*

البارحه كنتي معي
مثل الدموع
بــــ إصبعي !
*
*
كنت أنفضك ... سبّابتي !
إبهامي الطيّب !
حكى !
*
ـــــــــ
*
قلت أسترك !
أستر يدي !
أو أرفعك ياغيمتي !
طحتي من أمطار
الهدب !
وآخر ســــِما
من شيمتي !
خنتك !
وقلت أستعذرك !
يامكرمك !
يامبخلك !
البارحه ماانتي معي !
رمشي سِما !
لاتِدمعي !

نوف سعود

04-25-2011, 04:33 PM

.
.
.
ألا يا جرح لا تكبر كفاية لا يشـــــــــــــــــــــوفونك
تصبّر وأحبس الدمعه وأداري القلب وأحزانه
.
.
.

سعيد الموسى

04-25-2011, 05:57 PM

*
ــــــــ
*
من يعلمنّي الشِعر ! ؟
بسّ
أبــــكتب لي : شطر !
كيف أنا أكتب :
قُمر ! ؟
فهّموني يا بشَر !

سعيد الموسى

04-26-2011, 01:22 AM

تداعب زفرة الهيل إشتياقي
ــ ولاأذكر هزّ فنجالي حروفي !
.
.
أحيان أحسّ الفرح
رشـفه !
وأحيان أحس ّ الحزن
دلّه !
مابين كوب الأمل
صدفه !
ومابين شوقي
وش آقلِه ؟
.
.
أحيان تشرب معك
دمعه !
ــ وأحيان
من يشرب الثاني ؟
.
.
أحيان ودك
... تبوس الغيم
ــ وأحيان تصفع يِدك
أرضك !

أمجاد محمد

04-27-2011, 12:49 AM

وأدورني على الضفه وألاقي الموج ماخذني
مثل مانتي خذيتيني .. وانا ماقلت لك حاجه

صباحك يالتعب روعه .. وأنا بيديك دثرني
حزينك إبتدت لحظه ذبوله / وضاع إفراجه

وآنآدي لكْ / يرد الصوت بالحسرات يهلكني
تخيل هالمدى يعشق تعب صوتي وإزاعاجه

على فكره بغيت أسأل .. سؤآل حيل آشغلني
مريض الحب وش طبه وشهي وصفة إعلاجة ؟

أمجاد محمد

04-27-2011, 12:59 AM

إذا لَعِبَ الهِلالُ فخبِروني
.......... فإنّ الفَنّ منبعهُ .. الهِلالُ

ابراهيم خفاجي:34::)

متى .. ترجع توافيني ..
وتعانقك عيني ..
ويرتاح السفر ..!!
وتعود ليالينا ..
وتفرح أماسينا ..
ويحنّ القَدر ..!!
ونعَلّم النّسمه ..
كيف اللقا .. قسمه ..
في وقت السحر ..!!
وتقولّي : يا حُبي ..
خلّك .. كذا جنبي ..
وخلاص .. خلاص ..
الصبر إنتصر ..!!
وآآآه آآآه .. من غدر السنين ..
الله يجيبك بالسلامه ..
وتسلم لي ..

حنان العصيمي

04-27-2011, 01:02 AM

لاقال ردي لي ولا.. قال روحي
لا هو مريحني ولاهوب مرتاح

يــغـــيـــب ويــــعــــود يــفـــتـــق جــــروحــــي
اذا اســتــجــد الـــجـــرح لــــــوح لــــــى وراح

واضــحـــك واجــامـــل وادعـــــي بـالـفـروحــي
وبــداخــلــي نـــــــار.. وتــجــاريـــح وصـــيــــاح

واحــــــاول اخـــفـــي جـــروحـــي بـــروحــــي
واخيط جرح وتنفتق عدة اجراح
( عابرة سبيل )

أمجاد محمد

04-27-2011, 01:13 AM

مثل الدفا برحل ! واخلي لك البرد !
............... عيشه مثل ما كان ودك .. تعيشه !

ما عاد به عصفور شايل لك الورد !
............... خلااااك للذكرى ورفرف بـ ريشه !

سعيد الموسى

04-27-2011, 03:17 AM

مابقى عندي كلام ٍ
واحفظه !
أحفظي لي ماء حرفي
والجمُل !
ساعديني فالسكوت !
علميني
هالقنوت !
آه ياكثر الحكي !
جادليني !
وإرسمي !
أغضبي ... لا تغضبي !
علميني
من هو أكتب ؟
ليش أبكتب !
كيف أبكتب !
صدقيني !
ليش أبكذب ؟
وإنتي أعذب
وإنتي أغرب !
أجمل الحرف .... إنتهى !
وأنتحى
كل الورق !

