[ عراقيّات ] [الأرشيف] - منتديات أبعاد أدبية

ميــرال

11-23-2008, 04:36 PM

امبين عليك الهوى ..
ومعروف احساسك ..
وشبيك شو مرتبك ؟
من جدمك لراسك ..
فضفض اشما بالگلب ..
واحچيلي ما عندك ..
ولتخلي ماي الخجل ..
يطفح على خدك ..
بعيونك انت الحچي ..
وبعيونك انت اسرار ..
واشبيك من تلزم ؟؟
شو تچوي مثل النار ..
واضح عليك العشگ ..
لا تخفي انت الصار ..
احچيلي آنه اسمعك ..
لتخاف من كلشي ..
هو العمر منگضي ..
وبسرعة من يمشي ..
بس راح اريحك انه ..
وانطيك البگلبك ..
آني احب اجيتك ..
واعرف مدى حبك

محمد رحيمه

ميــرال

11-23-2008, 06:33 PM

أجمل محطة

اذا ماحبچ انتي ..
اشلون احب الناس ..؟؟
يا أول غرام بصغري .. وبكبري
وإذا ماشوفچ انتي ..
اشلون اشوف الناس ...؟؟
وآنه ابغير شوفچ بي قصر نظري !!
حبيتچ سهر ..
وايامي غابة ليل ..
وبس وياچ اسهر
يابعد عمري
اذا مو ألچ اكتب ..
ما احس بالشوگ ..
وآنه العله مودچ .. اكتب ابشعري
جربتچ اهواي ..
وشفتچ اوفى الناس ..
يا أول حبيبة اتحملت قهري
أسأليني ...
ابحياتي اشگد تمر نسوان ؟؟
ليش انتي الوحيدة ..
الباقية ابفكري ..؟؟
وأسأليني ..
ابحياتي اشبيها من اهموم
ليش آنه منشوفچ ..
يطفه كل جمري ..؟؟
يا أجمل محطة ..
البيها گلبي ارتاح
يانهر الحنان .. وبالگلب يجري ...
تغفه أعيون ياما ..
وياما ، نامت ناس
وآنه ويه الاشواگ .. وملتهي ابسهري
اقرب من اشوفچ ..
واحترك مرات ..
احس من بعيدة ..
ويختنگ صدري
ويمر طيفچ هوى ..
واحتار اشمه امنين
وشكو احلى يعمري
من الهوى العذري ؟؟
وتسأليني احبچ ....؟؟؟
اي نعم والله
بس ليش آنه احبچ ... ؟
صدگي ما ادري ..!!

محمد رحيمه

ميــرال

11-23-2008, 06:40 PM

http://www.ozq8.com/ram/sa3don-j/al3zeez.ram
اعبر على عيوني بحلم

ميــرال

11-24-2008, 06:27 AM

بشر انتي وبشر آنه ..
ونفس الاحساس اللي عندچ ..
عندي أنه ..
بس فرق من امشي .. خطوة خايفين ..
وانتي خطواتچ من الله امرهدنه ..
وفرق حتى الضحكة ..
من عندچ هدوء ..
وآني ضحكة شفتي ..
چنهه امسودنه ..
وفرق عمرچ .. يصغر ابعكس السنين ..
وآنه كل اليوم اليمر اكبر سنه ..

محمد رحيمه

ميــرال

11-24-2008, 02:56 PM

منجيت
جن بين هلال العيد منجيت
مو انت لأعرفك ذاك من جيت
انحسد حتى ليحسدك بيك منجيت
لأن عين لتشوفك ترد مضويه
(....)

http://iraqnaa.com/iraq/alyas-kder/klby-antm-ya-3yny-yas-khdr.ram

ميــرال

11-24-2008, 09:40 PM

كون بگلبي تدري اشيحمل اسرار ..
وكونك تفهم بنظرات العيون ..
ليش آنه من اشوفك اشتعل نار ..
گوم الحگ عليه وشوفني شلون ..
احبك .. وآنه باقي وياك محتار ..
شفت اعيونك آنه .. وصابني اجنون ..
ولك گلبي گلب .. مو كومة احجار ..
ومن حقي آنه اگلك .. بيك مفتون ..
بارد لشوكت .. مره انگلب حار ..
وچويني واگلك آني ممنــــــــــــون

محمد رحيمه

http://iraqnaa.com/iraq/alyas-kder/yas-kothar-7enWana7en.ram
حن وانا احن

ميــرال

11-25-2008, 08:14 AM

من زمان أنطر سحابه وما إجت
غيمه.. ما مرّت على أحد من گبل
غيمه من آخر سما..
وآخر حزن
غيمه محمله دموع وبواچي
من زمان انطرها لاچن
... ما إجت
شگد بچت روحي عليها
شگد عليها سولف الرمان
والتينه حچت؟
غيمة الله
عشعش الصبار بجروحي ونبت
وانتِ من آخر سما
وآخر حزن
وآخر عمر
لْيمته اتاني
من سما اجروحي المطر؟

(جمعه)

ميــرال

11-25-2008, 08:19 AM

بساتين الورد

من يا نبع مرتوي؟

من يا غصن تفاح جْبتْ ألوان لخدودك

من يامجره نزلت

من ياسما ويا گَاع لميت الْهوُه لْعودك

وك أنا مجبور..

أنا مجبور بعيونك

خليني لْبساتين الورد ناطور

مَحّدْ يوصل حدودك
(جمعه)ياماحلى صباحي اليوم:)

ميــرال

11-25-2008, 08:30 AM

برد

چنت أدورلك بروحي على گمره

تفيي لسنينك وتنثرلك سعد

چنت أدورلك على غيمه زغيره

تطش على أيامك ورد

چنت اسامح واشتكيلك

يلي غارگ بالدفو

وك روحي مليانه برد

ميــرال

11-25-2008, 11:46 AM

ياخذني لعيونچ حنين
مره أزعل ..
مره أصالح ..
مره اعاند..
ومره الين....
چا وين تاخذني بعد..
وآنا وازتني السنين؟
تذكرين؟
تذكرين شلون من نزلن النجمات يمنه؟
چنه ملتفتين مدري لوين
من ذاك الطفل طيّر فراشاته بوجهنه
تذكرين شلون نزلت دمعه من عينچ
ونشفتها الفراشه؟
وچانن النجمات مستحيات منه ؟
تذكرين من رسمنا الغيمه عَ الشباچ؟
چنه ملتفتين مدري لوين
من مطرت علينا
وساحت الألوان كلها عله الچراچف
كلشي بالغرفه انصبغ باللون الاحمر
ثيابنا والباب وفراشات الطفل
والحچي البينه
تذكرين شگد تذكرنا حچي
وشگد نسينا
تذكرين الورده من فَتْحتْ بدينا
چنه ملتفتين مدري لوين
من خضر على العتبة حچينا..
شگد ضحكنا شگد بچينا
تذكرين شگلتي من گتلچ..
مدري ليش ومن شنهو زعلنا؟
چنه ملتفتين مدري لوين
من صرتي الفراشه وردت اصير آنا الطفل
طرتي مني بعيد..بعيد
طرتي عَ الشباچ عَ البيبان
ع البرده الزغيره
ومن نزلتي نزلت الدمعه
عله خدي
وما مسحتيها و..كبرنا
تذكرين من كبرنا شگد حزنا
شگد بچينا؟

(جمعه)

ميــرال

11-25-2008, 01:20 PM

http://iraqnaa.com/iraq/Kazem-Elsaher/kathem..salamtek-fe-eed-allah.ram

سلمتك بيد الله

عبدالعزيز رشيد

11-25-2008, 01:46 PM

جميلٌ هذا المتصفّح ياميرال والذي يطلّ بنا على ضفاف دجلة هنا

يمتى تسافر ياقمر وأوصّيك ؟
والوادم البيها الأمل تدليّك ؟

قالولي نيتك صافية
وأولايتك متصافية
قبلك ردت لي أمسافر اليندّل هلي ..
وقبلك ردت لي أمسافر لديرة هلي ..
أشكد دورّت . . ماحصّلت ..
وصار العمر محطات
عّديتهن وماكو عرف
وكل العمر محطات ..
وخفت أسأل بلايه عرف !
ويافشلة الملهوف ويدوّر هله أبمحطات !!

وصفوك ألي النواطير ..
قالولي نيتك صافية .. مثل العشق والأزهار
وصفوك ألي النواطير ..
قالولي روحك غافية ..بين الوفا والأسرار
وقالولي .. قالولي ..
قالولي كل الليل يلتم مايطفيّك
قالولي كلكّ حيل والهّم مايمضّ بيك
وعيونك اللّي تحرس الكاع
تشبه أعيون الناس والحب والعصافير
تالي العمر محطات ؟!
عديتهن ماكو عرف ..
وصار العمر محطات
وخفت أسأل أبلاية عرف !
يافشلة الملهوف ويدوّر هله أبمحطات ..
ياعيني ياديرة هلي .. ياروحي ياجنة هلي

*زهير الدجيلي*

عبدالعزيز رشيد

11-25-2008, 01:47 PM

كـَالتْ وصار من كـَالت سنين :
وجهكْ المملي حنين
أحلى لوحه ..

وانتظرتج ترسمين .
وهذا يوم وذاك يوم :
لا ني اسود
لاني أبيض
لاني اصفر ..

وردتْ اكـَلها : شلون ؟
جاوبتني :
ما لكـَيت بلون وجهك عندي لون ..

