[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
البارحه ليل الوداع ابكاني=واليوم يجرح خافقي طاريه
عصيت نفسي والدمع يعصاني=هلن دموعي وارجفن يديه
ياصاحبي اقبل جزيل امتناني=وهاذي وصاتي لا تضيع الوصيه
من راس منهو ما رضى بالهواني=شيخٍ وله جزل القصايد رعيه
الطيب مع لبس الكرامه زهاني= واليا عطينا ما نمن العطيه
نفرح اليا جانا من الناس عاني= واليا نصانا حاجته مقضيه
خالي وابوي وجدي وعماني= واصغر طفل فينا علومه حيه
هاذي علومي يارفيع الشاني= الدار عرعر والهوى الشرقيه
واللي احبه وفي هواها اضناني= لا زلت احبه واستنير بضيه
حتى ولو طول علي ما جاني= حتى ولو صديت ما لي نيه
الا اليا من قررت تنساني = وصفحه هوايه عندها ملغيه
ما اشفق على من لا شفق واعطاني= واللي طواني صفحته مطويه
اعز نفسي لو تزوم المحاني = ولا اقبل عليها لين تقبل عليه
عشرين عام وفوقهن الثماني= يعني صغير وصبرنا لين ميه
ابيك تعرف يا غزالاَ سباني= ان الليالي بيننا سرمديه
وان الموادع صعب لكن حداني= اللي حدا الشجعان ورد المنيه
وليلٍ بكى لمفارقك وابكاني= جفت دموعه يالهوى بيديه[/POEM]