نوف سعود

04-27-2011, 12:07 PM

.
.
.
أعـــذروني فآض همي ..!
وأشتكى قلبي ونــــــآح ..؟
.
.
.

أمجاد محمد

04-28-2011, 12:08 AM

جرح تبين بالحشا موجع ضام
وصدر تلوعه الهموم الجسامي
وغديت مابين الحقايق والاوهام
مثل الدريك بصحصح اللال ضامي
هنيت مرتاح بليل الدجى نام
يرقد ويصبح بين امان وسلامي
ماهوب مثلى ينهشه غاسق الهام
زعاف سمه صاطي بالعظامي
اعوم مابين الليالي والايام
مثل الغريق بمظلمات الجمامي
.,’

خديجة إبراهيم

04-29-2011, 01:20 AM

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه ف بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..
(البدر)

سعيد الموسى

04-29-2011, 01:25 AM

سولفي !
لجل الحمام !
يلبس جناح الغمام !
إنطقي
قِلّ الحكي !
وأكثره
بك ينتخي !
لاتزيدينه صخب !
حرفك
النابت : عِنب !
*
*
في يدينك : عاصفه !
عاكفه
مستأمنه !

أمجاد محمد

04-29-2011, 02:10 AM

نام الطريق ..
يا عيوني أنا !
نام الطريق
و سهرت أنا !
يا خطوه عذبها البعاد
يا دمعه ذوبها السهاد
تعب الطريق
ما تعبت أنا
ما تعبت أنا
ما تعبت أنا

حنان العصيمي

04-30-2011, 01:56 AM

اعترف لك بانتصاراتك علي
واعترف اني خسرت المعركة

في ضياعك ضاع مني كل شي
ياسرابٍ عاجز لا امسكه

تهت أنا ما بين ميت وبين حي
مع فؤاد ذنبه إنك تملكه

بالمثل اخر علاج الناس كي
وأنت حددت الطريق ومسلكه

احرقي يانار ما خطت يدي
انتهت قصة عذاب مضحكة

انتهت قصة فراشٍ شاف ضي
اقترب من شان نوره واهلكه

( فهد عافت )

ريما الخالد

04-30-2011, 09:50 AM

أكثر من أول أحبك بس ما أبغي أقول

أخاف لو قلت تتغلى على مرة

أنابصراحه أحبك حب مو معقول
...
أكبر دليل لغلاتك غيرتي مرة

شف دمعتي لهفتي حتى العيون تقول

أمجاد محمد

05-01-2011, 01:01 AM

حينما تغيبين أشتاق لي !
وحينما تحضرين أشتاق لك !

في غيابك ..
أشتاق للقلب الذي أخذته معك وما عاد هنا
وفي حضورك ..
أشتاق للقلب الذي أنتظره وما عاد هو

أمجاد محمد

05-01-2011, 01:46 AM

خدعوها بقولهم حسناءُ
............... والغواني يَغرّهُنّ الثناءُ

أتراها تناست اسمي لمّا
............... كثُرت في غرامها الأسماءُ

إنْ رأتني تميلُ عنّي كأن لم
............... تك بيني وبينها ... أشياءُ

نظرة , فابتسامة , فسلام
............... فكلامٌ .. فموعِدٌ ... فلقاء

يوم كنّا ولا تسل كيف كُنّا
............... نتهادى مِن الهوى ما نشاءُ

وعلينا مِنَ العفاف ِ رقيبٌ
............... تَعِبَت .. في مِراسهِ الأهواءُ

جاذبتني ثوبي العصيِّ وقالت
............... أنتم النّاس .... أيُها الشعراءُ

فاتقوا الله في قلوب ِ العذارى
............... فالعذارى .. قُلوبُهُنّ .. هواءُ

سعيد الموسى

05-01-2011, 02:38 AM

الفارغ ... الممتلئ !
بالناس !
نقطة شعورك .
.. ولا هالناس !
*
في مرسمك / آه
ماتُنطق !
تُنسج من الفكره
وتُخلق !

بندر الصقر

05-01-2011, 07:40 PM

هاتي كفوفك واغرفي من حناني
....شيٍ يبلّ عروق قلبك وينساب
هاتي همومك كلها في ثواني
....مصغي ولا عندي مشاريه وعتاب
مثلك حرام يعيش عمره يعاني
....ومثلك كبير ولو فقد حب واقراب
وكفّك على كفي يموّل اغاني
....ياليل دان الحظ في دنيتي خاب
ياصل حناني قبل ينطق لساني
....وتامن على نفسك من سموم الأغراب
وتتعب وتلقى جنتك في مكاني
....وتظمى وتلقى جوفي الفين مشراب

أمجاد محمد

05-02-2011, 12:19 AM

معقوله هو هذا الحنين ؟

به دمع ..
و أحزان..
و أنين ..