*كاظم الركابي*

عبدالعزيز رشيد

11-25-2008, 01:51 PM

زاير ليل دك الباب
ما كلناله أهلاً بيك
داس المستحة ودور أركان البيت
وسولف عالشرف والغيرة والنوماس
سولف على الواجب والوطن والناس
كطع صوته استعد
دك قبضة الرشاش
حاضر سيدي تحرت
ها شلكيت؟؟
بس حيطان خرسه
ناس واحدهم عدل بس ميت
لا كنتور أفتحه ولا لكيت أبواب
وغرفة بلا سقف بآخر البيت لكيت
ها شلكيت؟؟
دمعة محجرة بعيونهم صدت
وحسرة بنص صدرهم تنفجر حسيت
كالولي هلا.. بس جنه أظن لا جيت
وكالولي استريح.. وجنه لا رديت
وحاضر سيدي تحرت
بس اعذرني فتش هذا آخر بيت

*محمد الغريب*

ميــرال

11-25-2008, 05:58 PM

عبدالعزيز
المقطوعه الثانيه اعجبتني كثير

واعجبني اكثر وجودك الــ راقي والــ شعر

وورده

ميــرال

11-25-2008, 06:01 PM

غيمة نوم
ـــــ

طولك سؤال الليل
غيمة نوم عطرك
أصحى وياك ماخذني المطر
تحت مخدتي بير الدمع
ماظل غير كاسك والشتا ومنقل حزن
ليل يجيب ليل
وأنته تسألني عله حزني
ثلج غيابك البروح حارگني حرگ
أبرد وأنطفي،
وأشرب بصحة غيابك
ماظل غير كاسك والشتا ومنقل جمر
ليل يجيب ليل
وأنته تسألني عله حزني
وك هذا الجمر گلبي
وهذا الخنجر المسموم هجرك
ياكل بروحي غيابك
تحت مخدتي بير الدمع
ماظل غير كاسك والشتا وضو الشمع
شگد رماد تفتت بروحي؟
شگد طشيت بعيوني سهر؟
ليل يجيب ليل
وغيمه تجيب غيمه
وآنا ماخذني المطر...

جمعة الحلفي

ميــرال

11-26-2008, 12:20 AM

http://www.ozq8.com/ram/sa3don-j/mashoofak.ram

يوم الماشوفك

ميــرال

11-26-2008, 06:50 AM

نوم الظهاري

.....

ماجو على موعدي

گالوا خذانه النوم

وآنه من مية سنة

أنطر لذاك اليوم

خلصّت كاس الهنا

وصبيت كاس هموم

يا نوم شلّك علي..

اللي يريدك تهجره

والمايريدك زايره كل يوم

( جمعه)

عبدالعزيز محمد المالكي

11-26-2008, 11:10 AM

كون يمك
ألف هنيال اليوم... ألف هنيال اليوم
ألف هنيال الليل النام يمك
أنا احبك واحب كل حرف باسمك أنا حس يجرن سوى دمي ويا دمك
كون يمك... كون أبوسك... كون أحضنك... كون أشمك... كون أضمك...
كون أحط راسي على صدرك.... بلكي خدي يزيل همك......
ناري ما تطفى ولا نارك طفت..... وعيني قبلك تبكي اذا عينك بكت.....
يالعزيز اللي ما بعد عن بالي لحظة... ما أقول انت بعدت وشلون أظلمك.....
وآه لو يذكرونك قبالي... وآه لو يذكرونك قبالي.. يبين بوجهي القلق لو جابوا اسمك...
انت نقطة ضعفي انت... والله انت نقطة ضعفي انت.. ولو أحب ثاني أحبك......
كون يمك... كون يمك... كون يمك

أعتقد للشاعر / عادل محسن

http://www.ozq8.com/iraqi/Majed_Al_Mohandes/Kon-Yamak_Mawal.ram

شكراً ميرال

ميــرال

11-26-2008, 01:44 PM

كون يمك
ألف هنيال اليوم... ألف هنيال اليوم
ألف هنيال الليل النام يمك
أنا احبك واحب كل حرف باسمك أنا حس يجرن سوى دمي ويا دمك
كون يمك... كون أبوسك... كون أحضنك... كون أشمك... كون أضمك...
كون أحط راسي على صدرك.... بلكي خدي يزيل همك......
ناري ما تطفى ولا نارك طفت..... وعيني قبلك تبكي اذا عينك بكت.....
يالعزيز اللي ما بعد عن بالي لحظة... ما أقول انت بعدت وشلون أظلمك.....
وآه لو يذكرونك قبالي... وآه لو يذكرونك قبالي.. يبين بوجهي القلق لو جابوا اسمك...
انت نقطة ضعفي انت... والله انت نقطة ضعفي انت.. ولو أحب ثاني أحبك......
كون يمك... كون يمك... كون يمك

أعتقد للشاعر / عادل محسن

http://www.ozq8.com/iraqi/majed_al_mohandes/kon-yamak_mawal.ram

شكراً ميرال

التنسيق / موسيقى
شكراً اكثر ياعبدالعزيز

عبدالعزيز محمد المالكي

11-26-2008, 02:07 PM

العفو ميرال ..
أعشق هذي الكلمات لـِ ذا هاكم هيا موال

http://l7en.com/shami/7atim/7atim..koon-yamek(mawal)1.ram

ميــرال

11-26-2008, 05:30 PM

وردة الثوب

بين البسمه والنظره الغريبه التايهه عشگ مورّد بيه وبيها، والريح الشبت مجنونه ودارت بين الغرفة وبين الشارع، هلهوله تندي عله الشفه التقره وتتنده من البسمه. خانتنه البرده المفتوحه وفضحت كل أحلام الوردة، والغرفه الخجلت من چف امتدت تطوي الشباچ المسدود. غفله ولن الوردة المرسومه عله الثوب الأصفر ذبلت ذبلت ذابت.. طفّت كل النار الچانت بين أطراف الكرسي وبين عيوني توج وتطفه وحتى الريح بغفله انسابت من بين الباب ومفتاحه وهمست گمره وحُمره وليل وشارع وولايه من بخور ونور.
وگمنه نعاين .. لاچن مامش شي ينشاف وچن الغرفه نشافت، حتى الرجفه بروحي، اندارت بينه وواحدنه يگص بطراف أيده.. وهزت ريح گلاص تبده الماي وساحت روحي وذاب اْنساب بين جفوني وبلل كل الليل الريح تهزه ويرسم چن الريح الريشه، ولايه وبيها آنه ومذبوح الشوف بعيني وبين الهاي وهاي وذيچ تبلل طارف ثوبي وفزيت ولن أم ثوب أصفر بين الشوف وبين الشارع ريح ومرت بين جفوني.

جمعه الحلفي

ميــرال

11-26-2008, 05:45 PM

http://iraqnaa.com/iraq/alyas-kder/yas-5ether_3zaaz.ram
عزاز

ميــرال

11-26-2008, 08:49 PM

http://www.6r63h.com/music/ar/eraq/Majed-almohandes/23.ram

حبيبي الغالي وين اراضيك

واحس بيك

ميــرال

11-27-2008, 12:22 AM

مر بينة

بينة اعة غفلة بليل .......
شحلاة الليل كونك من تمر بينة .
والحك مرمرانة الشوك
بلجن تلكة تالي من توالينة
واتوسد ارموش العين
. واسحك عل السهر حيل امرد اسنينة.
واشبك روحي شبكة موت
واطفي النار بالدلاك تجوينة .
سولف .... اضحك ..... سلهم اعيونك هاي
حلي الليل واكلب كل موازينة
امرد كلبي ..... امرد بيه
عض اشفاك
واطحن كلبي خلة ايصبح اطحينة
تدلع ايلوك الدلع وياك
يا ورد رمان ابساتينة
يل عطرك العنبر من يفوح بطيب.
ومن حسنك حسن يوسف وتكوينة .
واذا بيك المحاسن كلها صارن هاي
من با بشر انتة ؟؟ كلي يا طينة ؟؟
ما تنشد وكلبي مرمراه الشوك
ولو مرة جذب...... بالطيف مربينة

علي جويد

ميــرال

11-27-2008, 05:53 PM

طبيعي من ارد اشوفك ما احاجيك
واريد اثكل عليك وجني زعلان
اريد اثكل بعد وادلل اعليك
حتى اتكول احبك وانة غلطان
واحس اشكد تحبني واثرت بيك
واحسن روحي وردة بوسط بستان
.........
ابوي بزغر ما دللني كلش
وصبح عندي نقص انة بدلالي
اريد ادلل انة شبيك وياي
هم صاير ابو وتهم جهالي
انة بشوفة اعيونك يعني مسجون
وبشفتك صدر امر اعتقالي
يعني ادلل انة شلون وياك
اذا كلك دلال انتة بخيالي
عمي ابعد ترة ما اريد اجاجيك
لان حالي من اشوفك ضيم حالي
.......
اذن خليني املح وانتة مملوح
واذن خليك شمعة وانة ضلمة
واذري اعليك عن لا تنطفي بليل
والوليلك طفل ويناغي امة
يعني انتة المدلل وانة مكرود
ولغز هذا جمالك وارد افهمة
وبعد ما اريد عمي ادلل وياك
فقط كرب اخديدك خلي اشمة

علي جويد

ميــرال

11-27-2008, 06:21 PM

http://www.jdh6rb.com/download.php?action=lsn&id=11794
قوم

ميــرال

11-27-2008, 11:14 PM

هامت الروح بغيابك سرحت باليل المدينه

ومن سألني الشوكَ عنّك مانفع وياه حچينه

ما تجينه

خاطري مكسور خاطر جاب كل عمره وسنينه

والعمر من غير شخصك مظلمه ايامه وحزينه

ماتجينه

يا سهر ذيچ الليالي ياكَلبنه وياحنينه

يا شعر عالفطره انتَ بيك من اول بدينه

ماتجينه

ما يحن معقوله كَلبك خاف يمكن باع دينه

لو يحسدك كَلبي حقّك لوعذر منك رضينه

ماتجينه

يادمع منهوالينشفك مو اشتاكَة حتى ادينه

ابقه يعني شلون فكرك ابقه وحلم ما تجينه

نبقه نحلم ما تجينه

ما تجينه

ضرغام العراقي

ميــرال

11-27-2008, 11:24 PM

وبعد صدك مااجيبك على الــبال
ـــ بوسط البال اجيبنك واخلــــيــــك
زياد البصراوي
http://www.ozq8.com/ram/k-alsaher/ha-habebe.ram
هاحبيبي

ميــرال

11-28-2008, 11:59 AM

عتــــــابــ

ظل عاتب الى ان تشبع اعتاب عتابك فوك راسي ويبقى مسموع
سكتنة وبطلت كل المواضيع عدا حبك حبيبي شعدنة موضوع
اذا هذا انتة يمي ودمعتي اتسيل اشلون اكدر افارك وجهك اسبوع
وأبقى انضر الي من القدم للراس وشوف بيا جزء مني انتة مزروع
واحزر لي مكانك وين ماوين بهداب الجفن لو بين الدموع
مكانك لا بهاي ولا بهاي مكانك يا حبيبي بنص الاضلوع

ميــرال

11-28-2008, 11:45 PM

عاتبني ابعتابك خل ترد روحي

اوهسني . . ابدلالك . . ياشتل شمام

حتى ازهك . . وشوفك وينها اجروحي

بيه اشبع غرورك . .

