[POEM="font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
مشتاق أشوف اللي على القلب غالي=بس الزمن حدا" على بعـد الاحبـاب
مشتاق لين الشـوق عـذب بحالـي=دايم يغربلنـي وأنـا منـه منصـاب
ياوجد حالي وجد مـن صـار جالـي=هاجر ديـاره ساكـنٍ دار الاجنـاب
ولا يتيـمٍ مـالـه الـيـوم والــي=وأعز ناسـه سكـروا دونـه البـاب
ومن حيرته يصلاه بالقلـب صالـي=يموت يحيى مادروا عنـه الاغـراب
مليـت أساهـر مظلمـات الليـالـي=وأشكي لنجم الليل عن جملة أتعـاب
لا جيت أبسلا مانـي اليـوم سالـي=وحارت همومي وسط جوفي والاحداب
تعبـت أدور كيـف أحقـق منالـي=لاقلت هانـت زاد وقتـي بالانشـاب
الله يـاوقـتٍ زمــانٍ مـضـالـي=يوم الفرح من دنيتـي مابعـد غـاب
يطري علي لاهـب بـرد الشمالـي=واسـرح بفكـرٍ للهواجيـس جـذاب
واليـوم صـدري للمواجـع مدالـي=وحاولت أطبب جرح قلبي ولا طـاب
حتى الصبر مالـه بروحـي توالـي=راح وتركني دون حجه ولا أسبـاب
يالله ياللـي تعلـم الـيـوم حـالـي=إنك تزيـح الهـم يـارب الاربـاب[/POEM]