.
.
اليوم .. ما مرّ الصُبحْ ..
عدا كذا .. من غير شيء ..
من غير .. في..
من غير حتى .. لا يحنْ ..
اليوم ما مات النهار !!
.
.

اليوم
مات إنسان حي !

.. والـــ غيم !

الغيم.. والله إنذبحْ ..

.

.

و أطفال في صدري صغار ..

والحاره .. الي داخلي ..
فيها

طفل..
قرر .. عشانك

ينتحر !

ويموت .. لي ..!

.
.

تدري وش يعني الأنين ..؟!

دمعه على خدْ الــ سنين ..
تذرفها روحي .. من وجع !
و تعيش في عرق الوتين ! ..

أمجاد محمد

05-02-2011, 12:45 AM

مهرة الليل جيتي .. مرحبـا .. مرحبـا
إقلطي .. ما به إلا .. دلتي .. وأحطبـي

يا هلا يا هلا بك .. يا حبـا .. يـا حبـا
إقربي لعنبوا حي الظروف ... أقربـي

المحاجر روابـي ... والكفـوف إسهبـا
والمخايل على صدر البـروق .. إتحبـي

نيتي فيـك نيـة ... يـا جميـل النبـا
نية ٍ جاهليـة .. قبـل وقـت النبـي

فوق عرش الحنايا ... إجلسي يـا سبـا
وفوق عرش المنايا .. إرقصي وإلعبـي

تو ما زان ليلي ... مـع سليـل الضبـا
تو ما راق جـوي ... وإحتلـي مطلبـي

قالت : إمر تدلل .. وش تبا .. وش تبا
كل ما بي حلالك ... وغيرها وش تبـي

لك حرامي حلال ... ولك عيونـي رُبـا
فيني إتعب وطـوّل .. يـا سعود بتعبـي

قلت : ابعزف على رمشك .. مقام الصبا
والله إني لا إرقصها ... على مـا أبـي

قالت : الليل توه .. تونـا ألـف .. بـاء
قلت : ما أقدر مدام إني كتبت .. إكتبـي

قالت : ابشـر تدلـل .. عاذلـي ويهبـا
قم .. وطب ... وتخير .. من كنوز ذهبي

مهرتك ... وإمتطيني .. وإملـك الملعبـا
ورميتك ... لا تصيب .. إلا بنحر الضبي

,,http://www.vb.eqla3.com/images/smilies/004.gifhttp://www.vb.eqla3.com/images/smilies/rose.gif </B>

منتهى القريش

05-02-2011, 10:55 AM

حنان العصيمي

05-02-2011, 03:14 PM

على صدري

حطت عصافير الحزن
واستوطنت روحي

كلما أطيرها فرح
متكسره ترجع إلي ..
تنبش حنين الـ داخلي
وتهيض اجروحي

أسهر ..
أداويها ابـ دمع
خوف يتحنى ابـ وجع
أطفال لعبوا بمهجتي
من حسرتي
أخاف الخلايق تنتبه

من تسمعه نوحي ..

منورة يا أم صبا :34:

يا كثر ما رافقت خلان وأحباب
ويا كثر ما في شدتي هملوني

على كثر ما أعدهم ستر وحجاب
على كثر ما احتجتهم واتركوني

من صارت الخوة ثمن حفنة تراب
نفس الوجيه اللي نصوني... نسوني

من غير ذكر فروق، وعروق، وأنساب
كانوا ثلاثة ...والثلاثة جفوني

علمتهم وشلون الأهداف تنصاب
ولما سواعدهم قوت... صوبوني

حامد زيد

حاتم منصور

05-02-2011, 06:53 PM

حنان اغصان و طيور السلام
لا ابتسم وجهي
تجي يا عمري
اوصف لك
مدى الراحه على صدري
ندى يقطر
على غيابك
و يمسح ذكره و اسمه

me

أمجاد محمد

05-03-2011, 12:39 AM

علمتني ..
أعقد صداقة بالنظر
مع ساعتي .. قبل اللقا ..
وكيف الثواني ما تمـر ..
والشمس .. ما تنوي المغيب ..
علمتني ..
إن الحبيب .. دايم حبيب .. مهما هجر ..
سيل الظلام ..
يملى الشوارع ليل ..
ولا جيت أنام ..
أرخي الستاير .. عن شعاع ..
عن صوت .. وأقفل بابنا ..
يدخل قمر أحبابنا .. مدري أنا من وين
ساكن قمر أحبابنا .. بين الهدب والعين ..
أرجع أناظر ساعتي .. واللي مضالي من السهر ..
علمتني ..
إن الحبيب .. دايم حبيب ..
مهما هجر ..

