رسـائـل لـ لـ يـاسـمـيـنـة

[صالح العرجان]

.,.,.,.,.,.,.,.,.
من عادتي لا عكّر الوقت جوّي
...............أخفي دموعي عن نظر كل غالي

ما ابدي تناهيدي ولو شبّ ضوّي
................وأدفن همومي بين فكري وبالي

وش عاد لو بركان حزني يدوّي
...............وإلاّ يهد بداخلي كل عـــــــالي

الله بلاني ب(العقل)و ش أسوّي؟
..............دربي يميل ولا يميل اعتدالي

حيّرت في ممشاي حيلة عدوّي
.............لين اقتنع في طيبتي وانثنا لي

هذا وانا في سكّة الحب توّي
.............بأوّل خطاوى رحلتي وارتحالي

من عافته عيني ..هفا من علوّي
............ومن حبّته نفسي ..سكن بالعلالي

[صالح العرجان]

تدري انك كل ما ابطيت داهمني سؤال :


كيف صار البعد واقع ! مع انه مستحيل !

[صالح العرجان]

بشروني عنك بين الحقيقة والخيال !

ورجعت روحي لــ روحي مثل عابر سبيل


وانت يا اجمل حلم كان يتهادى في دلال

" كلني لك " شوق يا حلمي العذب الجميل

[صالح العرجان]

يا أنا ..

وش الجديد ؟

لا بقيت الليله لحالك ..

ولا حولك احد

.. يفهم اللي ما عرفت تقوله ..

وياصل اللي ما قدرت تطوله !!

ما انت كنت البارح لحالك وفي نفس الشعور !

وبكره

.. ان ربي عطانا عقل واحساس وعمر !

بنفس هالموقف .. تمر !

صح معاك كثير ..

وحولك اكثر منهم بكثير ..

ومن يبي يوصلك اكثر من ( كثير ) كثير !

بس صدقني رغم ذلك :

بكره بتجلس هنا .. لحالك ..

منكسر خاطرْك واحساسك غريب ! وغربته منه وفيه ..

ضايقه فيك الوسيعه .. وما انت قادر تكتب احساسك قصيد ..

وتسائل ليه انا الليله وحيد ؟

وتفتح الدفتر .. وتسأل نفسك بنفسك :

اكتب اول

ولا ّ اكتب

آخر جروحي وبوحي ..

واتـّراجع !!

ليه اكتب ؟

دامها نفس الحكايه ..

.. ضيقتي / حزني / همومي

وحدتي ..

.. احساسي المتعب و لومي


كلها


روتين يومي !


يا أنا


من البدايه ..


قلت لك .. وش الجديد ؟

[صالح العرجان]

على دربــ

" الأمل "

أرسم خطاوي ضحكتي للحين !

وأنا أدري

" لا أمل باقي " ..

ولا لي خلق للضحكهـ ..!

[صالح العرجان]

في كتاب تاه في غربة كتـاب

الف ليل بليل هــارون الرشيـد



مغترب عامين والثالث ذهـاب

لواحد وعشرين واثنين ويزيــد



اغتربت وجيت من عقب الغياب

واكتشفت اني بهـــا العالم وحيد

[صالح العرجان]

ياحروف الشعر قولي قصتي واحكيني
دام نزف الشوق غصب ٍ بالورق بكـّيته

اختلف نبضي بدمي والسبايب عيني
إن سكت خفت اتكلّم وإن حكى لبيـّته

انتثر فنجال شوقي من كفوف ايديني
وجيت اصافحه بيميني بالغلط ضمـّيته !!

[صالح العرجان]

الله ينعــم عليــك
............................


أنا بأحمل صديد الجرح في بــــاقي وقتي المسموح
وإذا وافتني القدرة ترى هالبيت تذكـــــــــــــــــاري

رثاني دمعي الطــــــاهر في صمته مارضي بالنوح
رثتني قسوة الدنيا ورثتني حــــــــــــــتى أشعاري

وجزت اللي ذبح قلبي وعشتـــــــــه بالخفا مجروح
لجل ما ضعف بعين اللي نشدني كيفهـا أخــبــــاري

[صالح العرجان]

ماهو غريب تعيش في يـوم (مهجـور)
وتعيش في همّك .. على الضيم وأكثر ..

*
*

الأغرب .. تعيش العمر دوم (مقهـور)
وترجع بك الذكـرى علـى كـل منظـر

[صالح العرجان]

تدري وش اللي ذابحني والمشكله فيني .. !!
ابي أعرف عروق الغـلا وشلون تسرقها..؟!!

يمكن تكون خيانه من شراييني .. !!
والاحظوظك يجوز الله موفقهاا .. !!

[صالح العرجان]

تــعالي غيري لون الليالي..

مثل ماغير أحساسك كياني..

((غرامك))

حلم نور لي وجودي..

((غرامك))

كل شيء في زماني..

((غرامك))

دم يسري في عروقي..

وبأسمك ينبض الخافق معاني..

أنا اللي كثر حبي لك أحبك..

أنا اللي فيك..

كنت .. ولازلت .. وببقى..

مـــجنون و أنـــانــي...!

[صالح العرجان]

هـــلآ بآللـــي عيونـــي مآ تملـــه
من لنـــآ غيرك بهـــالدنيـــآ حبآيـــب

منـــزلك في خآفقـــي محـــد وصلـــه
جيـــت لك ولهفتـــي حآضـــر وغآيـــب

وكـــل دربـــن في شرآينـــي تدلـــه
ولآ تقـــول آنك عـــن آلتعذيـــب تآيـــب

يآ حبيبـــي لك مـــع آلغيبـــآت طلـــه
هآجســـك لو غـــآب من سبـــع آلعجآيـــب

[صالح العرجان]

أنا لو ماتذكرتك غلا .. جاب الغلا طاريـك
تعيش وتسلم لقلبٍ على كـف الغـلا شالـك

أطالع وجهك المشرق أمل .. وعيوني تناديك
واقـول الله ثـم الله لايحرمنـي وصالـك

[صالح العرجان]

مـدري وش اللـي بكسبه لا فـقدتــك
جـايز اكـون اكثــر انســـــان خسـران

ومـدري وش اللي بشـعره لا لمـحتك
تـذرف دموع الـهـم .. من كثر الاحـزان

من كل قلبي.. وكل روحـي عشقتك
يا اغـلا من وجـد بهالكون .. انســان

خسران انا..لا لاما ضنتي يوم شفتك!
انا الوحيد اللي على الكـون كـسبان

[صالح العرجان]

عندي سؤال

وودي ردك يجي قد

السؤال !

عايش أنا من أجل

أشوفك . .

أو اشوفك لجل

أعيش . .

[صالح العرجان]

ويـــــنك؟؟
تجاوب صرختي بسكرة الموت

ويـــــنك؟؟
تشيل أطلال خلك بتابوت

تعــــال و انقلني على القبر بسكوت

تعــال و حقق في مماتي ..مناتي

ماأبي تبكي و لاترفع الصوت

لي الشرف لو جيت تحضر "وفاتي"

[صالح العرجان]

وش اللي اكتبه عنك.؟ / وعنك تكتب الأهات

وش الي سافر بـ قلبي وعلمني على عيونك


تخيل من كثر نبضي..أحس ان النبض ساعات

يوقف لاطرى طيفك وربي صرت // م ج ن و ن ك

[صالح العرجان]

بسامحك يا عابر الشوق مــــــــــره
واقول وش حدك على قطع وصلي

بين العذاب وبين وقت المســـــــره
دقايق تبكي معي واضحكت لـــــي

لله در الحــــــــــــــــــب .. لله دره
كم عذب العشاق قبلك وقبلــــــــي

[صالح العرجان]

تفاخر ..

( لعنبوا غيرك )

ترى غيـرك ،, يمـوت هنـاك

وربـي ينتظـر كلمـه ..

وأصــد وهــو .. يكلمـنـي

[صالح العرجان]

مـــدري وش الليّ في كـــلامك

خنقــــني

كنّك بــ كل أحبال صوتــي

تعلقــــت ..!!

[صالح العرجان]

كنّ الثواني ... في غيابك سكاكين !
ليتك تذوق شوي ... طعم الثواني !

القلب ماهو قلب والعين ... مو عين !
حتى مكاني ... ماأحسّهـ ... مكاني !

قلّي دخيلك بس ابلقاهـ ... من مين ؟؟
من غيبتك ... بلقاهـ ؟! أو من ... زماني ؟!

والحين شفنا وين ؟! ... واحلامنا وين ؟!
ضعنا اندوّر ... للسعادهـ ... مواني !

كل شي بكاني من غيابك إلى اللحين !
حتى عدوي ! ... من غيابك ... بكاني !

ماعاد تفرق جرح واحد ! ... وجرحين !
الموت واحد ... لهـ عذابك ... خذاني !

ياصاحبي ... يكفي غيابك ... وبعدين !!
ماخفت ربك بس ... " أنت و زماني "

[صالح العرجان]

بعض المواقف تجي وتروح ما تبقى
وبعض المواقف صداها بالعمر باقي

يا صاحبي لا معي تتعب ولا تشقى
ما يتبدل الوقت وأخلاقي هي أخلاقي

إن جيت أرحب وإن ما جيتني تبقى
أنت أكثر انسان عزيته من أعماقي

[صالح العرجان]

مشاعري من وين ما وجهتها .؟ لك تسـتدير
إتشــيلني وتحـطّني وآشــيلها وآحـطّها

خذني بعينك غير وانت بعين من يغليك غــير
وان شفت عيني .؟ تلتفت في غير عينك بـطّها

[صالح العرجان]

يعين الله يا دنيا تسوق أفراحها أحزان
يعين الله وأنا مثل قفلٍ ضاع مفتاحه

يعين الله جروحي لها في كل يومٍ شان
كذوب اللي يقول إن الزمان يداوي جراحه

[صالح العرجان]

طلبـت من الهوى خدمــهـ يـــروح بــ ع ــيد وينساني
ولايفكــر يجينــــي يـــوم ولاأغــامر ولا أجـــــي لـــه

عرفت إن الهوى لــ ع ــبـه وسخــافة شــ ع ــر وأغاني
خـــــلآص ارجـــــوكـ يا قلبــــي بلا حـــب وبلا نيلــــه

[صالح العرجان]

ياما كتمـت الألـم واخفيـت وناتـي
ياما حرمت الجفن مـن لـذة نعاسـه


أحيان اقول اقهـره واعلـن قراراتـي
وابادلـه بالخيانـه واكتـم انفاسـه!!