يا أعز جتال

يتمايل غنج لو بيه . . ثكل نوحي

تعاتبني اعله حالك . .

صار بيك الصار

جاشدل اجروحك هاي وشتوحي

كبل حبك . . جبل مالاح طرفي السيل

هسه اول زخاخ

ايغطن سفوحي !

ومنك ماروت يدعج بعد روحي

ولا رادت . . ولاسمعت . . ولاحبت

لاتحمل .. نجاة .. ابليل لوغنت

اعلمها الورع . . واطبك عليها الباب

تذكر ضحكتك . . واجهرت ماعنت

لا لامتك ليش . . وشوفك اصبح طيف

اشلون ابعدت عنها . .

اشلون ماجنت !

وعيونك ابغير عيونها اتهنت

وجفوفك ابغير اجروحها اتحنت

يا تل الورد . . تل آخر السباح

حته اطفه . . من اشوف ارويحتي انتلت

كلت انجفه الماي . .

وذبل عود الياس

والوادم نست

وبغيرنه اتسلت

وأول ما شفت طولك نسيت الصوت

وروحي بلاسبب بجفوفك افتلت

يا قمرة حياتي البعد ما هلت . .

يا انت . . وكفاني اتوهدنت وياك

تحسبني . . وحسبتي وياك ما فلت

كلمن عرف وشره . . وشال منها الشال

وتعده العمر والوادم اندلت

هسه الراح راح . . وبين ايديك الروح

بس ذمه ابركبتك يوم لو سلت !!

ميــرال

11-29-2008, 12:19 AM

http://www.6r63h.com/music/ar/eraq/Majed-almohandes/35.ram

ووين اروح

ميــرال

11-29-2008, 04:50 PM

http://iraqnaa.com/iraq/Kazem-Elsaher/kathem..wain-a5thaak.ram

وين اخذك
وين انهزم بيك

ميــرال

11-29-2008, 08:16 PM

وين انته

أدور عليك

ما خليت جوري ما نشدته عليك

أدور عليك..

من أول صبا لليوم

رحتلك للشتا وللصيف

ورحتلك للصحو وللطيف

أدور عليك بين الياس والريحان

أدور عليك بين المشمش الريان

أدور عليك بين التين والقداح

ساءلت البريسم والطلع والخوخ والرمان

وحلفّت الهوه والنوم والتفاح

وناشدت الغطا النعسان

أدور عليك.. وين أنته؟

آنه من التعب تعبان

جمعه الحلفي

ميــرال

11-30-2008, 09:47 AM

كل يوم توعدني تجيني وما تجي
كل يوم أوصي النجمة ...
توگفلك على الشباچ
نار تاخذني ويطفيني البچي
چنت اريد ارتچي عليك..
طلعت انته المرتچي!
آخ..
آخ لو تدري..شگد ضام لعيونك..حچي؟

جمعه الحلفي

ميــرال

11-30-2008, 09:48 AM

من تغيب..
مثل.. متغيب شمس الله
تاخذني نوبة برد
ويمتلي گليبي ظلام
احچي ويْ روحي بغيابك
لا روحي تسمع
ولا أنا حاچي كلام!

ميــرال

11-30-2008, 10:58 AM

http://www.ahyasalam.com/play_song.htm?songmd=d7bf98193d3991d87971996bda13d 0f1&lang=AR

ماله تالي

ميــرال

12-04-2008, 07:50 PM

http://www.3rbfree.com/download.php?action=lsn&id=10590

حب العصافير
نصير شمه

ميــرال

12-07-2008, 08:33 PM

http://iraqnaa.com/iraq/Kazem-Elsaher/kathem..thomni-3ala-sadrak.ram

ميــرال

12-13-2008, 01:40 AM

مرجان

سبگني لحسنك الرمان... وتفرّط...

مثل حبات ليلو عله النهد

والگاع ما وسعت غنج...

مرجان يتغاوى بوسط مرجان

حبه هنا... وحبه هناك

بوسات ونوايح والروايح للسما

حنه وسعد مديوف هالنعسان

ساكت... وانا حاير

والغطا منده..

وشته مصيف گبل نيسان

آنه ما شايف شته بنصّ الشته وعرگان؟

معذور العمر لو ذاب...

لو ضاع بحلاة النوم والنسيان

ماهوه العمر... كل العمر... بمُية الفنجان غرگان!

ساكت وآنه حاير.. ليش زعلان النهد؟..

والروح تصرخ... ليش عالي الشان زعلان؟

داويني...

داويني يصاحب جمبده وساهون فوگ الصرّه

وطيورك زغيره ترف بلا جنحان

داويني...

داويني العشگ هدني

وحلاتك ساحنه الروح

وطراوة شفتك ما ترحم التلفان

وك داويني يدافي من الثلج ومحير النهران

داويني...

أصيح من الجمر والجمر گبلي يصيح بردان!

جمعه الحلفي

ميــرال

12-13-2008, 01:52 AM

http://www.melody4arab.com/player/player_1556.htm

والله دنيا

ميــرال

01-22-2009, 12:36 PM

دوي واستوى المايستوي
من تخزرك عين جنهة اتكول خنجر ملتوي
والطول طول الخيزرانة شو جنهة حية
ولو مشت تطوي طوي
والخدود اتكول جوري
وانة عند روحي قوي
من شفتهة تخربطت وتبيدت
صرت انة والماكو سوي (كلمتها مثل الناس بالهولندي)
اشتبي فميشة الميشوي(من فضلج ايتها الصبية)

سكتت وما جاوبتني
دك عليها التلفون الخلوي
اشرت جاوب جلبهة وانة ماشايف جلب نبحة عوي
اوهجن وفرخت وردت علي
فري كلام كومييت اوت سبرل حجيك عربوي (من اي بلد لفضك عربي)
اكزخ اوت ارك(انة جاي من العراق)
انيل فولن (اعيش لوحدي )
نيت سامن ما عندي صاحب ولا عندي خوي
فتيمر ردت علية وجنهة كالت وي علي
اوحيدك اتعيش بلدنة وتنزوي
واحنة حتى اجلابنة اتعيش برفاه
وي البشر عاشو سوى وسكنو سوي
شمالكم صرتو طشاش واحنة ندري اذراعكم مايلوي
جاوبتهة والخجل ند بجبيني
والدمع مو ماي ينزل دموي
انةمن بلاد الرافدين العاث بينة الحربوي
وانة من شعب العراق الداخ من كثر الدوي
وانة من شعب التحاصر والتعوق واتاثر بالاشعاع النووي
لاتحرجين الجروح عاد يبنية ارعوي
ولاتذكريني بهلي وطيبة هواهم
وج ترى الفركة جوت كلبي جوي
انة عطشان على دجلة شما شربت بمايكم ما ارتوي
دوي .....دوي ......دوي

عباس جيجان

ياسر خطاب

01-26-2009, 05:20 PM

يا ريحان

أشكد نده ...
نكط على الضلع
ونسيت أكلك .. يمته
أشكد رازقي ونيمته
وأشكثر هجرك عاشر
ليالي الهوى وما لمته
لمن سحنت الليل
بكليبي
وكلت موش أنت
**********
يامه التراجي مرجحن
حسك الصافي وغفه
ويامه الدمع ضوه سواد العيون
جانب ترفه
وتدري تنيت الدفو
بلهفه ورده
وما جيت ونيمني الثلج ...
والشته كله أتعده
لا بالمحطة رف ضوه و لاخط جانه من البعد
لا ريل مر على السده
والشته كله تعده كله تعده
وأعلكنه للصيف اليجي
روازينه السمره ...
شمع
من ينزل أول الدفو بنيسان
يهتز نبع
يمكن يخضر دمع ...
يمكن بعد بالروح يا ريحان وصلة تنزرع
والكيظ أجانه وأنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه
*********
ولساع من همسه جي من بعيد
يخضر دمع
كل نسمة ترفه من تفك الباب
يخنكني الدمع
لساع .. ولذتنه أنكضت
أهجس على الكصايب شمع
وردود أكلك .. يمته ؟؟
أشكد رازقي
ونيمته
أملني يسمر بيك
كل عمري أنكضه وأملته
حته خيالك بالحلم
خايف يجي وأمنته
***********
كل لحظة من هذا العمر
وعت حسافه بكلبي
يا أول الريحان يلعطيت
نوبه بدروبي
يا آخر سواجي حنيني وحبي
من يوم طيفك هجر نومي ما نمت
حنية يا جذاب منك
ما شفت
من ظني كضك بالحلم
عنبر فحت
من ردت أجيسك جست روحي
وفرفحت
أترف من أجفاف المهر
قندون ... ما ضايك شكر
يا حلو يا بوسة سهر ...
يا ترف يا ييزي قهر
شيضرك .. بكل شته الولهان
لو صحوة مطر ؟
والشته كله تعده
والكيظ هم أتعده
شجاب العشك ؟ وأشوده ؟
لا بالمحطة رف ضوه ...
لا خط أجانه من البعد
لا ريل مر على السده
**********
ولساع ... مشدوده شبكتك
عل الخصر
والركبه من تلتاف للبوسه
جسر
بس أنت تدري شلون رصعة بالنحر
والشته شايل شليله
من يمنه وعبر
واسألته يا شته العشاك
ما عندك خبر
لك يا شته العشاك ما عندك خبر ؟
والليل أجانه وأنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه

مظفر النواب

مع العذر الشديد للاخت ميرال لمشاركتي دون علم مسبق منها

ارجو ان لا أكون قد تجاوزت حدي هنا

ميــرال

01-26-2009, 06:34 PM

تحت امرك ياياسر المتصفح كله
وجودك فخر وشعر

ولن اكتفي بإضافه واحده
ســ انتضر
يسلم ذوقك

ميــرال

01-26-2009, 10:55 PM

خضري يا روحي 00
اعله بختج ،
هذا آخر شوك عدنه
خضري 00
وانطي شما بحيلج
من ورد
جايتنه مزنه
انطي كل البيج
للنسمه
كبل مالريح
يهزنه
حبيبه !
آخر طيب ايدك بابي
اموتن
حدر ردنه
حبيبه يا روحي 00 أظن الليله ، حته المحل
يمطر
حته عود الهجر فرع
عود لآخر ،
وآنه أنطر
خضري فوك الباب 00
فوك العتبه 00فوك الرزه
خاف السنه تعبر
لا يروحــي 000 اشكـد محـزنه !!!
كلنه جدبه 000
وكلنه مره من العطش ، يا روح
وكلنه
افطره هم ما بيج يا روحي ؟!!
الورد ؟
معذوره منه 0