منتهى القريش

05-03-2011, 09:27 AM

منورة يا أم صبا :34:

النور .. نورك يا حنان ..
الله لا يحرمني من القلوب الطيبه ..

.........

اسأليني
لما يذبل بي حنيني..
ويش يصير؟

ينفتح شباك حزني
أشوف قلبي
بين قضبانه يغني
عصفور ما يقدر يطير ..

محمد فرج

05-03-2011, 09:42 AM

شربتُ صباح الخير منها ندية
كأعذب ما تهدىالتحايا وما تلقى

يروق شذاها لي وقد جاء حالما
وقد يممتْ شمس احتمالاتها شرقا

مع القهوة السمراء ذقت انبعاثها
وأبحرت في بحر التفاتتها الأنقى

تهادت وأهدت نبض بوحي سناءها
فليت سناء أودعت أحرفي يبقى.....

نادرة عبدالحي

05-03-2011, 10:15 PM

يا رجلا اصبح نور قلبي

كاان الصيف الاخير في ديااري مختلف
ومشى الخريف في خطاه يزهو بتاج الملوك
وشتاء أحببتُ مكوثهِ بين يداي لعل كفي تصبحُ ذات فجر كأسك المحببِ
ولما لا أكتبُ بلغةِ أي فصل كان عربي عجمي
بأني في شوقي إليكَ يصيبني الهذيااان

حاتم منصور

05-04-2011, 09:37 AM

دخيلك لا توردني على درب الردى مليت
........... اشوف اول معاناتي و كلْ مآ شفتها أتعب

خديجة إبراهيم

05-05-2011, 12:35 AM

بقالي عزتي ياللي على اللي ماسواها تمون
وأظنك ماسمعت بعاشق قلبه عصاه وداسه
أنا الحطاب في قاع جرد مابه أي غصون
حداه البرد والليل الطويل وشب في فاسه.
(بدر بن عبدالمحسن)

صالح الشملاني

05-05-2011, 03:11 AM

بقالي عزتي ياللي على اللي ماسواها تمون

وأظنك ماسمعت بعاشق قلبه عصاه وداسه
أنا الحطاب في قاع جرد مابه أي غصون
حداه البرد والليل الطويل وشب في فاسه.

(بدر بن عبدالمحسن)

الله الله ياشذى ذائقه من غيم شكراً

صالح الشملاني

05-05-2011, 03:15 AM

الصبـح عنقـود شـوق وغصنـه الشبـاك
وانا انكسـر غصنـي وذبلْـت صباحاتـي

ليـل وتمـدد سـواده مـن هنـا ل/هْنـاك
ما بين صمـت المكـان وبـوح صيحاتـي

الليـل درب ونبـت فيـه السهـاد اشـواك
وش فايـدة كثـر جياتـي وروحـاتـي ؟!

محمد السعيد

حاتم منصور

05-05-2011, 04:13 AM

بقالي عزتي ياللي على اللي ماسواها تمون
وأظنك ماسمعت بعاشق قلبه عصاه وداسه
أنا الحطاب في قاع جرد مابه أي غصون
حداه البرد والليل الطويل وشب في فاسه.
(بدر بن عبدالمحسن)

الله الله
لذائقتك :34:

حاتم منصور

05-05-2011, 04:14 AM

منتهى القريش

05-05-2011, 09:08 AM

ليش الحلم .. نساني
وبكاني ..
وصحاني .. وبعثرني

يا ليت أقدر
من الذكرى..
أمسح ليلة البارح
ويا ليت أقدر ..
على ذنبي أسامحني

مشعل فايح

05-05-2011, 09:49 AM

اقلّب الأيام بين الأصابع
على ضفاف الحزن / والفرحة شراع
مدري مسافر.. او من البعد راجع
او عابرٍ عاثت به امواجه وضاع
أيام.. مرتني وراحت مواجع
وأيامٍ اتجاملني وترفع ذراع
فكتابي / اصحابي رجالٍ بواتع
لكنهم / مدري ثقيلين الأسماع
وأقول.. يا رب البحر والزوابع
وراهم أطفالٍ وحيدين وجياع
ما الومهم واعدّ عمري واتابع
أهلي وهم أهلي رضوا بارد القاع
ولي من خصيب المورقات الروابع
روضٍ رطيب وطيب مسكٍ ونعناع
الغربة اللي وشمها صار طابع
على جبيني مالها عنه نزاع
تحبني واحبها حب واقع
حب الرفيق اللي تطيعه وتنصاع
هالناس.. اذا ما حصلت بك منافع
اعزهم عندك تشرّى بك وباع
ويا بنت.. جيتي جيتي انسان رابع
للغربة وطيفي وشعرٍ به صراع
يا تعتقين اصابعٍ من أصابع
يا تركبين البحر.. مع أول شراع