واحيان اخفي شعوري تحت ضحكاتـي
ماهو عشانه..عشان الروح حساسه!!


ان مارحمني وانا في عـز حاجاتـي
بعدين لامـت ظنـه ينفعـه باسـه؟؟

[صالح العرجان]

لو الدواء بضلوع صدري لا داويك
------------ واطحن جميع ضلوع صدري فداياك

[صالح العرجان]

خـل فـي بالـك مـدام إن الحكـي ×× محظـور ××
مـدامك شفتـني أبكـي // تـرى هـ البيـت يبكيـني :

][ لـو اغـرق فـي بحـر " ح ـبك " أو أشـرب مـن عنـاك بحـور
قسـم بـ / اللهـ ماتـنزل " غ ـلاتك " مـن شراييـني ][

[صالح العرجان]

ما أقول غير الله عليها


http://www.cools4u.com/songz/listen.php?id=30093

[صالح العرجان]

الحظ عوّدني على .. قفلة الباب !

والعمر يجري بي ،

ولا أقدر أجاريه !

قالوا : ولايسوى الأمل حفنة تراب !

هو فيه أمل جاني ..،

وأنا قلت : مابيه ؟!

[صالح العرجان]

الي أحبه في حياتي

ولازال...

شخص عطيته للاسف ..

مافـــهمني..؟؟!

[صالح العرجان]

سمعت باللي يقعد

بطلعة الروح؟؟

هذا انا في جلسة

منت فيها!!

[صالح العرجان]

يابنت ماتدرين وش صار ما صار
لاشك انا ابخص بالهموم الثقيله

همٍّ على قلبي من الفين قنطار
وارجي عسى الله من فؤادي يزيله

يابنت جودي مع هل الجود الاخيار
اللي مشوا درب الوفا والفضيله

وشومي عن اللي عادته صكّة الدار
اللي مشى درب الرّدى والرذيله

[صالح العرجان]

أعزك كثر ماهلت عيون اليتيم دموع
أعزك كثر ماذقت الطعون وقلة الراحه

أعزك كثر شكوى الفقير وضايقات الجوع
أعزك كثر مابحر الغرام يضيع سباحه

أعزك كثر مايصعب على الشفه تحب الكوع
أعزك كثر مايفرك نديم الهم مسباحه

[صالح العرجان]

لاتلمس الجرح خل الجرح وأسبابه..
الله يخليك مافيني مكفيني..

حتى حبيبي زمان الحب ماجابه..
كان آخر انسان متصور انه يخليني..

يكفي انه ترك لي شي اشقابه..
دفتر قصيد وقلم مسجون بيديني

[صالح العرجان]

الحزن طوّل وليت الحزن لا طوّل

يمّل مثل البشر ويفارق احبابهـ



ياصعب كلمهـ زمان وكان ومن اوّل

على الذي للجفا ما حسب حسابهـ .

[صالح العرجان]

ما عاد تفـرق هـي لنـا أو علينـا

البعد موجع / وأكثر القـرب ذبّـاح !

[صالح العرجان]

في داخلي انسان يرسم تماثيل
وفي ونتي شاعر يناجي شعوره

في دمعتي جمره تولع قناديل
وفي خطوتي درب اعاني عبوره

[صالح العرجان]

حتى انت ياموج ماتقدرعلى همي..!
اعطيك همي وترمي به على الشاطي..؟

هذا وانت البحر ماتلتفت يمي؟؟
اجل من اللي يحس بجرحي الساطي..؟

[صالح العرجان]

إذا تسمح ..

بغيبــ شوي !

أبجمع [ همِّي ] الباقي ..

وأدفن " صبري " الذابل في أوراقي !

وأبرجع لكـ ..

إذا باقي في نفسك ( شي ) ..!!

[صالح العرجان]

حبيبي والطعون اللي تجي من خنجرك خيره!!

لأن الجرح ياخذ هيبته من هيبة الجاني

[صالح العرجان]

الدمع لامنه نزل من ناظرك كنه...
]|[..طفله.. تسولف للحزن..]|[ عن ثوبها البالي...

[صالح العرجان]

مثل البكا .. حبيبتي تحتاجني .. تحت الظلام

ومثل الفرح .. حبيبتي أحتاجها .. وسط الزحام

الحب علمها السكوت ..

والحب علمني الكلام ..

[صالح العرجان]

[ دَمَعَآتُ اَلْحَنِيْنْ ]

تَنْحَدِرُ .. لِـ تَسْقِيَ اَلْصّفَحَآتِ قَبْلَ اَلْحُرُوُفْ ..

وَ زَفَرَآتُ اَلْأَنِيْنْ ..

تَتَسَآبَقْ لِـ تُحْيِيْ مَآضٍ [ دَفِـيِنْ ]

[صالح العرجان]

ياسمين

والله العظيم مريض

[صالح العرجان]

قال لو حبيت غيرك و ش تقول
....قلت احاول قد ما اقدر امنعك

قال و ان عيت تطاوعك الحلول
...قلت احبه يا بعد عمري معك

[صالح العرجان]

حي هالشوف ماتنمل دنياك
..... شف سوات العيون إذا لقيتك

عين تشربك شوف وعين تضماك
...... لاذبحني ضماك ولا رويتك

ودع البرد كفً ضـم يمنـاك
...... صافح الود قلبي يوم جيتــك

ان طلبت الغلا قلت الغلا جاك
..... وان سكنت الخفوق البيت بيتك

[صالح العرجان]

الغنى والفقر حاجه بيد رب العالمين
................... مؤمن بهذي العبااره.. بس ما انتي مؤمنه

ادري ان المال لبّى كل شيٍ ترغبين
........................إلا انا واحد من الرغبات غير الممكنه

[صالح العرجان]

إني عشقتكي واتخذت قراري
** فلمن اقدم يا ترى أعذاري

لا سلطه في الحب تعلو سلطتي
** فالرأي رائي والخيار خياري

[صالح العرجان]

أحب السحر بعيونـك وأحـب النـاي والمـوال
وأحب اعزف على مودك حنين القلـب موالـي


وأحب الليل وعيونك تسامرنـي بريـح الفـال
تغيبني عـن همومـي يعطـر مسكهـا فالـي

[صالح العرجان]

الا يا درة عيوني ويا أنشودة الخفاق
إذا حنت قناديلي كتبتك بين أوراقي

[صالح العرجان]

قالوا تكلم ... قلت يكفيني الصمت ..!!
واللي حصل ... في داخل القلب يكفيه ..!!
ذي دنيتي ... فيها شقيت وتعلمت ان دربي ولابد بأمشيه ..!!
جرحي وأنا باطويه مهما تألمت ..!!
وان مابرى جرحي الي الله بأشكيه ..!!
رضيت انا باللي جرى بي ..!!
وسلمت امري الي اللي يعلم القلب وش فيه ..!!
وحسبي الله ونِعم الوكيل ..!!




http://img71.imageshack.us/img71/3885/roseiloveu11va8.gif

[صالح العرجان]

فصل العطش شوه ملامح مكاني
... قامت تموت اوراق توته وتينه

من جرحي البارد تحدرت عاني ...
يم الدفا لو غربة النفــس شينــه

[صالح العرجان]

ما هقيت ان الهوى عذب قلوب الرجــــال
لين ضـاع مني القلب وتفكيري سوى
:

رحت أدور دفوة الشمس ضيعت الضلال
جيت أطفي شعلة النار والقلب اكتوى
:

ما هقيت ان السعــــــــاده خيال في خيال
تروي قلوب الـــحبايب وقلبي ماروى

[صالح العرجان]

كثير من البشر يسأل عن أسباب الحـزن فينـي
وكثير من البشر وده يعرف بدنيتـي وش صـار…؟؟

[صالح العرجان]

ياشينهـــا لا جت فرحهـ اعدائكـ

بسبب عبراتكـ

وياشينها لا انزلت دمعـــاتكـ

بسبب من كـــان يمسحـــها

[صالح العرجان]

"

بـعـض { الشـگـوَگ . . تـدگ صـرح الهـوى دگّ

اقـرآ الـحـروَف وَمقـصـدي تـستـشفّـه !


إن گآن حـطيـت الـغلآ / في طـرف شـگّ

يطيـح لآ مـن جـآهـ { عـآذل . . وَ . . دفـّـه ~

"

[صالح العرجان]

سمعت اني على باله .. ويذكر عشرتي ..بالخير
وهو ماغاب عن بالي .. ولا قد هان ..مقداره

سرابي .. هاجس الذكرى ولا ني بحاجة التذكير
لأني عايشٍ أصلاً .. بلاه .. / .. بروح .. تذكاره

إذا .. هو يذكر .. ايام الغرام .. ويشتكيiللغير
فانا .. ماغير افكر به .. وصدري ، حافظ اسراره

واذا هو صار بفراقي .. قصيده مابها ..تصوير
فانا لازلت ، بفراقه .. لحن من دون .. / .. قيثاره

[صالح العرجان]

عودتني لا ضقت أجيك و أشكي لك
وتشيلني مشكور من قمة أوجاعي

لكني اليوم ياكيف بأحكي لك
تقدر تشيل الهم وأنت له راعي ؟!!

