" قلطة " : اقلطوا ..

[خالد صالح الحربي]

:
تعال بالله يا " وديع الأحمدي "
أنا مَدِي وأنته بعد برضُه مدي
بساطكم ياطاه حتى السرمدي ..

.. . واللي عقد روس الحبال يحلّها.

أرحِب على بساطي وأنا بساطي بسيطي
.. . " مايسّر الله" تاجده ؛.. . ويطيب كيفك .

" لساني مهذّب ".. لو لسانك سليطي .
.. . معي ثلاث فصول ؛ وأنته هات صيفك! 😌

🌹

 

[خالد صالح الحربي]

:
تعال ياتركي.. مادام الله قلَع عنّا وديع .
.. . ماعادني في حاجة بساطه ..؛ ولا " إطلالته ".

في خاطري موضوع خايف ياعميلي لا يضيع
.. . ضحيّته " فارٍ " .. نبا نحدّه.. على حبّالته !
🌹

 

[خالد صالح الحربي]

:
أبطيت عن تركي ؛ وتركي عنّي أبطى
.. . يامن يجيب العلم .. و " الدنيا دنيّة ".

برّاد شاهي مع خويّ .. ووقدة أرطى
.. . تسوى جناحٍ فارهٍ بـ " الفيصلية ".
🌹

 

[سعيد الموسى]

المشاركة الأصلية كتبت بواسطة خالد صالح الحربي

:
أبطيت عن تركي ؛ وتركي عنّي أبطى
.. . يامن يجيب العلم .. و " الدنيا دنيّة ".

برّاد شاهي مع خويّ .. ووقدة أرطى
.. . تسوى جناحٍ فارهٍ بـ " الفيصلية ".
🌹

ننتظر ابو احمد ، عزالله محاورتكم تعادل ستين دلّه

 

[خالد صالح الحربي]

:
تعال ياقايد أبي منك " وقفة "
وقفة نظر وإلا شِعر أو مْجارى

سمّوك قايد وأنت قايد ولَقْفَة
.. هم ليه ماسمّوك قايد نصارى؟! ☺

🌹

 

[فيصل خالد]

الأستاذ / خالد صالح الحربي

تواضعت عُلواً يا سمو

تلميذك / فيصل

 

[تركي الحربي]

الفار عاشق لـ الجبن ذوّيق لكنه وضيع
… به سد عازه لـ الخراب اللي يعدّل حالته

كثير يشبه له ويشري من صفاته / ما يبيع
… قرابةٍ / ما تدري لـ عمّته و إلاّ خالته

 

[خالد صالح الحربي]

:
شف حكمة اللي ماخلق إلا البديع من البديع
.. يقنعك لا منّك لقيت اللي " وفي " لسلالته !

الفار لو ينظف مرِض؛ ويضيق من كونٍ وسيع
.. "حكمة إلهيّة" على ميزان .. ماهي فالته.

🌹