بعد الليل

01-26-2009, 11:03 PM

ذبت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية

شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه

دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه

ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه

حسين النشا وي طه وتربه
عين المحب شبحتله وتربه
اله كبه مذهبه او مرقد وتربه
بيهه الشفه من رب البريه

هتك روحي جفاهم وج اهلهه
عله الناكر تعبه والجهلهه
تهم باطل حبيبي وجهلهه
وهيه من التهم كله بريه

ياسر خطاب

01-27-2009, 06:09 PM

يا بني ضلعك من رجيت
لضلعي جبرته وبنيته
يا ابني خذني لعرض صدرك
واحسب الشيب اللي من عمرك جنيته
يا بني طش العمى بعيني
وجيتك بعين القلب أدبي على الدرب ألمشيته
شيلة العلاكة يا بني
تذكر جتوفي بلعب عمرك عليهن
سنة وكفوفك وردتين على رأسي
وبيك أناغي كل فرح عمري لنسيته
يا اللي شوفك يبعث الماي الزلال بعودي وأحيا وأنا ميتة
أبيض عيونك لبن صدري
وسواد عيونك الليل اللي عد مهدك بجيته
وأبنك التو يناغي الخرز بالكاروك ياا بني
كتلة لا تخاف اليتم جده
اللي ما مش أبو عده
الحزب أبوه الحزب بيته
كتله ياا بني يا وليدي من تكبر على الأيام
تلكه حزام أبوك الماطواني وما طويته
تلكه منه خطوط أضمهن حدر ضلعي
لحد ما موت بعز على السر الحويته
يا عمد بيتي وكمر ليلي وربيع الشيب والعمر الجنيته
جيت أهزك يا عمد
بيتي
لا يكون الدهر ضعضع عظم منك للمذله للخيانة
وساومت جرحك على الخسة وجفيته
يا بني خلي الجرح ينطف
خله يرعف خله ينزف
يا بني الجرح اليرفض شداده علم ثوار يرفرف
يا بني ارضى الجلب يرضع من حلبيي
ولا ابن يشمر لي خبزه من البراءة
يا بني يأكلني الجرب عظم ولحم
وتموت عيني ولا دناءة
يا بني ها الأيام يفرزنها القحط أيام محنة
يا بني لا تثلم شرفنا
يا بني يا وليدي البراءة تظل مدى الأيام عفنة
تدري يا بني بكل براءة
كل شهيد من الشعب ينعاد دفنه
وخلي إيدك على شيبي واحلف بطاهر حليبي
كطرة كطرة وبنظر عيني العميته
قلي ما يندار رجمي و أنت أمي وذاك حزبي
وعزأبوي المالواني وما لويته
قلي ما اهدم حزب بيدي بنيته

مظفر النواب

ميــرال

01-30-2009, 12:07 AM

بفراكك..
حرقت هدومي الحلوات
نشفت الدمع و الريج
وفلّيت الشعر عالمعبر بريسم
واتاني تمرّ..
وكم شمس التغرّب ..
وانته ما مش صوت
و بـحـرقــــــة أحــــط ايــــدي ...
واشك الزيج
و اكولن ليش يا ربي ...
خلص كل حزن الحليوات ..
وآنه بضيج
يا ربّي ..
كل شط عبرته الوادم
جا ليش الاريده يصير شطّه اغميج ..؟
واتنطر تمر .. مثل العراق بعين البعيدين
وتمرّ الشمس بالعين
ويمرّ الكمر بالعين
ويضيع النجم بالعين
واشهك من اشوف الناس..
تمشي اثنين..
كلها اثنين ..
وآنه وحيدة يا روحي ..
تعلكم وسط حلقي الريج
ياشط الفرح .. رد للحديثه اردود
رِد اغميج
خـــلــينــــي أفـــــــوج ويــــاه ..
ريــــــج ابريـــج

خالد العامري .

ياسر خطاب

01-30-2009, 12:21 AM

الله الله الله

رائعة يا ميرال

ميــرال

01-30-2009, 10:24 PM

احن الكاك

احن الكاك روحي وياك
يالمايوم علي تنشد
تذوب الاه ..واتلكاك
تعود اُنوب تتجدد
ولك فد يؤم صافيني..
انه اترجاك
بالكي الروح ترد تبرد
اعت الروح ..تروح اوياك
اعته اًًنوب هم شرِد
عشرتي وياك..
مثل العود..
بنص الماي ولاورد
نسيبت ايام عمري وياك
شنو الباقي وتريد ازود
قلبي وياك..ولا انساك
الم لغياب فلا هَـوَد
سنين صباي كله وياك
قسم قلبك على حبي..
شجاه اليوم وتمرد
نسيتك ....اه....انا بطرواك
اشمك حيل يالجوري ..
يذكرني بخدود اهواى..
بحديقتنه اليوم من ورد

عماد ياسين مجيد

ميــرال

04-17-2009, 04:38 PM

صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه

(....)

خالد العلي

04-17-2009, 11:17 PM

ياللي
لسانك عسل
صافي وفمك أصله
ياليت
ربي الولي
يسمح لي بـوصله

جان اقطفه واخذه
واعطيــه انا /وصله
وان غاب
عني الـحلو
اسعى انا لـوصله
يمكن
الاقي انا
بعد الجفا وصله ..!
.
.
محاولة لي باللهجة العراقية
وعذرا على المداااخلة

فقد راق هذا المكان

محمد الغشام

04-19-2009, 08:39 PM

:

الله يهالمتصفح ..أحبابنا لهم مكانه..
خالد العلي شُكراً لملامستنا بنبضك..وحركتني وخذ مني ..
ذكرتني بناظم الغزالي حين قال : خدج القيمر أنا أتريق مِنا..الله الله

مني لكم ومشاركه ..متواضعه ..وإلى لهجتي الأم :)

__________

أتوهقينا بحجي هالاوادم
ماجنّهُم غير حجاية المّرمر
لو بيدينا نخليهم عوادم
بطرف الحجي لا تغرغّر
أقلك شيء..
أتوهمينا..
أتغربينا..
وأنتهينا..شلي باجي بيدينا..
همداك ياهل مشيّت وتركت إلنا هوايه عِشك
أحتل قليبناا وأحنا بليا الأوادم بالله شنو..
حجاية هوى..
وما ارتوى..
اللي يمرمر ويتمرمر ..
وأبتلينا..
عابت هالبجم ياللي بقطفك بجينا..
وبجينا وانتهينا..

ميــرال

04-26-2009, 08:10 PM

ميــرال

04-26-2009, 08:13 PM

محمد الغشام

04-26-2009, 08:15 PM

:

شهاده اعتز فيها استاذه ميرال..

ميرال تعرفين معنى عابت هالبجم :)

ميــرال

05-18-2009, 04:44 PM

ردتك 00 ولو جذاب

ردتك 00
تطش بعمري 00

صم عتــاب
ردتك 00
ولو شباج 00
ملي حياتي تراب

ردتك ،

ولو صبيره حمره 00تفي وجهي 00

من حجي الغياب 0

جذاب 00
جذاب يا ثعلب عنبنه الترف 00
ونعزك ،
ولو جذاب 0
***
دكيت بابي 00

وعشيت بابي فرح 00
والخشب 00عطب 00
ذاب 0
خدي اشتعل 00

والروح شبت ورد فلفل 00
والتراجي ،
ذابن بتيزاب

وأصهلت 00
مرجحت الكصايب 00
ياحبيبي ، ياحبيبي 00 ياحبيبي
ومتت مثل الباب
جم دوب !؟
مو كلنه الكلب 00 بطل 00
ومنك تاب 0؟!!
جذاب00 ياكلبي 00 يثعلب 00
من كبل جذاب 0

مظفر النواب

ميــرال

05-18-2009, 05:53 PM

اطلعلك نجمه تضوي على دروبك (http://www.ozq8.com/ram/sa3don-j/mashoofak.ram)

ياسر خطاب

05-19-2009, 12:12 AM

روحي معكوده بعطر قداح
لا تعبر نسيم الصبح
خاف اوكع وما الكه شليلك
واملي ليلي اصياح
امس ابنومي بستك
لن طحت ما بين اصابيعي تعب مرتاح
يلشبعان نوم
وندى
وفي تفاح
تتفتت على ثيابي امن اجيسك
جنح فراشه،
واحيرن..
مدري المك
مدري ابوس الظل على ثيابي
واصابيعي نستني اوياك يحبيب
شرك وجناح
ليلك... ليل
وخدودك علي مصباح
يا مصباح عمري
ونور، نور النور بالمصباح
أمس بصحوي جستك
هاكثر فوكانه تكي إتناثر
وجوري
وهلاهل
بيض وملبس
طفل .. حطيت راسي بوسط صدرك
والنهد ظبيه بحلاة النوم تتنفس
مهر
باول عمر يردس
كل شذره، سبع كمرات

رياض النعماني

ميــرال

05-23-2009, 01:06 PM

ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه

وجدان الأحمد

05-25-2009, 09:28 PM

وعندك عين تعاتبني وتحكي عن الإخلاص قبالي
أترجاك تراجع نفسك وأتركني هالمرة لحالي
آني نسيتك آخر لحظة .. آني الْ بعتك آخر لحظة
لكنك من أول لحظة ضيعت الأول والتالي

ميــرال

08-12-2009, 03:54 AM

يا قمر

بهيده على بختك يا كمر .. مساهر واريد اشكيلك

انه غريب ابدنيتي .. مضيّع وادور ابليلك

عن ربعة اهلي ، ودلّة الديوان ، ومواويلك
عن ضحكة البربين لعيون الدلو

عن رقصة الصفصاف والماي الحلو

عن صحبتي، وخلاني , وعيون النهر

بهيده على بختك يا كمر

يا غربتي ...

غربة عصافير التودع اعشوشها... برفّة جنح

ويا دمعتي ...