[صالح العرجان]

سلمى تقول ان الموده غرابيل
.... وانا على سلمى عليل الضماير

سلمى تقول الحب ويلٍ بثر ويل
.... وانا حشاي بجاير الحب فايـر

وسلمى لهابقصىالضماير مداهيل
.... وعندي لسلمى بالموده سرايـر

اسأل عليها كل ما يقبل الليل
.... والصبح اوصي يمها كل طايــر

الحب في قلبي صبغ صبغة النيل
.... بين المحاني صايب الحب جاير

[صالح العرجان]

ولا احلى من زعلك بكل الدنيا ياكود رضاك ..
ولا احلى من خطاك الا ارتعاشة عذرك الواهي ..

ولا احد يشبهك عندي سوى دمعة ضماك وماك ..
وانا في حبك افرق حتى انا ماني من اشباهي !!

[صالح العرجان]

المشاعر تتجه لك والغرام سنافي ..
لا زهمته ماطرالي غير ضم كفوفك ..

كني من دونك غريب تايه يا كافي ..
وماذبحني غير بعدك والعنا وظروفك !

[صالح العرجان]

قولوله اني مااحبه كثر ترحالي ..
او لا حرام يتضايق ولا يبكيني ..

قولوله اني احبه بس من تالي ..
ان راح ولا رجع ماعاد يعنيني !!

[صالح العرجان]

السهر والعشق الاول والهوى واللي ينوله ..
شي اقسى من همومك والعنه حاضر وغايب ..

الهموم اللي دعتني من بعد سن الطفوله ..
كلها من تحت راس العشق ملعون الصلايب !

[صالح العرجان]

ياشين بعض القصيد وياثقل دمه ..
لامن قريته كرهت الشعر وعلومه !!

ويازين بعضه تقل كني ولـد عمـه..
من زود حبه .. جعل يومي قبل يومه!

[صالح العرجان]

كيف يقوى قلبك القاسي على صـدي وهجـري
وانت تدري في ليالي عمـري بدونك كئيبـة

من بعد عينك ترا صار البكا بالليـل يغري
والليالي ترتـدي ثوب الالم وتشـق جيبـه

كل دمعة تنحدر تكتب علـى الخديـن(بـدري)!
ايه بدري لاتروح..القلب دونك ويش ابي به؟!

[صالح العرجان]

ماعلي خلاف اقول اللي ابيه ..
من فضل ربي علي اني قوي ..

الا حبك شي ما اقدر عليه ..
كن حبك الضيف والقلب بدوي !!

[صالح العرجان]

والاكيد اني لقلبي بيدي وديتك
وعاد شوف اليوم وين الحب وداني !!

يا عساني صدق ولعتك وهميتك
ويا عساك بجد تعشقني وتهواني

ولو تقول اني بغيابي عنك عنيتك
انت همك صرت اعده((حسبة اخواني!!))

[صالح العرجان]

أبي وعد..ما احتمل فيه انتظارك

و أبي ليل .. مايجي بعده نهارك

ودي أدري..هي حياتي اختياري..أو اختيارك

ودي أنسى..ليلة وعدك..أنسى وعدك..ما أجيك

وش يضرك .. لو أخونك ..مره و اختارك عليك

[صالح العرجان]

ما قلت احبك ولا قد قلت مـا حبـك
احب مالي عيوني و انـت تسواهـا

لو تدري اش كثر تعني لي تعرف انك
اخر امـل فـي حياتـي واول مناهـا

ياكثر احس ان بك مني و بـي منـك
روح قسمها على شخصيـن مولاهـا!

[صالح العرجان]

اذكريني لا انتهـت للـشمـس رحله مـع نـهار
واذكريـني لا صـحـى للصـبح ورد الياسمـين

واذكريني لا لمحتي فـي ليـالـي البرد نار
واذكريني لا سـمعـتي للمـطـر صـوتٍ حزين !!

[صالح العرجان]

غريبه كل حلم يمر برقادي تزورينه
والاغرب كيف احلم الحلم وارجع واحلمه بعدين؟؟

قبل يومين شفتك بالمنام وقمت من حينه
ونمت امس ورجع نفس المنام اللي قبل يومين !!

[صالح العرجان]

وجع حب وجع شعر وجع شوق وجع ضيقه
على كيفك وهاك اختار هذي سلة اوجاعي

غلا واسمع نزيف الجرح كلام الصمت ما اطيقه
انا محتاج اسولف لك عن اول وآخر اوضاعي

[صالح العرجان]

طرد السراب لمن يحسبه ماء ماهو مشكله
المشكله طرد السراب لمن يعرف انه سراب

[صالح العرجان]

سميّتك اسطـورة الأحبـاب
يـا الناعـم الليّـن القاسـي

محبّتك ..فـصّ ملـح وذاب
وذكراك ما طوّعـت باسـي

مير البلا ريحـة الأحبـاب
تهـبّ وتذكّـر النـاسـي !

[صالح العرجان]

لو من حل حكايه الشهد مخلوق
ماكرم الله العسل في كتابه

لو للسحايب ياطويل الهدب سوق
شريت لك برق رهيف وسحابه

هتانها .. ياصاحبي .. لو هطل
اخضرت اطراف السماء من عتابه

[صالح العرجان]

لا تقول الحـبّ يبغـا لـه شجاعـه
وأنت يا طيبك .. وأنا يا طيب طيبي !

حافـظ ٍ تاريـخ ميـلادك وداعــه
والزمان يدور والعمـر يعـدي بـي

كل عـام وكـل يـوم وكـل ساعـه
وأنت طيـبّ ومتعافـي يـا حبيبـي

وألاّ أنا عمري يخلـف الله ضياعـه
كلّ ما عيّد شبابـي .. عـاد شيبـي

سيّـدي كـل ٍ بطبعـه وإنطبـاعـه
كان ما طريّت جيبـك طـرّ جيبـي ؟

[صالح العرجان]

لا تجاملنـي وحبـك عـن قنـاعـه
ما غصبتـك بالمحبّـه تنتحـي بـي


فيك روعه للغرام .. ومنـك راعـه
وأصدق العشّاق مقطوع النصيبـي !

[صالح العرجان]

هذا أنا يـوم الحيـاة فنظرتـي عشريـن بيـت
ومسجدين ومدرسة من طين كم فيها اصطبحـت

هذا أنا .. وأصبحت أتمتم: ( هذا أنا ) حتى بغيت
اختنق.. بس القدر عيّا على موتـي .. وطحـت

[صالح العرجان]

الكـل فـي وقـت اللقـا يشـعـل شـمـوع
إلا أنــــــا أشـعـلـتـهــا يــــــوم فـــرقــــاك

حبـك مـن أعمـاق الحشـا صارمنـزوع
مادمت خاين صعب أعاشرك وأهواك

لا تـعـتـذر مايـشـفـي الـعــذر مــوجــوع
خل الأسف للـي عـن دروبـي أغـواك

مهما تقول من الحكي منت مسمـوع
وفــر كـلامـك ينـفـعـك عـنــد شـــرواك

الـعـذر قـلـبـي عـنــه مـرفــوع مـرفــوع
وإلا أنت تقبل كل من جاك وأغـواك

ذاك أمس قلبي في محبتك مخـدوع
واليـوم عافـك وأنتسـى عصـر ذكــراك

خـل التحـدي منـك مانـي بمفـجـوع
طع شـوري أبعـد منـت كفـو أتحـداك

محـد يقيـد الشـمـع بـأحـزان ودمــوع
إلا أنــــــا أشـعـلـتـهــا عـــنـــد فـــرقــــاك

[صالح العرجان]

تعبت أنزف جراحي حبر و أدور للألم ((أسباب))..
لجل أكتب شعر يحكي بعض أصغر معاناتي..

قفلت من الأسى بابي وسجنت الكون خلف الباب..
وعصتني دمعةٍ فيها سؤال لكل .((إجاباتـــي))..

[صالح العرجان]

ناحت مواويل عمـري وأعلـن الريبـه
وأظلم نهار الحنيـن وغابـت بروقـك

بالله ما أشتقت لي من بعـد هالغبيبـة ؟
في ذمتك ما ذبحك البعد عـن شوقـك ؟

ياكيف يزهر صباحك تهتنـي بطيبـه ؟
وشلون تمسي وترقد والغطـا فوقـك ؟

من قبل اشوفك صبـاحٍ طـاب ترحيبـه
واليوم وين الصباح بقلـب معشوقـك ؟

ما اشوف الا شمـوسٍ تحـرق الطيبـه
ياقـوة الله تلاشـى طيبـك وذوقــك

غاب الحنان وشموخـك صابتـه هيبـه
ضاعت شعاعات شمسك واخفت شروقك

مع كل هذا اضـع نقطـه وتعجيبـه .!
أستغرب شلون تزهر بعـدي عذوقـك !

