سكتش / /// الحبر المستحيل

[خالد الداودي]

سكتش ..الحبر المستحيل

تمرد الصمت في حضرة سمو الكلام وبيني وبينك قضية عمـــر ما يكتبــوه وقبل احتكم للورق أنا سجين احتكــام قلبي لقلبك وهذا صــوتي لو يطـربوه يمرجح الشدو في غصنه يشد الحمام يرجع اللي بقى الاّ ..... يرجــع ابوه وأنا اراجع قديم الذكريات العظـــام أتذكر أنه كتب اسمـي وثم اشطبـوه قلت البقيه بحياتك مر مد الســــلام مثلي نبت له شجر في بلقـعِ يحطبوه قل لعصاريك تطلق ثغر بنت ولثـام وجه من الشرق يظهر ما بعد غربوه قل لعصاريك أسمع بالهسيس احتشام مسكون بالحــــي باللحظه بما تطلبوه ع حد علمي تفرغ بعد علم. التمـــام لاهله وأنا أدري بعد حظه بهم يندبوه يقول باقي ثلاث اعــوام من قبل عام حتى اختفـــى ليتهـم ماتو ولا عـذبوه مشى على الدرب بيده قلبه من الهيام يخاف ينبض ويسمع نبضه ويضربوه هذاك يورق مع الصبح ويقود انهزام ليلي وينفث من اعطـافه عطر يجلبوه من آخر الأرض تلقى في نفسه احتدام طيب يفــــوح بحنــانه دونما يعطبـوه لاظل له لا اعوجاج من النخل له قوام مترف نقاوه تقـــول من الظما يشربوه خلت الطفوله صدوقه تستحق اهتمــام وأثر الصواديف قشرا صدقهم يكذبوه مع كل ريحــة رغيف في كل ليل ينام تمر لحظات عمــري قبل ما يسلبــوه وتمر باقي السواني صدفــه وبالزحام وقفت اقـــرا عيــــون دمعها صببوه هذا انت؟ كان السؤال وبالملامح ركام عمـــــرٍ حزين تبـــــدد مع قلب سبوه هذه رغد بنتي العـــــوده وهذا حســام وخالد؟ بعد ما تسمـــى وبيدهم ينسبوه والوعد؟تلميحة امك؟ السهر ! احترام قدسية الطهر! حلمك من هم ال خربوه وش آخر الدرب وين الحلم اي انسجام؟ روحين في روح وش ذنب بقى ليذنبوه وتمرد الصمت في حضرة سمو الكلام ارخى سدوله على المعنى وقال اكتبوه

خ