دمعة الكاع التبكي موت اهروشها... بجيت الملح

يا دار اهلنا الطاهره ... مر العمر

عيون اليحب امساهره ...ومامش خبر

بهيده على بختك يا كمر
وك يا كمرنه مروتك ... حنّي الشواطي بدمعتي
كلهم كبرت اعله الصبر...والونّه صارت غنوتي

مشتاق ابوسن دجله... واشرب مايها

واعزف ترانيم المحبّه بنايها

دجله الهوى ، والسوق ، والحب ، والسهر

بهيده على بختك يا كمر

خالد العامري

عبدالناصر الأسلمي

08-12-2009, 03:59 AM

حدر القصايب " الجدايل " قلِب
نبضه يغني لك
وسنين عمري شمع
زفة وتضوي لك

عبدالناصر الأسلمي

08-12-2009, 04:05 AM

تناشدني عليك الناس واتحير شجاوبها
اشهل فتنه اللي ما تنقاس كلي امنين جابيها
اللفتات الغزاليه
والعيون الفراتية
واشفافك الورديه
وهل الفتنه اللي ما تنقاس كلي امنين جابينها

كاظم الرويعي

ميــرال

09-28-2009, 07:03 AM

http://www.6r63h.com/listen-6858.shtml

وين اهزم بيك

ابي انهزم بيك

محمد الغشام

10-13-2009, 04:02 PM

,

http://www.youtube.com/watch?v=6YhlGS3uBM0&feature=related

محمد الغشام

10-13-2009, 04:08 PM

,

ما ندك على الخشب لمن تفوت
نضرب على الوجه مدري شبينا
تحتيي الموتى ولا واحد يموت
لو تجي شفافك تبوس بينا

سنين الم بشعرك وبعده طويل
الله ياشعرك يتعب متوني
ربعه لميته وبعد ماظلي حيل
لو المن بعد تعمه عيوني

من تفتح عين تضوي دنيتي
ومن تفتح اثنين نار وتشتعل
كلت خل اوصف جمالك يالحلو
وانته شيوصفك اذا تكتل كتل
سنين الم بشعرك وبعده طويل
الله ياشعركيتعب متوني
ربع لميته وبعد ماظل بي حيل
لو المن بعدك تعما عيوني

مدري لمين ..

ميــرال

12-23-2009, 01:21 AM

بهيده على بختك يا كمر .. مساهر واريد اشكيلك
انه غريب ابدنيتي .. مضيّع وادور ابليلك
عن ربعة اهلي ، ودلّة الديوان ، ومواويلك
عن ضحكة البربين لعيون الدلو
عن رقصة الصفصاف والماي الحلو
عن صحبتي، وخلاني , وعيون النهر
بهيده على بختك يا كمر
يا غربتي
غربة عصافير التودع اعشوشها... برفّة جنح
ويا دمعتي ...
دمعة الكاع التبكي موت اهروشها... بجيت الملح
يا دار اهلنا الطاهره ... مر العمر
عيون اليحب امساهره ...ومامش خبر
بهيده على بختك يا كمر
وك يا كمرنه مروتك ... حنّي الشواطي بدمعتي
كلهم كبرت اعله الصبر...والونّه صارت غنوتي
مشتاق ابوسن دجله... واشرب مايها
واعزف ترانيم المحبّه بنايها
دجله الهوى ، والسوق ، والحب ، والسهر
بهيده على بختك يا كمر

خالد العامري

ياسر خطاب

04-05-2010, 08:31 PM

كون الجمال البيك ... ينقلب بيّـا
كلما أحن واشتاق ... أصفن عليّا

فَجرْ العسَكرْ

04-05-2010, 11:48 PM

سلامات ابعث سلامات ويه الرايح
ويه الجاي ابعث سلامات
ريتك سلامات
صبح ومسى يهواي ريتك سلامات
تجينا رتك تجينا
راحت واجت الايام رتك تجينا
وعلينا وعلينا وبس مر علينا
اتورد الاحلام من تمر علينا المواويل
تحلى المواويل حبك يطيب غناي تحلى المواويل القناديل
تظوي القناديل جيتك
ياظي العين تظوي القناديل
الاكيك بس كون الاكي
وبعيني ضام هواي
بس كون الاكي تراضي وعيني تراضي
وارسم بعينه عتاب وعيني
تراضي الملامات لولا الملامات
شوكك بعد ميعود لولا الملامات سلامات
حبك سلامات يبقى ندى و وورودة حبك سلامات

حميد منصور

عبدالناصر الأسلمي

04-05-2010, 11:52 PM

واريدك ياحبيبي تبوس نفسك
بس بداخلك تنويها ليّا

محمد الغشام

04-06-2010, 09:27 AM

,

وأريدنّك على اشفافك تضيع
وانا شكثر أريدنّك
هوايا من مسامر هالغرام
وحيد انطر حمام الدار لاصارت عليّا
تحوم بنظرتك بيّا
وأريدنّك ..!

عبدالناصر الأسلمي

04-07-2010, 01:40 AM

البارحة ..
هاجت أشواق العمر كلها , البارحة ..
وحنيّت ألك بأكبر همومي البارحة ..
حنيّت ألك حّنةّّّ غريب ويذكر أحبابه بعد غيبة وسفر ..
شايف حنين العمر لأيام الصبا ,
يتمنى يرجع ساعة لأيام الصغر ؟
شايف حنين الصيف لأيامه أذا جاه الشتا
هاكثر يلتم حزن مابين الشجر ؟
حنيّت ألك
وردتك تعاشرني أبدال أنجوم كانت سارحة ..
نجمة تسامرني غصب ونجمة تكليّ رايحة ..
البارحة..
البارحة , وصيّت ألك ..
وياما البحر ضيّع وصايا السفن والسّفانة ..
وصيّـت ألك ..
وياما الدهر غرّق أشواق العاشق بأحزانه ..
وصيّت ألك ..
وياما الوطن ضيّع عناوين الأحبة ويّ عنوانه
وصيّت الك ..
وصيّت ألك حتى العصافير الزغار الفرحّت دنيانه
طارت أبشوقي أمغبشه ماخذها الهوى فرحانة
ولمّا ذبل ورد الصبر ,
رجعت لي مهمومة يعيني وهاكثر حزنانة !!
وطاحت هموم الليل فوق أجفوني وي مجرى الدموع الجارحة .
والمشكلة ,
نجمة تسامرني غصب ونجمة تكليّ رايحة البارحة ..
غنيّت ألك كل الأغاني الليّ تحبها , البارحة
وردتك تجي
وكنت أحسب العشاق يلتمّون عندي البارحة
وبلكت تجي ..!
ولميّت ألك كل الأشعار العندي حتى أحكيلك
أحلى الكلام الليّ يبوس أعيونك ويضوي لك
وردتك تجي لابس قوافي الذهب كلها الليّ صغتها أبحبك ..و حتى أشكيلك ..
أشكيلك من الدهر عّذبني بغيابك , ويزعل من أغنيلك
أشكيلك من الغدر ..من كثر ألأنذال السرقوا أشعاري ومواويلك
أشكيلك من الدنيا ماترضالي أزرع لك ورد بالوطن وأزهي لك
ردتك تجي ..
لكن الظلمة خيّمت,
وأسمع أنين العاشقين ابقلب
هذا الليل كلمن فاقد أحبابه غصب
,وكل يوم يسمع نايحة
البارحة .
.البارحة ,
صوتك أسمعه يعتبّ من أبعيد
, أسمعه ..منين أصيح أمنين ؟
ياصوت النخل بالريح
يبكي ودمعي دمعه
ياحلم المحبة

زهير الدجيلي

ميــرال

05-06-2010, 12:19 AM

لكن الظلمة خيّمت,
وأسمع أنين العاشقين ابقلب
هذا الليل كلمن فاقد أحبابه غصب
,وكل يوم يسمع نايحة

عبدالله صلال العساف

05-06-2010, 12:31 AM

كل الجروح اتطّيب
بس جرحك انته..!
كل ما اغط بالنّوم
تلدغني سكته

فَجرْ العسَكرْ

05-06-2010, 02:39 AM

توصيني يواهس تضحك الدنيا على شفافك
يابو الليل الحلو اليلعب على أكتافك
أحس روحي تأمن بيك وتخافك
وأحسك لغز شنهو أنت وشنو أوصافك
ولأ غيرك نبع بالشوق يرويني
توصيني !!! توصيني على يا ذمه توصيني

عبدالله صلال العساف

05-06-2010, 02:49 AM

عين ابعين قابلته..؟
مر يمي وتعدّاني..!
وسألني بكل وكاحة عين
اذا تعرفني ..ياهو آني.؟؟
انته الخاين الغدّار
انته الظالم الجاني
انته البعت عشرتنا
وربحك..دمعة اعياني

عبدالله صلال

فَجرْ العسَكرْ

05-06-2010, 03:23 AM

قوه على قلبي دست قوه على روحي قسيت
مو هينه اجي بدمعتي واوقف بباب البيت
دقيت بابك خجل وبلا خجل دقيت
وفتحت بابك الي سلمت ما رديت
وسمعتك تقلي بهمس ياريت لو ماجيت

عبدالرحمن القاضي

05-06-2010, 06:07 PM

صحيت والوسائد غرقانة بدموعي
كل شي بيه جامد وبردانه ظلوعي
ياعيني عليه اسوى الشوق بيه
لا انته اجيت ولاجرحك يروح
حتى حلم عيني ياخذني بجروح