[صالح العرجان]

البارحه يوم السمـاء غيـم وبـروق
شديت فـي قلـب الحزيـن العزيمـه

لاثارت احزانـي وجريـت طـاروق
ياتيك من وسـط الضمايـر هشيمـه

[صالح العرجان]

أبذكرك فـي أول العمـر وأتـلاه
وأبفرحـك يافرحـة العيد للعيـد

افرح بصوتـك لادعانـي بمسـراه
ياأعذب اصوات البشـر والتغاريـد

ورد الهوى في طلتك تزهر شفـاه
ومزن الوله يمطر بشوفك زغاريـد

أغليك ياحلـم كتبتـه وأبقـراه
منه وعليه أحلام عمري مواريـد

ياكل عمري ياسبـب داي ودواه
لك دنيا في دنيا حياتـي ومواعيـد

جيتك وله عاشق سبق قلبه اخطـاه
يمك بدرب لو عصاني فـلا أحيـد

ينساني عمري كان حبك انا انساه
وعندك سنيني شدها صادق القيـد

[صالح العرجان]

من لقاء له صاحبً يفهم عليه
لا يفكه يابشر ويجوده

يقضبه من جد بسنونه ويديه
قبل لايبلا بشخص ايقوده

لارزقك الله بحبوب ونبيه
مانت ملزوم بجديد تعوده

عش معه مدام يبغاك وتبيه
وقلبه الابيض حرام تسوده

وكان غاب بيوم لازم تحتريه
وان عطيته حد برضه زوده

يعني اصبر بالجفا لاتقتفيه
الغياب السهل ليش تكوده

اسأله ون كان عذره ترتضيه
لا تلزم بالقشر وتشوده

يمكن انت بيوم تقفي ماتجيه
ويقبلك لاجيت دام معوده

ومن لقاء له صاحب يفهم عليه
لايفكه يابشر ويجوده

[صالح العرجان]

ياصاحبـــي لا عاد تنشد عن سبب بغض القلــــــوب
الناس فــي هذا الـــــــــزمن كلٍ مضيّع طـــــــاسته

كــــــــــلٍ يدوّر مصلحة نفسه ولــــــــــو كان مغلوب
يبــــــــي السعادة مادرى إنه يشتري تعــــــــاسته

المــــــــال غيّر ثــــــــــوب ناس وراح لبّس ناس ثوب
غيّر تضاريس الطبايع مــــــــن سبب ســـــــــياسته

بالــــــــوقت هذا ما يعيش إلاّ المنافــــــــق والكذوب
وراعـــــــــي البلاسه تدفعه يـــــــم الردى طفاسته

كل المصايب من سبب كثر الخطــــــــايا والذنـــــوب
والنجس فـــــــــــي قلبه تبيّن للبشر نجــــــــاسته

صارت مفاهيم الخيانه شـــــي عادي ومحَســـــوب
والشــــــــك وارد والحــــــريص تضيّعه حـــراســــته

كل السلوم اللــــــــــــــي تعلمنا تقفتها الهبـــــوب
ماضي جميل وجت سلـــــــــوم بهالزمان وحاسته

الله وأكبر يازمانٍ فات فــــــــــــي عهد الشعــــــوب
كان الــولد يتعب شبابه فـــــــــــي سبيل فراسته

كانت شقا كــــــانت جهل كانت صــــراعات وحروب
لكن بعد كانت نوايا الرجــــــــــــــل أساس دراسته

كان الكرم والطيب وركـــــــاب المراجل ما تتـــــــوب
تحفي قدمها والطريق اللـــــــــــي تعشقه داسته

واليوم نمشـــــــــي في دروبٍ غير عن كل الدروب
كلٍ يدوّر فــــــــــــــــــي حياته عن سبب وناسته

هذا زمانٍ كل زينه شين وعيــــــــوبه عيـــــــــــوب
الطفل مايقدر يحل الــــــــــــــــــــواجب بكراسته

وشلون تنشد عــــــاد عن ســـود النوايا والقلــوب
برقٍ تخيله جـــو يشيلـــــــــــون الضحا عساسته

[صالح العرجان]

وش فيك ضايق ..عسى ماحصل شيء
ماعاش من ضايقك ياعيون خلك

صوتك من الآهات في نبرته كيّ
وضيقتك هذي ماهي بعادةٍ لك

انطق..تكلم حس في موتة الحي
مابيك تسكت والليالي تذلك

مابي غموضك ..يكفي إلي حصل فيّ
قل لي عن سكاتك وش إللي حصل لك

إضحك عن إللي تكتمه وإضحك إشوي
تكفى على شاني..لايجي بخاطرك شيء

ترى عذابي منك لا ضقت كلك

[صالح العرجان]

بدايات المحبه تنتهــي في رحــلة الحرمان

وإذا شفتوا بعــدها دمعــة عيوني أنا معذور


لأني مــوهبة رســام أرســم قصتــي أحــزان

وأرسم دمعــة ما هي بـ دمعه من فرح وسرور


وبرسم طيفــك بغيمــه تجمع ذاتهــا هــجــران

وتمطر في وسط قلبي ألم وأحزان دون شعور


وبــرســم ديرة خــربا بــلا ســور وبلا جــدران

خســاير عــمــري اللــي راح ورحلة قلبي المقهور

[صالح العرجان]

الله يجازي مـن يسـوي سواتـك
... وبذنوب من سوى سواتك يجازيـك

مشيت درب الثقـل وتحـب ذاتـك
...ماتـدري انـه للمهالـك يـوديـك

غـرك جمالـك ياخسـاره حلاتك
....ماتدري ان ماغير طبعـك يحليـك

بتقـول زينـك يشفـع لسيـآتـك
....الحسن ماهو عن وفا الحب يعفيـك

لوالتواضع والوفـا مـن سماتـك
... بعت الحبايب كلهم ديـن واشريـك

لكـن عجـزت اغيـرك ياجراتـك
....على الغياب اللي بلا عـذر ينجيـك

خطاي في توضيح وشـي غلاتـك
....وخطاك في توضيح وشـو تغليـك

وشلون توصيني وتنسـا وصاتـك
....وتصد عن صوتن تقطـع يناديـك

مافاتـك التجريـح والعـذر فاتـك
...وتبغي الراي الحين ماعـاد يمديـك

صحيح احبك بـس هـاذي جزاتـك
....بعلمـك درس يفيـدك ويحيـيـك

تدري وش ابيض من خفوقك عباتك
...وتدري وش اللي غرني نظرتي فيك

ادري بتستغـرب تصبـر وجاتـك
... قصيدة مـن واحـد كـان يبغيـك

وتبغي تناظر وانت عايش مماتـك
... شف وحدتك والناس تجلس حواليك

وتبغي تشوف اشجع رجل في حياتك ... شفني وانا راحل على كثر ماغليـك

[صالح العرجان]

شانت الدنيا بمتاهات وجروح
وغطت هواجيس الليالي سكونك

فأنا "فداك" ولاجلك القلب "مفتوح"
هاك (الفرح كله) وعطني >طعونك<

" لاتشتكي مالك من الهم مصلوح "
مادامني // حيٍ// فأنا دوم عونك

واليا انتخيت وصابك الظيم والنوح
"باعقد" حجاج "الموت" وأموت "دونك"

[صالح العرجان]

لا بارك الله في السوالف والقصايـد بيـت بيـت
ان ما اظهرت مخزونٍ..في صدري عجزت استطلعه

اشتقت للمغـرب وانـا فـأول نهـاري مابديـت
وتبعت نجمٍ فـي الفضـا ضايـع وضيعنـي معـه

عز الله اني ماعرفـت الليـل ليـن انـي سريـت
من يوم صار النور مزعـج و المسـاري ممتعـه

المشكلة ما هي بكثـر النـاس حولـي لا شكيـت
المشكلـة دمـع ٍ نثرتـه ميـر عييّـت اجمـعـه

اصبت ماكني اصبت اخطيـت مـا كنـي خطيـت
ناسٍ تشوف ولا تحس الصـدق ترفـض تسمعـه

عجـزت ادور هالرفيـق اللـي ببالـي مالقـيـت
والوقت عاندنـي اليـا مـن كـن شفتـه ضيعـه

بحـق ربـي لا كذبـت ولا ظلمـت ولا جفـيـت
افرح بمن يقبـل علـيّ ومـن يقفـي مـا اتبعـه

سجيت رجلـي للجبـال وعندهـا جيـت وبكيـت
هلّـت ابدمعـي واقنعتنـي ان فـي الدنيـا سعـه

من عقبها شفتك وانا ما قط فـي غيـرك حكيـت
سولفت بك عند الجبال وقلـت هـذا مـا اروعـه

مادام حبي لك مدينـة وانـت فـي قلبـي بنيـت
اجمل بيـوت الحـب وصلـك لا تحـاول تقطعـه

جيتك مسافر ضيّع اليّمه وشف مـن ويـن جيـت
انـا دخيلـك زابـنـك الـهـم عـنـي تقلـعـه

جيتك من اديار تسـل اسيوفهـا بـي لا انحنيـت
وادور اديـار عسـى قـدري وشانـي ترفـعـه

جيتك و حزني ماليٍ وجهي ومـن فكـري محيـت
كل السنين اللي مضـت كـل الطعـون الموجعـه

جيتك ادوّر للشقـى راحـه عسانـي مـا خطيـت
يصعب علي اليا خطيـت اعيـد بعضـي واجمعـه

والله ما انسى من وقف بالضيق جنبي مـا حييـت
ومـا اسامـح اللـي ضيـق جهاتـي الاربـعـه

[صالح العرجان]

يوم جتني في خضوع تقول يا الله مد حبلك ..!!
............... منت بقسى من يباس العمر لاقفا خضاره

دوك عمري أنحنالك و أنهشملك و نحطبلك ..!!
............... أحتطبني في شتاك و شب للبردان ناره

الكيان أللي تشوفه قدام عينك ينتصبلك ..!!
............... ما أنتصبلك لين مل و عاف ليله مع نهاره

جابني لك حبك أللي من كياني ذا نهبلك ..!!
............... عرش قلبي من مقره ثم حطك في قراره

كنت أبصبر لين قالوا و الله أنه ما حسبلك ..!!
............... ثم جيتك في مذلة كبريائي و انكساره

ما عنت لي لين كفت دمعتي و قالت ياخبلك ..!!
...............أنت تبكي قلت لا بس أتبكبك ياخساره

علميني وين كنتي يوم دق الحب طبلك ..!!
.............. يوم كنت أحاول أفهم من تعابيرك اشاره

تحسبين إني بقول إليا نتخيتيني يا هبلك ..!!
...............تحسبين إني غشيم في مفاهيم الحضاره

كنت أشوفك تبعدين و كنت أحاول أقتربلك ..!!
............... كنت أحس بوسط قلبي كل ما شفتك حراره

أحسبنك تفهمين أحساس قلبي لنكتبلك ..!!
............... في ملامح رسم و جهي للهوى رمز و أماره

صدقيني ماهويت إنسان بعدك مثل قبلك ..!!
............... صدقيني أنك أنتي حب قلبي و أختياره

و الحقيقه و الصراحه ياكثر طيبك و نبلك ..!!
............... أشهد أن أللي يحبك مايعنّيه أنتظاره

أوعدك أني لرقص عمري الباقي طربلك ..!!
............... عاشق(ن) مدة يمينه مايوريها يساره

أتركيني أتهشم عند جذعك و أنتحبلك ..!!
...............لين أرد بدمع عيني في طرف جذعك خضاره

[صالح العرجان]

بس الخفوق اللي تبيه (؟) الله ياصغـر الطلب
ياصاحبي لاتستحي من شي ودك تكسبه

لبيه ياعمري فدتك أهل الملامة والعتب
لبيه كثر اللي عشانك كنت أضيفه واشطبه

يامن لعبت بحسبة اللي محدن به قد لعب
قل وش بقى بك مايفر العقل فر ويسلبه

[صالح العرجان]

يـاروعــه الـضـمــه عــلــى صــــدر مـشـتــاق
مــــع واحــــدا ..دايــــم تـمــنــى تـضــمــه

لا تـرجـمـت صـــدره ..تعـابـيـر الأشــــواق
ومـــــن الـغـلا..تـشــده عــلــيــك وتــلــمــه.

