اشوفكم حلم يسوى في عيوني حياه

[عبدالله البطي]

سلم على الي موادعنا وعينه تخيل
همالها مسرف وشلال عينه وراه
وقف مثل ماوقف فالارض راس النخيل
واقفى وقلبي معه يتبعه ويطلب رضاه
الي على شان عينه بقطع المستحيل
لو كان دربي قفر والياس مثل الحصاه
لو كان طب المرض عندي سوات الرحيل
اموت خمسين مره بس يبري عصاه
ياطير يلي على المرقاب مثل الهديل
وشلون غنيت وانت اقصى سكوتك مداه
تصبر لموعدك في يوم ماله بديل
بتموت وكلن بيلقى فالقدر مستواه
أنا صفقني معى العارض هبوب الطويل
الي ليا شفت ناحيته توارى قفاه
همي ثلاثة من اخواني وعود وجديل
الطاهره وجه صبح ومأذنة للصلاه
عسى اللقاء يوم عيد وكل همن يزيل
وعسى النفوس اتغانى بالفرح في لقاه
كل يوم كل عام بأول صبح في كل ليل
اشوفكم حلم يسوى في عيوني حياه

 

[سلسبيل]

كما يقال
العنوان يدل على ما يحتويه الكتاب


جذبني العنوان
أبدعت
يحفظك الله

 

[بلقيس الرشيدي]

...
...

يِسوى فِي عيُونِي حَياة !
الله عليك ياعَبدالله أبدعت وأمتعت وجَعلت مِن الغَلا سَماء .

يِصح احسَاسك والبَنان

.

 

[وليد بن رشيد التميمي]

صح لسانك يالبطي .. ومبدع وجزل لاهنت ..
تقبل تحيتي ..

 

[رشا عرابي]

مداد يراعك مختلف
ويُقيم مدائن من دهشات
القفلة إبداعٌ حق

لك التحايا سامقات

 

[نادرة عبدالحي]

جميلا هذا الأمل في الغد جميلا أن نتمسك به ليصبح واقعا نسعد به

عسى اللقاء يوم عيد وكل همن يزيل
وعسى النفوس اتغانى بالفرح في لقاه
كل يوم كل عام بأول صبح في كل ليل
اشوفكم حلم يسوى في عيوني حياه

جعل الله جميع ايامكم مسرات وأعياد لا تنتهي ،

 

[إيمان السعيد]

وكم من حروف عذبة تشعرنا ببهجة الحياة




عبدالله مبدع وكل عام وانت رائع