ميــرال

06-03-2010, 02:39 PM

.
الحچي ودمع المراسيل
البچت بين الظروف
والغنه وحس الربابه
وسمع المعاند يشوف
وانتَ وطيوفك سنابل ..
تنحصد دم بْبيادرهم تطوف
يا غلاتك راهب يرتل صلاتك
والكنايس تشرب الحان الحروف
والنواقيس التسجل صوتك أنته
وشاح رايه،
كتاب شاهد ما تَعْرف وراقه خوف
وأنبياء الناس تصعد للجرح تنزف صلاه
وانتَ بحبال المشانق صوت يدوي
وانتَ بهلال المآذن جنه تضوي
وانتَ لعيون الزغار .. وشاح وطيور وقصايد
حمَّلك شاطينه غيض
ويه النبع تصفه هلاهل
وانتَ حد الهم .. تلوج
ومحّد يسمعك هلاهل
تصفه روجه ويَ النهر
وتفيض تتفسّر هلاهل
تصفه لچمه وي الجرح
وتغيض ونسمعك هلاهل
والنواقيس وْيَ صوتك دگ جرسها..
وهزت أركان الكنايس
والهجر .. صوره عله حايط
شابحه الشوف وتعاين
والعشگ.. نجمه بضواك
تغيض وتمل وتعاين
يالبلچن ينكسر گلبك عليها
وينحر الشوف ويعاين
يلگه بيها طيوفه لحنّهن حچينه
يلگه بيها حروفه دوخهن بجينه
يلگه بيها شموعه تطفه..
وتعتلگ شمعه حزينه
ويبگه طيفك جيد مرهون بگلايد
لاچن أنتَ تظل جرح
ووشاح وطيور وقصايد
حملّك شاطينه غيض..
وحتى حبات الرمل بيدك تفز فزة طيور
وحتى جنح الصاف يلگاك بحريره..
وتصفه خيط وْيَ الطيور
وانتَ ذاك انتَ سؤال
تحيّر الدمعه عله چفك
وانتَ ذاك انتَ النحرت الگاع
حتى الدم يعرفك
لو نزف يشكيك وانتَ يفيض نزفك
طوح وْيَ الروح ونة الكاولي
وعيش عله عرفك
غني حزن الناس
وانتَ وْيَ الغنه نايين حزنك
سومري إيشانك،
غريبه الدنيه لو رادت تميل
سومري ..
سومري وبُعدك سماوين
وترف حزنك ثجيل
وْوادمك مثل الگمر
تضوي لمَن شمسك تميل
شلون حزن الدنيه من تبچي عليك؟
سالفه الدنيا تصير بحزنك انتَ
تخيّل الدنيا بغلاتك حدِّر بدمهه وتعال
حمّلك شاطينه غيض
وحتى جرف الماي اِلك عنده سؤال
يناشدك چفّينه خذهه
وهَيْنَه لو عفته جرايد
لاچن انتَ..
تظل جرح ووشاح وطيور وقصايد!

مشعل الغنيم

06-04-2010, 07:13 AM

كون الجمال البيك ... ينقلب بيّـا

كلما أحن واشتاق ... أصفن عليّا

خوووش دارمية (:

لم نعد نسمع دارميات متقنة مؤخراً

ياسر خطاب

11-13-2010, 10:33 PM

البنفسج .. مظفر النواب

يــــا طعـم ... يـا ليـلة من ليـل البنفســج
يـاحـلم ...يـمـامش بمـامـش
طـبـع كََـلـبي مـن اطـبـاعك ذهـــــب
تـرخص .. وأغـلـّيـك ...... وأحـبــــّـك

* * *

آنا متـعـوّد عليـك هــواي...يا سـولة سكـتـّي

يـا طـواريــّك ... من الظلـمــة تجــيــني
جـانـن ثـيـابي علي غـربـة كَــبل جـيـتك
ومـسـتاحـش مـن عيـيونــي
وَلـّـمتـني....
وعـلى المـامـش ..عـلـّمتـني..
آنـا حـب هـوايـه كَــبـلك ذ وّبــاني.

* * *
إشـلـون أوصـفــك .. وانـت كـهـرب.
وآنـا كَـمرة عيـني.. دمـعـة ليـل ظـلـمـة!
إشـلـون أوصـفـك ..!!
وانـت دفــتر
وآنـي جـلمـه.........!!
يـلـّي.. مـاجـاسك فكـر بالليــل ومجاسك سـهـر
يـلـّـي بين حـواجـبـك ..غـفـوة نـهـــــــــــــــــر
يـلـّي جـرّة سمــــا بعـينـك
خــاف أفـززهــا من أكَـلـّك
آنـــا احـبـّــك
آنــا احـبـّـــك

* * *
مـامـش بمـامـش....و للـمامش.........
يـمـيزان الـذهـب ....وتـغـش واحـبــّـك
وارد أكّــلـّك...
فـرنـي حـسـنـك ............ يـابنـفـسـج
وانـتَ وحـدك... دوّخـتني .. يـابنفـسج
وعـلى حـبـّك.. آنـا حـبيـّت الـذي بحـبـهم لـمتـني

يـاطعـم .... يـاليلـة من ليل البنفــسج
يـا عـذر عـذرين.. يـاشنهي واحـبـّك

ميــرال

11-15-2010, 12:06 AM

http://www.6rb.com/songs/32461.html

عبدالناصر الأسلمي

11-15-2010, 02:20 AM

ييزي ترهدنك هذا ويهلك
يقين متيمك يتعب ويهلك
شقول وشعتب وشحتشي وي اهلك
سبب لانهم يمنعونك عليا

ميــرال

02-04-2011, 05:58 PM

http://www.youtube.com/watch?v=3xeqt_sE3dw&feature=related

ميــرال

02-17-2011, 11:21 AM

حـــــن

وآنه حــــن

وأنحبـــس ونه

ونمتـــــحن

مرخوص بس كة الدمع

شــرط الـدمــع ،

حــدّه الجـفن

***

جفنك ،

جنح فراشة غض

وحجارة جفني

وما غمض

يلتمشي بيه ،

ويه النبض

روحي على روحك تنسحن

حن بويه حن

***

عيونك ،

زرازير البراري

بكل مرحها

بكل نشاط جناحها ،

بعالي السحر

والــروح مــني ،

عـوسجة بــر

ما وصل ليه النده ،

ولا جاسها بكطرة ، المطر

وصفولي عنك ،

بالنباعي تفيض

وتعنيت

ليله ويه الكمر

وصفولي عنك ،

كل مسامة تفيض منك عطر

يلحسنك نهر

تنزل بصدري ،

ويه النفس

وبدمي ،

غصبن تـنعجن

وأشهك

وأصعدك للسمه

بحسرات

وبعنة حزن

حن ... بويه حن

***

شفافك ، ولا كولن ورد

عنابه

معكوده عكد

تمتلي بكد ،

ما تنمرد

لاهي دفو .. ولاهي برد

آنه بوصفها راح أجن

***

سكتاتك

تشكل خواطر بالكلب

مالي عرف ، بيهن كُبل

مبروم بره الريزه

ياريان

ومخوصرخصر

لف العك

كل جلمة منك

نبعة ريحان بالدلال

ما تحمل ثكل

وصفولي عنك

وردة القداح

ريش جناح ،

زاهي بالسحر

وصفولي عنك

شال منك غيظ

بستان الورد

والنرجس الرايج سكر

حني بفواريز ولحن

حنة حمامات السجن

حنه إلي

وجنه إلك

واللي يعجبه خل يحن

حن بويه حن

***

آنه من أشوفك

يمتلي الماضي الجدب ،

زهرات بيض من الوفه

وروحي سواجي من الحنين

تصير

وأتنبه وكه بيه غفه

يا محجل

إن مريت بيه ردود

أرد أردود للعشرين

من عمر الجفه

وأنصف عمر منك ،

نصفته بالهجر

والهجر منك ما كف

حتى الهجر يا روحي ،

منك ما كفه

وكلبي أعله هجرك كام أيحن

حــن بويه حــن

حن

حن وآنه حن

وانحبس ونه ونمتحن

مجبور

أرخصك على الدمع

شرط الدمع يجوي الجفن

ميــرال

03-15-2011, 01:26 PM

كاسرت عمري اعله عمرك
كطعت ليش . . وحِـركتك
جويه مني وجويه منّك
ونتشيت . . استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعر . . وتستسهل . . اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : ايحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .
وشلون المّك ؟
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .
وتنتشي ابغيّ الشذى . .
وتتعزّل اعزال من اجرّك
من جمعني وياك ؟
من شدني . . ويه طولك . .
طعّمك بيّه
وصرت حلوك ومرّك
لنها ما بالغبشه . . غبشه . . ابغير عينك
خاف اترزبيك .. حد كطع النفس
وازهك واضرك !
خاف تطشر خرز ..
وشلون المك ؟
ومن كبل .. كل شوكه عمري من الطوارف
حسبت مثل الوداد .. الفات ودك
من كبل .. وآنه الورع كحل اجفوني
وجنت اظن :
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
اوعاذرك .. لو هدل عودك ..
من كدر يحمل حسن مثلك وكدك ؟
غاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتنترس عينك دمع

شذرة السيف

07-15-2011, 10:37 PM

http://www.youtube.com/watch?v=-Q5BGJNi_zo&feature=player_embedded

لا يجي قولوله ماظل بيا حيل
خلصن دموعي وبكيت سنيني

كان يطلب وآنا أقله بعيني هاي
بعيني هاي وحط اصبعه بعيني

على متوني حمل ذكراكـ والليل
وعلى متونكـ حمل دمعي وعذابي

بابكـ من بعد يطرد بالكفوف
و أنا بلا ما تدق ينفتح بابي

على دفتر غيابكـ طاحت العين
شـ عجب مابيّن بعينكـ غيابي !

تدري إنته النهايه تقطع الروح
وجاي بكل سهوله تقلي كافي

أنا من أول عرفتكـ منجم وجوه
وصرت حتى على روحكـ شي خرافي

تبدل وجوه وي تبديل الوجوه
و خطيه بينهن عايش منافي

ما اشيلكـ بعد ماظلت أكتاف
شلتك، قبل و انباقت أكتافي

كنت صافي وخبطني الكذب والله
و بعد لو تنقلب ما أرد صافي

روح لغير عالم اضحكـ وعيش
وصاحب غيري تستاهل عوافي

مقابر روحي انترست مقاتيل
و ما تقبل و لا مقتول وافي
http://www.7looo.com/uploader//uploads/images/7looo.comccb9d8b7af.gif

شذرة السيف

07-15-2011, 10:45 PM

http://www.youtube.com/watch?v=0EWXRxiuiys&feature=player_embedded
[FONT="Comic Sans MS"]

خذني يمكـ بعد ما ظل كل عذر لا تعتذر
ليل عمري وعمركـ مخلص
بعد مابيه صبر

خل نلم أحلامنا ونحفظ صورهن قبل لا ياخذهن بدربه الفجر
وخل نلم الباقيات سنيني وسنينكـ نسويهن عمر
وهنَ ما يكفن عمر ..!
ونبدا من جد وجديد بواهس سنين الصغر
ولو وازانا الكبر
خل تمشي أيامنا بخطوة العاقل من عثر مره ورجع يمشي
حذر ..