كـنــك تـحــس إنـه..بـعـد ضــمــه افــــراق
تــشـــد فــــــي ضــمــه..وهــو..زاد هـــمـــه

يـفــوح ريـــح العـشـق..مـن بـيــن الافـــاق
وأكــيـــد مـــــع ضــمـــه؟ تـمــنــى تــشــمــه

إحساسـهـا فـــي داخـــل الـجـسـم يـنـسـاق
بــيــن الـعـروق..إلــى حـــــدود الـمـطـمــه

وهــنــا المـطـمـه؟رعـشـة تـتــبــع إرهـــــاق
مـنــهــا الـجـسـم..مـاكــن يـكـفــيــه دمــــــه

من بعدها تحس ب غلا الشخص بإحراق
وتجـلـس تمـنـى إنــك ..تجـيـه وتـضـمـه..

[صالح العرجان]

أحتااااج لك فـي ضيقتـي لا تضايقـت
واشتـاق لـك والشـوق غـلاب دايـم

تبي الصحيح اشتقت واشتقت واشتقت...
اقطـع مـن الضيقـه فجـوج الخرايـم

محتاج افضفض لك .. بعـد ماتطرّقـت
لطعوني اللـي عنـد غيـري غناااايـم

يمكـن عشـان إنـي بحبـك تعلّـقـت
وعن غيرك من النـاس قانـع وشايـم

لا تحسبين إن المسألـه مسألـة وقـت
أنـا كـذا حظـي مـن سنيـن غاااايـم

أضحك وأنـا لا راق جـوي ولا رقـت
وأسهر وكلٍـن فـي حـلا النـوم نايـم

بمن صكة أقـدار الزمـن مابعـد فقـت
في داخلـي مـن جـور وقتـي هزايـم

شفت انكساراتي بعينـي .. ماصدّقـت !
وأخفيتهـا عـن لا بسـيـن العمـايـم

ياليتنـي فالـلـي تـعـدّى مادقـقّـت
ماكـان .. للوّنـه تـهّـب النسـاااايـم

لكن عزاي .. أموت شااااامـخ مادنقّـت
لـو لا منـي فـي غيبتـي كـل لايـم

وإن وفــــق الله <> وتـوفـقّــت
لمولـد أفراحـي .. ذبـحـت التمـايـم

[صالح العرجان]

من علّم البسمه .. مثـل ( حلمـي ) .. تمـوت ..
وتترك وراهـا .. ( قلـب شاعـر .. وطفلـه )!

ومن علّم النسمه .. قبل ( أشهـق ) .. تفـوت ..
وآنـا أختنـق .. بشويـش .. فـي كـل حفلـه !

يا طفلتـي .. والشعـر .. ( سكـره.. وتابـوت )
لازم .. قبـل لا آنـام .. منْـك .. أنتصـف لـه

مو ذنبي .. أطرافي .. تغنّـي .. بـلا صـوت ..
إن ما أعترف لك.. ب( الحنين ) .. أعترف لـه !

دايم .. تطيح ( كروت .. وكـروت .. وكـروت )
وكرتك .. مثل ماهـو .. اليديـن تحلـف لـه ..

ما طحت .. من قلـبٍ .. زرع دونـك( التـوت )
والورد .. رغم اللي ب( دربك ) .. وقـف لـه !

أتذكرك .. وأطحـن لـك .. ال( آه) .. بسكـوت
وأقلّـطـك .. مابـيـن .. صـحـوه.. وغفـلـه

أتذكرك .. وأعزف لك( الدمع ) .. ب( النـوت )
وأنتي ماغيرك .. ( نوت دمع ) .. أنعزف لـه ..!

أتذكـرك .. وآطيـح .. وآقـوم .. ب( سكـوت )
أخاف .. يشعر بي .. ( الملل ) .. وأنجرف له ..!

ذنبي .. ( أحبك موت ) .. يـا طفلتـي .. مـوت
وأنتي .. ترى ذنبك .. ب( الإحساس ) .. طفله ..!

من علّم .. ( الطفله ) .. كما النسمـه .. تفـوت ؟
وآنـا أختنـق .. بشويـش .. فـي كـل حفـلـه

[صالح العرجان]

[ لـبـيـه ] مـنِّــك غــيــر .. لــمَّــا أنــاديــك
كــن الـكـلام الـعَــذب ... مـرســاه فـمِّــك

مـهـمـا غـلــوك قــلــوب نــــاسٍ حـوالـيــك
أغـلـيـك أكـثــر مـنِّـهُــم بــــس .. لـعـلـمـك

أبوك , خالك , إختك , أخوك , ماضيك
ربعـك , جمـيـع الـنـاس , وعـيـال عـمِّـك

شايـف غلاهـم لِــك .. أكـثـر أنــا أغلـيـك
واللِّـي وِصَـل ( نِـص الغـلا ) يمكـن أمّـك

[صالح العرجان]

تدري وش اضمى من عروق(ن) ميابيس؟
أبطـت لهمـال المـواصـل تـحـراه

وامر واقسـى مـن حيـاة المتاعيـس؟
اللي خذوا مـن قاسـي العمـر قسـواه

لا صرت تعشق واحد(ن) صوب باريس
الموت بعـده واسعـد المـوت لقيـاه!!!

[صالح العرجان]

واقلبي اللي مع ظعـين البدو ضاع
ادوره وأنا البخيص بمـضاعـه

اقفا عليه من المخاليف طماع
واستكمله لا قال له قول طاعه

غرو غزير الزين بخدوده أنواع
والموت باني في جبينه شراعه

أصفر عفر خده تقل فيه شعشاع
تذهيل تنويش ايتشاعل شعاعه

وذوايبه من فوق الأمتان شراع
ذراعين قالو قاسها في ذراعه !!

[صالح العرجان]

جت مقبله والهـم يشّغـلّ بالهـا
يدهـا تلاعـب سلسلـة جوالهـا

تكتم لها بالصدر هـم ٍ يروعهـا
وتعضّ شفتهـا سبـب غربالهـا

الدمع يفّضحهـا ويملـى عينهـا
كم لولة ٍ طاحت علـى سلسالهـا

مالوم دمعتها ولوهـي تحـدرت
ياليت لي قـدره احـوّل بدالهـا

وأجاور التفـاح وأشـم عطرهـا
وأميّز ألـوان ٍ تزيّـن خصالهـا

من غير مادري للخطاوي تسوقني
ومابين عزم وخوف وقّفتْ قبالهـا

حاولت أمازحها واخفف همومهـا
لكن ّ سدّت في طريقـي مجالهـا

وحاولت أسايرها وأميز خطبهـا
لكنّهـا قفّـت عـلـى منوالـهـا

تحمل معزتها وتحمـل شموخهـا
وفيها إنكسار الغيّـد مماجرالهـا

من يومها والقلب كثرت هواجسه
وأبيات شعري ناقـص ٍ موالهـا

أكتب بها بيتيـن ويضيّـع مثلهـن
ياكيف اباأرث الحال وأرثي لحالها

[صالح العرجان]

لاتكدّر خاطـرك ضيقـة حبيبـك يـوم قـال
.. أيه أحبك يابعدهم بـس أنـا ويـن آغـدي

ضيقتي ماهيب بـس اليـوم يابنـت الحـلال
... ضيقتي لها ثلاث سنين تاكـل مـن يـدي

ضيقتي مافـي وفاهـا يابعـد عمـري جـدال
.. كل ليلـه تبسـط يديهـا وتفـرش مرقـدي

ودي اسكت بس اعرف الحظ لامـن مال/مـال
.. لي متى والصمت ينهش في ضلوعي وجسدي

شوفة عيونك ... هموم وضيق خلق وقل حـال
.. وش اسوي دام حظي يابعـد عمـري ردي

هي كذا عيشة حبيبـك لـو تظاهـر بالكمـال
.. أقرب أيامـه سعـاده بعدهـا بعـد الجـدي

هي كذا وأنتي بكيفك بـس باقـي لـي سـؤال
.. فيه دمعه في عيونـي تنتهـي أو تبتـدي؟!

كلهـا مابيـن كلمـة روح أو كلمـة تـعـال
..كلمة ٍ منها أضيـع وكلمـة ٍ فيهـا آهتـدي

هذا كل اللي بقوله ..وأعـذري قـلّ الوصـال
.. والله أدريبك زعلتي بس أنـا ويـن آغـدي

[صالح العرجان]

يا حبيبي : النار يشعلهـا حطب
لا تزيد الجرح مـا عندي نكوف

من عطش بالحب من قلبي شرب
والموادع يحتـري لمس الكفوف

كل من حبيت في حبــه رسب
النتيجة تشكي أحـوال الظروف

القلوب بوقتنــــا تهوي كذب
والصدق يموت من طعن السيوف

الحقيقة مـــا على الدنيا عتب
وكل منــا في نظر عينه يشوف

[صالح العرجان]

لـو نضب عطفك ] دخيلك [ من يداريني
وانا اللي متلحف حزن الشوارع في ثرى أهدابك


انا ودي تبعثرني ] وتذبحني [ وتحـيّني
ولجلك لو لزم أمري [ بــموتك ] وأرجع [ أحيا بك ]

[صالح العرجان]

يا عل من ياتي بالأخبـار عنهـا
يجزاه ربي جنـة الخلـد لا مـات

اربع سنين وزود ما اعرف وطنها
لا مكالمة منها ولا رسالـة جـات

يا بدر مدري وين موقـع سكنهـا
وادعتها واقفت وقفيـت بسكـات

نسيت ما اخذت العناويـن منهـا
ابره وضاعت وصط غبت محيطات

[صالح العرجان]

مسـافـرمامعي غيرالهموم وـثرثـرة رحـــال
.....ترافقني معاناة الغريب وسلة أوجـاعـه

تقاذفني تعاريج الطريق وضجة الترحـال
....علي كف السنين وهمهمات الموت والسـاعـه

شكيـت الحال عندالناس والاماشكيـت الحـال
...رفيق العمرمـات ومن يموت صعيب مرجـاعـه

[صالح العرجان]

ماأملك إلا أقول السمع والطاعه
.................معاك حتى العطايا تبسط يديها

لو تجرح القلب وإلا تقلب اوضاعه
................. الراحه اللي بعد فرقاك ما بيها

حبيتك الوقت كله مابقت ساعه
............... وتركت لك هالدقيقه حبني فيها

ماقلت لك عذاب القلب وأوجاعه
............... بعض القصايد تموت بقلب راعيها

العين ديرة نظر والنفس طماعه
................ ما فيه احدٍ يملك الدنيا ويعطيها

واللي وقف بين صفاعه ونفاعه
.................. هذاك أنا يوم اطوفها واعديها

الحب من يوم شفتك تلوي ذراعه
....................عرفت ليه البشر تكثر بلاويها

[صالح العرجان]

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )

ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :

ان الحيـاه فبـعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)

يـا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!

شفني قدرت احبس دموعي بس ( دمع القـاف ) سـال
ويا كبرها ساكـت ولكـن داخـل اوراقـي بكيـت !!

عمر الحكي مـا كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..

الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!

اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!

مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..

يرضيك مـا عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!

صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟

تعبـت اعيـش الـدور وافتـح للمعـاذيـر الخـيـال
واتخيل انـي جيـت فـي بالـك وبانـك استحيـت!!

وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )

حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..

قلي شسـوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..

ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!

واذا بـلاك الله وعذبـك اشتياقـك (( بـس تعـال ))
واقرى القصايد فـي غيابـك كلبوهـا بيـت ... بيـت

بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )

[صالح العرجان]

ياليتني قبل أختلط بالناس فتشت القلوب.!
وعرفت وش تخفي ورى جدرانها وأبوابها

[صالح العرجان]

يا اول الشوق اقصى الشوق ما ينتهيـك
........................علمتني كيف اعرفك لين صـرت اجهلـك

ضيعتني فـي متاهاتـك وكنـت ارتجيـك
............................حبيـب الاحـلام يابـعـدك ويامقـربـك

[صالح العرجان]

طالبك خذ قلبي معـك لا تخليـه
اخذه ترى ما عاد لي فيه حاجـه

لا صرت عني مبعد ويش ابي فيه
خله معك ما دام صعب نتواجـه

مالي مزاج أحب غيرك وأحاكيـه
حتى لو إني كنت داخـل مزاجـه

أموت في جرحك وأحبه واداريـه
وخايف مع الأيام ألقـى علاجـه

كمل جميلـك طالبـك لا تخليـه
أخذهترا ماعاد لي فيـه حاجـه

[صالح العرجان]

أهـلاً هـلا يـا جـرح دقّيـت بـابـي
تفـضّـل ومــا مــن غريبـيـن يـمّـي

هـذي تناهيـدي .. وهـذا عـذابـي
والشايـب اللـي مرتكـي ذاكـ هـمّـي

[صالح العرجان]

يعين الله يا دنيا تسوق أفراحها أحزان
يعين الله وأنا مثل قفلٍ ضاع مفتاحه

يعين الله جروحي لها في كل يومٍ شان
كذوب اللي يقول إن الزمان يداوي جراحه

[صالح العرجان]

أنا ما أعيش معك الحب أعيش الحب كله فيك ..
أنا و إن كنت عنك بعيد لكن معك وأحيا بك

تعيش بكل أحاسيسي و تفكيري و أعيش أغليك
تحسد الحب لو تسمع حديث الروح بـ غيابك

تزاحم فــ الخفوق قلوب يسري نبضها بـ يديك
أنا كيف أختصر فيك الشعور بــ حضرة أحبابك

سكنت أرض الغياب و كل سيره لــ الوفا ترويك
عيونك موطن و غربه .. عيونك موطن أغرابك

أحبك لو تسافر بي على درب التعب و أمشيك
حبيبي في زمان البعد قلبي أصدق أصحابك

أحبك جرح ما يبرى عسى بعض الألم يرضيك
و لون بــ الرضى عيني و أسيل دمعة عتابك

حبيبي في ظلام الشوق كل النور ما يضويك
أنا صفحاتك البيضا و أنا أصدق حرف بــ كتابك

فرشت العمر لــ أيامك أسابق ليلتي و أجيك
و عرفت إن الغلا خطوه و أنا واقف على بابك

جفون الغيم لو تمطر دريت إن الثرى ضاميك
و دريت إني بــ لا موعد زرعت الحلم بــ أهدابك

[صالح العرجان]

للخفوق الجدب وضلوع الوله عطشانه
.................... وللنظر طيف السهاد اللي عثى فـ جفونه

وانسكب قطر الندى بـ اوراقه وباغصانه
.....................وسال شي ٍ من دفا روح المطر ولحونه

خمسة اشهر والشْعر يبخل على قيفانه
......................... ماكتبته والبيوت بحزنها مدفـونه

لين جيتي تزرعين الهمسه الرنانّه
....................... فالآذان وتضحكين وضحكتك مجنونه!

قلت والدمع آتغصّب نزفه وعصيانه
..................... ارحبي ماقدمك الا ضلوعي المسجونه!

ادخلي قلب العذاب وقفّلي بيبانه
..................... واوقظي جرحه ونامي في ظلال غصونه

أخذي احلام الجريح ودمعته واحزانه
..................... وامحي الحرمان كله .. واعبثي بجنونه!

شاعرك يحرق تناهيده قبل دخانه
....................... ومحترق صدره قبل مايحترق غليونه

شاعر ٍ يانوف من روس العرب جدانه
...........................ممتلي تاريخ والتاريخ بين ردونه

شاعر ٍ قد المقام .. وقام عالي شانه
...........................وقوّم الدنيا قصايد فيك من مكنونه

ارحبي يانوفتي يازهرة الرمانه
........................ ياشذا الجوري وروح معْذبك وعيونه

والذي سوّى سواد رموشك الكسلانه
.........................ان صوتك فجّر الخافق ودكّ حصونه

في وصالك ترقص الدنيا وهي نشوانه
....................... وفي غيابك كنها الدنيا ماهْي مسكونه

وّقفي بينك وبينك دامك الولهانه
.................... وارجعي لحظة من النسيان واقفي دونه!

صوتك احلى عيد قبل العيد يالزعلانه
..................... وقلبك ابيض قلب واطيب قلب يالمزيونه

تسكتين وتهمسين وهمستك رنانّه
.................. وتضحكين وتضحكين .. وضحكتك مجنونه

[صالح العرجان]

( يامن سكنت اجمل زوايـا كيانـي
.......................ياما على نفسي عشانـك تحاملـت)

مرات احس انك معي شخص ثانـي
.......................ومرات احس انك حبيبي وما زلـت

لاتفرح انك دجـت بيـن المحانـي
.......................لو ماتخـون الذاكـره مـا تسللـت

(( عشان ماضيك الجميل وعشانـي
.......................حاول تشيل من الوفا ربع ماشلت))

((( ماني على خبرك حبيبي ترانـي
.......................حتى عن اصغار الاماني تنازلت)))

[صالح العرجان]

بعض الغياب اجمل من حضور غايب
غيبي بكيفك .. كان ودك تغيبين


جفاف صدري من عقوق السحايب
الأرض بور .. ولا طرا لك تحنين


شقيتي اضلاعي .. جفاف وهبايب
النزف وقّف والجمر شبّ روحين


ومابين نزفي واحتراقي.. طلايب
وانا بهم عايش وكني .. بصدرين


نصي معي نصي معك / وقت خايب
من يقسم الخفقة ليا جات قسمين ..؟؟


حيرة طفل ..أو هي .. تفاكير شايب
ولا ممالك .. ضيّعوها سلاطين..!!