و خل نعيش الحب ستر

خل نضم أرواحنا بيناتنا وي أسرارنا ومانشتهر
و أفخر بيا ويا روحكـ وآنا ويا روحي أظل بيكـ أفتخر

حبني لا تظل تعتذر

خل نسوي العشره ورقه
ونصنع من الدمعه والضحكه حبر
حتى كل لحظه الـ تمر بالجاي نكتبها شعر
خل نقول الماضي غلطه
وذنب يتسجل ذنب من ينذكر

حبني لا تظل تعتذر

حبني وأجبرني على حبكـ
الروح ما تعشق لو ما تنجبر
السيف ما ينهاب لو ماكو الطبر

حبني لا تظل تعتذر

و إعترف راح أعترف لكـ
و احنا شو نفس الأمر .!
اثنينا انبعنا بسعر جوا السعر
اثنينا انبقنا حدر شمس الظهر
اثنينا السكين تانتنا نذر
اثنينا توهمنا بالحب ننتصر
اثنينا نعاني الغدر
و أعترف راح أعترف لكـ

http://www.7looo.com/uploader//uploads/images/7looo.comccb9d8b7af.gif

عبدالناصر الأسلمي

07-16-2011, 04:06 PM

ياوطن قل لي اشـ خبّلك
يابو العقول الراجحة
،،،
شاعر عراقي

شذرة السيف

07-16-2011, 10:15 PM

http://www.youtube.com/watch?v=Olb6QeOYJw8&feature=player_embedded

أكتب اسمي بصفحه من دفتر ضياع
وإعرب حروفي فعل ماضي وخلص

آنا عندي العشره كلش ماتهون
ومن طرت وياي طيّرت القفص

هي فرصه الـ مايسبق لها تفوت
وماهو بالهين ترد نفس الفرص .,

تقلي كفكـ مايهد وقت النزال !
شلون وآنا العمر ع الما مش رخص

كنت أفكر للعمر وأحسب و أخاف
هسه ميت مايهم شـ مانقص

شقد قصص تعبانه مرّت ع الخيال
ومن رعبهن قمت آخاف من القصص

http://www.7looo.com/uploader//uploads/images/7looo.comccb9d8b7af.gif

شذرة السيف

07-16-2011, 10:21 PM

http://www.youtube.com/watch?v=mq2SZF2HUh8

( مو حزن لكن حزين)

مو حزن لكن حزين
مثل ما تنقطع جوّا المطر
شدّة ياسمين
مو حزن لكن حزين
مثل صندوق العرس ينباع خردة عشق من تمضي السنين!
مو حزن لكن حزين
مثل بلبل قعد متاخر
لقى البستان كلها بلاي تين
مو حزن ..لا مو حزن
لكن احبك من كنت يا اسمر جنين!
خذني يا بحــــــر
خذني خشبة
خذني والبحارة لو نسيوك كلهم ... ما نسيتــك!
ما نسيتــــك
الخشبة عاشت عمر طيب
عشقت كل المخاطر
عاندت...مشيت بوجه الريح
لكن.... ما كسرهــا!
وصارت تسافر وحدهــا
بلا اتجـــاه ....!
وارجع احط خـــدي على خـــدك
يا بحـــــر
خشبــــة وبحـــر
خشبة.... خلاص حنينة وكلش حزينـــة
خشبـــة لكن حيـــل اهيب من سفينـــــة!

ما بكيتـــــــك
فارقت انت السفينة
وانا جايبلك بحــــر ... !

جبتلك طوفان الحلم
حلم منذور بغياب الشمس
فارقت حلم الناس
ومليت السفينة والسفر!

ما بكيتـــــك
انا بكتني السفينـــــة!
منين ما طش الرذاذ .... تريد تِبْحـــــــر..
تدري نوبات السفن لو ضاق خاطرها بجبن قبطانها
تسافر وحدهـــــا!
ما بكيتـــــك
انا بكتنني السفينة
تدري نوبات المحبة تمـــــلّ
واحبك للقهـــــر!

http://www.7looo.com/uploader//uploads/images/7looo.comccb9d8b7af.gif

شذرة السيف

07-19-2011, 03:11 PM

http://www.youtube.com/watch?v=EaUs1j8YI5Q&feature=player_embedded

جبت كل شي
وعفت كل شي
ومدري شلون اجيت أمشي .!
اجيتكـ ردت أقلكـ شوف
ردنا نعوف كل شي وماقدرنا نعوف
كون تشوف حالي شقد لكـ ملهوف
جبت كل شي الـ يسولف بيكـ
خيالي
و صحوتي
وطيوف
كون تشوف خلصت الوجوه
وشفت كل الناس
كلها وجوه غربه ولا وجه معروف
وين آلقاكـ يـ الموصوف ليّا وآنا لكـ موصوف !
يـ الفرقاكـ غربه
وكل شي ما مألوف

http://www.7looo.com/uploader//uploads/images/7looo.comccb9d8b7af.gif

شذرة السيف

07-19-2011, 03:17 PM

http://www.youtube.com/watch?v=MwJfh-SR2oo&feature=player_embedded

مذكرات عاشقه
قال لها في محطة الوداع :
لا تخافي سوف أأتي كي تكونين الأميره

سنتين اتفقنا وقضن عشرين
ورمح هجركـ لهسه بروحي مغروس

وعشت كل عمري ليل بغير مـ القاكـ
أباوع ع الشمس تمثال فانوس

جائز يم عشيقه هناكـ ظليت
وما ألومكـ ضحكـ والليل والكوس

وهواي القلوب وواحد الحب
يظل التاج بس تتبدل الروس

وتظل مطلوب إليّ ولا تنكر الدين
ترى بدم الشجر متلطخ الفوس

ضعت بعدكـ حبيبي بلايا عنوان
ومثل الريح أمشي بلايا سكان

الشماته استفحلت وأتوسلكـ عود
إذا تموت الشمس تفرح العميان

و مهرتكـ باقيه ومارضت خيال
لأن حاشى لغيركـ تنطي العنان

وظل قلبي بأمل ترجع وألاقيكـ
و قلت خله بأمل ما أحجي خله

محضرتلكـ لحن ماسامعه العود
لحن الريح تعزف على القذله

طلع كل الـ رسمته أوهام بأوهام
أرسم ع الظلام بقلم كحله

ترس راسي الثلج وأتأمل تعود
بعد ماظل وقت وأعطيكـ مهله

بدلة عرسي أمس خلصت تفصال
من شيب الزلف فصلت بدله

وبعد ذاكـ انتظار وحب السنين
ماأريدكـ تجي لأحلامي فارس

وصلني الموت عاد احضر التشييع
ترى بدونكـ يظل يكسر الواهس

وأظن حقي السفينه تموت بالماي
وهم تمشي بجنازتها النوارس
http://www.7looo.com/uploader//uploads/images/7looo.comccb9d8b7af.gif

شذرة السيف

07-19-2011, 03:20 PM

http://www.youtube.com/watch?v=Mmqv9qKDDec&feature=player_embedded

ظلمه مهجوره المحطه
و ما آشوفكـ وإنت يمي
شلون من تروح ..!
أظنكـ تآخذ وياكـ الشمس
لا تقلي بلايا ماتعبر حدود
إنت غريب
إنت ع الفقرا تشق زيج الدموع
وتحبل عيونكـ نثايا
وفوق وجناتكـ تجيب

و إنت من تسمع شطر بيه صوره حلوه
تصير دمعه
و على شفافكـ يكسر التاريخ ضلعه

شلون بالغربه الشعر شيسوي بيكـ ..!
و إنت شاعر
يعني إذا ما تكتب تطر باب قلبكـ
والشعر يزعل عليكـ ,
و توقف بعينكـ جروحكـ
و المصيبه شلون من تكتب قصيده وحلوه تطلع !
جنها بنتكـ
وماردتها تظل غريبه
و شققتها
وانت كاتبها على روحكـ
لازم تشق حتى روحكـ ..

شلون والآوادم غريبه
وصفنة عيونكـ غريبه
وإنت ماشي بلا متاع
إنت ماتدري متاع الغربه لازم
عين وقحه
و حيل ذيب !
وإنت تبكي على العصافير الـ تدق شباكـ بيتكـ
شلون لو كفكـ يدق باب الحدود !

وكل شي بالغربه حجر
حتى الدمع ينزل على خدودكـ حجر
شوف الدموع تغيّرت
بالغربه واهسها انكسر

الليل رد باب الشمس
وانكسر شباكـ الصبح
والشارع يطفي الضوا
ويشتعل فانوس الجرح
وتفوت بالشارع
غريب
الدنيا والبيبان تتلفت عليكـ
وماكو باب يرد وحشتكـ
و ماكو باب الـ يحمل النار الـ بيديكـ

http://www.7looo.com/uploader//uploads/images/7looo.comccb9d8b7af.gif

عبدالناصر الأسلمي

07-19-2011, 09:38 PM

يصح خصلة شعر تفرش دواوين
ويصح ديوان ما يسوى حصيرة
ويصح كومة زلم ما تسوى فلسين
ويصح مثلك اخو يسوى عشيرة

شذرة السيف

07-24-2011, 10:04 PM

عليكم جذب الـ قال آنا مرتاح
يا راحه الـ بلياكم تجيني ..!