كانت قصور النبض عطف وحبايب
كانت .. مداين عشق .. مابين قلبين


انهارها .. شوق وعطا .. والركايب
تسبح غرام .. وتشـبه النون بالعين


كان المطر والأرض صوت القرايب
كان الفضا .. معزوفة الجمر والتين


وامست قصور العشق همّ وخرايب
وش حيلتي ؟ والحلم موت المساكين


ليه انتظاري ؟؟ ليه ؟؟ وين الكتايب
وين الجيوش بصدرك اللي تقولين ؟؟؟


وين الغرام اللي له سنين ذايب ..؟؟
وين الطموح ؟؟ ووين أسرابنا وين؟؟


ياغاليه .. ما للـغلا من سـبايب
وما للجروح إلا .. قبرّ عرض شبرين


الجرح .. ينزف بيننا .. والغرايب
موت الحقايق .. والعزا شال صـوتين


آحس بك صوت وصدى مال سايب
ما يملكه غيري ... ولو جا مــلايين


وآنا بعد .. ميت من الشوق .. ذايب
آحسـني .. طاير .. بليّا جـناحين


العمر يمشي ... والمواقف عجايب
ياموتر اللحـظات .. يكفيك تـخمين


رحّ قلّها / يكفي من الـذل نايب
العزّ ..!! أثمن .. من لقا بين أثنين


الما بصدري نبض .. ماعاش رايب
والحرّ يسطا .. ماسطت بومة البين


يابنت روحي .. دربك اليوم ..عايب
وانا على المرقاب .. سيد الشياهين


فيما مضى .. ذايب / وذايب / وذايب
لاتسألين اليوم ... بالله على وين ..؟؟؟؟

[صالح العرجان]

مثل النهر يابنت ابقى...وتبقيـن
ورد يموت ان جف بعروقه المي

[صالح العرجان]

اضرب على صحبة هل المصلحه X
قل سود الله وجه منهو عمرها

أمّا صحيّب الطيب بالعكـس بالعكـس
هذاك خله في عيونك نظرها

[صالح العرجان]

ويوم اني اسـجّ بيـن ادري .. ومـآ ادري
عقب البطا .. جاء يقول : الـدآر وشلونـه

قلت انت : دآرك هنا.. وأشٍّر على (صدري)
قآل انت : دآرك هنا .. وأشًّرْ على (عيونه)

[صالح العرجان]

ريح ورد وريح ند وريح كاد
اجتمع فيهـا وهـام بودهـا

لو تهب الريح من يمه وكـاد
الفضاء بتعطـره مـن يدّهـا

ولو تبسم حركت حتى الجماد
والجبال الصم خطـر تهدهـا

همسته تجعل من العالم رماد
لاهمس بشويش .. لابو جدها

الخطر من وقفته بين العبـاد
تستحيل الناس تاقف ضدهـا

من يكابر وقفته شيك اعتمـاد
معتمد ببنـوك ماحـدِ قدهـا

لو يصرف كل ماله بزديـاد
ترفع اسعار الذهب وتردهـا

مترفة والدل زايـد والعنـاد
من مزاياها تعب من عدهـا

من رموش العين ياليل النكاد
من نظرها ماتعـدى حدهـا

الغلا والحب منهـا مستفـاد
كل هجماته لقى مـن صدهـا

بين لين الطرف وعيون الوداد
يابيوت الشعر حبـي خدهـا

منتهى الامال في موسم حصاد
ياقصايد بـاح حبـك سدهـا

الفضاء من بعدها ماله بـلاد
كان مني يوم يخطـب ودهـا

خبروها بالغلا وأن كان عـاد
ودهـا والا بعـد مـاودهـا

[صالح العرجان]

الحب

ليلة إحتضار

[صالح العرجان]

تجرح خدودك ترى الدمع يجرح
...............ان ما جرح خدك جرح قلب مغليك

ما للبكا في عينك اليوم مطـرح.
..........قلّي وانا ابكي عنك يا عل ما ابكيك

[صالح العرجان]

اكذب عليك ان قلت بعدك شي عادي
اضحك وانا من جور الايام مجروح

جرح توسط في حنايا فؤادي
وليت الجروح ضيوف يومين وتروح

بعثر ورقنا هالزمان الرمادي
ما اصعب على الانسان من غربة الروح

[صالح العرجان]

من بغى الفرقا .. لقى له عـذر وأسبـاب ودليـل ...
خل عنـك العـذر والأسبـاب دام الحـب ضـاع ...

كان ودك بالفراق ابشـر عسـى عمـرك طويـل ...
لاتـردد وأنـت لـك كلمـه ولـك أمـرٍ مطـاع ...

لـي عليـك انـك تبـت بكلمـه تشفـي الغلـيـل ...
ولك علي إنـي لأوقـف وقفـة الرجـل الشجـاع ...

لاتجاملنـي مخافـة قـال مـدري خـوف قـيـل ...
عمر هـرج النـاس مايسمـن ولا يغنـي جيـاع ...

كان قصدك سـر حبـك اوعـدك لأصبـح بخيـل ..!
واحمل أسـرارك معـي للمـوت قـدر المستطـاع .."

بس قلها ..{قل ما احبـك} وابشـر بصبـرٍ جميـل..!
لاتحسب إنـي مثـل مـن طبعهـم لـوي الـذراع ..

صاحبـك ماهـو كـذا ياصاحـب القـد النحـيـل ."
صاحبك طبعـه غريـب وغربتـه غربـة اطبـاع .."

فالهـوى مايقبـل الـحـل الـوسـط ولا القلـيـل ؟!
مثل ماهو لا شـرا يشـري اليامـن بـاع بـاااااع !.!

ثابـتٍ لـو هـي تميـل الأرض حـدره مايميـل ...
يـدري إن الفقـر ماهـو عيـب والدنيـا مـتـاع ..

ماعشـق لـذة حياتـه كثـر {عـشـق المستحـيـل}
ولا كـره حتـى مماتـه كثـر {كــره الانصـيـاع}

كم تعلمت من{شديـد البـدو} وش معنـى "الرحيـل"..
وكم تعلمت من {غروب الشمس} وش معنـى "الـوداع"

وكم تعلمت من {سحاب الصيف} وش معنى" الحصيل"...
وكم تعلمت من {ليـال البـرد} وش معنـى "الضيـاع"

إيه .. أنا هذا .. طريقي موحش وصعـب وطويـل...
وانـت لامنـك تعبـت العالـم فجوجـه وســاع ...

اعتبرنـي فـي بـدايـة سكـتـك "عـابـر سبـيـل"
ورح وأنا قلبي معك مـن ويـن وجهـت الشـراع ..

يكفـي إنـي لاذكـرت بسالفـة عـشـاق قـيـل ..
{عاشـر احبابـه شجـاع وفـارق احبابـه شجـاع }

[صالح العرجان]

وش علام الحزن عيـا لا يـروح
وليـه ماجفـت دمـوع البارحـة

ابتسم والـروح لاقصاهـا تنـوح
والوكاد دمـوع عينـي فاضحـه

دنيتي جرحـي ودنياهـم مـزوح
مثل مرج المـاء فـرات ومالحـه

أشهد أن العمـر مكتـوب بلـوح
وماني لغصات المـوادع شارحـه

وأشهد أن اقسى من ألآلآم الجروح
حاجـة المجـروح للـي جارحـه

[صالح العرجان]

هَـلْ مِـنْ طَبِيـبٍ لِـدَاءِ الْحُـبِّ أو رَاقِــي ؟
يَـشْـفِـي عَـلِـيـلاً أخـــا حُـــزْنٍ وإيــــراقِ

قَدْ كان أَبْقَـى الهـوى مِـنْ مُهجَتـي رَمَقًـاً
حَتَّى جرى البَيْنُ ، فاستولى على الباقي

حُـزْنٌ بَرَانِـي ، وأشــواقٌ رَعَــتْ كـبـدي
يــا ويــحَ نفـسـي مِــنْ حُــزْنٍ وأشْــوَاقِ

أُكَـلِّـفُ النَـفْـسَ صَـبْـراً وهـــي جَـازِعَــةٌ
والصبـرُ فـي الحُـبِّ أعـيـا كُــلَّ مُشـتـاقِ

لافـي (( سرنديـبَ )) لِـي خِــلٌ ألُــوذُ بِــهِ
وَلَا أَنِـيــسٌ سِـــوى هَــمــي وإطــراقِــي

أبِـيــتُ أرعـــى نـجــوم الـلـيـلِ مُـرْتَـفِـقًـا
فــي قُـنَّـةٍ عَــزَّ مَرْقـاهـا عـلـى الـراقــي

[صالح العرجان]

كابرَ الجرحَ فأغـواهُ الزمـنْ
وهمى في الليلِ يمتاحُ الشجـنْ

هـزّهُ شـوقٌ تلظّـتْ نـارهُ
ودهتـهُ قارعـاتٌ للمـحـن

عاندَ الجرحَ سنيناً قـد خلَـتْ
خشيَ الناسَ وأربـابَ الفتـنْ

يكتـمُ السَـرَّ فأضحـى قلبـهُ
موئل الأشجانِ للضيمِ السّكـنْ

عاندَ الجـرحَ يداجـي سـرَّهُ
يلثمُ الأطيافَ في ليـلِ الإحـنْ

نـزقٌ لا روحــهُ عـذريّـةٌ
بين أزهارِ الصبا حتّى افتتـنْ

ليـس طيشـاً روحـهُ خفّاقـةٌ
باتَ طهْرُ الحبِّ للحادي وطنْ

لحمـةٌ دالـتْ علـى تفريقهـا
طغْمـةُ القـومِ وروَّادُ العفـنْ

أبحرَ الشاعرُ في بحرِ الجـوى
حالماً ما زارَ عينيـهِ الوسـنْ

ماشكا الإملاقَ أو مـنْ حاجـةٍ
بل شكا الذّكرى وعصفورَ الفننْ

يامناةَ الـروحِ فاحكـي قصَّـةً
واكتبيها في أساطيـر الزمـنْ


جرحهُ الغائـرُ أفنـى جسمـهُ
قد دنا مـوتٌ فهبّـي بالكفـنْ

[صالح العرجان]

وجيـه النـاس .×. مسـروقه .×. مـن أحـداقي .. بـدون اسبـاب..!
و وجهـك هـو ..( جهـاتي ).. كـل ما غافلتـه .. يجيـني..

انـا ويـن اختفـي عـنَي ..؟ وابـدل .. هـ.. ’‘ الثيـاب ’‘ .. ثيـاب ؟!
وانـت .. بـ العـروق .. شـروق .. عَيـّـا .×. لا يصافيـني .×.

[صالح العرجان]

لا تدعك القلب ترجي يظهر المارد
ويقول لبيك عبدك باح مكنونه

قنديلك اللي انطفى ليل الشتا البارد
سيان عنده وفيت او توك تخونه

ترجّل الفارس اللي لاجله تطارد
يازين شلفاك ملت تطعن طعونه

كل ماحداك الضما جيت الضما وارد
كنك تعاف القراح وتشرب عيونه

شاب العتب وانقطع ما بينناالوارد
ولولا الندم ما غرس فـ ابهامه سنونه

والحزن سيف على ارقاب الفرح جارد
وكل بسمةٍ في ديون الصبر مرهونه

إن صادفك في طريقك بالي الشارد
قله يموت الهوى .. باعيش انا بدونه

[صالح العرجان]

سرحـت مالـي بالمـغـازل مشـاريـه
أنـا بـدوي وأغلـى نيـاقـه فقـدهـا

ويـوم اعترضتـي قدمـه بهالمهامـيـه
حاجـة وجدهـا وحاجـة ن ماوجـدهـا

لقى العوض فـي حـزة غيـاب غاليـه
هنـوف بـدو ن ربهـا اللـي فـردهـا

رغم انهـا بوسـط النفـود وصحاريـه
نعًوووومـة ن لا قبلـهـا ولا بعـدهـا

البـر يعجـب مـن يتـوق لجـوازيـه
لوشافهـا راع الظبـا قــال صـدهـا

مثـل الظبـي ولوخاوتـه فـي مفاليـه
اذا مـاذيـرهـا مـهــو منتـقـدهـا

زيـن ن ورا البرقـع شقيـت بمواريـه
والعالـم الله ...يعنـي الخافـي ادهــى

بالحـب قلبـي مـن قبـل لا تلاقـيـه
صفًـى الحقـوق وكـل عهـده جردهـا

حاجز على اقلاعه من ارض الهوى اوكيه
وصاحت على الكابتـن وقالـت اعدهـا

علـى محطـات ن بـهـا أدل وأتـيـه
والناس يضحـك مـن عرجهـا حردهـا

ماعـدت الـوم اللـي تحسـس مخابيـه
مـادام فـي رقمـه حـراوي وعـدهـا

فلـي جديـل الوصـل يابـنـت فلـيـه
على متـون ن ضامهـا اللـي صعدهـا

وأرخي ثعول ن مدهـر الجـاش تحييـه
ترحمـه غيـث وتحرمـه مـن بردهـا

يوم اجلس بمجلس وفكـري ماهـو فيـه
عينـي علـى المنشـأ تمـارس نكدهـا

واليا طرت بالبـال لبيـه قلـت اييييـه
راحـت وراحـت خلفتـي مـع ولدهـا

واليـا اقبلـت علـى خفوقـي طواريـه
عـوب ن تداحـم ماضبطنـا عـددهـا

اقول في صوت ن عـن النـاس مخفيـه
قدها << يابومتعب إلـى (هنـاك) قدهـا

وان ماعقلهـا الله (بـذاك) وحـراويـه
لا والله الا صــدق (رحـنـا بيـدهـا)

[صالح العرجان]

والبال كنّه علـى دربك يوزعـني
..................ولساني ماكنه الا خـلـق لحروفـك

لاالنـوم نافع .ولا التفكـير نافعـني
............انام واصحى على الباقي مـن وصوفك

[صالح العرجان]

أمانه قبل أروح وينتهي كل شي طالعني
عشان تعرف وش معنى العطا قبل الأنانية

ابرحل والطريق اللي يوديني مايرجعني
ما أبي يجيني ذكرى حبك وطاريه

[صالح العرجان]

حبيبي ..الغالي تجرعت فرقاه
بالله وش خليت لي يا زماني

مالي جدأ الا اتبع الاه .... بالآه
ماهيب من حلقي ..من اقصي المحاني

[صالح العرجان]

حب ِ .....قصير وحب ماله نهااااايه

وحب ِ يموت وحب اقوى من الموت

[صالح العرجان]

أقبل و تقفي واعتذر عن خطاياك
وأقول ماعييـت عيـا زمانـك

وإن خانتك دنياك أو خنت دنياك
إرجع و تلقابي مكانـك..مكانـك

[صالح العرجان]

من يفتح لفرقاي باب أفك له مليون باب
وإذا خويي مايقـدر خوتـي ماقـدره

البارحه جتني رقـاب وآوتنـي رقـاب
البارحه ياثقـل دم البـارح ويامحقـره

[صالح العرجان]

نعيم الحياة و لذة العمر و افراحي
نهـارٍ تبـشــرني مباديــه بـقـدومـك


ونهار الموادع لا مغيّب ولا صاحي
الوم الزمن والحظ والقلب والومك

[صالح العرجان]

عزاه ليـت الصبـر يشـرى والله أنـي لاشتريـه
وياطـي حالـي مــن غرابـيـل الـزمـان وطيـتـه

أثر الهـوى يخلـي الرجـال شخـصٍ ماهـو فيـه
إلا بــري حـالـي وعــزي لــه وممـحـق نـيـتـه

يصد عن بعض الوجيه ويشكي لبعض الوجيه
لاهــل دمـعــه عـنــد خـلــق الله وربـــي بـيـتـه

[صالح العرجان]

والله انـه راح منـي نصـف عمـري فـي غيـابـك
واعرف إني شلت همي تاركن حبي علـى الله..

كنـي أبعـد مـن نجـوم الليـل وأقـرب مـن ثيـابـك
ياعسـاك وياعسـانـي وياعسـانـا وياعـسـا الله..

ياعسـى الدنيـا تـمـوت ومــا يعـيـش إلا تـرابـك
يــا أحـبـك واعشـقـك واهــواك وإلا يفـتـح الله..

ماتـعـودت افتـخـر باحسـاسـي إلا تـحــت بـابــك
ايـه أحـبـك والقضـيـة واضـحـة والشـاهـد الله..

يطرد المظلوم خصمة وأنت خصمـي ياهـلا بـك
ياهـلا بـك يـوم تـجـرح خافـقـي ويسـامـح الله..

ياهـلا بـك يـوم تلحـق غيمتـي والـحـق سـرابـك
جـابـك الله فــي حيـاتـي ياحـيـاتـي جـابــك الله..

[صالح العرجان]

اغلى الشعور معانق ايدين خلان
فيه الكفوف قلوب والروح تسما

واصعب شعور موادع انسان لانسان
منه العيون تشبه الدمع بالما

[صالح العرجان]

كم من عيون(ن) بالهوى شانها شان
يسوقها ليل الألم والسهر سوق

أحدن شكى همه على فلان وفلان
وأحدن يعاني مادرى فيه مخلوق

[صالح العرجان]

قبل اسافر كنت جالـس فـي زمـان الأنتظـار
ارتشف هم المكـان .. و كـل همـي حاجتيـن

كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن

لين شفتك مـن ورا بيبـان صـالات المطـار
مقبله من كثر شوقك .. كنت اشوفـك تركضيـن

مرةٍ ركضـك يميـن و نظـرة عيونـك يسـار
و مرةٍ ركضك يسار و نظـرة عيونـك يميـن

[صالح العرجان]

انت واقع صح في وقـت يهبـي
ميزته كذب المشاعر والضنون

انت نرجس انت كـادي ياظبـي
انـت تمـثـال الطـهـاره يافـتـون

شوق قلبي لك مثل طفل يحبـي
نادتـه امـه بصـوتٍ لـه حـنـون

[صالح العرجان]

من أول أضحك لو على خاطري ضيق
واليوم .. ضاق .. الصدر .. واهتز .. بيته

[صالح العرجان]

,,


بعرف سبب وارحل عن الدار لجيت

أرجوك ....فهمني نسيت.. الخطيه

,,

[صالح العرجان]

أصبحت أجامل عداي اللـي يحبونـك
وأكره مشاهد عـداك اللـي يحبونـي

ومن كثر ما احب واكره عنك واصونك
أصبحت دفتر مشاعر وأنت مضمونـي

إن غبت عني شعـرت بلـذة طعونـك
وإن شفت زولك شعرت بقيمه عيونـي

[صالح العرجان]

ياقلب طالـت قسوتـك وأنـت ليّـن
في قسوتك ياقلب ويش انت لاقي !؟

اللي تعـدّى عمـر ماهـوب هيّـن
والعالم الله كم مـن العمـر باقـي !

يمكن يطول .. ويمكن اليـوم أعيّـن
موتي .. ويبكون الحبايـب فراقـي

[صالح العرجان]

ماشفت كيف القمر عقب الظلام انور
بالضبط نفس الشعور ان شفت بسماتك

ان كان في خاطرك حاجه علي ابشر
والله لاسوق العمر كله لمرضاتك

[صالح العرجان]

أقول : يمكن تنفـرج فـي المقابيـل
و لا ادري الا الأرض تحتـي تهايـل

و بعد التعب والهم والحـط والشيـل
توّي عرفت ان البخـت كـان مايـل

مع ذاك ابو ذيك الرمـوش المظاليـل
ذاك الغريب اللي عمـل بـي عمايـل

جتنـي مراسيلـه تشـبّ القنـاديـل
و معهـا سـؤالٍ جاوبتـه النحـايـل

يقول : ( كيف الحال بعد المراسيل ؟ )
و اقول ( مثل الحال قبل الرسايـل )

[صالح العرجان]

ياسيدي والقلب له صوت مسمـوع
الياتكلـم .. ينصـت الكـون كلـه

وقلوبنا يمكـن لهـا ثالـث أسبـوع
مافارقتها صورتـك فـي المجلـه

يوم أنها طاحت من عيونـك دمـوع
لعيون طفـل ٍ فـارق عيـون خلّـه

طفل الشهيد اللي على أبوه مفجـوع
أليـن شافـك ياضـمـاده وظـلـه

ثم أنفجر من صوته الغـظ ينبـوع
وغنّى " وطنّـا كلنـا فـدوة ٍ لـه "