العطش من باق لون شفافي وراح
متت لكن روّني دموع عيني

شلون آرتاح وإنتم هم بعيدين .!
ونار فراقكم تآكل بـ السنين

آتمنى الشمس بـ الايد تنلاح
و تآخذني عليكم توديني

http://www.7looo.com/uploader//uploads/images/7looo.comccb9d8b7af.gif

شذرة السيف

07-25-2011, 08:37 PM

هم تحتاجني وترجع إليّه

شـ ما يعلى الشجر
ماينسى فيّه

ماضيكـ آنا أعرفه وكل ظروفكـ
وكنت تشكي لي كل ماردت أشوفكـ
صحيح توّفقت / بس مو عليّه

هم تحتاجني وترجع إليّه

ما ناسيني بس ناسي إنت نفسكـ
و أعرفكـ زين ما يحتاج أدرسكـ
ما أهتم لكـ شـ ماتجي ضدي
آخاف تحس لكـ فد قيمه عندي
و أظل شـ ماصرت روحي أبيّه

هم تحتاجني وترجع إليّه

http://www.7looo.com/uploader//uploads/images/7looo.comccb9d8b7af.gif

شذرة السيف

07-25-2011, 08:39 PM

http://www.youtube.com/watch?v=SiabeLzb1R0&feature=player_embedded

http://www.7looo.com/uploader//uploads/images/7looo.comccb9d8b7af.gif

شذرة السيف

07-26-2011, 03:56 PM

http://www.youtube.com/watch?v=H_OkdHdNDmA&feature=player_embedded

بيني وبين نفسي شقد أفكر بيكـ
وأقول شمعنى أنت الـ شاغل ظنوني .!
مو أول محب خاطر تسل الحال
ولا أول جمال تشوفكـ عيوني
شجاها الروح يمكـ ذبت الأسرار .!
وليش أرجف عليكـ وينخطف لوني

وحتى الناس قامت تعرف بهالحال
ومااعرف شقلهم من يسألوني
يطبون بصفنتي وعنكـ يدورون
و يلقوني أفكر بيكـ يلقوني
و صاحت كلها صاحت :
هذا هذا فلان
و ماعندي لقوكـ و بيكـ تهموني
تهموني بمحبتكـ والله لويدرون
على ضيم الـ عليا يظل يواسوني

مايدرون عايفني بمهب الريح
وأنا وياكـ عفت الـ مايعافوني

الـ يحبوني شكثر ولـ جيّتي يتانون
و أخجل من كثر ما قاموا يتنوني
وإنت الـ ماتحبني شلون بالله وياكـ ؟
أمرن بيكـ / ما أمر بـ الـ يحبوني ؟

عفت اللي شروني ومن أرد شلون .!
هم أسوى بعد والنوب يشروني ؟

حبيتكـ شـ جاني و ماحسبت حساب
خي عونكـ عليّ مو آنا خي عوني
ما تحبني وأحبكـ والمصيبه النوب
أريدكـ و أنهزم من الـ يريدوني

ومن دونكـ صرت ما أعيش ويا الناس
و إنت بكل سعاده تعيش من دوني
بـ أحزانكـ أودي عيوني تبجي وياكـ
وبـ أفراحكـ أبد ما تذكر سنوني

من سمعوا أهلنا العشق دق الباب
ما خلوكـ أهلكـ / و أهلي خلوني
ما خلوكـ أهلكـ حقهم يخافون
بس أهلي لـ محبكـ شلع باعوني

http://www.7looo.com/uploader//uploads/images/7looo.comccb9d8b7af.gif

شذرة السيف

07-28-2011, 10:39 PM

http://www.youtube.com/watch?v=jmF0Rsi41DA&feature=player_embedded

بعدكـ بالقلب رغم الخلافات
المسافات انلغت بينك وبيني

ما ينطيني قلبي أزعل وياكـ
بس إن شاء الله قلبي ينطيني

أتوقع يجي فد يوم أنساكـ
بس أتمنى أموت وما يجيني

أعرفكـ مو إلي بس أنا أهواكـ
لأن إنت الوحيد الـ مالي عيني

اكو شاعر يضحكـ ويكتب لقيته
و اكو شاعر يبجي ويكتب لقيته

واكو شاعر على نيته
بس كبر صيته / و كبر صيته / و كبر صيته
وبنى بيته بلايا ساس
و صفقوا له وطاح بيته

بينما شاعر قوي و ماأخذ فرصه
يكتب وما أخذ فرصه
بس قوي شيطان شعره من كثر ما بيه جنون
صار لكـ بالشعر قصه
حتى لو ما يجي يقرا
تروح له لبيته المنصه

كل شي اكو بس مدوا ايديكم
ترس ايديكم
كل شي ما كوا

http://www.7looo.com/uploader//uploads/images/7looo.comccb9d8b7af.gif

شذرة السيف

07-28-2011, 10:41 PM

http://www.youtube.com/watch?v=vpmpp9i14lY&feature=player_embedded

http://www.7looo.com/uploader//uploads/images/7looo.comccb9d8b7af.gif

شذرة السيف

07-28-2011, 10:43 PM

http://www.youtube.com/watch?v=PWl0zKW1geQ&feature=player_embedded

على كل حال .. نحمد الله يا صاح
ولو ع الفات .. دم تبجي الهواجس

عقب ذيج المضايف والدواوين
تصير بيوتنا صفوف المدارس ؟؟؟

فرشناهم كتب .. ما عندنا حصران
وترسناهم شعر .. لاحد ينافس

يلوم المادرا .. بعلّتنا عبّاس
وتبجينا الملامة .. وشنهي الأسباب ؟؟؟

تركنا الجامعات وإحنا شبّان
ودرسنا الصف الأول .. وإحنا شيّاب ؟؟

http://www.7looo.com/uploader//uploads/images/7looo.comccb9d8b7af.gif

شذرة السيف

07-28-2011, 10:46 PM

http://www.youtube.com/watch?v=cdM4o0JffdY&feature=player_embedded

مؤلم .. هاذا النائل !

لا تحط بيدي الشمس وأحلامي بيد
و لا تهيّج ع الفقير جروحه

ولا تقّلي بيسركـ و عسركـ أعيش
و إنت قصركـ لـ السما يمد لوحه

عوفني بحالي تراني بليّا ايد
و إنت شباككـ زحل شـ يلوحه

شلون ما تدري الحلم جرح الفقير ؟
ما تشوف أحلامه قد جروحه

روحي مذبوحه ذبح وتريد أطير
منين لي حظ يطيّر المذبوحه

لا تأملني بـ حجي الـ ماجاسه ضيم
كفي دق بوب السما المفتوحه

و حظي دق إثبات بجناح الفقير
لا ينزله و لا يصعده سطوحه

إنت بعدكـ ما نمت فوق الحصير
و غمّست لقمة ملح بـ ملوحه

لا تلامسني بطرف عينكـ آذوب
آنا من دم و لحم مو لوحه

و لا تمرجحني برمش عينكـ آخاف
آنا ما شايف رمش مرجوحه

و لا تقلي تمرجح شـ مالكـ تخاف ؟
كنت أريدكـ للسما توّديني

بس أخافن ينقطع رمشكـ و أطيح
و باجر تقلّي طحت من عيني

لكن أدري بـ دربي عن دربكـ بعيد
و من صغر هذا الفرق بكاني

والله أحبكـ من صغر بس ما حجيت
كنت أريدكـ تنسعد ويْ ثاني

و من اجيت بلهفتكـ تسأل علي
قلبي كله تمرجح بـ شرياني

تالي من غصبن علي قلت لكـ نسيت
روح دوّر لكـ محب و انساني

توّسلت بلساني يحجيها وتروح
و من رحت عني قطعت لساني

http://www.7looo.com/uploader//uploads/images/7looo.comccb9d8b7af.gif

شذرة السيف

07-28-2011, 10:48 PM

http://www.youtube.com/watch?v=-EO7kFilCSc&feature=player_embedded

بعد ما ظل جفن يعتب على بجاي
صفت عيني مصر .. ودموعها النيل

شجالكـ يا فرح .. متعاند وياي ؟
أحس جيتكـ نداوه .. وردّتكـ سيل

تمر بالنخل .. لكن كفّي مقطوع
وش تقل للي يقلّكـ .. حط بالزبيل ؟

http://www.7looo.com/uploader//uploads/images/7looo.comccb9d8b7af.gif

شذرة السيف

07-29-2011, 05:35 PM

http://www.youtube.com/watch?v=OCkmS7c2Evg&feature=player_embedded

ماردت أحبكـ حاولت
من لفظة اسمكـ حاذرت
كلمه و شلتها من الحجي
و من اللسان أخفيتها
و بيبان روحي مقفله
و ع الـ لا أحب سديتها
صلفه أمنياتي الـ رادتكـ
سألتني عنكـ بس صمت كلش ولا حاجيتها
قالت لي وينه ؟
وجاوبت : ما أدري ما دليتها
ماردت أحس حبكـ لأن قبلكـ الروح انطيتها
و لخاطركـ رحت أعتذر
منيت بيها لخاطركـ
مثل الطفل لما يمن بـ حاجته
وياكـ أعز ناسي انتهى و ماقمت أحس بـ عازته
بدربي قلت لو مو سوا
أمشي حياتي بلا درب
يمكن يشح عني الهوا
لا بس كذب
معقوله ما نمشي سوا
معقوله في لحظه الشمس للقاع ما تنطي ضوا
و تنتهي ما نلقى صبح !
معقوله يطلع لي جرح
معقوله ريشة شفتكـ ترسم لي بالضحكه رمح !
لا مو صدق

قالوا لكـ يعوفكـ ترى
تذكر قبل ؟
قلتلي : شقلهم ؟
قلت لكـ : أي
قلهم : لمن من يمي تمشي جنازته
هو آنا عايش لكـ لأن دمي الأعز ما بالجسد
بس إنت تعرف حالته

تتركني هسه قررت ؟
ينطيكـ قلبكـ ننتهي وبس بالأحلام تشوفني ؟
تتركني هيج بلا ذنب ؟
برر لي حتى لو كذب
مليت ؟ قلي : قمت أمل
شـ يحمله ليلي بوحدتي
ما ينحمل بعدكـ ترى
و كذبت قلتلكـ ينحمل

قلت لكـ لمن تمشي ترى
تتركني وحدي جن طفل
تايه وكل أهله مشوا
عايش يتاني الـ ما اجوا
كل شي الـ يمر يفززه
حتى الشماته تفززه
من يمشي ويهب الهوا
يلتفت حسباله حجوا
لكن لمن يتذكركـ حتى الشماته
الـ مابكوا
من شافوا دموعه / بكوا

هيج آنا من عني رحت
ما تسكت دموعي / ولو دورتكـ آنا بـ وحدتي
شفتكـ وطن حنيت لكـ
لكن لقيتكـ غربتي
احتاريت منهن يا هي صح
مابين ذلي و عزتي

اختاريت أعوفكـ حتى لا / تكسر قراركـ دمعتي
و ونيت سكته ماردت يتشمتون بـ ونتي
صح أضحكـ بـ نبرة فرح
بس ركز بـ صوتي بعد تسمع نحيب بـ ضحكتي

هم مثلي قلبكـ ما نسى ؟
و هم بعد من تمشي درب
تذكرني خطواتكـ بعد
تتركـ فراغ لـ خطوتي ؟
لا تسكت
الـ لا بيّنت
بيّن أثرها بـ عبرتي
ولا تلتفت لي بس ردت أنطيكـ آخر ما بقى
و هو شـ بقى ؟
مني خذت كل شي وبقت
دمعات ليكـ بـ ذمتي

http://www.7looo.com/uploader//uploads/images/7looo.comccb9d8b7af.gif